Gordonsmith's Profile

週末嚟到西環，想搵一間可以慢慢食、慢慢嘆嘅早餐咖啡室？咁就一定要試下呢間Panda Cafe & Restaurant 點左兩個早餐：一個Salmon Egg Benedict，一個煙三文魚黑松露炒蛋。其實Egg benedict 同 truffle scrambled egg都食得多，但係呢度真係同其他食過既西式早餐唔同！碟上每樣元素都造得食得出好有心機整，細節位做得好好，Egg Benedict 個poached egg 做得完美順滑，底下個muffin唔會烤到乾曾曾，hollandaise sauce 濃度剛剛好；黑松露炒蛋掌握得剛好，香味四溢！叫左兩杯咖啡，latte & mocha ， 個咖啡底好香，奶味濃而不膩！好享受想週末早上嘆返個靚早餐，飲杯咖啡慢慢享受悠閒時光既話，就要來試下！…Read More

夜晚買咗飛睇戲，9點鐘開場前想食啲嘢，誤打誤撞搵到一間食burger嘅快餐店。兩個人叫咗兩份餐，一個招牌MO，一份雞肉牛油果漢堡，叫埋杯奶昔，再加多1分肉醬芝士醬，好豐富！肉醬我就嫌佢細份得滯，不過非常好味，啲香料味好香！ 用嚟點薯條一流牛油果雞肉漢堡啲雞肉又多汁又香，夾埋牛油果醬簡直係一流嘅配搭。薯條夠脆，MO 漢堡嘅牛肉同蘑菇亦都好好食整體來講係一間有心機而且食物質素唔錯嘅漢堡包店～不過價錢就貴左少少…Read More

呢間主題餐廳表面上好靚，但係的確係「金玉其外、敗絮其中」！！食物質素非常差一杯正常嘅飲料都沖得唔好飲，而且嘢食份量細到你冇可能食得飽。成六十蚊一杯野飲，沖出嚟連茶餐廳都好過佢！更差嘅係，食完成個套餐，到最後叫人上個甜品時先話無cup cake，得普通雪糕，＄598蚊既兩人餐，到最後先至話冇咗個甜品，要啲客人「硬食」佢個普通雪糕個侍應仲要好似老馮咁既態度！！三個人去, 食咗差唔多＄600埋單，嘢食嘅質素已經係唔好架啦，仲要係埋單嘅時候先至話每人一定要至少叫一杯野飲（有一位朋友冇叫嘢飲），入嚟餐廳order之前啲侍應完全冇講過Minimum charge每人要一杯drink 三個人每人平均都有＄200消費啦！ 埋單嗰陣時仲要俾曬面色我哋睇？！話：'今次就算數啦！' 好似我哋欠左佢咁。:(呢間咁嘅cafe啱啱新開張就咁樣做生意，想搵人再返嚟食都難！！…Read More

隔了一排冇去太平飯店食嘢，心思思想再品嚐佢地既美食，於是星期五晚放工後一於去食過夠！真係無失望，水準依舊一流！三個人叫左四樣送，先點了口水雞，雞肉嫩滑、多汁，調味恰到好處，齒頰留香。仲有我最喜歡既糖醋麵，外面香脆裏面彈牙!最驚喜既係原來可以配搭義大利黑醋～ 勁香口！另外還有一樣嘢食好抵讚，就係個炒鵝腸！完全唔係平時食個種急凍貨，非常新鮮爽口，而且碟鵝腸炒香後配搭佢地既辣椒醬簡直係人生一大享受！叫埋佢地推介既凍烏頭，魚肉鮮美一點泥味腥味都無，正啊！最後加單叫左個胡椒豬肚湯，夠曬火候，胡椒味仲可以選擇要多定少，非常細心！佢地宜家仲推出好抵食既賀年大餐，一於同屋企人一齊來再食餐好既！…Read More

已經唔止一次去太興食嘢食到一肚氣，上次叫外賣常餐雪菜肉絲米、炒蛋、多士、連野飲，攞完之返到屋企後發覺佢哋執留咗份炒蛋，都算啦，當佢哋一時之間唔記得。今次打定電話去落單外賣自取，20分鐘後過去俾錢攞左單，收銀員粒聲唔出叫我喺度等足10分鐘先發現原來個外買一早已經準備咗！嗰度啲員工完全唔理！由得個客乾等，一啲都唔會攞外賣俾客人/通知客人。啲嘢食凍哂！仲要比佢話返我做咩唔問啲外買攞得未！簡直本末倒置！…Read More

最近喺調景嶺商場開咗一間泰國菜，一於就去試吓。下午茶時段都幾多嘢食$30-＄40就有一個下午茶餐。有泰式河粉（湯河），亦都有海南雞飯、炒粉麵飯、小食，應有盡有。試咗個金不換泰式雞肉炒河，＄44連嘢飲。碟炒河等左20分鐘左右先到，不過尚算有啲鑊氣。可惜冇乜金不換嘅味道，而且成碟炒河調味偏鹹。我食咗半碟已經食唔落去同左經理反映，佢哋嘅回應都尚算有禮貌，服務方面整體合格。…Read More

本人一向對潮州菜有好高嘅要求，滷水味道要正宗，蠔仔要夠新鮮，凍魚要做到唔醒有魚味... 呢間餐廳全部做到晒！仲做得好出色店員有禮貌，親切有笑容，仲好快咁安排座位俾你（潮州餐廳來講的確少有）。環境乾淨衛生，餐牌食物選擇多而且價錢非常合理。啲食物嘅擺盤仲好有心機，好精美！唔會求其擺上個碟就算好適合一班朋友過嚟一齊食下嘢飲酒影相嘅潮州菜館！下個月我有個澳洲朋友過嚟香港，我一定會帶佢去呢間餐廳食 'Authentic Chiu Chow Marinades' (正宗潮州滷味）, 尤其係滷水鵝件同埋滷水鵝肝包佢食到wow wow聲！…Read More

同兄弟約埋一齊去旺角爆丼屋朝聖。食物質素不錯，份量夠多，魚生新鮮，啲壽司飯醋味足夠，啱晒兩個壯男餓住個肚去食！服務雖然一般，但係出食物嘅效率非常快，環境衛生良好，整體來講都算幾唔錯。…Read More

同朋友一齊去慶祝生日，喺九龍城食到一間非常好味嘅火鍋店。夜晚九點半後入場仲會有折扣！個椰子雞湯底非常足料入味，材料新鮮。值得推介嘅係佢嘅炸魚皮係即叫即炸！店舖侍應服務態度一流，食得好舒服！抵讚…Read More

食物質素好一般，收費太貴，一啲都唔抵食！侍應服務態度極惡劣，以為自己係出名嘅火鍋店就喺度亂咁呼喝客人。仲要等出奇地耐先至有嘢食度，絕對唔建議大家來呢間餐廳打邊爐！老實講，喺九龍城大把好過佢抵食過佢材料新鮮過佢嘅火鍋店。…Read More