swimmeryo's Profile

係香港想食手造意粉，一般都要到港島區先較多選擇，如灣仔嘅papi, 都係我酷愛彈牙QQ 意粉嘅心水之選。而竟然在平民嘅深水埗區，搵到間頗有質素嘅手造意粉，實是九龍人嘅little surprise 小食必食： 芝士焗釀茄子賣相好正，好有心機嘅setting ，無因為深水埗區開而hea 造，都好味道少少缺點：如果個dish 可以再熱多d 就好喇意粉Carbonara 酷愛彈牙意粉嘅我，食勻地球好多地方嘅carbonara, 呢間嘅carbonara 意粉都彈牙，真心質感好過一般意粉太多。賣相： 都係靚仔味道：味道唔錯，煙肉都炒得香口。不過， 覺得未夠蛋味；而港式carbonara, 一般較重cheese, 佢嘅cheese 味都係唔夠， 個人覺得，可能磨多一d cheese , 味道可以再升華一點博洛尼亞豬肉醬寬麵呢隻意粉彈牙度無carbonara 咁彈， 味道都ok. 但我覺得carbonara 味道突出d. 如豬肉可加多d 更美味Service 幾個員工都好有禮貌環境乾淨企理，裝修無大surprise ，但同朋友食飯傾計都舒服。回頭率未至於要飛黎必試，但彈牙意粉嘅小店值得一試，亦會一黎再黎。推薦掃街行程：吃飽飽，還可以到旁邊 「第一郡」食件抵食「斑蘭糕」；再行多幾步，去埋「康瑞」食芋圓糖水 …Read More

之前睇左網上短片介紹而去, 一直諗住牛腩會好味，點知其他野食更有surprise .必點：1） 檸檬雪梨飲不過我飲熱嘅，味道有驚喜, 有d 咸檸檬嘅感覺2） 一貝子聖子夠新鮮，所以加晒分。帶子都ok 嘅湯底：都ok, 因為我加左芝士 n 雞蛋，個湯底因而有d 似尖沙咀星座冰室個蕃茄湯底一般般：1) chicken wing - 唔夠麻2) 犇犇是道 - 當日牛腩唔夠熱，味道口感無咩驚喜建議：加芝士！真係好味d wo 回頭率：值得黎試下，味道不錯，但唔係屬於回頭率好高個d, 屬可間中黎食一下…Read More

起初看見旅遊書的介紹，我已經好想試~但另一半的興趣卻不大~食完之後，我地兩個都覺得: 下次去澳門，呢間一定要encore!早餐才吃完翅的我們，太飽了，只點了招牌的原隻釀雞，但絕對係誠意之作~雞的外層頗脆，一切開，內面還在霧煙，熱騰騰。最初，吃第1口，覺得ok 啦，不至於非常好味~但慢慢繼續吃，可能雞的肉汁已滲入飯中，越食越香~而佢地嘅燒雞，滑得黎幾有雞味。坊間好多地方釀雞燒雞，都整到"酶酶地"又無咩雞味，但佢地整得恰到好處~自問愛雞之人，更加不可以錯過~^^v…Read More

友人住在附近，加上有朋友極力推介，並將林記編入行程必食之選~只望一眼樓下，你會以為: 都無咩人食o者上到樓上，全院滿座，你便知這真是海濱花園的人氣食店~點了燒羊架,curry 牛腩及烤餅~ 3樣都係好味喎，食物夠哂熱，而且佢地的燒羊架，相當美味，外層燒了，內裡的肉仍然幼嫩，肉汁仍能保持~great!喜歡只吃環境的人便不用來了，這裡是地道小店，通常都是一大班朋友來吃，熱鬧程度就像香港的大排檔。由於可選的菜式太多，而potion 又頗大，強烈建議多人一齊吃~這裡不近平時的景點，但坐一陣巴士便到，值得來吃一次~…Read More

自問，從小到大的"好味"椰子產品嘅fans,聽朋友講呢度的ice cream 非常正，便會試試~試過以後，覺得享受一種風味多於味道~ 味道: 起初吃覺得好有椰子的清香味道，但食耐左，可能當中"冰"的成份都較遠，慢慢會覺得味道比較淡了一點。但仍然椰子的清香感覺，夏天食一流~風味: 澳門的老店，門口只掛著幾個椰子，老店的裝潢，口裡猶如滲透古早的味道~ 香港，便是越來越少這種傳統的小店子~PS: 這裡不算太易找，但人氣仍然強勁，難得~…Read More

去旅行住六星級酒店，你未必俾得起，又或者你根本唔捨得俾。係香港的六星級擦一餐，又係令一般人牙痛咁聲。但到文華酒店嘆一件大師級出品的蛋糕，卻連窮苦學生哥都負擔得起，而且絕無白鴿眼看待! 只係20幾,30蚊，平民嘅你同我，都可享受六星級的甜品。必試他們軟滑的cheese cake!!! 試過便明白點解細細件嘅蛋糕，多年黎令如此多人為佢傾心。入口便溶化的cheese cake，所選的cheese 亦相當香濃，真的令人愛不釋“口”。絕對recommend 大家叫多一件生果味較重的cake，兩件交替，就無咁易覺得滯喇~而另外，大家如果3月尾，4月頭到文華，更會見到一個你意想不到的景像: 文華門外其中一邊，有很多鮮花，都係歌迷懷念哥哥張國榮的，希望文華唔介意我係呢度講。不過，實在令人感動嘅，已經過了幾年，佢嘅fans 真的仍然好有心。不是fans 的，如果偶爾在這些日子路過，亦可一起懷緬哥哥。…Read More

想懷緬一下香港舊式茶樓的風味，可以到蓮香樓一趟。你能找到很多久違的足跡: 吊風扇、山水水墨畫等。 能夠在香港中環九十多年，即使同區有多少新式酒樓及不同類型的食肆相繼開，蓮香樓仍然迄立不倒，時至今日，不僅老一輩繼續支持，年青人亦是常客，保持食物質素及獨有的香港舊式酒樓風味，絕對是其最大的魅力所在。推介食品: 八寶鴨! 不過，在這兒嘆風味勝於食物…Read More

已經有好多openrice 朋友講過呢度d 野好味又抵食，三顧草廬(就係因為唔知星期六，日早關門)，終於一嘗所願，吃了傳聞中好味的墨魚餅飯。 大家無介紹錯，果然係好味!! 而且只賣$30，超值! 還可以試試他們的菜，記住叫佢地加腩汁，d 菜會好甜，而且仲可以用腩汁撈飯，正!…Read More

情人節當日唔想同人迫，結果他選擇了一間日本拉麵館。甫入店內，已有一種日本小店的風味，簡單的裝潢但充滿家庭式經營的溫暖。後來才知道原來是由福建人而開，真的非常驚訝，因為食物水準拍得住日本呢~ 大家必定要試牛油粟米拉麵(麵豉湯底)，湯底夠濃郁，麵質爽而不韌，而叉燒薄而軟身，在10度的晚上，能夠嘗一碗熱騰騰的oiishi拉麵，真的好幸福~真的想知道煮的人是日本師傅嗎? 還試了他們的餃子及燒牛舌，都幾抵食，不妨試吓。 都要讚下佢地的service，當日不斷都有幫你加茶，當我準備走的時候，都已經fulled house 有人等，但埋單時仍有問“仲要唔要茶?”，我話”唔洗喇，有人等喇。”，waitress 都係好有禮貌咁話“唔緊要架”。而且，D 麥茶都好味架~一定會回來再試，北角又多一個好地方食野，great! 都多謝你找了這裡，讓大家在limited budget 情況下，可以一起品嘗好味的dinner~ thank you so much～haha…Read More

看完電影，9點多，好冷好冷，想找些暖胃的東西，在灣仔街頭走來走去，都沒有合心水的食肆，終於經過屋台，eee……又可以燒烤又可以吃火煱，便深深被吸引了。今次walk in 成功，食物水準good !!大家可以試試他們的雜菇牛舌漢堡，聽個名都覺得過癮吧。麵包出奇鬆軟，而且有幾香的牛油味。牛舌都幾厚身，但都是軟軟的而juicy，好吃的漢堡。他們的火鍋反而沒有很大的驚喜啦，但水準都OK，用料亦新鮮，職員亦很有禮貌。店內的最高處，還有很多精美的玩具擺設，非常可愛，店主都是充滿童真嗎?下一次一定會嘗嘗他們的鵝肝多士，看見隔離檯吃，好像很美味呢~~經過灣仔，絕對值得來試試。…Read More

香港地天氣潮濕，容易好濕熱，人就係咁，好易累，易聲沙，易生飛滋等。想向大家推介一下一杯足料的雪梨露，飲完覺得喉嚨幾舒服，幾滋潤咁。小店子只賣野葛菜及雪梨露，沒有第3個選擇，但長期都人頭湧湧，但野葛菜就沒有試過，反正好多地方都有，反而足料的雪梨露，真係得呢度有。得閒行完聯合，食完金華的菠蘿包，可以來試試。…Read More

很多年開始，已成為與某班朋友的食堂。誠言，東京壽司沒有大集團的支持，而且裝潢亦不算吸引。坦白說，在朋友推介前，即使東京開業多年，經常經過，亦沒有興緻去嘗試，但試過之後，真的覺得他們比坊間很多sushi 店做得更好。推介食物:1)三文魚sushi/燒三文魚sushi也許東京三文魚sushi 比坊間店子貴，但份量更厚更大件，都值回票價。2)帶子sushiagain,厚切，新鮮，鮮甜。與友人常說他們的帶子猶如建碩男人的胸肌!! ^^”必試!3) 軟殼蟹手卷夠大隻!4)其他sushi: 辣味三文魚、油金魚、白肉豚5)小食: 吉烈炸生蠔- (不要點錯七味生蠔)，蠔新鮮，內裡夠熱但仍然鮮甜嫩口。另外，炸薯餅及炸墨魚餅都不錯喜歡與朋友到此，因為坐order 時，他們都很有禮貌，不會趕你走。麻麻地之選:魚子sushi- 唔鮮甜，賣相唔太好海膽sushi- 奇怪海膽豆腐ok, 但海膽sushi 麻麻，again，唔太鮮甜Hehe..我們還是繼續會來幫襯，希望你們繼續維持水準。…Read More

曾經到過法國遊玩的人，尤其是女仔，好多人都對法國精緻的甜品macaroon著迷吧……那小小的圓餅，七彩繽紛的顏色配上不同的味道–lemon, chocolate, caramel, strawberry , coffee, rose etc etc，那獨特的鬆化口感，難怪令萬千的人愛不釋手。回到香港，有多少人像我一樣，很想找尋那法國可人兒，但一直找不到近似的感覺。已試過很多地方，如Antique、Ceres Boulangerie et Patisserie 和Le Gouter Bernardaud 等，他們的macaroon 都是令人賞心悅目，不過味道始終不是法國的那份感覺。直至在Landmark 遇上你~~~~他們的macaroon 體積比較少，但一咬好鬆化，試過幾隻味都好好味~~~ 對了，就是喜歡這種口感與味道!! 而且，包裝亦簡單精緻。另外，不得不提，他們的牛角鬆都是非常好味!!! 35付出少少便能在landmark 享受如此好味的食物，絕對物超所值。…Read More

香港人的生活實在忙碌，日趕夜趕，到了weekend，除了睡多一點、除了行街睇戲外，如果可以有一頓豐富而relaxed的早餐\\\作一日之始，慢慢享受，不用趕時間，真的是weekend 一個很好的享受想在市區，享受這樣的早餐\\\，誠意推薦Brunch Club，白色的落地玻璃扇門，坐在裡面同時能夠感受室外陽光的氣息及室內輕鬆慵懶之感覺。連電影“生日快樂”也曾取景於此(講及古天樂及劉若英大學時候的dinner) ，雖然只是其大門口招牌，但也大概可以感受到店子有一點“生日快樂”氣質- 很簡單舒服的感覺。人如其名，餐\\\廳名稱已告之你Brunch 是他們的強項。而Brunch Club 的egg benedict更是必點之選，再加一杯果汁，已可與你最愛的人或親愛的朋友，放低平時的辛勞，輕鬆嘆番一個brunch。再望望身邊，很多都是外國人，大家都在談天說地，看看雜誌，沒有人只為了充肌而趕吃早餐\\\，大家都在享受美好的片刻，有點放假的感覺嗎?不過，中環分店可能已開了一段時間，有時候cashier 位置凌亂了一點。Tips:Weekend 經常都很多人，有時候更要排隊，大家不妨先選擇室外的位置，再叫他們稍後再安排室內的位置，當然最好是自己看見室內有位，自己都即刻出去擺\\\住啦^^，waiter 好多時候都忙碌呢~Sofa 位置常滿，與幾個朋友一起來的話，不妨早一點到。…Read More

試過好幾間城中的漢堡，Shake Em Eum 真的是best of the best ! 前陣子看新假期，連倪震也在文章中大讚呢，他更在店子偶遇杜德偉和杜媽媽呢!必食之選:Hawaii Surfer girl好厚的漢堡包，即叫即整，煎過的包，仍然好鬆軟，配料生菜蕃茄都非常新鮮。到了兩個主角: 漢堡扒及菠蘿了! 漢堡扒應該是自己攪碎所造吧! 非常新鮮而牛肉味，面層有少少脆，煎過的肉餅仍能保持肉汁，非常鬆軟。而令這個漢堡錦上添花的，是那片煎過的新鮮菠蘿，食食吓，咬一口”扒+菠蘿”，忽然嚐到酸酸甜甜的果汁及果肉，猶如幫你消滯，feel so good ~!他們的mushroom 漢堡都ok，但對比這個“菠蘿漢堡”，立刻失色了，只像以往經常接觸的漢堡啦，都ok好味但不太特別。Blueburry Milkshake他們的奶昔，不是奶味很重那種，反而他們生果的份量應該都頗多，故此能嚐到香滑奶味之餘，更能感受藍莓的香甜，絕對值得一試!Tips: 1)最好在tea time 時間去，人少的時候，可以坐在店內的"car 位”，好大好舒服，其他位置就有點迫了。2)現在做緊promotion，每$50一個印，夠10個便有jetso- 可以任選一個hamburger+ 薯條OR 炸雞，好抵!! 而且都可以儲3個月。其實兩個人去食一餐都有3個印，好快就儲夠。^^…Read More