YukChan3129's Profile

最近打風天氣唔好，唔想行咁多路，所以就嚟到公司附近嘅餐廳食午餐，餐廳位於沙田中央廣場。餐廳環境好好，座位非常闊落，好適合朋友來聚會，講嘢唔會比隔籬位聽到。今次我點咗黑松露軟殼蟹意粉，軟殼蟹非常脆口，意粉味道濃郁，非常開胃。呢度嘅午餐好抵食，飲品唔洗加錢。另外呢度有特別嘅地方係，附近有門口有香薰嘅消毒酒精賣，如果鍾意嘅話可以買返屋企用。整體來講餐廳無論係環境服務同食物質素方面都好高，係一個午餐嘅好地方。…Read More

聽倒朋友大力推介依家cafe，所以喺空餘嘅時間就落咗嚟大圍睇吓，大圍位於屋苑入面，從周圍嘅環境黎睇係估唔到會有呢間店舖嘅存在。聽講依家cafe每月會推出唔同款嘅包，專門整創新嘅手工貝果，所以我都好想黎見識見識。我地今次點左嘅貝果好有特色去，貝果入面餡料都幾豐富，加了水果有點酸酸的口味。香港近年興起手工貝果小店，今次依家也很受歡迎，我去果日餐廳入面都幾full，如果喜歡吃貝果/包/澱粉質類嘅甜點的話可以一試。…Read More

今日放工黎到灣仔，今晚想食一啲中式粉麵，灣仔區新麵店舖林立，好多都已經食過， 所以今次決定試吓呢家舖頭名稱好獨特餐廳。呢度嘅招牌係花膠雞湯米線，我地就試吓呢度嘅招牌，湯頭味道濃郁，米線非常吸味，口感彈牙非常有咬口。花膠都好入味，令到成碗米線口感味道更加多完。見到餐廳都有打邊爐嘅餐牌，價錢亦非常貼地公道，好抵食。如果我今日唔係胃口唔太好，我都一定會叫黎試試，整體而言餐廳無論食物質數，服務態度同價錢都好好，下次會再幫親。…Read More

今日經過又一城，就入左黎試依家網上好紅嘅日式甜品店，依家點係佢啱啱開嘅時候我有幫襯過，記得上次食完覺得唔錯，今次就再幫親多次。餐廳嘅風格係走日式美國風，甜品款式都係走美國風，今次我地點左原味班戟同法式焦糖班戟，賣相同味道都好唔錯，絕對物有所值。班戟好鬆軟，口感非常唔錯，份量都好足夠，方便同其他朋友share 黎食。餐廳好適合一家細，男女老幼一齊黎食，座位環境唔錯，店員服務態度都好好，係一個朋友聚會嘅好地方。…Read More

最近發覺旺角雅蘭中心衣邊開左依家山見台式火鍋，係門口就見到佈置好台式，令人回想起以前去台灣旅行嘅感覺，我地今日食晚市，外面都大排長龍。火鍋湯底選擇好多，我地就間左麻辣鍋底同花雕醉雞鍋，味道好好，辣度亦剛好，可以接受。我地先食左外面嘅台式熟食，牛根,牛腩,地瓜球,都味道好好，選擇好多，好有台灣特色。飲品方面除左一般汽水之外都提供唔少台式茶類飲品，例如白桃烏龍，綠茶等等。至於火鍋料都好新鮮，肉類質數都係中上級，店員服務態度好，所以之後會再幫親。…Read More

咖啡店位於長洲東灣路上，建築物相信超過九十年歷史。踏入去嘅感覺一開始覺得唔似cafe，彷彿進入一個綠色叢林當中，佢哋以鹿角蕨為主題，店內牆壁之上都佈滿植物，入到黎個感覺非常新鮮。飲品方面我哋點咗ice latte 同dirty，咖啡味道正常，份量都ok。cafe亦有陳皮味嘅咖啡，感覺好特別，因為本人唔太鍾意陳皮嘅味道， 所以就冇點到。總結嚟講，cafe環境令人感到非常之有生命力，牆壁上嘅植物非常適合打卡，下次會帶其他朋友過嚟再試。…Read More

最近好多人講起呢一間吉士咖啡店，星期日嚟到長洲就見到門口有好多人排隊，我同朋友係島上周圍行吓，等冇咁多人先入去。店入邊大概有20個座位，環境裝修好精緻，座位都算寬敞亦都舒適，適合我地去打卡。我哋點咗個脆炸軟殼蟹滑蛋盒子吐司，品質非常高。軟殼蟹香脆鬆化，蛋炒得好香滑，上面亦都灑上左好多芝士，口感非常豐富，物有所值。餐廳飲品選擇都好多，有不同咖啡、黑牛、白牛等等嘅選擇，食物份量都好夠，非常有誠意，係值得支持嘅小店。…Read More

好耐冇食過台灣菜，今日專程嚟北角食一間開咗冇耐嘅餐廳。以前去台灣旅行，一定食排骨便當, 平時係香港都未食得返嗰隻味同口感。今次試左餐廳個那個滷排骨便當同香酥脆雞雞便當，質數高，味道都似返台灣嗰種味，外脆內軟！！肉汁可以鎖住喺入邊，食完一塊真係想再加點第二塊。餐廳嘅飲品都係台式，唔算太甜味道啱啱好，我哋一點樣兩杯冰茶。今日嚟到餐廳好多人排隊，證明餐廳都好受歡迎，建議避開午飯時間黎，咁就唔使排隊排咁耐。…Read More

今日黎到長洲，由於屋企人鐘意食Cafe，所以黎倒依家開左無幾耐嘅cafe。點入面裝修全新，好有日式嘅風格，Menu主要有甜品，三文治，多士及意大利粉等等小時同cafe嘅食物。依家cafe無咖啡但有好多唔同種類嘅茶選擇。我點了義大利粉同toste，食物賣相非精緻，味道都相當好，價格亦合理，餐廳入面店員服務態度好好，服務周到，值得一試。以後黎長洲又有多一個好嘅lunch地點選擇，下次有機會會試埋其他菜色…Read More

今日黎左大館幫朋友影相，中途有啲攰，所以期間黎到依家cafe食下午茶。地點環境唔錯，有戶外座位，但見當日天氣麻麻，我地都係坐返室內座位。我地叫左點左日本雞蛋細香蔥蛋黃醬三文治，口感豐富，溏心蛋熟度剛剛好，配合埋蛋黃醬食落好清爽，好依家依種潮濕嘅天氣食。另外我地點左鰻魚飯，飯粒粒粒分明，好香鰻魚味，肉質都唔錯，都算新鮮。食物份量都剛剛好，都夠大碗，食完都唔會唔夠飽。飲品方面味道都正正常常，所以下次黎大館可以不妨試試依家cafe。…Read More

依間coffee shop位於中環七號碼頭，應該係最近幾個月新開，最近經常進出離島區，可以俾我哋喺坐船之前飲杯咖啡，Menu入面主要都係咖啡，亦配有少量嘅小食，主要走外賣路線。coffee shop轉oat milk 都係免費，喺出面coffee shop 會比較少見。今次點樣呢杯咖啡上面拉花幾靚，味道好好有香濃咖啡味，價錢好親民，亦都唔會太細杯，份量非常之合理。雖然呢間係外賣店，但coffee shop附近就係碼頭，有好多長凳俾我哋坐喺度吹住海風飲咖啡，chill 下先再坐船。…Read More

今日經朋友介紹黎到長沙環巷仔入面嘅一家私房菜，餐廳規模唔大，好似家庭式小炒點咁，但幾受歡迎。我地係一個多星期前就訂左位，師傅會係前兩日請我地訂定菜同海鮮。我地點左幾樣海鮮，上碟時鑊氣好夠，餐廳食物質素高。巨型瀨尿蝦蝦肉鮮甜，調味帶出蝦肉鮮味，食材都好新鮮，肉質嫩滑。蒸蟶子都係依度必試，肉質好爽脆，亦都好新鮮，當日在場嘅朋友都好滿意。除左依兩道菜以外，其他菜式水準都好高，價錢對比出面都唔算太貴，所以下次會再黎過…Read More

今日放工想食日本嘢，就嚟到銅鑼灣呢間峰壽司。今日排嚟排隊嘅人唔算太多，我係冇訂位嘅底下等咗大概15分鐘到就入座，入邊嘅環境乾淨企理，令人回想起去日本食壽司嘅感覺。我點樣呢度嘅招牌玉子燒，火炙壽司盛，腐皮、熟蝦、蟹柳同埋赤身壽司，食材大部份都新鮮，入口即溶。壽司飯嘅質感都唔錯，整體對比其他壽司店質素屬於中上。店員服務態度非常之唔錯，上菜速度快，大概10分鐘到啲壽司就嚟齊，價錢方面都合理，所以依間餐廳會再嚟多次試埋其他種類嘅壽司。…Read More

疫情之後都未食過西餐，網上見到餐廳有出平價版威靈頓牛柳，所以就嚟呢度試一試。餐廳夜晚都好多人， 全部坐滿，當晚Walk in都冇位，好彩我哋之前book定位先唔會摸門釘。我哋當晚點咗牛舌,威靈頓牛柳同一碟意大利飯。第一道菜係牛舌，火候剛剛好，食落口感同味道都唔錯，一共有5塊倒，呢個餐前小食值得一試。然後就係意大利飯，味道正正常常，食物份量亦都足夠。威靈頓牛酥皮鬆脆，食物溫度好夠，牛肉亦都好重牛味你都唔會轉得過老，所以呢個價錢食到呢個質素絕對值得…Read More

今日黎到長洲，由於屋企人鐘意食泰國菜，我地黎左宜家餐廳叫外賣上朋友屋企食。點左嘅樣野同飲品都好快整好，店員服務態度好好，依都好快手將餐點預備好。食物質素方面都好唔錯，種類都繁多，雞肉嫩滑，唔會煮得過熟，食物嘅份量都好夠，唔會唔夠飽。而我地點左嘅兩杯泰式特飲味道正正常常，飲完會有好refreshing 嘅感覺。整體而言餐廳無論食物同服務質素都唔錯，以後黎長洲又有多一個好嘅lunch地點選擇，下次有機會會試埋其他菜色…Read More