ALKYY's Profile

\\終於～終於～終於比我book到啦😍😍，重要嘅事要講三次🤣🤣，台灣燒肉食到飽，咁難得book到一定要試試最高級別嘅—澳洲M5和牛吃到飽套餐🥩·呢個套餐共有81款食物可以揀🤩，除咗牛🐂，仲有豬🐖、雞、海鮮🦞、蔬菜🥬，乾拌麵等，自助區仲有台式滷水汁及澎湖蛤仔湯🌟；飲品方便，有牛大人都好出名嘅樽仔茶飲解解膩🍵，仲可以加錢啤啤佢🍻🍻·較推薦嘅一定係佢嘅🐂M5和牛扁胛肉、三角牛肩肉、安格斯牛小排，油脂分布平均，極具油香；食過咁多間燒肉店，呢間嘅一口牛柳粒都算較為出色👍🏻，一啲都唔靭，嘴勁十足；燒帆立貝每件都加入牛油🧈，香氣撲鼻··澳洲M5和牛吃到飽套餐🥩$348～$398/人·推薦指數：★ ★ ★ ★ ☆·.…Read More

\\香港街頭小食除咗燒賣、魚蛋，邊小得雞蛋仔🤤🤤，呢間平平無奇嘅屋邨小食店有煎餅、撈麵、飯、雞蛋仔賣～～ 而佢個雞蛋仔係非常出色🌟·一心以試伏嘅心態挑戰呢款【豬 柳 蛋 雞 蛋 仔】，一咬落去，超驚喜‼️ 鍾意食金拱門嘅豬柳蛋包嘅一定一定要試!! 每粒都有豬柳粒，夾心有隻蛋🥚同芝士，而雞蛋仔外脆內軟，具蛋香，係非常有口感嘅豬柳蛋漢堡包🤤🤤，而家每次去沙田都一定去買一底🙈·同場加映，夾心朱古力正常發揮～ 有豬柳蛋嘅出現，有種比下去嘅感覺🙁··推薦指數：★ ★ ★ ★ ★·📍 潮食 (乙明邨街市) (沙田)沙田乙明邨街9號地下乙明邨街市2-3號舖🚇沙田圍黨鐵站B出口，步行6分鐘🚶🏻‍♀️🚍鄰近乙明邨巴士站，步行1分鐘🚶🏻‍♀️··🍚𝐎𝐩𝐞𝐧𝐫𝐢𝐜𝐞: 𝐀𝐋𝐊𝐘𝐘…Read More

\\自從加入左燒賣聯盟 hksiumaiconcerngroup 之後～肥都照食🤤，真係日日都比佢引誘🤣；今次嚟開觀塘，咁岩得咁橋經過呢間出晒名嘅小店，哇～ $7/7粒😱😱·星期六中午12點嚟到，唔洗排隊，姐姐好nice咁話得燒賣咋啊妹～～ 我· 就係要呢啲🤤·燒賣皮薄，煙煙銀銀，幾彈牙👍🏻，食落仲有陣陣魚味，豉油香帶少少甜味，辣油唔麻·另外仲有腸粉、粉果、糯米卷、蘿蔔糕、牛肉等賣～ 係附近上班族唔錯嘅早餐選擇🌟··推薦指數：★ ★ ★ ★ ★·📍 駿運士多 (觀塘)觀塘駿業街60號地下…Read More

\\\ 遠 眺 青 馬 大 橋 🌉 新 露 天 C A F E ☕️\早排睇到報道，荃灣有間新Cafe😍，睇片中介紹真係好似幾Chill~~~~ 即刻gogogo🏃🏼‍♀️🏃🏼‍♀️·閑日下午茶時段去都要等位～ 睇嚟個報道真係吸引咗唔少食家🤣🤣 Cafe地方都幾大，設有室外室內外坐位，室內裝修就唔算好特別，最大Gimmick都真係室外露天位置🌟🌟，可以”遠”眺到個青馬大橋，但留意返～～室外嘅位置係可以吸煙，【 唔想食二手煙嘅就要留意下啦🌟🌟 】·香煎豚西冷扒拼北海道檸檬鹽烤雞 $58推薦指數：★ ★ ☆ ☆ ☆睇字面誤會咗以為係牛🤣🤣，原來係🐷，可選擇飯/薯菜/意粉🍝，今次驚太飽就全走🙈；味道方面就中規中矩，肉質唔算好軟稔，比較普通🙆🏻‍♀️·安格斯西冷配炸薯條雜菜 $368推薦指數：★ ☆ ☆ ☆ ☆本身想Order佢哋嘅牛仔骨，好可惜賣晒😢😢；呢份西冷有成12安士，油脂唔多，相對上就冇咁香，質感上有小小靭，薯菜方面就僅僅跟咗一粒西蘭花🥦同一舊粟米🌽，另外仲有洋蔥圈，而佢哋係冇黑椒汁架～～ 個人覺得唔太對得住個價錢，比較唔推介呢款🤭·迷你6吋夏威夷Pizza $38推薦指數：☆ ☆ ☆ ☆ ☆第一次一粒星星都唔比🙁，雖然真係唔算貴～但只係食到一陣油溢味🤢🤢·芝士蛋糕切件 +$12推薦指數：★ ★ ☆ ☆ ☆Cafe有售蛋糕切件，亦歡迎單買蛋糕Takeaway🍰，剩係芝士蛋糕都有幾款，仲有其他口味如冧酒提子餅、朱古力等等～ 而我就order咗紐約芝士蛋糕，但只係食到陣檸檬味🍋，芝士味完全比檸檬味蓋過咗😪·Cafe設加一服務費，3人食用埋單共$549，人均約$180；科學園、大埔、馬鞍山都有分店，以我所知大埔都開左好耐下～～ 可能呢邊新開張未太掌握到🤫·.推薦指數：★ ☆ ☆ ☆ ☆··📍 WM Café & Bar (海之戀商場) (荃灣)荃灣大河道100號海之戀商場3樓3094號舖🚇荃灣西黨鐵站E2出口，步行約1分鐘·◆其他分店◆📍大埔安慈路2號八號花園地下20號舖📍沙田白石角香港科學園一期科技大道西5號企業廣場地下S019號舖📍馬鞍山鞍駿街15號雅濤居購物商場地下G01B號舖…Read More

\\ 生 酮 低 碳 飲 食 之 選 🌟\ 無 麩 質 蛋 糕 🍰\之前喺尖沙咀Take a way買過，味道真令人回味，所售賣嘅蛋糕無麩質、使用代糖、杏仁粉等製成，KETOers最愛嘅一間蛋糕店，健康、減肥人士嘅恩物😍\\\\Rose Latte $44Earl Grey Latte $44Double Matcha ~$70Strawberry Cake🍓 (大概) ~$70·兩款𝙻𝚊𝚝𝚝𝚎比例都拿捏得好好，味道平衡，𝚁𝚘𝚜𝚎 𝙻𝚊𝚝𝚝𝚎帶出淡淡玫瑰清香，同時並沒搶奪咖啡嘅香味；𝙴𝚊𝚛𝚕 𝙶𝚛𝚎𝚢 𝙻𝚊𝚝𝚝𝚎香氣四溢，細味緊咖啡濃郁風味同時亦感受到伯爵茶茶香·𝚂𝚝𝚛𝚊𝚠𝚋𝚎𝚛𝚛𝚢 𝙲𝚊𝚔𝚎質感濕潤輕盈，士多啤梨帶點酸酸甜甜，非常清新；𝙳𝚘𝚞𝚋𝚕𝚎 𝙼𝚊𝚝𝚌𝚑𝚊可謂濃茶控必試🍵，抹茶味非常濃郁且帶回甘，如果唔係食開茶味嘅人可能會覺得有少少苦·💞店家無論係裝修定食品花盡心思，非常適合打卡📸，尖沙咀Musea嘅店相對上會細啲🤭，如果打卡會建議到堅尼地城/西邊街嘅分店，坐亦坐得舒服啲☕️·推薦指數：★ ★ ★ ★ ☆茶味回甘指數：★ ★ ★ ★ ☆(Double Matcha 🍵)··📍 Infiniti C (西環)西環堅尼地城科士街40號浚峯地下6號舖·◆其他分店◆📍Infiniti C By October (西環)西環西邊街38號明德山地下A店 🚇西營盤黨鐵站C出口右轉直行📍 Infiniti C (尖沙咀)尖沙咀梳士巴利道18號Victoria Dockside K11 Musea 2樓LA202號舖…Read More

\\ 🛫 回 憶 台 灣 味 道\@hungruichen.hk 初初喺屯門開立第一分店已經去咗朝勝，回憶下台灣嘅味道🤤🤤，相隔四個月，終於開立多一間分店，仲位於香港嘅中心點，超方便🤩🤩·除咗有經典口味嘅滿漢、招牌火腿、芒果起司、原味起司🧀️之外，今次仲增添新成員—【 藍 莓 起 司 】& 【 柑 橘 柳 橙 🍊】，兩款果醬味道清新，酸酸甜甜好開胃，中間同樣夾住秘製嘅美乃滋同芝士，真係超正，洪瑞珍嘅經典🌟🌟，而兩者相比，藍莓起司相對上較甜，味道有少少似瑞士糖，岩哂喜歡食甜嘅朋友🤤✧✧💡購買三文治後需30分鐘內放回雪櫃，以免影響🥪口感同質素，住得遠少少嘅可能帶定個冰袋嚕💡三文治🥪存放於0-4度下可冷藏5日💡建議食之前先攤一攤約10-15分鐘回溫，或可放入微波爐5-8秒叮一叮先食，仲正🌟🌟··📍 洪瑞珍(旺角)旺角朗豪坊B2-01b號舖·◆其他分店◆📍洪瑞珍(屯門)屯門市廣場1期1樓 Kiosk 8號舖(英皇珠寶對面)📍洪瑞珍 (荃灣)荃灣大河道100號海之戀商場1樓1008號舖…Read More

\\ 🇹🇼 台 灣 味 道 一 試 愛 上 💛\ 【 自 由 是 個 好 東 西 】\嚟到呢條街，有人排隊嘅一定係好嘢嚟💛#明嘅會明 ，而～終於～～撞岩時間冇咩人排隊啦😍，閑日4-5點來～等咗5鐘咋😎😎·王子麵+雞翼/香菇/甜不辣/貢丸 $52個麵真係必食‼️ 麵質彈牙，索哂d 滷水汁🤤，我戒左即食麵都一段時間啦，唯獨呢款麵令我破戒🤣，之前睇人介紹都話台灣人都很愛呢款麵，真係食過番尋味；而d餸都滷得非常入味，甜不辣也是必點的🤩，口感q彈·另外order咗份小食—台式香蒜腸($12/半份)，幾香，味道不過不失；而飲品就分別叫咗杯茉香綠茶🍵加珍珠($16)及茉香奶綠加珍珠($18)。·推薦指數：★ ★ ★ ★ ☆··📍 燈籠滷味 (銅鑼灣)銅鑼灣登龍街39號地下🚇銅鑼灣黨鐵站B出口，步行約3分鐘·◆其他分店◆📍 燈籠滷味 (旺角)旺角亞皆老街8號朗豪坊4A樓10號舖🚇旺角黨鐵站E出口，步行約5分鐘…Read More

\\ 超 驚 喜 ❣️\ 傳 統 粉 麵 店 都 有 良 心 嘅 選 擇 💛\平時嚟開呢頭幫襯黃中多，今次想坐底食個麵，意外發現呢間良心麵店🤩\\\\牛腩雲吞雲吞粗麵腐乳通菜凍檸茶$57·牛腩做到半肥瘦，質感超軟稔可口；雲吞大大粒，浸住牛腩湯勁香；粗麵麵質彈牙，唔會好似食緊粗小小嘅米線嘅感覺😂；通菜份量亦唔細店舖唔大，無可奈何都要搭檯，而小店都有設有透明膠隔板；店裡的姐姐真係全部都講廣東話，而且聲線好雄壯🤣🤣，當有客人野食未到先除罩，姐姐都會大大聲吆喝提醒先戴返口罩😷，上次更有客人冇罩仲離位🤢，成班姐姐一齊大聲呼喊提醒佢唔好離位，有一點點澳牛嘅影子🤭·推薦指數：★ ★ ★ ★ ☆··📍 潮成園手打魚蛋大王 (旺角)旺角通菜街109號地舖🚇旺角黨鐵站B2出口，步行約5分鐘…Read More

\\ 💛 忙 裡 偷 閑 放 鬆 一 下\\呢間cafe小店位於尖沙咀與佐敦之間，彌敦道轉入橫街就到，幾近黨鐵站，尚算方便；環境舒適，裝修文青風格，門口位置有一個小吧檯，算係有一個打卡位📸。\\\\Cappuccino朱古力松露蛋糕 Set $86(含加一服務費)·咖啡拉花幾吸精，味道中規中矩，啡味帶一點濃郁，唔算好大杯；蛋糕幾值得一試，擺盤花咗點心思，味道頗有層次感，朱古力味濃郁，唔會死甜。·除咗咖啡蛋糕外，梔子Zi 亦有供應意粉、雞翼、比高等，設90分鐘限時食用時間，每心最低消費最低一般飲品。.推薦指數：★ ★ ★ ★ ☆··📍 梔子 (尖沙咀)尖沙咀山林道8號地舖🚇佐敦黨鐵站D出口，步行約3-5分鐘🚶🏻‍♀️…Read More

\\\ 有 得 玩 之 餘 口 感 都 由 自 己 控 制 🍳\呢間喺由韓國嚟嘅過江龍😛，之前一直大排長龍，今次揀岩時間終於唔洗點排🤓🤓·芝士蛋和牛漢堡扒 L Size $125推薦指數：★ ★ ★ ★ ☆漢堡扒可以揀130g/160g/190g，價錢分別為$106/$117/$125，見價錢都差唔遠就試咗份大Size嘅🤪·有得玩，有得食都幾得意😛，塊扒係自己就個份量嚟煎，平鋪上塊熱石上，每隔三秒反一次就食得🤞🏻，如果想口感實d就壓住佢嚟煎👅；如果熱石開始唔熱，可以隨時叫店員幫手更換·味道方面，漢堡扒牛味的確幾濃郁，唔會食到雪味或者好重嘅調味， 肉質軟嫩juicy。·除咗漢堡扒，個Set會包一份沙律🥗、一小碟泡菜同一碗白飯🍚，另外仲有醬油同鹽；可以追加配料，價錢$7～$10，有墨西哥辣椒、煙肉、芝士、菠蘿🍍等，仲可以加配韓式炸雞😛·值得一讚係個抽氣管抽得好好，食完唔怕個身有陣味👍🏻👍🏻··📍 福岡漢堡扒 (尖沙咀)尖沙咀厚福街11號地下A號舖🚇尖沙咀黨鐵站B2出口，步行約3-5分鐘🚶🏻‍♀️·…Read More

\\ 觀 塘 工 廈 有 驚 喜 ❣️\ 良 心 新 C a f è ☕️ 💛\一個月都只少嚟一次駱駝漆買Pie同千層蛋糕，今次發掘到呢間新開咗冇耐嘅良心Cafè，初初望到介紹深深比佢件Cake吸引住🤤，估唔到佢d菜式都同樣出色，幾有驚喜🌟·燒肉眼扒配烤菜 $168+$30跟餐推薦指數：★ ★ ★ ★ ☆加$30跟餐會有埋沙津、餐湯及餐飲，餐湯係西蘭花湯🥦，質感濃稠滑溜，味道容易接受；沙津味道甜中帶點酸，係一款幾出色嘅開胃菜👍🏻；至於個主角肉眼扒生熟度拿挰得剛好，外觀呈粉嫩色，肉質軟稔，鎖住肉汁而不乾柴，牛味突出，薯仔粒外脆內軟。·烤雞意大利飯 $138+$30跟餐推薦指數：★ ★ ★ ☆ ☆乾濕度適中，粒粒掛汁而不膩，意大利飯煮到剛剛好，唔會太淋身同時保留到個口感，質感出色，烤雞份量都唔細，肉質滑嫩唔柴。·黑莓薰衣草蛋糕 $35推薦指數：★ ★ ★ ☆ ☆當日得返數款蛋糕選擇，就試試呢款較為特別少少嘅味道😛，略略食到黑莓嘅味道，薰衣草嘅味道相對較為突出，幾Creamy。.後話～ 平時上駱駝漆等𨋢等好耐，而正門旁有條小小嘅樓梯出口，可以行上一次轉乘貨𨋢，會快好多架🤪🤪·.📍Aqua Life Restaurant (觀塘)觀塘開源道60號駱駝漆大廈3座6樓T號舖🚇觀塘黨鐵站B1出口，步行約5-10分鐘…Read More

\\ 😍 今 次 去 咗 北 海 道 🎌\上次嚟呢邊食鵝肝先知原來大角咀都收埋唔少隱世出色小店，而亦都係上次經過，比呢間拉麵店嘅裝橫吸引住，真係幾有日本小店嘅感覺🙈；小店由2公婆打理，由落單、烹調、收銀都由2公婆一手包辦，唔講唔知，原來已經喺大角咀屹立左9年之多。·二人餐 $258套餐會包兩客拉麵🍜或飯、3款小食拉麵🍜可加$10轉其他口味嘅拉麵，多達11款選擇—招牌牛油拉麵、咖哩拉麵、札幌螃蟹拉麵、雜感拉麵等；而小食亦多達9款選擇—自家製餃子、吉列炸蝦🍤、吉列豬扒等·招牌牛油拉麵🍜 (單點$98)推薦指數：★ ★ ★ ★ ☆豬骨湯夠香濃，加咗片牛油豐富咗整體嘅味道層次，增添咗一份鹹香，拉麵麵質爽口彈牙，伴有軟稔叉燒、海藻、栗米、荀、海帶、芽菜。·咖哩拉麵🍜 (單點$98)推薦指數：★ ★ ★ ☆ ☆咖哩味濃厚，相對上味道亦較重，會比較合重口味嘅人，同樣伴有軟稔叉燒、海藻、栗米、荀、海帶、芽菜。 ·自家製餃子🥟 (單點$40/$60)推薦指數：★ ★ ★ ★ ☆餃子除咗住肉肉外仲有香菇，煎到岩岩好，外皮脆口味道有少少鮮甜，幾正💓·吉列蝦 (單點$68)推薦指數：★ ★ ★ ★ ☆蝦🦐都幾大隻，咬落啖啖肉，炸粉亦唔會好厚👍🏻·吉列豬扒 (單點$78)推薦指數：★ ★ ★ ☆ ☆同樣毫不吝嗇一大塊😍，而且都幾厚👍🏻，肉質鬆軟，肥友均勻·計返其實嗌餐真係幾抵🤑，飲品就有供應玻璃支裝汽水🥤。··📍 小林札幌拉麵 (大角咀)大角咀博文街11號富貴大廈西座地下16號舖🚇奧運黨鐵站C1出口，步行3-5分鐘…Read More

\ 💛 良 心 日 式 燒 肉 店\ 多 款 新 鮮 海 鮮 肉 類 選 擇 ｜ 仲 可 以 啤 啤 佢 🍻\\呢間位於筲箕灣嘅燒肉良心小店，位置雖然有小小偏，但即使係閑日都有唔少人，仲愈夜愈多人🤭，店外掛住2個黃色🏮，店內都有，猶如置身於日本小店中🎌；以SCAN QR CODE落單，非常方便，而且店員都幾快手，野食好快就送到🤤。·九宮格燒牛盛盒 $288推薦指數：★ ★ ★ ★ ☆一客牛盛盒有齊安格斯牛仔骨、安格斯牛三角、草飼牛護心肉、草飼牛肋條、Prime牛小排、黑毛牛梅花、黑毛牛小排、A4和牛、紫蘇漬一口牛安格斯，每款兩片，試岩再追加，岩晒有選擇困難症嘅我，又岩晒無從入手嘅你😏；一口牛安格斯最為驚喜，富口感，肉汁豐富； 牛三角滿口油香，護心肉煙靭爽彈，整體雪花好靚。·其後再追加咗美國頂級Prime牛小排(黑椒鹽味)$128同安格斯牛三角 $78😛。·燒飯團伴明太子 $18+$4推薦指數：★ ★ ★ ★ ☆燒熱嘅飯團🍙口感幾得意，暖暖地有d飯粒仲脆口，點上明太子醬增添唔少鮮味。·除了肉類仲有唔少海鮮、菜類選擇，如扇貝、鮑魚、蟶子、蕃薯等，好想試吓扇貝，好可惜賣晒😢，唯有下次再碰碰運氣😛··📍 激安燒肉工房 (筲箕灣)筲箕灣新成街8號新成中心地下F號舖🚇筲箕灣黨鐵站B3出口，步行約6-10分鐘…Read More

\\ 🥯 一 個 包 = 一 份 下 午 茶 餐 ？\幾個月前好多foodie都介紹過呢間以無添加作賣點嘅麵包店，一直想試佢哋最出名嘅手工製牛角包🥐，可惜次次去都撞唔正出爐時間，連牛角包蹤影都未曾見過，今次，終於～比我遇上了😍·經典牛角 $24推薦指數：★ ★ ★ ★ ☆初初見到一個原味嘅牛角包賣到成$24，呢個價錢去快餐店食到個TEA啦😥，了解咗佢哋嘅做法，品嚐過一口，就會發現，可以偶爾獎勵吓自己🥐🤭；品穀以低溫發酵製作，令烤烘出來嘅麵包質感更柔軟細膩，而🥐足足有成25層，切開見到入面組織得好靚，翻熱後牛油香氣撲鼻，外層酥脆，內裡軟棉。·榛子樂園 $29推薦指數：★ ★ ☆ ☆ ☆翻熱後麵包外層有少少硬，切開見到包住滿滿嘅nuts，可惜味道唔夠濃，只係略略食到榛子嘅味道，因為冇咩味所以唔會好甜🙃。··📍 品穀 (荃灣)荃灣大河道100號海之戀商場地下G18號舖🚇荃灣西黨鐵站A2出口，步行約1分鐘🚶🏻‍♀️.✦其他分店✦📍品穀 (佐敦)佐敦白加士街61號地舗📍Concept 品穀 (灣仔)灣仔太和街10-20號福和大廈地下B舖…Read More

\ 尋 回 旅 行 的 滋 味 🤤\多謝大家提醒🙇🏻‍♀️日後一定會睇清睇楚🤦🏽‍♀️🤦🏽‍♀️🤦🏽‍♀️立即上wolipay翻check資料·【只屬傳言 / Hearsay ONLY】網友報料指： 第一個義士犧牲時steak bar經理講：「我覺得佢唔慘, 佢係抵死。」, 另外亦有藍絲員工講：「搞到我收工等左20分鐘都冇車 要局住搭的士返屋企 好慘。隔離鋪龍門冰室搶曬d生意, 抵佢俾人打爛。」(有證據表明, 證實網友報料為一手可信, 但涉及個人資料, 所以不會上傳有關證據。 )\\燈龍街美食林立，台灣菜、日本菜咩都有🤤，今次食好耐冇食過嘅吉列牛🐂，上次晚市時段嚟等晒位，今次揀啱時段嚟，終於冇咁多人啦🥰·SET B — 吉列炸和牛扒 $278推薦指數：★ ★ ★ ★ ★一個SET會有一份吉列和牛、一碗飯🍚、一份豆腐同一碗沙律🥗，生熟度可自己控制，建議每邊燒30秒；薄薄嘅炸皮包住入口即溶嘅和牛，外層香脆，和牛質感軟嫩，油脂分布均勻，肉汁飽滿具油香，配有一碟小醬汁，但唔點醬都已經好正🌟·SET G — 頂級肉眼牛扒 $258推薦指數：★ ★ ★ ★ ☆同樣配有一碗飯素飯同前菜，Order咗5成熟， 肉質厚身軟稔，肉汁鎖住夠Juicy，牛味相對香濃·和風紫菜薯條 $48推薦指數：★ ★ ★ ★ ☆紫菜一啲都唔吝嗇，搭上粗薯再配牛扒食，簡直係最佳配搭·飲品方面就叫咗荔枝梳打&蜜桃梳打，正常發揮😋😋；除咗梳打，仲有果汁、汽水、椰子水、柚子蜜等，仲有d酒精飲品供應🥂，價錢由$38～$588不等，都有唔少選擇👍🏻··📍 Steak Bar (銅鑼灣)銅鑼灣登龍街36-48號登輝大廈地下B號舖🚇銅鑼灣黨鐵站B出口，步行3分鐘…Read More