sweetbea's Profile

對於我同老公嚟講，成日都會喺唔適當嘅季節，想食唔係當造嘅嘢舊時就要捐窿捐罅先搵到唔合時令嘅嘢食，但係而家就不用了，今日我哋想食煲仔飯，去屋企附近就有點煲嚟食，非常方便！坐得冇耐我哋就決定食二人餐，包咗兩碗燉湯、一個點心拼盤、一個小菜同埋一個煲仔飯，盛惠$249。整體嚟講，味道真係唔錯，煲仔飯項目裏面有好多唔同嘅飯揀，有平有貴，所以我哋就叫左個最貴嘅窩蛋安格斯牛肉煲仔飯嗌，係真係幾好食，我一向唔太鍾意食飯焦，因為覺得痴牙同埋有陣燶味，不過佢呢個飯焦係恰到好處，金黃焦香脆口，係我對整餐飯嘅評價最高。…Read More

今日去咗帝京staycation，喺moko商場搵食，搵食時間around5點，想睇吓邊間餐廳可以用午餐/下午茶優惠食好d，左揀右揀就揀咗炙·宴，佢嘅午餐可以去到5點半，非常好。先介紹兩個主食，分別係沖繩豬軟骨湯麵+飯糰同埋豚肉丼。一嚟到個樣有d失望，好似好齋咁，豬軟骨又少，只有3舊，不過食落有驚喜，湯底有淡淡魚湯味，配襯住煙韌嘅麵條，又幾好食，至於飯糰，中間夾雜紫菜碎，無乜味道。豚肉丼，好惹味，d汁香濃，每塊豚肉都有燒過一次，非常好食。最後套餐加咗18蚊嗌埋個和牛薯餅，好脆，不過牛味唔夠出。埋單總數222，不過不失。…Read More

好耐冇去過台灣，真係會掛住臺灣嘅便當，仲記得喺台灣買便當非常便宜，幾年前去大約為返港紙廿蚊就有一個便當，香港賣台灣便當就要五十幾蚊，不過當買返個回憶味道。今次揀咗鹵水雞翼便當，雖然鹵水雞翼得三隻，但係配料非常多，有菜、粟米、粉絲、肉碎、菜脯、蘿蔔絲，仲加埋半隻鹵水蛋，拍得住喺台灣買嘅便當，一樣好多配料鹵水雞翼醃得入味，其他配料都有醃過，非常美味。55蚊仲會包一杯茶飲品，今次揀咗茉莉綠茶微甜，綠茶味道幾香，而且只加咗少少糖漿，啱晒我口味呢間舖頭只係喺戶外設有少量嘅枱，應該都係主要做外賣嘅多，佢嘅包裝非常結實，值得一讚。…Read More

今日心血來潮想食吓點心，對於我地小資女嚟講，唔想花咁多錢，就決定用app外賣點心，慳返茶位、加一嘅錢可以嗌多兩籠點心係一個非常好嘅做法。以下嘅相係食咗一半先記得影皮蛋碎牛粥 - 粥煮得都幾綿，牛肉好夠味，不過唔夠碎牛肉球 - 牛肉味幾出，口感一流糉 - 好大隻，裡面用嘅都係肥豬肉，對於唔食肥肉嘅我嚟講，如果夾雜瘦肉就好了，蛋黃偏小叉燒包 - 叉燒好有口感，略嫌汁少了一點，食落較乾叉腸 - 如其他食評所講，皮太厚，唔夠滑，芫荽味唔夠出整體嚟講，以呢個價錢食到咁多嘢食，其實都無得挑剔，期望下次食會再有進步…Read More

今日心血來潮想食返兒時嘅味道，所以就去咗大家樂食，發現原來價錢都已經升咗唔少，不過味道keep到以前食嘅味。我揀咗咖喱雞脾飯，都稱得上抵食夾大件，啖啖肉係正嘅，咖喱唔太辣，啱晒香港人口味。$47唔包嘢飲，但係都會送杯中國茶衛生方面嚟講，就真係有進步嘅空間，我用匙羹刮隻碟時，發現有少少凹凸，有d似洗唔乾淨嘅飯漬，雖然肉眼睇唔到，不過刮到有漬痴住個碟，個心都會凝住咁，期望下次洗碗姨姨可以double check，摸一摸隻碟有冇未洗乾淨嘅地方。…Read More

今日轉凍咗好多，所以突然心癮起想打邊爐，不過出面食個邊爐都要100蚊以上先走得，對於慳妹嚟講，第一時間就諗到大快活邊爐。今次揀咗麻辣花椒湯底，初頭都驚會好辣，好彩麻辣味唔係好重，而且仲好香，貼近香港人口味，有驚喜值得一提嘅係，晚市加料半價，超級抵食，食到飽都唔會貴我額外加咗金菇、餃子、烏冬、雞尾腸同埋午餐肉，都只係加咗22蚊用埋app入面8折券抵到爛！唯一有少少失望嘅係肥牛，超多肥肉，不過咁嘅價錢又無乜好挑剔。下次有機會會再嚟食…Read More

今日天氣跌到得返12度，平時好少過嚟濕地公園呢邊，發現wetland season park開咗好多唔同鋪頭，過嚟犀牛犀牛就要濕地公園輕鐵站落車後行3分鐘就到，都算方便。我地兩個人食咗酒店自助午餐後，諗住夜晚食返少d，一個餐兩個人食就啱啱好，不過要留意係不設堂食，所以我地買返酒店食。嗌咗個招牌捲餅，再加40蚊upgrade咗餐，包30蚊飲品、自選沙律、自選炸物👍非常豐富招牌捲餅 - 餅皮煙韌，味道足夠，略嫌有點油 ⭐⭐⭐⭐薯波 - 太硬，不太喜歡⭐⭐⭐抹茶紅豆鮮奶 - 有抹茶味，鮮奶略嫌唔夠味⭐⭐⭐⭐薯泥沙律配胡麻醬 - 薯泥夠creamy，菜夠新鮮，配胡麻醬一流👍⭐⭐⭐⭐⭐…Read More