littlecaca's Profile

今日返半日，朝早可以食個brunch先返工，大概10:45am到壽司郎，唔洗等位可以直入。今期主題係 “蟹”，作為“蟹后”當然要試下除咗order平時必食嘅幾款壽司，仲特登試咗幾款蟹做主題既食物試吓。“蟹肉茶碗蒸”：註明加量不加價，其實同普通茶碗蒸差唔多，上面多咗一小堆蟹肉，不太特別。“蟹肉忌廉可樂餅”：炸得夠鬆脆，不過內裏不覺得有蟹味。。。“濃厚蟹伴麵”：份量偏少，上面有蟹醬，顏色類似海膽醬，但係都唔覺有蟹黃香，仲幻想會似上海喺黃麵，下次都係食番糖心蛋烏冬好D。新野試完，都係介紹番一樣每次必食嘅 “蟹膏軍艦”。蟹膏鹹香，加上清爽青瓜，最少水準可以keep到次次一樣，12蚊，抵食啦～…Read More

前2日見凍凍哋唸住食啲熱嘢，行過坑口TKOgateway間韓樂就咗入去。lunchtime都唔使等，果然有古怪。。。叫咗個藥膳牛肉湯飯，得5件牛，仲要卷埋嘅5小片。點解可以卷埋？夠薄先卷得埋㗎～而牛肉嘅部位，應該喺似你買條牛腩返屋企準備炆要切出嚟準備掉嗰啲邊邊位，例如肥膏或筋位。。。你冇估錯，就係嗰啲邊皮位!其他仲有一片類似煲湯嘅淮山，係，得一片。剩番就有幾粒桂圓肉，同埋幾粒杞子，喺啲清澈嘅水上面浮吓浮吓。嚴格上來講，剩返嘅唔似湯，喺一啲味精水，同埋都係好清吓，仲有一碗白飯。如果你要泡菜，要另外加錢。可以我知道而家出去食係貴，同埋而家飲食業好難做，我都係想出去盡一點綿力幫下冰封嘅飲食業，但係60蚊咁嘅質素，真係完全唔掂。冇下次，講完。…Read More