bowl_lam's Profile

趁住暑假帶小朋友專登黎呢到食飯，呢間餐廳適合一大班人聚會又極啱帶小朋友，食物款式多又有兒童餐。餐廳做緊夏日主題風，佈置到成個沙灘咁，影相襯埋啲道具勁得意！每個角落都係打卡影相位，仲有勁受歡迎嘅鞦韆。佢哋依家做緊夏日優惠，12歲以下小朋友享有一球免費雪糕（預約時必須註明使用優惠），自己可隨意添加糖果、朱古力碎等等嘅toppings！小朋友最開心係可以自制綿花糖一開始我哋先食「牛油果鮮蝦配乳酪水耕菜」，酸酸味味完全打開味蕾，水耕菜味道清甜。特選「真」龍蝦湯勁好味，因為小朋友自己低頭唔聲唔聲咁直接全碗飲晒，完全無留過畀我地。黃金蟹黃意粉醬汁好濃厚，大量蟹膏蟹肉撈埋一齊，真係香到不得了！美國封門柳(medium)係必點，兩個人嘅份量啱啱好，肉質軟腍得黎，肉味越食越濃郁，記得加返啲鹽同黑椒，味道更突出。出面好少餐廳有炸牛蒡食，所以我見親都會點黎食，牛蒡炸到好似薯條咁香脆，但又唔會食到好膩好有罪惡感。…Read More

呢排天氣真係熱到不得了，嘆返個冬瓜盅真係必須的！今次試咗佢地嘅新menu「夏日至尊·養生冬瓜」，啱晒依家呢種天氣食，消暑降溫。明爐燒鵝，海皇瑤柱冬瓜盅燒鵝味道非常出色，肉質嫩滑又夠juicy。最期待嘅海皇瑤柱冬瓜盅足料又解渴，令人一碗接一碗，裡面仲有帶子及蝦肉，非常鮮味。清蒸沙巴龍躉，瑤柱節瓜甫 沙巴龍躉蒸得啱啱好，魚肉非常滑，豉油唔會死咸，又能帶出鮮味。節瓜甫加上非常滋味嘅瑤柱醬，清清地都好食！XO 醬西蘭花帶子，檸檬柚子蝦球，籠仔荷葉海鮮蒸飯平時女兒唔食蝦同帶子，但係佢今次搶住食，蝦球酸酸甜甜非常開胃。蒸飯粒粒分明，又有淡淡嘅荷葉味，女兒不斷話要再返黎食！最後仲有紅豆沙湯圓作結尾，非常滿足。紅豆沙口感綿滑，芝麻湯圓夠香濃。…Read More

母親節餐廳好介紹，自從有咗小朋友，外出食飯嘅地方都會優先考慮小朋友friendly嘅餐廳。我今次推薦呢到，因為環境優美又夠寬敞，又有卡位，座位之間又唔迫，餐廳仲預備埋顏色筆俾小朋友盡情畫畫添！5月13-14日（母親節前夕及母親節當日）只要追蹤好2個指定IG嘅堂食食客，就可以獲得我手上呢份母親節小禮物🎁！我最欣賞佢$78就有一份兒童餐，非常抵食，份量又足！除咗可以揀選一份主食（貝貝就揀咗蕃茄芝士肉丸意粉），配埋蔬菜、薯條同一杯果汁，仲有雪糕添！初時我都俾個份量嚇親，點知貝貝話啲意粉太好味，所以最後係食得晒！雪糕係雲呢拿味又勁開心，小朋友滿足，我就最開心！　我哋大人就點咗烤斧頭豬扒及安格斯牛肉芝士漢堡！豬豬係呢度嘅signature ，所以味道一啲都唔會令人失望，豬扒燒得剛剛好，食落有陣陣嘅炭燒味，肉質易咬又唔會韌，配埋爽脆嘅椰菜仔同新鮮即炸嘅薯條，非常滿意！Burger份量好大，有煙肉又有兩層漢堡扒，配上新鮮爽脆嘅生菜同半溶嘅芝士，咬落去真係juicy到爆！…Read More

每逢生日、節日或週年紀念，我都好鍾意選擇黎Sabatini慶祝，因為呢度環境真係好優美，四圍嘅裝修令我仿如置身城堡，黎食嘢打卡非常不錯！座位舒適，店員嘅服務態度亦好友善，非常有耐性介紹每一道菜式。食物水準高，而且會接觸到多款未聽過嘅意大利菜，例如意式蛋花牛肉清雞湯，鮮味十足，飲落有啲似中湯，有驚喜！餐前包都非常出色，係我最鍾意嘅一環，麵包熱辣辣帶點少煙韌。而我最鍾意黎食佢地嘅pasta，今次試咗自家製意式雲吞釀蟹肉，呢個真心不錯，一啖咬落去，蟹肉嘅鮮味喺口腔爆晒出黎。炭燒羊排亦係我必點菜式之一，炭香味非常濃郁，表面又帶點焦脆，肉質唔會過生但仍保持鮮嫩，每次食都讚嘆不已！記住留肚食甜品，店員會推住一部載滿甜品嘅餐車，直接讓你選擇自己嘅喜好，呢度必點鮮果拿破崙蛋糕，酥皮口感酥化，配合埋幼滑嘅吉士醬真係非常滋味。…Read More

就快又放聖誕假，媽媽又要搵大量活動同小朋友齊齊玩！去自助式烘焙店同小朋友整蛋糕，一直係我最鐘意嘅活動！平時喺屋企同小朋友整蛋糕，最怕整污糟地方，小朋友迫住就住就住整，但喺呢度就可以盡情放手俾小朋友試，全程小朋友都唔俾我幫，會要求自己做晒，整得勁歡欣。入到去只要揀自己鐘意嘅款式，拎住部tablet 跟實指示，一步步自己完成就可以，大小朋友都可以做個出色嘅餅師！今次我地就整咗聖誕限定款Snowy Christmas，呢款感覺上比較簡單，做好蛋糕底同抹好面層嘅cream，輕輕裝飾就已經好靚，啱晒同小朋友一齊整，大概用咗2小時，成品非常精美呢！✅蛋糕款式選擇多，價錢相宜✅無需自己洗碗✅設備非常完善，環境乾淨企理✅成功率極高，即使遇到唔明嘅地方，隨時都可以搵職員求助✅食材豐富，用幾多攞幾多，唔會浪費…Read More

聽朋友講九龍城區內開咗間新嘅日本餐廳，入面有高質Omakase，菜式比一般傳統嘅Omakase特別，每道菜都增添創意，非常有誠意。今次我地各自揀選$1280，共有18道菜嘅Omakase，非常滿足！1️⃣慢煮鮟康魚肝，加咗啲青柚子皮，青芥末，魚肝口感非常綿滑，味道酸酸地，越食越開胃。2️⃣花咲蟹肉配上蟹醋啫哩，酸酸地得黎又帶有花香味。3️⃣清酒煮白子，白子上面加咗啲柚子皮，蔥花，入口即溶，非常鮮味。4️⃣燒香過嘅鏗魚加上蔥醬，味道獨特，魚身爽口。5️⃣燒過皮下脂肪嘅霜降toro ，迫晒啲魚油香出黎，一試難忘。6️⃣煙燻春魚加上炸蒜，紫洋蔥，味道突出。7️⃣金鯛魚連魚鱗一齊炸，入口脆卜卜超有驚喜，如果覺得唔夠味，仲可依喜好加入青檸或喜馬拉雅山岩鹽，最後再食埋紅白薑芽去味。8️⃣深海池魚壽司配上蜂蜜汁及柚子皮，味道清新，魚身嫩滑。9️⃣牡丹蝦壽司配上檸檬汁及蛋黃醋，蝦身口感飽滿鮮甜，仲帶有柚子香。1️⃣0️⃣魷魚連馬糞海膽壽司，魷魚爽脆帶有鮮甜嘅海膽味，加埋獨特嘅醬油味，味道有層次。1️⃣1️⃣黑松露野菌蒸蛋，蒸蛋非常嫩滑，仲加咗啲檸檬汁，味道更清新，唔會一味死鹹。1️⃣2️⃣石垣貝壽司，貝肉爽甜彈牙。1️⃣3️⃣熟成鰤魚壽司，光澤油潤。1️⃣4️⃣ 經煙燻過嘅銀鱈魚壽司，迫晒啲魚油味出黎，加上生蒜及炸蒜，味道更突出。1️⃣5️⃣Toro手卷即製即食，餡料豐富，油香味濃，加上青瓜絲及脆口紫菜，吃起來又脆又鬆。1️⃣6️⃣江戶前玉子，外型及口感都勁似雞蛋糕，原來主要用上蝦肉魚肉雞蛋而成，味道既甜又帶點鹹味，非常特別。1️⃣7️⃣愛女魚舞茸春菊湯，愛女魚肉質厚而滑溜，加上舞茸及經打溶嘅春菊煮成湯，帶淡淡草青味，冬天飲好暖身。1️⃣8️⃣最後食埋鮮甜爽脆嘅北海道赤肉蜜瓜及富有柿總結今日嘅晚餐，超級滿足！…Read More

一鍋堂開到黎葵芳新都會廣場，難得平日晏晝無乜人，我當然要入去試試佢，今次揀咗100分鐘午市火鍋套餐B餐，食物款式都已經好多，lunch黎講已經好夠食，食到捧住個肚走！點單前見到自助區已經夠晒壯觀，蔬菜、丸，熟食類，連飲品都好多選擇！湯底我地就揀咗金寶蕃茄牛尾湯及一鍋麻辣湯。蕃茄湯用黎食蔬菜類更顯清甜，麻辣湯會越滾越辣，用黎淥肉就夠晒惹味！火鍋配料必encore：封門柳、牛脷心托、牛板腱、波菜皮韭菜餃、潮州爽彈牛丸、香菇素貢丸、芝士獅子狗、水魷、羽衣甘藍。連自助吧嘅麻辣拌手作拉麵、金沙魚皮，泡菜蘿蔔都不斷添食。飲品就建議飲返佢地嘅手作茶，冰糖燉檸檬及薄荷烏龍茶都係我心水，每款飲品仲會寫埋有咩功效添！臨走嘅時候仲發現佢地有做火鍋外賣送貨及自取，自取做緊9折添！下次買返屋企試試。…Read More

今次搵食專登搵到去勝利道，因為被呢間以富士山為主題嘅日本餐廳吸引咗。掛住日本嘅人都可以黎呢度，嘆住日本菜邊思鄉！一坐低，員工就會上餐前小食，爽脆嘅瓜條沾上微溫嘅西班牙鯷魚醬，開胃得黎又別有一番風味。點埋兩支黃富士「柚子」梳打同赤富士「葡萄」梳打，展開我地嘅晚餐。鐘意蟹膏嘅話必點松葉蟹膏豆腐，入口蟹膏味好濃，豆腐超滑，似食緊布甸咁，加埋啲三文魚籽，鮮味更突出。千府火炙盛合，分別有經燒香過嘅帶子、Toro、三文魚，左口魚邊壽司，壽司飯大小同酸味適中，滿意。清酒煮日本大蜆，大蜆肉質飽滿同新鮮，完全唔會韌，湯底味道仲非常清甜又帶點酒香。千府將大阪燒味道都唔錯，二人食剛剛好，如果可以脆少少就更佳！餸酒的話，可以點原條燒花魚一夜干，咸香味道出色，肉質好滑，忍唔住一口接一口。串燒方面，試咗紫蘇梅子大蔥雞肉串、日本黑豚腩肉，明太子手羽，3款都好滿意，夠晒入味，記得趁熱即燒即食！最後，我地仲點咗宇治抹茶十勝紅豆布丁，上碟好似富士山咁超有心思，布丁超滑，加埋飽滿嘅十勝紅豆，完全中和咗抹茶嘅苦澀味，值得一試。…Read More

平日3點3，最鐘意去茶記食個下午茶。呢間冰廳平時好多人排隊，款式多得黎，價錢又大眾化。經典芝蛋牛肉漢堡包加海苔薯條，呢個經典組合真係無得輸，芝麻麵包勁香口，半溶嘅芝士配搭住煎香嘅牛肉同雞蛋，食落去啖啖都好滿足。薯條略為粗身，都炸到脆卜卜，只係海苔粉偏少。麻酸辣魚片嫩雞米線，魚片彈牙，雞肉好嫩滑，食到小小辣嘅人都啱食。飲品大推茶走紅豆冰，椰汁紅豆冰飲得多，奶茶底加紅豆都係第一次試，原來味道都好夾架喎！另外我地仲試咗招牌避風塘生炸雞髀，雞髀外皮香脆得黎，入面又保持到好嫩，加埋滿滿香辣嘅炸蒜，好惹味！榛子醬西多士，味道出奇地好夾，食晒都仲想繼續食。…Read More

通常我都會搵間居酒屋同朋友傾偈，飲野食串燒就最啱feel，尖沙咀呢間新開嘅串燒店，我都係第一次試。慢煮雞胸溫泉蛋沙律～唔好睇少呢幾片雞胸肉，食落真係完全唔似食緊雞胸肉，好滑嫩呀！加埋隻流心嘅溫泉蛋，加埋啲沙律菜連入口都變得好滑身。串燒top3推介：1️⃣雞腿肉（明太子醬）～雞腿肉好滑加埋燒香過嘅明太子醬，食落好香夠特別。2️⃣ 七味燒鴨舌～滷水鴨舌食得多，原來燒香過嘅鴨舌都咁好味，外皮脆脆地又唔會好乾。3️⃣ 雞翼～燒到外皮連雞翼尖都脆卜卜。另外，「雞尾」趁熱就要即刻食，食落好鬆化好香。「雞腎」、「膝軟骨」都好爽口。「芝士流心蛋大啡菇」切落去啲蛋漿流晒出黎好壯觀，必食！「牛油粟米」牛油味勁香，粟米好甜又無渣。「焦糖菠蘿」賣相好靚，但稍為酸咗少少。飲品叫咗支完熟桃子梳打，甜甜地又解渴。鍾意飲啤酒嘅話，就可以點生啤！🍻…Read More

行過呢間手搖飲品店，門面裝修非常有少女心，見到有多款飲品，啲飲品名又夠特別，忍唔住入去試！最吸引到我一定係呢杯「草莓星球」，賣相夠晒pink pink好靚，仔細睇仲有粒粒星形啫喱，夠晒夢幻！原來入面有草莓、芝士奶蓋、鮮奶、爆珠、啫哩，仲有草莓肉，飲落去口感夠晒豐富，一時飲到爆珠一時飲到啫喱，酸酸甜甜好好味又唔會好漏！「熱黑糖珍珠鮮奶」珍珠非常煙韌好好咬，配埋熱鮮奶，冬天飲夠晒暖笠笠。如果要消暑解渴，一定要飲返杯「西瓜沙冰」甜度剛好，仲要大大杯添！…Read More

雲壽司終於喺九龍區開分店，喺太子始創中心後面街，超就腳！之前我喺中環店試過佢地嘅抵食omakase ，今次晏晝過去就試埋佢地嘅Lunch set！呢度環境一樣咁光猛，衞生又乾淨。每款Lunch set 都會包埋沙律及麵豉湯，今次我地兩個人就叫咗三色丼及特上壽司拼盤。三色丼$138 丼飯份量豐富，有海膽、帆立貝，三文魚籽。壽司飯味道恰到好處，海膽口感綿滑，又夠新鮮。每口飯都加上三文魚籽，啖啖都鮮味十足！特上壽司拼盤$250壽司拼盤有吞拿魚腩、深海池魚、牡丹蝦、赤貝、海膽、三文魚子、火炙左口魚邊、鯖魚、魴鮄、蔥吞拿魚腩壽司。推薦吞拿魚腩壽司非常厚又無筋，赤貝壽司爽口鮮甜，魴鮄壽司爽彈鮮甜，蔥吞拿魚腩壽司份量好多，口感軟滑又唔腥。…Read More

呢間餐廳已幫襯過數次，無論環境、服務及食物質素都屬高上，食物又大份，性價比高，仲係慶祝生日嘅好地方。每次用餐前，店員都會先遞上免費麵包及脆條醫醫肚，好貼心。今次我地先點了一份凱撒沙律，加錢要埋三文魚，三文魚大大塊又厚，配搭埋新鮮蔬菜非常滿足。炭燒穀飼澳洲肉眼牛扒8OZ，自己食唔到太生嘅牛扒，所以點了7成熟，咬落去雖然有少少韌，但整體都好好，肉味夠濃，就算唔點醬汁都得，伴菜嘅粗薯條仲炸得外脆內軟！意大利燒烤菇扁意粉配松露忌廉汁係我每次必點嘅菜式，燒烤菇大大片，每條意粉都索晒忌廉汁，味道非常香而且唔會好膩。飲品方面都好出色，偽鴛鴦嘅mocha版，即係朱古力底加cream，再用上咖啡做嘅冰塊，越飲得耐，味道會更出！Green tea latte都好出色，佢唔係偏甜果種，抹茶味好濃，飲落仲有啲碎沙冰。最後我地仲加咗$28，點了一份朱古力脆脆蛋糕，非常抵食！上層的朱古力慕士非常香滑，底層仲加了人人都一定愛嘅朱古力脆脆，味道非常夾，我自己自私食晒一份！…Read More

火鍋真係食極都唔厭，網上睇介紹見到幾吸引就黎咗呢度試試！首先想講呢度環境好舒服，坐位之間勁闊落，環境又新淨，員工又非常有禮貌。而且仲有5間VIP房，又有大大部電視喺入面，啱晒一大班人打邊爐，私隱度又夠高！店員介紹我地試咗招牌金湯花膠雞窩，上菜嘅時候非常吸睛，大大片腐皮包到成個福袋咁，入面包住花膠、素翅、蟲草花、雞件等等嘅材料，另外仲有大量娃娃菜，非常豐富！店員會等我地打完卡，拆開個福袋再加湯煲滾！湯頭清甜，飲得出絕無味精，飲咗幾碗先捨得打邊爐！呢度嘅丸、滑及韮菜餃都非常出色，大推黑松露墨魚丸，牛骨牛汁丸及手打蝦滑，又香又彈，非常新鮮！手切牛頸脊就偏瘦，比較有咬口但都有肉味。最後，用呢個花膠雞湯淥埋個烏冬，就真係大滿足啦！…Read More

長沙灣好多隱世出色餐廳，呢間蘇山雞飯一定係其中一間，價錢划算，味道出色，套餐野食大大份，性價比超高。鮮油咖央多士，超厚牛油加上甜甜地嘅咖央醬真係無得輸，雖然好有罪惡感，但$22超抵，必食。套餐海南雞半隻配油飯+冬瓜雞雜湯，海南雞嫩滑夠味呢啲就一定，油飯又夠香。最驚喜係個湯好清甜，難得加埋我最鍾意食嘅雞雜，真係好正！龍蝦叻沙摻摻，$88已經有半邊龍蝦已經覺得好抵，蝦肉仲好爽陣添！叻沙摻摻係油麵加米粉，夠晒正宗，麵條吸晒啲湯汁，辣辣地得黎夠椰又夠香。麻辣玻璃魷魚通菜，晶凝通透嘅魷魚咬落好爽脆，點埋辣汁嘅味道好過癮！飲品推薦凍檸薏米水，邊食咁重口味嘅野，邊飲杯清清地嘅健康凍飲就最好不過！…Read More