kk_karine's Profile

呢間之前試過堂食覺得唔錯，所以今日lunch就係app叫定外賣自取，點知體驗好差按照預計自取時間去到，但結果需要額外等多接近二十分鐘先拎得而等待期間亦有禮貌地請店員幫手跟進下，但每次只有冷漠回覆‘等下啦’，並未有真正去跟進。 另外亦眼見好多外賣已出但冇人包裝，以致大量客人在門口等待/追問。值得稱讚嘅係佢哋外賣會自動分湯，而且仲會配花生，味道都唔錯。可惜嘅係因為個外賣等咗好耐先有人包，所以食果陣已經唔算熱，只係微暖。好食係好食，但可惜對於一個lunch只有一個鐘嘅打工仔黎講，實在等太耐…Read More

自助餐分兩個時段️5:00pm-7:00pm $4987:30 pm - 10:00pm $698今次我地簡咗食第一個時段一入去就比堆成山的長腳蟹腳吸引住😍海鮮冷盤種類都唔少，除咗長腳蟹腳，仲有凍蝦、螺、生蠔等等，而且不停供應，唔擔心唔夠食，可惜嘅係呢個時段係冇龍蝦供應長腳蟹腳好鮮甜，不過生蠔就偏向細隻沙律菜同冷盤嘅選擇都好多，又新鮮至於魚生區就只有基本款，呢個時段冇帶子，相對失望熱食方面唔係我主要關注點，最吸引我嘅係呢到既牛🐮呢到主打佐賀牛❗專人即燒，牛味重好好味而壽喜燒都唔錯甜品區選擇極多，打卡一流不過甜品相對其他食物就較為失色呢度有一個心意畫碟服務，只要填上心意卡，就會幫你寫上碟上面好適合慶祝生日❗配埋心太軟，朱古力味重，甜度適中，十分好食，極之推介❤️人均大約$500又有海景，實在係性價比高，值得一試…Read More

已經食過呢間餐廳好幾次，今次特意再同吃男朋友食，但水準明顯差咗好多！:(一入去就跟據員工指示安排入座，但坐低之後員工黑住面指係坐另一張，我哋亦乖乖轉枱。之後我哋點咗個二人餐會包一個前菜，兩個主菜，兩個甜品及兩杯飲品。我哋簡咗五成熟嘅牛扒同七成熟嘅羊架上菜後發現調轉咗，變成七成熟嘅牛扒同五成熟嘅羊架。唔想浪費所以照食牛扒明顯唔係五成熟牛扒不但多筋(極難切），而且完全冇牛味，亦比較乾，絕對稱不上為好食，一心想食牛扒嘅我哋覺得勁失望羊架就ok，香口而有羊味，值得一試我哋點七成熟，但睇落唔似係七成熟跟餐會有兩個甜品，我哋將其中一份加錢轉做心太軟心太軟偏甜，朱古力味唔濃，味道一般，作為心太斬愛好者都想放棄佢，亦不值得加錢而本來二人餐包嘅芝士蛋糕就正正常常，不過不失。留意到大部分員工都冇笑容，甚至會黑面對待，影響用餐體驗（但當中亦有一兩位員工係相對較好）。呢個價錢係出面其他餐廳亦大有選擇，冇需要過來受氣。…Read More