Baokungkung's Profile

今日同友人去荃灣探貓，途經見到尼間小店個名好攪笑，所以就入去試下。我叫左碗麻辣象拔蚌、豬軟骨、酸菜米線中小辣，友人叫左麻辣豬紅、魚蛋、墨丸小辣米線，其實我地兩條友都算食得辣，但原來中小辣都已經好辣，比譚仔既中辣仲辣少少，個湯老實講，不夠濃郁，比較淡，但食完無好似食完譚仔咁口渴成晚，所以佢應該唔系太多味精。而佢有好多款小食選擇，我地揀左土匪雞翼同拍青瓜，雞翼即叫即焗，上枱時好熱，每隻都脹卜卜，好juicy，好味，拍青瓜都好味，不過就好少囉...佢既雞翼仲有麻辣同鹵水兩款，下次再試其他味先😋…Read More

今晚一行三人大吃一餐，我地好鐘意食麻辣火鍋，所以成日周圍去試唔同既麻辣火鍋餐廳，而本人較喜歡四川既麻辣火鍋，好似比較精緻同埋味道無咁搶。 雲長系食四川麻辣火鍋，佢有唔辣既湯底選擇，而我地因爲系嗜辣既朋友，所以叫左麻辣同芫茜皮蛋湯底，由於第一次食，唔敢去到咁盡，所以叫左中辣，中辣真系有辣味，但又未至於好辣，下次可以叫大辣。 由於諗住大食一餐，所以三條友叫左好多野食，最深刻系牛腩、極品手切肥牛、竹蔗茅根水同埋佢個麻醬。牛腩好有牛味，佢本身已熟，放落麻辣湯底煮一陣就食得，好好味，手切牛好多雪花，好食但牛味還是牛腩強啲，而佢既花生醬令我十分驚喜，多年前系北京鼎鼎香食火鍋，佢既麻醬點牛肉一流，好香好濃，但香港啲麻辣火鍋店供應的麻醬好一般，所以一直好期待可以食番鼎鼎香既麻醬，點知可以系雲長搵到，好開心😃而佢既竹蔗茅根水甜度啱啱好，又足料，讚！反而佢個即叫即炸的響鈴我覺得太油，其他各樣食物都好有水準。只系佢個通風麻麻地，食到9點時，個空氣好渾濁，加埋啲麻辣味，令到我地個個都濁到咳左幾聲。…Read More

今晚因爲有interview, 所以去左中信大廈，平時應該唔會特登去，因為系較僻既地方，人都唔多個（但其實系金鐘地鐵行經天橋過去唔洗10分鐘就到）可能個位置問題，所以餐廳都唔多人，我地食飯就坐得好舒服啦！餐廳亦有室外座位，可以好chill咁飲野。今晚食左nachos, Caesar salad 同白酒蜆意粉，食物質素好好，nachos做得好傳統，好味，沙律菜好新鮮有甜味，意粉煮得啱啱好，好al dente, 簡單得尼味道好好！ …Read More

睇到食評，滿心期望可以食到好好味的煲仔飯，但可能期望過高，有點失望。 地點系一條行仔，有點難搵。六時半去到，七點半走，都唔系好多人食，可能系平日呱。叫左蒜蓉粉絲蒸聖子王、臘腸雞煲仔飯、椒鹽九肚魚同抄油麥菜。 聖子兩隻，有一隻系好細同埋蒸得熟左啲，煲仔飯啲雞系無味，啲豉油又唔系甜又唔系咸，唔知想點，淨系得啲飯同飯焦好食啲，總體系淡茂茂。椒鹽九肚魚炸得好脆，粉漿亦薄，幾好。油麥菜好老同咸。總括系出面有好多更好選擇。…Read More

平時都是在香港島食串燒，因為質素好一點，但因為唔想成日過海，所以特別系Openrice尋找九龍區好味的串燒，見到尼間餐廳其中一個食評說可以與最愛的南亭比美，我當然要去試一試啦﹗星期五晚上7點半去到，因為訂左枱所以有位，之後有好多客walkin都無枱了。我地叫左沙律、帶子牛肉、厚燒牛舌、燒銀鱈魚、芝士雞翼、芝士年糕同燒牛肋肉，本人好喜歡南亭的燒牛舌，因為燒得好香好有牛味，平時一個人都會叫兩串，今次我地諗住叫兩串每人一串，職員提議我地叫一串兩個人share怕兩串太漏，這個溫馨提議我是欣賞的，但串厚牛舌真系麻麻，燒得唔夠香同埋中間唔熟有血水出。好失望，沙律只系一般雜菜淋上在超市買到的芝麻醬，帶子牛肉只系普通牛肉包住粒帶子，帶子燒到無出水，還可以，燒銀鱈魚一般，芝士年糕也是失望，塊紫菜上到枱已經系林左，南亭的芝士年糕上枱時是熱辣辣紫菜是脆身的。而燒牛肋肉是職員推介的，滿心期待，味道好，但太多筋，食既時候既感覺唔多好，最好食系芝士雞翼，外皮燒到香脆，味道亦很好，本來encore左，但職員漏左落單，因為星期五太多單，如果再落要多等半小時，所以我地就決定放棄埋單走了。可能期望太高，所以出來既結果麻麻，這小店真的不能與南亭相比，只可以說是一間普通的串燒店。…Read More

今日去左尼間餐廳食lunch,坐位唔多，所以好快坐滿。門面既裝修同隔離間日式拉麵店差唔多，入面裝修亦很日式。每一位客人有一張點餐紙，所有可點的食物已在紙上，款式唔多，我點了半筋半牛肉麵、滷肉飯、皮蛋豆腐、滷肉青菜。皮蛋豆腐-第一次食到非百福豆腐的皮蛋豆腐，心裏已經欣賞，佢個豆腐系類似布包豆腐，蠻有豆香味。滷肉青菜-鐘意佢無落油滷肉飯-飯是珍珠米、滷肉都很香，不會過咸，好味半筋半牛肉麵-湯底略淡、牛筋不入味、麵是類似粗身的上海麵，比較硬身，個人不太喜歡這類麵的質，但牛肉就好好味。喜歡食辣的朋友，系尼度你唔會食到，佢既辣油是一點也不辣。而任加的酸菜不是一般你在台灣食到的，這裏的酸菜只有菜頭沒有菜葉，而且味道偏咸，不酸。…Read More

今日同幾個辣朋友去劉一手打邊爐，聽個名就聽左好耐，但一直都無去試，今日終於試到。餐廳是分兩輪的，6:30/8:30，我選擇左6:30, 因為8:30先開始實在太晏。但我地最後打到9點半都無人叫我地走。因為同食得辣既朋友去食飯，所以諗都唔諗就一定系食麻辣火鍋，仲要叫大辣!! 但因為有一個朋友啱啱病好，所以另一邊就叫左椰子雞鍋。唔知系咪又系為左遷就香港人口味，所以就算大辣都唔辣，唉﹗(不過已經好過麻神) 材枓方面，可能系因為重慶麻辣火鍋，所以所以好多內臟選擇，由於我地大部份人都唔食內臟，所以可以叫既野好limit, 佢地有海鮮，但麻辣火鍋打海鮮麻麻，所以我地又無叫，D丸又好似佳記買個D，所以我地淨系叫左九根丸，都還可以，叫左個牛肉併盤，有唔同部位既肥牛片，同牛肉粒，牛肉粒好好味，好林好有牛肉味，墨魚滑釀油炸鬼吸左D麻辣湯都好好味，另外叫左茼荀、雜菜盤、鱔片、響鈴、餃子等，但都系一般。不過，系尼度要鄭重咁同大家講，食完劉一手，你番屋企系除左要由頭到尾沖涼之外，所有跟你入去間餐廰既物品都要清潔或噴除臭劑，因為食完餐飯之後，我地5個番到屋企D 袋套西裝D褸，全部都好大朕麻辣火鍋味，久之不散。 …Read More

今日年初三，因為新年好多餐廳都唔開門，好不容易先搵到好野食，諗到泰國菜餐廳應該唔會跟農曆年放假呱，所以去左九龍城搵食。去到九龍城，諗都唔諗就去左昌發，好野！有開門！去到就更系點我最鐘意食既冬蔭功湯河，湯好濃，啲河粉系好闊既粉皮，咬落去好有質感，而且闊既粉皮沾湯能力高，所以令到啲河粉更好味。朋友叫左傳統炒金邊粉，好好味，同系泰國食個啲一樣味道！正呀！ 食左咁多年昌發，佢仍然保持到水準！而且佢真系保持到泰菜既味道，推介…Read More

今晚同友人去食飯，友人鐘意食中菜，但兩條友食中菜叫唔到啲乜，見到明閣有一人餐，所以就去試下。我地睇完全個餐牌，好多碟都想試，但散叫又叫唔到太多碟，但一人餐裏面有啲又覺得有太普通，有幾碟好想試但散叫又無得叫，一定要叫一人餐先食到，諗來諗去都決定唔到，最後侍應哥哥好好咁提議我地叫一個一人餐，再加兩至三樣散叫，嘩！咁我地就可以試到好多唔同款既食物。首先是明閣三小碟，本來對尼碟無乜期望，因為覺得只系燒味併盤，但個义燒同個豆腐都好有驚喜，銀稔醬配豆腐好特別。之後系散叫既陳醋銀雪魚，好味，啲陳醋好香好甜。再來散叫的芝士焗蟹蓋，雖然好多蟹肉，但無乜特別，食完好漏。之後食左唔記得咩名既大蝦三味，😛其實頭先點菜咁苦惱就系為左想食尼個菜，點知出尼麻麻地，個用尼浸窩粑既蝦湯唔夠熱，所以浸唔到入味，煎蝦球都好味，最後個酒釀浸玻璃蝦球個味怪怪的，我唔識欣賞。之後上既都系套餐既菜，最好味系個椰皇花膠湯，好清甜，個欖角鹹檸和牛炒飯都炒得好好，啲飯炒到一粒粒！而且啲材料配搭好特別。最後就系佢地既signature dessert甜夢仙境4款甜品各有特色，我個人最鐘意個豆腐布甸，好香黃豆味。總括尼講系一餐沒有失望的米芝蓮晚餐，環境舒適、比一般中餐廳寧靜、啲侍應哥哥好好，好有禮貌、又細心！尼餐值尼個價錢…Read More

之前食過佢既芝士味白之戀人，覺得好好味，好有芝士味，所以對佢既芝士味雪糕好大期望，但愈期望愈失望，只系得好淡好淡既芝士味，反而個雪糕筒仲重芝士味！試過一次就算了…Read More