bbhoney's Profile

係中環食日本lunch, 閒閒地都要百幾二百，都仲係普普通通的．聽朋友講呢度okay, 都好耐無去蘭桂坊哪，咪去下啦．呢度每日都有ｄ special set lunches 的．呢度ｄ set lunch 大約$150 至 $200 不等．我點了手卷配牛肉烏冬($150)，是當日的 specials, 已平了$20.呢度坐位吳太逼，係都中環來說算好，不過多幾十蚊就係坐得好點啦．手卷有兩件，一件係三文魚，另一件係海膽，兩件都好新鮮．吳錯．碗牛肉烏冬都好好味，不過應該好多味精，因食完後好口渴．咁就吳係咁好啦．…Read More

我們二人訂了檯，早到了小許，未到七點已到，不用等，直入坐了一張四人小圓檯．好彩，吳係那些二人方檯都幾密，好像快餐店咁．我們點了小籠包，椒鹽小黃魚，雪菜蓮藕炒年糕，灌湯牛肉餅及杏汁高力等共四款食品．灌湯牛肉餅，上次食過都覺得幾好食，今次吳使等幾耐，三個煎得金黃圓圓的牛肉餅上檯了．和上次一樣，一食裡面好多湯汁呀，好香呢．真係名不虛傳咁保傳到水準呢．乾煎小黃魚，上次食過都覺得幾好食，今次都幾期待呢個dish，因為在夏麵館食過吳好食的乾煎小黃魚．一來到，外型一樣咁吸引，兩條完整的小黃魚，明顯的見到它的外皮顏色，乾煎得好靚，件皮完整無缺，食落熱剌剌，肉質嫩滑，不太鹹，吳錯唔錯好味好味！！小籠包，一籠四隻份量剛好，呢度都仲保留了將薑絲用碟另上讓客人自己落醋的安排，湯多ｄ皮好薄呀，好彩沒有夾穿．小籠包內的肉都好鮮味亦吳肥．非常好呀！雪菜蓮藕炒年糕，呢個係第二ｄ上海店都無見過．雪菜配合肉絲，蓮藕片，都幾野味，ｄ炒年糕都幾好味，夠彈牙，真係幾好味．杏汁高力，呢個都係第二ｄ上海店都無見過．通常都係杏汁豆沙香焦，都係幾甜的，不過呢個杏汁高力就吳同，一切開，可以清楚見到ｄ杏汁，係流沙狀的，食落唔太甜，幾好幾好．…Read More

星期日，見LK都無試過ｄ懷舊點心，咁就黎飲茶啦，呢度星期日靜靜地，無乜人，都幾好坐的．我地點了古法灌湯餃，鳳城煎粉果，北菰燒賣，燒脆鱔，叉燒包和菜苗餃．古法灌湯餃＄４０，真係無乜酒樓有做呢隻點心喇．所以呢度收＄２０一隻都要試下喇．一黎到，兩隻好飽滿的灌湯餃出現在我地眼前，真係ｄ湯全部比個皮包著，ｄ味道都和以前的差不多，配上浙醋，吳錯唔錯．鳳城煎粉果＄２５，呢個都真係無乜酒樓有做呢隻點心喇．鳳城都有的，晚飯都可以點的．呢度的個皮都幾薄，幾脆，裡面的餡係蝦肉配上唐芹粒，幾鮮幾爽，真係吳錯的．北菰燒賣，呢度以前係sell 手切燒賣，不過今次黎食，明確吳係以前咁好味，同埋都算肥膩，都會有滴滴油流出來．燒脆鱔$60，呢個係一串串咁上，有四串．都吳係燒的，係炸的，所以好肥膩，唔算得好食．吳明呢度都吳係咁旺，但係師傅都咁懶，同埋真係誤導！叉燒包，呢個最差，一睇就知唔掂，皮有厚，ｄ餡又吳好味，仲係古老那種橙色汁，怪怪的．一點也不及格！菜苗餃，呢個都幾多菜係入面，算正常，都okay的，不過都算油．總的來說，呢度的點心都唔係咁值它收的價錢，真係偏貴，茶錢仲收$12一位，那碟喬頭收＄２０不如去搶！…Read More

未黎過呢度食越南菜，就試下啦．差不多七點到，都未係好多人，呢度裝修吳錯，係那種摩登的優雅，白白的吊扇，加上那維港夜景，真係吳錯的．檯與檯之間的空間亦足夠，所以都坐得吳錯的．我地比安排坐在一個轉角卡位，設計吳錯，唔會迫得黎又坐得舒服．呢度仲有一個特別的卡位，係用紅色做主色，配一個雀籠做燈，真係幾有型的．我地點了番茄蟹肉肉碎湯，海鮮XO醬炒金邊粉，軟殼蟹紙米卷和雜菌翡翠苗．番茄蟹肉肉碎湯（＄58），呢個湯黎到都知吳係好對板，湯面浮了一浸橙色的油．ｄ蟹肉都新鮮，亦有點去了皮的番茄，但係個湯就偏鹹．海鮮XO醬炒金邊粉($88)，呢個金邊粉有蝦，帶子，魷魚等，ｄ海鮮都吳錯．但個XO醬偏鹹偏辣，同油膩．真係幾唔healthy!軟殼蟹紙米卷($78)，一碟四件，薄薄的米紙內包了些牛油果片，配合那炸得脆脆的軟殼蟹和一個金橘醬汁，都吳錯的．雜菌翡翠苗($58)，呢個個雜菌條係用蠔油炒過，放在清炒翡翠苗上面，雜菌條尚算新鮮，但係真係好油膩．呢度的食物偏鹹偏油膩，都吳係幾配合到現時的健康生活模式．希望max group 改善一下．真係鹹到我地兩個不停飲水．其實越南食品真係不是一味濃味，它是會用香料，但係吳係一味得鹹．而且好多時越南食品都吳係太油膩！…Read More

皇室堡的UA重開了，發覺皇室堡開了數間新食肆，好呀，在銅鑼灣食飯多點選擇．原來呢間唔係乜新野，同杏花新城那間烏冬店係同一間，不過呢間大好多，所以都多好多款式．一睇完戲，就入呢間，我地獲安排坐一個卡位，都吳錯，吳會太迫．我惦了個豬軟骨斧飯，他點了漢堡扒蕃茄湯烏冬．斧飯有得楝二十穀飯或白飯．我個有跟salad同埋miso soup, miso soup 一向都不是my cup of tea, 所以無飲到．salad就係得corn，得幾粒，真係食唔出乜野味道．呢ｄ沙律，吳跟也吧．個斧飯黎到，咪睇佢係金屬製，其實都吳熱的，所以ｄ飯都好溫溫吞吞，一ｄ都吳夠熱，睇落好細但其實都幾夠食，豬軟骨味道都算okay, 仲有小小菜添．不過整體都係快餐的standard.漢堡扒蕃茄湯烏冬，我無食漢堡扒，個烏冬都可以，都幾彈牙，個湯好像係金寶蕃茄湯．都係果句快餐的standard啦．…Read More

幾想和hubby黎呢度試，因為他會喜歡呢度的香蕉蛋糕．我地都無試過CWB呢間分店．咁係一個星期六晚，睇完戲都九點幾就上黎．點之都九成滿，可能呢度真係幾popular place for hea, 所以都有幾多一group, 一group的不停吹水．好彩咁夾有個卡位，咁我地都吳使咁迫，兼咁嘈！我地點了海廬魚配波菜沙律，杏仁雞絲沙律半份和特式焗薯皮．海廬魚配波菜沙律$118，呢個沙律給我們印象幾深刻，一條廬魚fillet, 煎得香香的，放在一堆fennel, 新鮮茴香片，嫩波菜苗同一些已去皮的橙肉上面．廬魚食得出係新鮮貨，幾好味道，那新鮮茴香片尤其特別，食落它特別透出淡淡的香味，作為沙律的配料，係幾唔錯的．那嫩波菜苗和已去皮的橙肉亦係一絕配，那些橙肉是橙有橙味的，當今都算難能可貴的．杏仁雞絲沙律$54半份：半份的沙律份量算多，它主要是生菜絲，杏仁條和雞絲，整體來說吃來爽脆清新，醬汁有淡淡酸味。還想一提，配沙律的香蕉蛋糕都好鬆軟好味，不過記得叫呀，吳係吳會serve的．特式焗薯皮，有蕃茄粒，sour cream加上薯皮，熱辣辣，幾OK既，個賣相幾靚，只係我覺得價錢定得有點貴@$68四件。可以平$20就更好了．餐廳內環境都幾舒服，但就真係好嘈，嘈到有點令人頭痛，唔太適合傾計, 反而啱一大班人hehehaha, 熱熱鬧鬧聚一下.…Read More

和LK想食日式燒烤好耐，上網見到咁多人讚，所以黎呢間試下，本來想去銅鑼灣分店，點之話限時一個鍾，咁老土，所以黎呢度，無限時，上到去，都幾日式．入到去，分tatami同類似一間房仔既位 !唔錯唔錯！我地被安排了tatami, 所以要除鞋．ｄ位都算有空間，都算坐得舒服．我地點了兩個左，一個係牛一個係雞，無加大．個set 好快就到，個set 包前菜，沙律，蒸水蛋，miso soup, 刺身，天婦羅/燒魚，仲有飯同埋一碟生肉可以BBQ. 個沙律係好像有點燒牛肉加生菜絲，加小小麻醬，幾醒胃，冶味．個蒸水蛋都吳錯，有好多料，有雞粒，有冬菰絲，蟹柳等．刺身就尚可，不過太薄，無乜口感可言．個天婦羅蝦出奇好味，燒魚係三文魚就麻麻! 好乾，好像柴咁！ｄ燒雞肉同牛肉都吳錯．個set 係$90,都算合理！最後有一球柚子雪糕作結．服務方面，我地係度講野，但係呢度ｄ亞姐係咁周不時申隻手黎收野，又無講吳好意思，真係好吳日式啦，同埋令我地覺得真係有點好趕的感覺！…Read More

想試下K11內的新食店，係openrice 度睇到呢度，咁就黎試下lunch啦．呢度係二樓一個鬼鼠位，吳問人都見吳到呢度．門面好有日式的佈置，又有小橋留水，幾吳錯，幾有feel好得意．我地比安排了一張貼住bar 的二人檯，其實裡面都幾大，但係ｄ位就排得有點奇怪．不過都無損我地的雅興. LK點了三文魚/三文魚子飯定食．我就點了手握壽司定食呢度出餐的安排吳係日式，點解咁講，就係因為它的定食內的沙律，蒸蛋等係分開上的，吳係用個tray成份咁上．好奇怪，吳Japanese囉．個三文魚/三文魚子飯有幾片三文魚腩，同幾多三文魚子，ｄ魚子仲好圓好新鮮好大粒添．呢個定食收$98算抵！手握壽司定食，有十件壽司．呢個定食收$130吳算抵，因得十件壽司，卷物都無件，那十件壽司裡比較貴的都有海膽（吳係太新鮮）,甜蝦，同三文魚子，其他的都係一般的白身魚，三文魚同吞拿魚(吳係太新鮮). 三件白身魚就比較新鮮．呢度值得一讚的是個壽司飯，好彈牙同美味．個壽司都係可以及格的不過$130就收多了．沙律，蒸蛋都吳錯．餐後甜點係豆腐/芝麻/紅豆雪糕．…Read More

今日黎飲茶，星期日呢度靜靜地，呢間係鮑魚專門店，咁梗係要食它的鮑魚系列點心啦．我們點了蝦餃，鮑魚燒賣，鮑汁叉燒包，鮑汁鳳爪，羅白絲酥餅．蝦餃，蝦餃皮很薄，蝦亦幾爽口．不過有點油膩，隻餃有油滴出黎的，可作改善．鮑魚燒賣，[每粒上面有一片鮑魚，個賣相okay．食落ｄ肉都吳算太肥膩，算吳錯，不過那片鮑魚就無乜味喇！鮑汁叉燒包，呢個包熱辣辣，幾好味，叉燒吳算肥，個包亦夠鬆軟，吳錯！鮑汁鳳爪，呢度一碟有六隻，有花生薦底，花生都炆得淋晒入味，呢度ｄ鮑汁濃淡適宜，幾香的鮑魚味，鳳爪夠淋，幾好味道！可以encore!羅白絲酥餅，除了利苑之外，呢度都算做得好味道，個酥餅炸得非常香脆，面頭的酥皮都好鬆化，內裡的羅白絲又香軟好味．吳錯唔錯．呢度飲茶，每人都要約$120, 相比之下，都係去紫玉蘭抵ｄ．…Read More

呢度的牛角包蘇絲黃碪稱係Hong Kong No. 1. 我都食過，真係吳錯，夠香脆，又香牛油味，＄12一個，都算抵食．間吳中都會買佢的pastries, 好像cherry danish, apricot danish,　都好好味．另外長法包亦非常美味．一直都想買栗子包(Pain au Marron)，連Amanda S 都在她的專欄介紹過．　我放工去過兩次，都買吳到．今日再去睇下啦，哈，卒之有，咁買了一包，加一pack macaroon(三件).栗子包(Pain au Marron)，細細條，但係幾重手．切開，ｄ栗子好像旋風咁在包裡，食入口，包很軟，亦實在，有口感，栗子粒和茸很甜美．非常perfect match. 好好味道！想像到Amanda S　一路食一路甜笑的樣子！Good!坊間流行的Macaroon，呢度只賣$8一粒，足平出面一半，不過呢度無得揀favour,一盒三粒，已包好．一個靚靚膠盒，靚靚的Robuchon sticker and ribbon. 未食已happy! 一粒係栗子味，一粒係開心果，另一粒係hazelnut.開心果我覺得稍甜，不過我好喜歡那很薄脆的杏仁餅外層，好好味道！Hazelnut 就好香的榛子味，好味道！栗子味最好味道，好清香的栗子味，一食入口就感覺到了．…Read More

吳係間間潮江春都有下午茶，呢間竟然有．星期日吳想去咁遠，咪黎呢度，三點到，都坐滿人，我們點了蝦餃，羅漢齌腸粉，鮑汁鴨腳，古法馬拉糕同水晶包．蝦餃，四粒細細粒，個蝦餃皮吳算薄，不過好清楚睇到一接接的，蝦都算幾爽口．羅漢齌腸粉，呢個幾失望，一黎無特價，要三十蚊，個皮幾硬，吳係新鮮蒸起，像番蒸，ｄ餡好少，吳得．其實都幾似那些淘ｘ冷藏點心！鮑汁鴨腳，有南瓜薦底，炆得淋晒入味，不過無乜鮑汁味，食食下仲有ｄ怪味，好像壞左咁．吳掂！ 古法馬拉糕，呢個好得意，半圓形咁，係淡啡色的那種馬拉糕，一個切成六件，熱辣辣，幾好味，個糕亦夠鬆軟，吳錯吳錯！成日至得那個！水晶包，一籠四粒，兩粒蓮茸，兩粒豆沙．個透明皮好煙韌，都吳算太甜，蓮茸餡內有芝麻，幾好味道！呢度食物一般，環境仲幾差，裝修好殘，一路食仲一路有烏蠅仔飛下飛下，感覺好差！通往洗手間條通道好汙漕，有陣味，個洗手間好殘，好汙漕，好像地茂酒樓的水準．我吳明呢度點收得人$11一位茶，同十幾蚊一碟前菜！凈係呢兩樣野，每人平均都要二十幾蚊最低消費，真係吳值！…Read More

皇室堡好像已經回復以往咁旺喇，發覺皇室堡內的食肆都有人龍喇，現在連Spaghetti 360都有人等位喇．實是可喜！我地彿然想食ribs, 記得呢度有，所以就黎食．今次坐一張雙人檯，都算迫架，因呢度ｄ檯吳係大，同檯與檯之間都幾貼．不過無辦法，係香港食飯係咁架啦．其實都算吳夠位置放食物呢．今次無點套餐，因上兩次都係食套餐，今次點了一個前菜芝士焗茄子，一個$8.8特價的沙律蝦米餅，一個ribs同一個煙三文魚白菌意粉．前菜芝士焗茄子，份量都吳少每人都有兩三件，芝士白汁係ｄ茄子面，所以都吳會乾，配合稍炸軟孰的茄子，吳錯唔錯．一個$8.8特價的沙律蝦米餅，小小酸味的醬汁，好醒胃，好味．不過好得意，塊米餅竟然係旺旺來的，咁樣整幾新穎，唔錯唔錯．主菜ribs，侍應送上來的時候，好impressive呀，四件ribs係用一塊頗為大塊的木板，用來serve 壽司的那種．Presentation 都吳錯的．伴碟是一些caeser salad和炸薯條．煙三文魚白菌意粉，呢個意粉係用pesto sauce, 幾清新的橄欖油味．呢度標榜用1.7mm意粉，特別幼身，都幾彈牙．吳錯唔錯．下次再來就要試那超薄pizza 先．…Read More

同老公慶生日，以往都係食西式，今年就試下中式啦，咁留意左有乜好食好耐，卒之知道呢度有個大鮑魚餐，＄４８８一位，又有鮑魚又有蟹肉生翅，咁就book 位黎食啦．點之book 位時，那receptionist 話，book 七點就八點半要交檯．下，咁老土，要rush. 吳好卦，咁就book八點啦，就吳使限時．Timesquare 真係比ｄ同胞食到旺晒！準時八點到，比安排了一個入門口無幾遠的位置，呢度裝修都幾靚，維多利亞式裝修，仲係有手柄的凳，I like it. 唯一complaint 就係竟然凳下地下有食物，同埋張檯搖下搖下，waiter都吳識自動自覺清理及整好．似乎係呢個級數的地方就吳合格喇．湘西老醋柳骨，好香的醋汁，紅紅地色，豬柳骨炆得好淋，好入味．份量都吳少，一人都有三件．洞庭鮮蟹肉喂生翅，個翅好靚咁用白式盅上，一開蓋，見到雪白的蟹肉係面，配合那鎮江醋，真係好美味，翅身吳係好粗，不過都清楚食得出係一條條的，吳係而家扮翅那些細細梳那些，呢度個翅又夠熱，所以食得份外開胃，真係值得encore!四川魚香明蝦球，四隻大蝦球配上野味的辣醬，好開胃，大蝦球又彈牙，爽口，仲有腰果仁作為配料，好味好味．好喜歡美心夠貴的菜館，如紫玉蘭，北京樓等的蝦球，通通都是大大粒的靚貨．原隻紅喂大鮑魚，對呢個大鮑魚好有期待．呢個係用一個白色有蓋的碟上，一黎到都好有氣勢．一開蓋，嘩，好靚的飽魚，又大隻，配上兩條蘆筍伴碟，真係一幅美麗的圖畫．鮑魚食落口感吳錯，個鮑汁亦好好味．我地慢慢切，慢慢細意品嘗這美食！瓷盅譚家麵，初時以為呢個麵係普通淨麵，點之吳係，係有點肉絲及菜絲，配合那少少辣的湯底，真係份外開胃．好味道！它用那白瓷盅上，靚靚得黎又一位一盅咁，非常優雅！金陵驢打滾，初初吳知呢個係乜，仲擔心吳好食添，點之係一個煎餅．Okay, 試下啦，嘩，黎到擺到好像朵花咁．呢度值得一讚的是，waiter 們會留意我們的進度，吳會係咁快速上菜，好像好趕急咁．幾好！…Read More

我們星期六都常黎飲早茶，當食早餐，星期六呢度吳算太旺，不過都有七成滿．呢度的早茶係十一點半前入單，就有優惠．我們點了咸魚雞粒飯（小點），蒸腸粉（中點），三星燒賣（特價$12.8），蒸鴨掌（中點），翠湖雙拼（蝦餃拼粉果）（特價$12.8）和蒸羅白糕（中點），不過呢度吳似鍾菜咁免茶介同加一.咸魚雞粒飯，對蒸飯有個情意結，時常覺得一碗靚的蒸飯會令人好溫暖．呢度的就吳算得好好，但係就非常抵食，只係小點．ｄ咸魚幾香口，配上小小薑絲，真係吳錯．蒸腸粉，幾滑滑，肥肥咁，睇落好食，食落都吳錯，夠滑，一碟六大條．三星燒賣，乜野係三星，係冬菰，蟹柳同雞肉．個燒賣有原隻蝦，都幾彈牙．蒸鴨掌，呢個蒸鴨掌就吳夠鍾菜果個咁好味．同埋太多蒜茸．Too bad.翠湖雙拼，蝦餃拼粉果，呢個我地成日點的，因為一籠每樣兩粒，兩個人食剛剛好，呢隻蝦餃吳係傳統的包法，但係都一樣的餡，熱辣辣，幾好味．粉果材料亦好新鮮，真吳錯，好喜歡裡頭的葛，爽爽的．蒸羅白糕，ｄ羅白係一條條粗絲的，配合那蝦米，臘腸等野味配料，幾好味道！呢間係杏花村黎講，都okay的，不過始終都係鍾菜好好多!…Read More

呢間都係人龍店，總之無番一兩個星期前訂位，你都吳會可以品嚐到呢度的buffet. 我足足早一個月前訂檯．我地準時7pm黎到，見到幾個著人字拖的男女，都似似地遊客的，想walk-in食buffet, 但都無位，不能入座．不過好奇怪，而家ｄ酒店好casual, 著人字拖的，又比入的，呢度吳係pool-side café 喎．我之前黎過，知道呢度係坐得好迫的，所以特別requested 一個單邊位，at least 吳會好像比雙鬼拍門咁左右夾攻．但係當我requested 時，在電話裡個女仔就有ｄ煩躁，吳係咁有禮貌咁講盡量幫我安排下．下，乜而家ｄservice 真係差左咁多既，幾多星酒店呀，真係吳慣!頭盤我地食了龍蝦(仔)同spanner crab．無乜buffet 有龍蝦(仔)在頭盤無限量咁供應，呢度ｄ龍蝦雖然細隻，但係ｄ龍蝦(仔)都算新鮮彈牙爽口．Café 預先調好六七款醬汁，eg 海鮮醬，千島醬　etc, 供配頭盤，不過就無我的至愛，醋，too bad! 但係mandarin的頭盤都有醋的，　其實ｄ海鮮尤其是蟹，配醋食就最好味喇．Spanner crab 好大隻，我地凈係食蟹身，四份一個蟹身已經好似第二ｄ蟹成隻咁大，ｄ蟹肉好先甜，好好味．吳使點醬已覺得好好味．花膠，應該係呢度的出名食物．呢度的花膠都幾大件，不過吳係厚身那種，不過無所謂啦，都係補既．同埋自己懶得煮的．海南雞飯，呢度的海南雞飯ｄ雞就麻麻，梅梅地咁，不過ｄ飯就好美味，ｄ珍珠米就粒粒肥味，盡吸那雞湯，幾好味．眼見那些洋人一碟一碟咁食就知道係好野啦．叉燒，呢度的叉燒係蘇絲黃成日講果ｄ，一粒肉一粒肥那種，加上那香甜的蜜糖味，都吳錯的．其實叉燒呢ｄ如果ｄ用料係好的話，都吳會難食得去邊的．芝士焗龍蝦，呢隻就真係開邊龍蝦，仲吳算係細隻果種．配合個芝士白汁，都吳錯．呢度食buffet ｄ人都okay, 吳會好像搶咁．所以應該每人都食到呢隻芝士焗龍蝦的．蒸東星班，呢度ｄ蒸東星班大大件，好厚肉，好明顯係養魚，但係都好吳錯呀，起碼啖啖肉．第二ｄbuffet食吳到．鮑魚仔，呢度ｄ係用蠔油炆過的鮑魚仔，吳錯，幾美味，不過食了咁多野，我都係食了一隻咁多炸．其實我吳係咁’好’甜，所以係buffet, 甜品對我黎講吳係咁重要，不過都要食點既．煎pancake，有個師傅係度煎的，個pancake 幾彈牙，吳錯，配合有blueberry sauce 同杏仁片，幾yummy呢!栗茸mousse，呢個都吳錯，有淡淡的栗子味的mousse, 都幾幼滑．低榶低脂cheesecake，呢個其貌不揚，有點像日式cheesecake, 不過竟然好好味，軟硬適中，有淡淡的芝士香，真係吳錯呢．總的來說，呢度的食物buffet 都算高質素，喜歡龍蝦，靚蟹同花膠的就don’t miss this!…Read More