louisasy's Profile

齊柏林之前啲熱狗好好食，但係最近發覺佢哋落醬越落越誇張，食到成口都係醬，完全食唔到熱狗同漢堡嘅肉味，覺得自己好似係喺度食緊沙律醬。落幾次單，次次叫少醬，但係啲醬依然係多到不得了，如果再係咁落去，佢應該啲食物要改名叫沙律醬漢堡同熱狗。嚟緊應該會少啲幫襯呢間店，實在係落醬落到走火入魔。唔知係粉嶺呢間店嘅問題，定係每間店都係一樣，落醬落到咁過分，其實佢啲漢堡肉質好好，唔乾多汁，但係就比啲醬完全蓋過晒啲肉味。:(…Read More

叫咗十幾個糖水，啲賣相好好，味道都好好，燉椰皇好香，榴槤好勁榴槤味，芋圓夠煙靭，芒果夠晒甜，好香好味。但係最大問題係十幾個甜品完全唔知邊個打邊個，冇名冇號碼，要逐個打開睇入面係啲咩先分到，希望可以改善下。下次會再試其他味道，好多款都好想試。…Read More

好耐冇飲天仁茗茶，今日諗住再去試吓有冇改善，因為佢啲茶越飲越淡，諗住咁耐冇飲、比多次機會再試吓，點知飲咗一啖就後悔，個奶茶淡到覺得自己係飲緊奶水，真係唔會再有下次。…Read More

行過見佢地個樣幾靚所以買嚟試吓。先講Tiramisu,唔講我以為自己食緊一舊cream加海綿蛋糕，未食過咁難食嘅Tiramisu! 之後仲買咗個伯爵茶同培茶蛋糕，茶味唔夠得個甜字，搞唔掂！最正常係個松子朱古力蛋糕，有朱古力味海綿蛋糕亦ok，不過同一個黑森林蛋糕無乜分別。四份加埋一百蚊真係完全唔值！…Read More

第一次去呢間餐廳，細細間唔太起眼。叫咗個卡邦尼意粉（$44）同牛扒配沙律菜午餐（$68），加多幾蚊仲可以轉特飲。卡邦尼意粉個汁好香，牛扒好淋，好味，價錢又大眾化，值得再去。…Read More