meiyan_n's Profile

一行四人第一次來呢度食，諗住收得三百蚊一個火鍋放題應該唔會差，送個個刺身拼盤，新鮮度一般，得四樣刺身（三文魚，希靈魚，蟹柳，北寄貝），全部都系平野，😩火鍋配料第一次落單已經漏左幾樣無來，款式同百幾蚊任食無分別，甚至更少，全部系d蔬菜類多，系得個個海鮮拼盤叫做好d.. 但食完個肚夜晚痛到第朝都仲痛緊，唔知關唔關事啦下°😞不過最差就系d服務態度，我地食食下途中，有隻都幾大隻既小強無啦啦出現，嚇到我地死死下，就叫左個服務員幫我地整走佢，之後佢地淨系話幫我地轉前幾張枱，一句唔好意思都無，完全唔覺得有問題，老實講，呢d系禮貌來，唔洗人教架下話。😠仲有，本身打左電話來應承左唔洗比切餅費，之後拎個蛋糕出來見到痴住張單寫住切餅費50蚊，甘我地本身又已經埋左單..諗住問佢拎反單睇，期間我朋友講笑甘問多句，“系咪真系無架“，個服務員就話唔信自己睇，就丟左張單系枱，😠個刻真系火都來，一路以來我地都好聲好氣，你地有小強我地都無大吵大鬧，反而你地一d歉意都無，又黑口黑面，問多句都唔得既態度😬我真系好想比大家知道。放心，我一定唔會再來…Read More