Cheerwithfood's Profile

疫情期間限聚令稍為放寬，一到星期五放工梗係去搵吃。想搵個闊落又乾淨嘅餐廳同朋友邊吃邊吹水，或者同同事搵個輕鬆環境又舒服嘅地方繼續傾工作，依度的確係好首選。（雖然今日我一個人黎獨吃晚餐）係勝利道一眼就搵到，因為個黃色鋪面好易認。甫入餐廳，樓底高之餘座位又闊落，侍應都幾有禮貌，環境都好乾淨企理。睇餐牌已經有好多選擇，dinner set 酒水 飲品都樣樣俱全，有點花多眼亂。由於一個人吃，又唔可以點太多，最後簡左份雞肉沙律。新鮮食材一吃就吃得出，一碟沙律有齊三款醬，我過侍應佢話有黑醋，檸檬醋 同莎莎醬，配搭新鮮沙律菜，雞肉，牛油果非常ok。再加埋份冷蕎麥面，份量夠哂足。飲品叫點左杯熱檸檬生薑茶，聞落都幾香，但就淡左d，薑味同茶味和諧嘅味道反而顯得失色喇。我估唔知係咪因為茶泡得唔夠耐所以咁，有待改善。邊吃嘅時候個場越黎越full ，人越黎越多。後廚飄散一陣陣食物嘅香氣，我最後都係點左個甜品心太軟以滿足下自己，流心嘅內陷goood。總結食材係新鮮，服務都滿意，基本嘢都會做齊，又肯回應食客嘅問題，唔係hea覆。吃完今次我諗我會約多幾位朋友試下佢嘅肉類（吃肉獸一名），再點下wine ，試下其他菜式，輕鬆咁傾下計。…Read More

佛誕假去完旅行，今日開工日想吃得清淡d就黎左吃餃子。中午時段叫左個$58嘅套餐，5隻蒸餃+15隻湯餛飩，齊菜肉材料，配上辣椒油同蒜泥辣醬，幾好味。價錢合理，用餐環境唔太迫，lunch hour見好多打工仔都叫外賣餛飩。要改進嘅地方主要係餐具衛生，仲未搽乾嘅水漬，另外送餐傳菜有點混亂，比較好慢。但如果整體想吃清淡點都係一個唔錯嘅選擇。…Read More

平日下午想搵個地方坐下飲杯咖啡，吃下甜品嘅好選擇。開頭同姐妹叫左一份下午茶set餐，粟子香草雪糕窩夫配flat white coffee & baileys coffee，甜品賣相優雅，味道中等甜，但個人覺得窩夫蛋味略欠少少。係個度坐左一個鐘，依個時段人流唔多，環境適合傾下計，慢慢坐嘅地方。之後仲叫多另一個set餐，燕麥榛子配soffle香草雪糕球，加杯蘋果茶。熱辣辣出爐嘅甜品加杯果茶，既解膩又滿足。最後坐左兩個鐘先埋單。環境舒適，音樂聲唔會太大，冷氣勁足，餐廳內有廁所(衛生尚可接受)。有加一服務，店員服務都係有禮細心。…Read More

係朋友介紹下係媽媽廚房吃左一餐清淡而美味嘅午餐。環境寬敞，樓底非常高，光線充足，同一個賣書（畫冊）嘅小區相連，感覺非常適合一家大小到來。文青都好啱，飲杯嘢，清靜咁可以坐一個下午。食物用料新鮮，菜式新穎。細心打聽發現菜式少鹽，用天然調味料煮。仲設有不少全素/奶蛋素菜。當日吃左一個用十殼飯整嘅壽司，口感豐富。黑毛豬同鹽麴整嘅雞扒飯，非常好吃，睇得出用簡單嘅調味已經可以帶出肉味嘅鮮。另外韓式湯底嘅豆腐面唔會太咸，用料豐富。肉醬意粉唔會好油膩，面質彈牙。奇亞籽麻薯窩夫睇個名已經好吸引，想吃甜品但又唔想太甜嘅依個會你你心水。如果一家大小/朋友仔幾個靜靜地聚腳，平時吃太多重口味菜，轉一轉口味，依間係唔錯嘅選擇。地點方便又就腳，地鐵站一出行3分鐘就到。…Read More

和同事係東廣場午餐，每份$55簡左兩個餐。焗薯份量大，配料選擇多，招牌芝士醬汁微辣，味道唔差，黑松露長意粉份量比較少，白湯都唔錯，一小杯。對於非食肉獸係一個好選擇。…Read More

同朋友4個吃星期四收工後吃飯，Book左夜晚7:30，7:20入用餐，時限1小時30分鐘。上餐速度極快，唔計甜品，點左1杯飲品（冰太多），1個意粉（意粉夠彈牙，不錯），1個焗飯（相當唔錯），1個Pizza（蜂蜜同芝士。。。唔太match，而且pizza唔夠熱），1份餐湯連沙律（正正常常，忌廉湯好稀）。30分鐘內完成上菜兼用餐（我地吃嘢速度勁快），剩下嘅時間點左4杯芭菲，味道中規中矩，但賣相的確唔差。由於上餐同掃台速度都快， 所以用餐時間餐可以嘅。正餐份量方面比較少，食量大嘅人應該需要多點幾份，但芭菲可以填飽。至於芭菲味道整體黎講，3/5分，中規中矩，雪糕並冇特別好吃，但材料算豐富，賣相突出，份量大。…Read More