Remy XO's Profile

近幾年火煱店以光速增長，台北嘅重慶嘅本土嘅三分天下。但呢間重慶火鍋店仍能排衆而出，有幾間分店同間間爆，絶對唔簡單。尖沙咀呢間尤其是我們一家人挈愛，由訂枱開始已經好有禮貌同貼心。餐廳係非常簡約但有品味的裝修，座位甚寛敞，不覺得擠迫，食物同湯底質素中上而價錢非常合理。最最最重要係成間餐廳好多細心位，一入門有免費涼茶，我去果日係洛神花茶同麥茶，之前有無花果茶，味道似足屋企㷛一樣。圍裙係一次性，有少少唔環保但我見大家都好節制冇濫用。食物可點半份，最啱香港人又花心又眼濶肚窄的陋習；每枱有籃放手袋雜物，上菜和加茶加湯都超快，服務員超級有禮貌同笑容！希望每間火煱店都可向佢地學習…Read More

樣樣都好味，尤其牛小排同牛頸脊係極品，基本上係會不斷最加食到口攰為止。員工服務態度亦超好，你唔會見到喺你身邊，但其實佢地一眼關七，一見到你有需要咁樣就已經好溫柔過你幫你加湯加單收碟甚至同你講下笑。唯一要改善就係地方同枱太細,冇地方擺野食要分開叫！我最愛佢地湯底配牛小排，同滑如啫喱嘅鴨血凍，簡直將台灣火煱帶上另一個層次，食咗會hi 到升仙。同內地其他出名嘅火煱店唔同，食完唔會成身一陣味，因為佢地嘅湯底係真材實料呀而唔係化學物質呀！希望佢地能夠在香港發掦光大同開多幾間大D嘅店，我會隔星期去捧場的，台灣餐廳加油！…Read More

想簡簡單單食一個早餐，一坐低只見座位污糟不堪而知瀬野，但另幾間去開嘅都要等位冇辦法唯有諗住將就下，好又一餐唔好又一餐。好不容易落咗張單（記住講英文啊！）跟住一手拿起餐具，嘩刀义好似去完沙灘搽咗太陽油咁油淋淋，然後早餐十五分鐘後到，D麵包似百潔布，炒疍一陣油隘味，奶茶如廁所水，再加埋D侍應西口西面十問十唔應，我全程廿五分鐘（包等餐果十五分鐘）真係活受罪，呢間D衰野真係馨竹難書。如果你係一個被虐狂，你一地徹底愛上呢間野，完！…Read More