食物視覺's Profile

Yeah 每日都有一款優惠，好抵，每款$26～仲要好飲，有茶味～ 夠大杯！已經飲左好多次先留評語～怕甜真係要叫走甜，唔好叫微甜，本身入面配料都有糖份，我覺得38奶霸最好飲（暫時）🤭睇返menu其實佢無優惠都抵飲，但附近有成3-4間手搖店，競爭都大⋯每次去店員都有禮貌，佢地態度都幾好～店面細細，但有室內冷氣嘆住等杯嘢飲，好好👍🏻但係有次聽到佢地講，好多人都只係拎優惠😌，唉，無計啦～經濟差吖嘛，希望呢間店唔好執啦haha🫶🏻…Read More

幾個月前，上網睇呢間嘢既評語，嚇親！我成日食呢間既分店，做左會員好耐！ 諗住試下黃埔呢間，證實左啲劣評係100% 真！最經典係，（幾個月前）沖啡果個位，係一入門口，講人壞話好大聲，又同另一個收銀員對啲客評頭品足！ 我經過係聽得好清楚！ 幾次去食都無好感（幾個月前既事） ，所以我自此之後都買外賣～5-6月果時，諗住買杯咖啡，突然發現班友唔見晒咁😂，係咪炒左？ 真係太好～ 我仲要每次買外賣都見到有個好嚴肅既女經理企舖！緊係啦，生意差左😂，西走啲劣質服務咪幾好！ 大嗱嗱一個高級cafe連鎖店，服務仲衰過大家樂，點得架～個場依家勁正常！ 又友善～ 講嘢細細聲咪幾好，你返緊工架嘛，講嘢仲大聲過個客，又講晒是非咁，你返屋企講啦！希望班 土立土及 洗心革面 啦🤭🤭🤭🤭🤭🤭🤭🤭🤭🤭笑死…Read More

新開嘅牛一幾好👍🏻樓底高，又好坐，座位闊落，餐桌闊大，都算乾淨、地下冇油淋淋，始終新開，所有嘢都新淨，但係我食完之後個身好大嘅肉味，始終打邊爐都避免唔到。一開始就會問：你想一人一鍋，又或者一個大鍋，我揀咗一人一鍋，真係太好！夠衛生！之後，揀咗五百幾蚊嘅二人席，主打A5鹿兒島和牛，食咗650幾蚊/2人連+1！其實鹿兒島和牛啲油花好靚，攞嚟燒就最好，烚咗一塊之後成碗都係油，食唔到佢個牛嘅香味，成口都係牛油味😝 反而澳洲牛同埋牛小排比較冇咁油膩，啱我！我覺得好好味🤤仲有個海鮮拼盤，個牛舌心超嫩滑～～～～好味，真係好似同緊隻牛打車輪咁！至於啲蝦、鮑魚啊，都係冇乜味嘅，因為唔係用新鮮料😅 牛舌心簡直係全場冠軍！出面配料有響鈴、炸魚皮同埋少少嘅熟食（你唔會想食㗎喇） 值得一讚，啲菜係極度新鮮！同埋佢有啲菜好特別係紫色嘅椰菜物體，唔知咩嚟～所有配料乾淨、選擇多！嘢飲方便，鴨屎綠茶、解茶、有佢自家整嘅手搖茶，你仲可以自己整手搖茶～甜品方面：得乳酪雪糕、啫喱，同埋唔知乜鬼嘅布甸！ 其實乳酪雪糕好好味，但係我希望有更加多口味嘅雪糕，你明唔明？🥺體驗都好好，都有少量服務（就係主動加湯），但一人一鍋湯底太淺，有時都要嗌人加湯～…Read More

平時食壽司郎都覺得水準好穩定，今日悶悶地，做完嘢就去食返個tea見到有新嘢就試吓，因為我不嬲食開 炙燒三文魚、鹽燒三文魚腩、三文魚籽軍艦、炙燒左口魚裙邊，炙燒雙螺，同埋茶碗蒸🤭先嚟北極岩魚$17 ，冇魚味冇魚油香佢其實係食咗個零呀！ 😂之後就係三文魚半敲燒，其實都係啲巧立名目嘅嘢！就係烤三文魚，但係乾身少少🤭睇圖都知冇乜魚油 $17/2舊，比起普通嘅三文魚貴咗$5，但佢依家好似做緊promo $10一碟生既三文魚🍣（我唔食生既三文魚，所以可能記錯）之後就到象拔蚌，一件係生，另一件係烤嘅，用鼻聞過唔臭，無炙燒味👀兼唔覺得新鮮因為食落冇乜爽口感，但係肉質清甜！$17有兩舊算係咁～我覺得新款真係唔及舊款，因為舊款性價比高，又好味啲，三文魚、左口魚裙邊又有魚油香，雙螺爽口又炙燒味好出，大推三文魚子軍艦，$22有兩舊，好味😋…Read More

行完海港城可以去飲杯嘢，坐低休息，幾好坐，佢又唔會催你走，啲嘢飲唔差嘅，係偏貴，但係去得尖沙咀都預咗….以食物質素，甜品價錢係貴，但係去得尖沙咀都預咗，個窩夫就真係一般，雪糕得一球加錢要多球雪糕好似要$20？我覺得就唔值啦～整體而言，呢間嘢都係俾你用嚟坐下休息，嘢食一般～間嘢好日系，出面睇好似好靚，但坐入去就係普通cafe 格局，仲以為係日系，我有啲覺得落差太大！另外，個海景俾架郵輪block左， 你只可見到船底既身，好悶🤭唯一優點，呢幾年你都攰㗎喇！ 坐下啦～…Read More

唔多人排隊，應該係新開…好乾淨，服務員態度好，會提示你唔收現金。用QR code點完嘢食，就喺位等送餐，服務員都好有禮貌。講返食物，好味既，但豬肉就一般，燒得耐係柴，北海道豬腩肉果啲就好好味！ 始終燒肉係要有油花，舊肉無脂肪真係唔好食！加左碗紫菜飯200g 勁大碗 好足料！ 太飽！ 仲加左$20一碟普通豬腩肉，都唔錯！講下醬料架上有咩，果度有鹽、可以扭扭擰擰既新鮮黑椒（牛舌用），另外有蒜味醬油、甜鼓油、BBQ鼓油、韓式辣醬（配生菜），但無純粹一枝既鼓油😂 我唔明～ 日本既鼓油真係多味精，但唔點佢地，又覺得唔好食。 所有醬、鼓油都可以自由配搭！ 正👍🏻下次我會選擇燒肉BBQ鼓油、韓式辣醬，因為食太多肉會油膩，可以用韓式辣醬去中和返！ 出去counter 埋單，有加一，收銀員有禮貌～個體驗唔錯！ 一個人嘆都好開心！ 仲以為點都會有少少油煙，但行左陣街再返屋企，件衫無乜味，個袋都無乜味， 我左右前後都有人燒，間店既抽油煙系統做得好👍🏻下次去希望間餐廳唔好變質🥺…Read More

超勁無奈😀想食焗薯（碎蛋加個煙肉碎既醬），個收銀員話無得咁揀，但可以額外加個煙肉醬，後嚟就變左一碗醬俾我……都唔知有無搞錯…我點會係只要忌廉醬呀？明明話我想要埋煙肉….點知…加左$14 , 諗住可以有埋個煙肉加醬，淨係得醬…有咩人會$14加一碗醬呀？張receipt都寫明左係加埋煙肉碎（有晒單據），我問個店員，佢話部機係錯既，但我明明就係想要個煙肉碎加醬，搞錯🙄！真係好癲！ $14俾一碗醬我…..好唔忿氣！香港既飲食業真係…..不佳🙂這篇文修改到第五次先出到，OpenRice 真係好正 …Read More

好好食！閑日早上，突然想食西早餐，對呢間cafe本來無乜期望～點知個all day breakfast 超好味🤤！ 有圖為証！加左一之後係$19x….杯matcha latte 茶味適中～ 正👍🏻但價錢係貴，佢呢個價錢$200，再加多一百幾十蚊就可以食酒店既breakfast buffet 了～環境乾淨、簡潔、明亮，店員有禮貌～非常好👍🏻 其實係咪閑日，無乜客先有既質素😅？揾日再試試先！…Read More

真心想俾啲 管理層睇到呢個留言每個禮拜都幫襯3、4次元朗店，2024年9月15日, 3-4 pm收銀果位女仔真心無禮貌🙄 ，你講：「多謝晒」 係無問題，但啲語氣係唔据人果種， 其實你可以唔做架，唔開心都唔好拎啲客出氣，自問俾完錢就走，唔稀罕果句「多謝晒」， 你覺得攰，就唔好講啦，人地買個包食，又無得罪你！！！！…Read More

好多嘢食咁！先講雞煲， 係惹味， 但等左40分鐘先上， 明顯係….. 拖你時間之後，個刺身拼盤，真係還好😅 ，再嚟個牛肉火山，我覺得一般，普通肥牛！好似仲有一盤係靚牛，都幾好～嘩！ 個海鮮拼盤真心嚇親，生蠔🦪黑蚊蚊咁，鮑魚連殼（無幫手分開） ， 仲要等左10分鐘，俾左一把揸牛油既刀去分開鮑魚同個殼，大癲，點食呀？最後無食！ 個職員話連殼去烚，請問你會唔會咁樣食鮑魚呀？ 弱智咩…. 啲蝦係幾好食，彈牙既，再加單果碟蝦都係靚嘢～出面啲菜得兩種🤨 嘢飲都還好話就話冇限時，但係好多嘢都一般…仲要等左成個鐘先開始食👀 但每人好似$425左右 ，算係咁，都多嘢食…Read More

隱世日系料理店，一定要whatsapp book 枱， 唔好walk-in ~我同友人都覺得好食，友人嘴刁過我，佢都話好食，全程坐得舒服、傾得開心，過程係有服務架，店主喺咁忙既情況下，都不停添茶，好有心！ 仲會問客人覺得啲嘢食點，証明店主係追求卓越既人～我唔知係咪一個人負責晒（廚加樓面） ，我淨係覺得好勁😃👍🏻女仔去食，係食到勁飽😂…Read More

三個人食，最貴個餐！頭盤既牛係最靚，之後再俾既牛都有一半係牛脂🫠…其他海鮮就一般，生蠔臭臭地，白鱔隻味食完個口會有浸「甘苦」味，蝦就大隻正常！ 元貝真係一睇就知唔靚，總之，食牛就得架喇～壽喜燒就一般， 自己唔太鍾意甜口既肉。夜晚8:30後 85折， 空間大，好坐！每人$625（已包加一）對比之下，牛角係好食啲既～ 但如果鍾意有埋壽喜燒，牛舞都可以，但價錢真係貴左啲～…Read More

唔差喎，第一次幫襯係點都會有新鮮感，湯底係奶白色，有味精，但唔會口乾，當歸味好易入口，但湯係少左啲，加麵就最好提早講，因為湯係無續添，所以早講加麵好啲～Um….炸雞係乾身左少少～杯陳皮檸檬還可以，叫走甜都係偏甜，應該檸檬係有糖醃過。全日免加一，$88套餐（湯麵+炸雞+飲品）係幾抵食，落單後可以即時埋單，食完可以閃人，幾方便！我覺得套餐可以再多元化啲，搞下唔同既配搭，又或者有二人餐，咁就會好啲～…Read More

唔知做乜安排左個位係熱加少焗，咁啱又有太陽曬，嗌左個茶碗蒸就合格，天丼就中規中矩，材料靚，米飯好食，唯一就係越食越熱，跟住又焗，窗邊位有太陽曬住，一路食一路有少少辛苦😓，飲左三杯茶（熱🔥），張櫈又唔 好坐….. 價錢還好，侍應都有禮貌～但冷氣既問題要改善🤦🏻‍♀️…Read More

食最貴個plan, 啲肉就一般，都唔係真係咁好質素…食中間個plan 係最好、最抵。好適合一大班人，環境大，唔嘈吵，幾好～坊間咁多火鍋放題，呢間性價比最高，各方面都唔錯，但食完之後係無任何回味感覺😌。…Read More