jimkan3008's Profile

其實好多時提前訂枱有6折。性價比十分高自助午/晚餐都係$250-300左右。午市全自助餐有多款壽司及熱食。晚市係半自助，眼見大部份人都係食任食生蠔，壽司，同小小熱食。其實佢個芝士盤，同cold cut 係幾好食。生蠔其實係任食，二百幾蚊係超值但比較瘦啲。食刺身會比較好。其實叫埋個main course,一人都係多百幾蚊。個牛扒同羊都好好食。仲比想像中大份。最後份牛扒食唔曬仲打左包。果晚仲聽到有人係下面酒吧唱live music。一人$400左右真係超值。…Read More

眼見多咗間食肆就去試下，其實茶記一般黎講，啲嘢乾淨煮熟，唔太難食放得口就算。但真係太難食，價錢比同區黎講唔算平。職員係足夠但個個好似好新，未做過飲食咁。算食完一次不會再來。…Read More

平日過咗食飯時間，差唔多兩點去食煲仔飯。好處唔使等一入去就好多位，冷氣足夠。但個姐話兩人係要坐張兩架台，位置好窄。基本上其中一個人隻手踭係永遠比個牆頂住。問佢可唔可以轉四人枱，因為全部都冇人坐。話兩個人就一定要坐兩人枱。其實四人枱都未必坐到四個人。煲仔飯嚟到係幾好。價錢都ok啦。但係真係坐得太差，態度亦都太差。都得返一枱客，時不時又要撞下你。快快脆唔使半個鐘，兩點半都未到，食完畀錢就走人。但唔會再幫襯。…Read More

服務態度實在地獄，影響店舖聲譽。收人$70幾蚊服務費唔值呢個價，竟然食到受氣極點。服務員十問九不應，問完一個問題竟然可以調轉頭，反智轉身，就走咗去。需要再搵第二個人落單。上菜時大大聲好似大排檔咁叫人彈開，時不時個職員會撞到櫈背加個客個手踭。上菜次序完全無詢問過客人。眼見全枱都係菜，唔收碟就立即上酸菜魚，那時竟然叫個客幫手上菜，移走外餘的碟子。個職員係唔係有問題？咁大碗嘢仲熱辣辣叫個客180度旋轉反手在上菜，完全有燙傷風險。全程餸菜會上碟但係冇人會主動收嘢，張枱細就叫個客自己諗掂佢，全程無換碟。飲曬茶，提醒過服務員，依然全程都係無加過茶的。其實今時今日差唔多收人幾百蚊一個人, 但係服務仲差過大排檔/茶餐廳，唔係話食客大曬，但真係對啲客好似乞衣咁樣，咁不如就轉行做快餐算啦。…Read More

新開麵店，咁咪去食下。因為以為同係荃灣嗰間分店同名，但入到去兩回事。一早去有啲食物係未熟有啲仲有啲怪味。咁同個侍應講話啲嘢有怪味或者未熟。咁佢話要問一問個廚師先。其實係個食客食到有問題咪大大方方去處理，食壞人就仲大問題。個侍應冇攞過的食物去問廚師，話問完係冇問題，咁嘅處理手法咁我咪以後唔食。食物衛生同基本嘢食要煮熟做到造唔到，其實你真係好難想人長期幫襯。食物質素唔係一定長期冇問題，但有既話請認真處理。…Read More