胃食豬's Profile

團年飯唔想同人迫又唔想自己煮，上嚟做咗功課一於決定試吓呢間 "肥佬德" 睇下係咪咁得先~打去問預訂時間同要唔要比DEPOSIT另改餸等問題，聽電話位哥哥仔一一解答!最𡙁係有埋送貨，同屋企人商完後決定ORDER個細盤 ($398) 嚟試吓，但因為我地唔好鴨，所以叫咗哥哥仔同我走鴨轉為扣肉份量增加 (呢個選擇完全正確!!!!)送貨前一天哥哥仔打電話嚟覆實地址時間，佢原來係肥佬得德個仔喎!時間好準時，汁是自己煮熱前加落盤的，面頭有張 notice 叫番熱 30分鐘但我地實在太飯了! 見到頂頭出已經急不及待開餐蝦碌, 魚柳，雞，西蘭花 ok鯪魚蛋阿媽激讚夠彈牙不過我地全部人嚟講，最激讚既係 "扣肉"，色水靚，肥瘦適中又"鬆化" (呢個係我爸既形容詞)落內重有支竹豬皮蘿白及收哂啲汁哎爭啲講漏咗佢地汁，味正好香好濃，重有啲蠔仔喺內面好得意送貨無耐老闆仔打嚟問司機送貨時間是否準確夜晚食包包再打嚟問啲味岩唔岩今時今日呢啲小當既服務態度實在差唔多絕跡不過咁，我也個建議比老闆仔，如果個蘿白可以再甜少少/入味少少就更好!…Read More

嚟到門口12點9左右，襯班學生未放LUNCH，一於醫飽個肚先!一望個餐牌，價錢相對於石湖墟果邊嚟講，呢道一個餐平均差唔多貴 15-20%長期 "月尾" 既我....望左個餐牌好一會都唔知叫咩好~呢個時候有個阿姐話除了基本餐牌，也可以選擇學生餐 :)OK! 我要左個粟米魚塊飯，包一杯飲品才 24$份量也當然不及 "特適" 同 "街市" 多，但這個不是重點，問題係佢個所謂的粟米汁，粟米粒數少到可以數到出嚟，完全係白汁加粟米既 MIX 版，同我想像中/記憶中的味道同賣相也不一樣幸好魚塊沒有過多粉漿，也沒有雪味 …Read More

我一直都對 "蕃薯, 芋頭" 呢頪食品情有獨鐘! 其實入門口時我心只打算買SET 麥樂雞餐，點知見到出左蕃薯批所以我也急不及待整番件嚟嘆下~咬落去好多蕃薯粒，香香軟軟又不太甜，不過如果啲蕃薯大粒啲就更好!…Read More

行到攰攰地搵間近海邊既餐廳食午餐，無頭緒之下我要左其中一個SET LUNCH "炸帶子併雞扒飯"，而老公就叫左 "肉絲炒麵"，先一人一碗例湯，再嚟主食，炸帶子是軟軟的，我還以為是脆身! 雞扒淋滑，一般茶餐廳水準吧! :)輪到肉絲炒麵，跟我們在"美都" 吃的一樣，麵是炸到脆身的! 九王比肉絲還要多，但這不是什麼問題，可是吃是尾段....發覺碟底既油.....大家都馬上停手.... (沒有隔好油份便上棹吧!)…Read More

一落船首站就嚟同老公豬嘆番串魚蛋先，蝦膠釀豆卜食評就睇得多，吃就還是第一次無我想像中咁濃蝦味，反而我覺得味精重左啲! 魚蛋真係又軟又彈牙!臨離開長洲時我重買左半磅魚蛋番屋企慢慢回味 …Read More

行過見到佢個牌寫住有南瓜糕，嗜吃南瓜既我又點會錯過呢雖然個肚已經好飽，但我不甘心!!!點知排到時才發覺南瓜糕已經賣哂! 山長水遠，唔理咁多，綠茶紅豆, 芝麻同奶黃各一件啦比起喺深水埗果啲大件得多，綠茶味道略淡，芝麻同奶都好夠香滑啫啫得嚟又唔會散，不錯哦~~~…Read More

見佢啲點心好似幾靚咁!發口痕買左兩籠點心外賣番屋企原本想要埋燒賣，可惜最後一籠剛剛賣埋....那只好執番一籠山竹牛肉 (8$) 同蝦餃 (12$) 吧! 蝦餃: 皮略厚，啲蝦唔爽不但只重要食落好油膩咁，忍唔住要邊食邊吸油:(山竹牛肉: 山竹嫩滑好味! 加埋喼汁簡直一流! 反而之牛肉就一口粉咁! 超淋! 呢兩樣無得留低! …Read More

之前食過老麥既板燒雞扒包感覺良好，近日見到雞扒早餐廣告塊雞扒大大塊震騰騰咁! 明知會貨不對版都甘願一試 (一時胃食之過....) 外賣番到屋企一打開....EEE......可能是單單一塊雞扒既關係，好似好薄咁! 食落去就爽爽的 (是否分子料理)? 想像不到食緊雞扒既感覺....薯餅已經有點淋了! 激死! (一淋就會油膩感大增 )另炒蛋變得乾爭爭又無味，發生什麼事了? :(印象中的炒蛋不是這樣子的哦~唯獨是那兩塊鬆餅跟熱朱古力不變! 可是果醬只得單獨一種提子味.....我最愛的士多卑梨味呢?…Read More

自從上次嚟過食點心之後, 男朋友仔就鐘意咗嚟呢道!難得大家一齊放假, 又嚟嘆番吓點心先.以往我地一般都會叫鳳爪骨飯, 但今日男朋友仔叫就 "煎蛋牛肉餅飯" (13$), 即煎荷包蛋(不過我都係鐘意兒時即打落去焗一陣既食法多啲)飯粒分明, 牛肉餅軟滑又唔會食到一口粉咁 另外叫左個點心餐, 可以選兩種點心, 我要左燒賣 (另加3$) 同鳳爪 (9$) 跟凍飲燒賣沒什麼特別, 都不明白為何要加 3$, 鳳爪係凍肉度果啲貨式, 來料加工口感是爽爽的, 個汁我鐘意呀! 因為夠甜~如果點心款式可以再多啲就好了 而我地今次就坐正個門口位當有人開門時, 果一 "鼓" 熱氣真係 後來我地先知原來呢道係有 "樓上" 嘎! …Read More

見到咁多食評都係負面, 所以次次經過都無入去, 今晚唔想煮飯又想食壽司, 原本諗住去明蔣, 但係男朋友仔好想嚟搏一搏~主要我地都係 order 壽司同小食:1) 墨魚壽司 6$: 男朋友仔食, 外表唔錯2) 八爪魚壽司 6$: 男朋友仔食, 外表唔會乾爭爭3) 三文魚壽司 8$: 顏色絕對唔吸引, 完全無鮮味, 淋 pat pat (我比板前寵壞了! )4) 鰻魚壽司 8$: 好味! 我地安哥左兩碟! 5) 赤貝壽司 9$: 肉身好厚, 又爽口 6) 帶子壽司 12$: mmm....都係得個淋字,咩甜味都食唔出, 好在唔苦囉! (我比板前寵壞了! )7) 金龍炸蝦反卷 18$: 即炸大蝦, 正呀! 8) 花之戀 18$: 一般花之戀壽司都係配三文魚子, 不過呢度就係配蟹子, 除左三文魚, 一切正常!9) 炸雞軟骨 25$: 唔油, 好香口 正呀!10) 軟殼蟹天婦羅 38$: 份量叫做 ok 啦! 不過炸漿略為重手左啲 ** 壽司做緊半價, 價錢係ok 既, 不過陪份食物水準就有代保留了!…Read More

難得來到深水埗, 當然要試埋呢度既腸粉啦!之不過我次中對腸粉興趣不太, 我還是 order 了最想試既燒賣幸好朋友剛 order 了腸粉, 順理成章給了幾件我吃個人覺得 7$/3粒燒賣真係貴咗啲....燒賣材料原來是豬肉, 而不是魚肉, 口感淋淋滑滑, 好似好油淋淋咁 我還是比較喜歡有咬口的東西呢 腸粉真的很滑, 可是卻食不到什麼米香 但勝在抵食 …Read More

食完碗酸辣粉好似唔多夠喉咁! 上次試左坤記既白糖糕, 今次等我又試下佢既芝麻糕先芝麻味無我想像中咁濃烈, 但已經總好過外面一味死甜的東西可是我較喜歡有口感一些...這個糕細件得來又淋淋的 …Read More

行開玩具街特登嚟試下，叫左碗是日推介既 "鳯爪酸辣粉" 小辣mmm....因為人太多關係，我只係坐外面咋! 環境真係麻麻~等等等,,,噢! 我碗粉終於到了! 有唔少鳯爪，夠入味又淋!小許麻麻既感覺, 我反而鐘意佢既肉碎喎! 不過成碗嘢都好油 怕怕份量亦唔多，應該都會預左食客會加餸之類吧!不是想像中那麼回味~…Read More

門口擺左一大盤雞仔餅喺度，26$ lbs，真係想有個衝動想買啲嚟試，不過由於重有地方要去，好似唔係咁方便呢! 行入去一睇，嘩! 啲包既價錢都唔貴喎! 餐肉包塊肉夠哂厚，好大方! 事關而家物價通脹，好多地方既餐肉包都縮哂水! 一於買番個先!另外睇到腿蛋包，同樣係賣 4$隻，塊蛋好厚，實在忍唔到手 食落啲包包好似有少少棷汁味咁，好香好軟熟呢! …Read More

剛剛喺附近上完堂, 經過呢間魚蛋粉好幾次,今次終於拉埋兩個同學仔一齊試下,g 叫左牛腩牛肚撈麵, n 叫左牛肚雲吞麵, 而我呢...本來想叫魚餃墨丸米嘎!不過入門口時見到佢地牛肚好吸引呢! 就算呢輪起番啲暗瘡都唔埋得咁多,叫番個牛什米嘆下先! 先講講 g 既撈麵, 牛肚份量夠, 但係牛腩就得三數件, 重黐住啲肥膏添;跟住嚟既就係n 既相併麵, 佢都有唔少牛肚喎! 但係睇見啲雲吞真係一啲都唔吸引;好喇! 我碗米粉終於到嘍! 嘩! 真係好多件牛肚喎! 重加左啲炸蒜粉同蔥添,好香, 正享受之際, 發現牛肚下重有牛膀同唔少肺...另外有兩件類似豬肚既物體同:(食食下.....心諗點解無牛腸既, 牛什之中我最鐘意既就係腸....再反下啲牛什....eeee.....有兩件大大肥膏...黐住指甲咁上下 size 既牛腸 有無搞錯呀! 咁都比得人客食既咩!但係當時見兩位同學仔都三爬兩撥就快食好, 所以我都無要求換了! 由於店鋪下細, 大家都坐得好親密 :( 我地就困左喺一個好似一間房仔既地方竟然可以坐個人, 算吧! 呢啲地方都係食完要閃人! 出門口時幾時好多丸丸都浸左住, 唔知咁浸法,會唔會令本來爽既都變左淋呢 …Read More