Tszting1024's Profile

叫2杯野飲要要等40分鐘？？？事緣我喺OpenRice落單叫咗兩杯野飲15分鐘之後apps顯示可取餐我就行去攞去到話未拎得，咁就唯有等！五分鐘十分鐘過去都未得！要企係度等咁耐咁我洗乜預先落單？未搞掂點解又顯示可取餐？我眼見勁多單，職員自己都好混亂，有foodpanda 自取客都等到枯燥，明明沖好擺係旁邊職員又話未搞掂！結果要客人白等！最後我企喺度等咗25分鐘先有得拎！希望貴公司可以改善下呢個問題！！…Read More

心血來潮想食水煮叫左份水煮魚外賣超多骨！！！片片魚都有骨我之前食過幾次水煮魚都係冇骨架喎！唔知佢用咩魚會多骨到咁長骨都可以接受，但係好多細骨食到吉到個嘴味道ok嘅，但叫小辣唔夠辣配菜亦都好少…Read More

經過見到有芋圓食！好似好吸引！走入去叫咗個西米露三色芋圓外賣！返到屋企一打開見到咁嘅色水已經覺得中伏!碗野面頭仲有啲一塊塊嘅野超級唔開胃聞吓係咪壞左又冇臭嘅..............成$37蚊...冇臭都試吓啦.......係超淡嘅椰汁水黎！唔明點解會偏黃色！西米露唔係應該白色嘅咩？點解連西米露咁基本嘅嘢都會煮到咁仲要比客食？勁難食!!!!!!!!!!!!!試左粒芋圓 都唔太好食最後成碗野掉左嘥左我37蚊…Read More

行完街同兩個朋友入去食野 冇招呼都算 個個員工都黑口黑面揀野食其間有位疑似清潔工人既阿嬸話「仲慢慢揀 我地收十點架」當時九點三我地叫左3個餐 一個薄餅 四百幾蚊野食味道係OK嘅 但如果食嘢都要咁受氣我一定唔會再食 食到一半嘅時候 果位阿嬸突然間衝過黎問我地食完未 收咗我哋啲空碟 再一次話「我哋收十點㗎」真係好過份 當時9點40分 然後佢一路用啲唔有善嘅光望住我地用餐最後仲攞咗幾袋垃圾放係我地枱 我知你收工要倒垃圾 但明明可以放喺離我哋遠少少嘅位置 點解要咁近食客 呢位阿嬸擺明趕客奉勸各位朋友臨收工前真係冇去 食到一肚氣…Read More