Monky0912的個人專頁

開喺屋企樓下嘅咖啡店，由2023年7月1號幫襯到今時今日，話就話咖啡店，但一直認為老闆係被咖啡耽誤咗嘅甜品店😂 真係好出色，佢哋係會因應季節而出唔同生果嘅cream cake，唔會成日食死一味，仲要每件cake嘅份量好似唔計成本咁，好抵食，仲要好好食，搞到我好難唔幫襯！一定要支持😏😏食過好多件...件件都想推薦俾大家🥹選擇困難...🥹（最多只可以upload 10張相，仲有好多相未擺出嚟）士多啤梨忌廉蛋糕香印提子忌廉蛋糕水蜜桃忌廉蛋糕芒果椰子奶凍忌廉蛋糕芒果麻糬忌廉蛋糕奶蓋格格忌廉蛋糕抹茶麻糬忌廉蛋糕栗子忌廉蛋糕Tiramisu...（太多啦，仲有tart都好好食🥹🥹🥹）一定要寫食評讚一讚！咁搞法，好難唔繼續幫襯🥹🥹🥹…查看更多

因工作去到杏花邨，行過經過見到間拉麵舖，似係嗰啲隱世小店，心諗應該唔會難食掛，點知一試真係瀨晒嘢，中曬伏。。。眾所周知，拉麵個靈魂在於湯底，然而佢嘅湯係死鹹，仲要拎到過嚟，碗拉麵係暖嘅，湯底衰咗都算啦，仲要唔夠熱。職員態度還好。配料正常發揮有咩用，連碗拉麵最低嘅要求都做唔到，真心係我食過咁多間拉麵裏面，真係可以講係唔想俾錢埋單嘅嗰種難食。垃圾。完。不過好得意嘅一樣係佢門口竟然有生果蔬菜賣😂想俾錢食難受嘅就即管去試下。祝福你。…查看更多

我係好少寫食評 但今次係佢逼我㗎只能夠講話係宣傳做得好 真係未去到「世一」咁誇張 吹大咗Cafe 有最低消費理解嘅 但當我嗌咗三件 cake 嘅情況下 仲要每人最少一杯嘢飲嘅情況下就有啲尷尬 即係三件 cake唔算係消費 如果我唔嗌夠兩杯嘢飲咁我啱啱嗌嗰三件 cake 係咪唔使埋單？😂雲呢拿cheesecake 冇雲呢拿味 冇芝士味Oreo cheesecake 只不過係喺雲呢拿基礎上加OreoEarl Grey cheesecake 叫做最正常嗰個 但係都係冇芝士味㗎啦三件 cake唯一勝出嘅就係個口感哇 頂 仲有嗰兩杯嘢飲 簡直係經典未飲過咁難飲嘅「有色水 」你話正唔正😂另外，喺攞籌期間，我好聲好氣問下等幾耐？但其中一位男店員竟然叫我唔好行入嚟喺出邊等 喂大佬呀.？我問驚啫 唔使咁呀 好嬲。總結 真係麻麻 仲要排咗成個鐘 好嬲。你哋自己諗吓食唔食啦 好嬲呀。…查看更多

服務態度差到一個點！黃店大晒？話說想幫Friend慶祝生日 自己早到咗 坐低等 之後人齊嗌嘢食 點知食食下 有個大隻紮髻女侍應行過黎同我哋講話夠鐘了！？心諗？我哋食咁放題？話我哋食多兩分鐘就要交檯？雖然我個Friend遲咗，但我哋都嗌得算多嘢，係我地未食完嘅情況下叫我哋快D食完走？放題？夠鐘？（cafe唔係應該俾人任坐嘅？我哋都唔係黎咗好耐個半鐘都冇！如果係夠鐘，點解唔係我哋入座嘅時候講清楚？而係最後兩分鐘先話我哋夠鐘？）就算間餐廳幾好食都好，有D咁嘅員工，都唔會有人想幫襯，何況間野嘅食物好難食，今次真係俾錢買難受。…查看更多