chris2002leung's Profile

翻屋企經過A1見到呢款摩卡石板街幾吸引，細細個2個人應該食得哂，就買咗翻去試第一啖入口已經覺得水準OK，蛋糕質感鬆軟，cream唔會膩，整體味道都算平衡， 不過老實講，對我嚟講就甜咗少少，如果少甜啲會更完美。果仁碎就落得比較多，連裡面分層都好多果仁碎，咬落去成日卡住口感，有時仲會搶咗蛋糕本身嘅味但整體嚟講都ok，只係本身想食軟滑口感有小小失望，而且我經常買A1啲蛋糕，對比起嘅話，之前出過期間限定嘅咖啡味蛋糕好食好多，希望會再出翻…Read More

平時食開某平價連鎖店嘅牛丼，食到有啲悶，今日終於有新嘢試，呢間主打炭火燒肉嘅日本過江龍——山牛，平日lunch時間真係多人食。🍱 炭火燒山牛燒肉丼 牛肩肉 & 小牛排 （大盛 $70）睇賣相已經吸引，大大塊燒肉鋪滿晒成個飯面，炭火香味撲鼻而來，又多汁，炭火燒嘅果然明顯同平時食嘅牛丼唔一樣🥩 炭燒肉水準超預期牛肩肉同小牛排燒得啱啱好，有啲位仲帶焦邊，入口唔乾唔鞋，仲保留到肉汁。炭火燒得好夠火喉，表面微焦但入面仲嫩，真係有咬口又唔韌。配埋飯一齊食真係一流，勁惹味。🍚 飯底都唔馬虎米飯煮得粒粒分明，唔會太濕，吸晒燒肉油脂同醬汁，食到最後都唔會覺得漏。💺 環境舒服餐廳裝修新淨，位夠坐得舒服，今次平日午市人流都幾多。總括嚟講，值得回頭再食！…Read More