AbigailBubu's Profile

是日精選牛扒 ★★★★☆今次嘅主角係香氣四溢嘅牛扒，火候掌握得宜，肉質嫩滑。配上新鮮迷迭香點綴，香氣撲鼻。牛扒外層燒得香脆，內裡仲保持粉紅色澤，完美演繹medium rare嘅口感。最正係配埋嘅薯條，金黃酥脆，外脆內軟，絕對係牛扒嘅最佳拍檔。餐廳環境 ★★★★☆位於銅鑼灣嘅餐廳設計簡約時尚，米色座椅配搭深色木桌，營造溫暖舒適嘅用餐氣氛。開放式天花設計增添空間感，座位間距適中，私密度都幾好。最欣賞佢哋嘅餐具選擇，黑色餐盤突顯食物顏色，擺盤都幾講究。前菜推介 ★★★★☆炸魷魚圈外脆內軟，配上新鮮檸檬角，酸香開胃。炸粉層夠薄，魷魚夠新鮮，完全冇漏油嘅問題。特別一提佢哋嘅蘑菇小食，簡單調味都好開胃。主菜精選 ★★★★★慢煮牛柳配大蝦係我嘅心水推介，牛肉質地軟嫩，醬汁香濃惹味。配上新鮮蘆筍同大蝦，搭配得好完美。最後仲送上生日蛋糕，係開心果味，香濃幼滑，甜度適中，係一個完美嘅句號。酒品選擇豐富，紅酒白酒都有一定水準，價錢都幾合理。整體嚟講，食物水準高，絕對值得推介。…Read More

話說12月30號同朋友約好7:30食飯，諗住同friend細路仔慶祝下年尾。OpenRice book唔到七位，打電話落去book，諗住冇咩特別。點知由入到去已經開始不愉快，企咗成五分鐘，啲店員行來行去見我企定定咁望都冇反應，真係服了。終於坐低，未問過意願就直接擺低三款冷盤，淨係知你收錢。到朋友到齊，因為有所謂「特價餐牌」要儘快落單，咪叫咗幾味先囉。就係呢個時候，喺枱面發生咗令人震驚嘅一幕 - 有隻曱甴大模斯樣喺枱面度周圍行！叫店員幫手，佢嘅處理手法真係令我目瞪口呆：隨手攞張紙巾，拍一下未死，眼白白睇住隻曱甴繼續爬，先至再拍多次。最離譜係拎走咗隻死曱甴之後，連句道歉都冇，仲要連張枱都懶得消毒，草草咁擺張紙巾就算完事！我哋全枱人目睹成個過程，仲要有小朋友喺場，連基本嘅酒精消毒都懶得做，衛生意識簡直等於零！朋友見到咁，邊仲有胃口食？即刻同佢講取消晒啲嘢食。最誇張係啲店員聽到要取消，連問都懶問就行開咗，仲要喺我哋離開嘅時候，仲要擺個仇視嘅眼神望住我哋！要講衛生同服務，呢間餐廳真係創造咗新低，絕對係我去過最差嘅一間。如果你問我有冇推薦菜式，Sorry，見到隻曱甴已經嚇親，連叫咗嘅嘢都未上到枱已經要走。希望呢個血淋淋嘅教訓可以話俾大家知，所謂嘅「特價」背後，可能隱藏住更大嘅代價。人生第一次，見過咁囂張嘅曱甴，仲要遇到咁冷血嘅店員，真係前所未見。正所謂一次不忠，百次不用，呢間嘢真係等佢空咗先啦！…Read More

見附近開咗間新面譜成日排隊，所以就諗住試吓聽講以前好出名都排咗15分鐘先入到。。。一坐低就嗌咗個雲吞水餃撈粗同埋墨魚丸魚皮餃撈粗！第一碗上嚟本身係雲吞水餃，上平淨係俾咗睡覺，跟住同職員講返。都即刻改返，但係都好少碗嘢我撩過，然後佢本身入邊有三粒水餃正常你可以比多兩粒雲吞我就算，但係佢係我碗面倒抽走返一粒睡覺，然後放返三粒雲吞落去。正常疫情就算過咗去咁樣都唔係好衛生🥶🥶🥶之後，再上嚟墨丸魚皮餃撈麵，個面超級重鹼水味，就算食落口都係苦澀嘅， 即時同職員反映，今次態度超級差幾個沖埋你話你轉過都係一樣唔擔保會好過啲一碗當堂呆左😅😰真心你買雲吞麵起家。。。啲面有鹼水味，你唔係即時了解一個原因點解而係反過來叫過客換過第二樣嘢明明第一碗冇事但係第二碗有問題咁即係淥麵嗰個人出錯🥹而家就算去啲唔出名嘅麵譜食麵都好少食到有鹼水味咁重而令到個麵食唔到。人生咁多年都係第一次知道重要呢一個態度，希望你哋可以改善返你哋嘅水準如果唔係今時今日咁嘅服務態度同質素係呢個市場應該唔係好站得穩。另外水餃雲吞墨魚丸都唔係特別出色，都係好普通。。。而且水餃皮上面摺埋嗰個位仲要未熟我都唔計較冇再去反映，因為呢個真係好差嘅經歷。試一次就夠…Read More

忍唔住，要比一個差評餐廳本身因為朋友介紹識過之前將軍澳分店讚口不絕，所以在附近返工忍唔住lunch過嚟時，一坐低已經有一個女經理過嚟問都唔問我哋想order啲咩食物就已經夾硬話要安排個$588T set俾我哋，然後我哋話想睇睇先再order然後佢即刻黑面同隔離個同事喵嘴喵舌，然後都算啦，我同朋友每人一個套餐，雜錦海鮮丼$168，朋友就order咗四貫壽司，加州手卷烏冬餐。。。。一上到嚟已經見到勢色不對，魚生質素差過爭鮮。。。。雜錦海鮮丼的三文魚有根的⋯⋯刺身蝦的蝦眼縮水完全唔新鮮、海膽係苦的。然後朋友嗰個加州手卷係滴緊水，喺個紫菜底都係啲水滴晒出嚟都咪話唔客人，然後同職員反映完全食唔落刺身飯係硬到不堪魚生係完全唔新鮮唔值呢個價錢，但係職員只是敷衍了事一句我同廚房反映下，然後就幫我收起晒啲嘢話你都唔食啦，我幫你收咗佢啦⋯⋯呢個態度呢個價錢我哋平均消費都$200.1個lunch我覺得完全唔值得食元氣都冇咁嬲，服務態度加上其實食客都已經成疊冇食到都完全冇了解過點解。仲勁驚你影相，然後即刻收走。唔怪得而家咁多香港人要北上消費就係因為呢啲餐廳搞到個Market衰晒…Read More

朋友介紹黎食！就試下。。。我坐地下嗰層！叫完野食！轉頭就黎！快到。。。一個點。。。枱超級細。。。放完一個同野飲以。經無位。。。第二個又即刻到。。。店員就咁放係則邊。。。之後要我地自己諗點擺。。明明見到無位放都唔幫我地hold住d食物唔好出住。。。要我地自己叫。。。店員無野做就(i)晒喺度傾計。。。仲要講得大聲過啲客。。。都算。。。仲要有個人問點解有碟野係到。。。勁大聲話個客話無位擺喎。。。等我地食得勁急勁快。。。再上其他野係凍嘅。。。即係我地叫唔好上住。。佢地就咁放出黎。。。由佢吹凍曬。。。仲要整包個呀姐又食野。。。食完又攞返隻手去整包。。。仲要唔帶手套。。。一路食野一路整野食就唔好整open kitchen 比D客見到晒啦！雖然唔係咩特別貴嘅餐廳。。。但最基本一間餐廳要有嘅水平同態度都無。。。食物再好食都唔會再黎！…Read More

好多朋友推介的韓式烤肉！今日試下因為知太多人六點半就來到。。。點知上到黎都仲要等😓😓😓😓😓蛋醬任食太好了本人好愛食蛋😜😜😜😜😜護心肉朋友推介一定要食。。。因為太愛食濃味食物。。。所以點了辣的口味！入口即溶嘅感覺好好！喜來希肉。。。沒有驚喜。。。很平常沒有調味的肉。。。但還好有肉味辣豆腐煲！味道可以！這天氣食一個暖暖的煲還可以！味道辣而溫暖！食完整個人暖洋洋😜😜😜😜😜再黎一個冷面真係無得輸呀~~~~~~酸酸甜甜勁醒胃！仲可以中和咗之前燒肉嘅肥！值得推介！美中不足！啤酒要另外比錢有點麻煩😔😔😔😔…Read More

之前去永光中心dinner發現剛剛開的日本餐廳好似幾好咁就約咗幾個frd去試下 坐低一陣餐廳職員就馬上幫我地用椅套套住件褸，十分細心！ :) 先點咗個剌身同海膽壽司試下，一上枱大廚好細心咁提醒我地先食壽司先因為紫菜會淋！淋咗唔好食 再一次細心嘅表現，值得再加分 :) 刺身好新鮮呑拿魚腩入口即充滿油香再加上有少少根有咬口 牡丹蝦同海膽好creamy   之後更加忍唔住再叫多次海膽食！刺身食完巳經好期待佢熟食喇 銀雪魚燒到好滑個皮好香囗！我地幾個忍唔住好快就K.O咗喇！天婦羅味道就一般般啦！但蝦都好爽身！汁燒安格斯就真係要比個like佢喇！入口即溶！ 肥瘦分部平均！仲有個沙律一齊食！感覺即刻清新曬！一d都唔油膩！值得一讚！😍😍😍鵝肝飯好香鵝油香味！味道甜甜日本米仲好彈牙！正！但美中不足就係得一片鵝肝太少了。。。。。。 :( :( :( 由於鵝肝飯太唔能夠滿足啦！我地追加咗份鵝肝多士！😜😜😜多士超脆加上軟綿綿咗鵝肝產生強烈嘅口感對比！加上有少少炸蒜同葱！增加咗味道的層次！牛腸鍋係大廚介紹個餐排係無的！天氣咁凍整返個鍋暖下先！☺️蘿白好 juices有少少辣辣地食完個身暖曬！食完飲想飲少少酒再傾計就叫咗2個送酒嘅小食喇！都有驚喜喎！😍😍😍燒烏魚子外脆內軟仲好有咸香！送酒一流！  汁燒魚干甜甜地好入味！超軟綿綿！最後埋完單仲叫我地唔好走住 原來仲有個果盤送！好有意思又細心的小店！食物又有水準！ 一定會再黎😍😍😍😍😍…Read More

之前想食宵夜點知佢爆水喉無得食。。。決定再去食。。。 環境坐底幾有格調嘅！見到openrice好多食評推介諗住好好食。。。點知。。。淨係睇個樣就好好食又多膏。。。唉！龍蝦唔新鮮。。。又乾。。。面包又淋。。。芝士同肉桂唔唔係好match.......第二道上嘅菜！終於有返d希望喇！牛柳幾juicy!蕃薯外脆內綿！ 但乳酸k short完全無真露香味。。。 烏冬用咗稻庭烏冬又滑有口感！木魚絲都好香！ :) 尾中不足係個冷麵汁沒有味道 :( 個羊架個味幾好。。。但係太熟。。。好硬。。。食完之前嗰幾樣都唔抱太大希望但係無諗過連咁基本嘅都做得唔好。。。。。。 :( 其實落單嘅時候已經劃嗰中辣。。。但係無味又硬又dry........簡單而言真係一次就夠。。。。。。只係有外表無內涵。。。。。…Read More