CookieTang3941's Profile

想食韓國嘢，上網見到話好好食咁，就打算試下。其實都唔算好多人排隊，不過一排就排咗個幾鐘…中段先知原來有得book位…舖面唔大，應該坐得20人左右。等咗一個鐘有多先入得去坐，坐底咗之後個待應又唔醒目，無俾餐牌我地。終於點好餐，咁我就點咗泡菜豬肉豆腐湯，平時岀面食多數包一碗白飯，但宜到加飯係要加錢既，碗飯都唔係好大碗。上菜之後，我發現個湯入面得好少豬肉，幾舊豆腐。以宜個價錢嚟講，我覺得超級唔值…仲要等咗咁耐先有得入座……Read More

唔打唔撞去咗呢間舖頭，開頭入去嗰陣一個客人都冇，都有D擔心。但係因為唔想再等位，就決定咗入去食，餐廳入邊裝修都幾靚，有異國風情嘅感覺。侍應同老闆娘都好有禮貌，一坐低就俾咗幾杯水我哋。見到lunch都只不過係大約$70左右嘅價錢，要加一。本身個餐已經包左沙律或者湯，再加一個主菜，再加餐飲。所以70幾蚊來講我覺得好抵。嘢食嚟到，我叫咗漢堡包套餐。一啲都唔失禮，份量十分足夠，漢堡包隔離有薯條，同少少沙律菜。建議大家唔使再重複叫沙律，可以飲餐湯。個漢堡包新鮮整出嚟，好新鮮，個包入邊都有查牛油，啲牛肉夠厚。薯條正正常常，又係新鮮嘅。總括而言呢間舖頭我會再去食！…Read More

有人咁啱早左嚟到依頭，見未夠鐘上堂，又未食早餐，求其搵咗間茶餐廳入去食。依間茶餐廳都幾多人食，入到去之後侍應都算有禮貌，話俾我聽早餐餐牌喺邊。見到早餐大概價錢都係30幾蚊左右。咁我就揀咗個最抵食嘅a餐，分別有火腿通心粉，煎雙蛋，香腸，多士。仲除餐附送一杯熱飲。早餐好新鮮，送上枱仲係熱嘅。火腿通心粉一如既往，正正常常，火腿份量都幾多。多士有夾牛油喺中間。香腸都正正常常。煎蛋呢個蛋白就有少少油味。不過其實喺銅鑼灣食，仲要$30就咁豐富嘅早餐，我覺得心滿意足了。…Read More

喺銅鑼灣有嘢做，食午飯嘅時候發現一直想食嘅別天神拉麵就喺附近！中午去到都要等一陣位，要喺餐廳門口出邊嘅自助售賣機買左飛先，不接受現金付款。入到去之後張飛交俾店員。值得一讚嘅係銅鑼灣嘅店員姐姐好好人好好笑容嘢食嚟咗，我叫咗平時普通嘅拉麵，同埋一個沙律。已經唔記得咗個沙律叫咩名，詳情可以睇圖片。拉麵嚟到，個湯底十分之清甜，我個人建議配合埋嗰啲辣嘅芽菜同埋蒜蓉一齊食。加咗之後個湯底超級正，啲拉麵嘅麵質都很好。之後個沙律，一直都聽朋友講話好好食，今次終於食到。真係好好食呀！ ！ ！已經唔知點樣形容，但係強烈建議每個人都應該叫一碟試下最後有個店員叔叔仲每人派左一個卡套，十分之實用。如果有機會嘅話，我都會再幫襯…Read More

早前經過，終於買到阿華田麻薯包。雖然都出咗一段時間，但係今次先係第一次食。之前出咗阿華田包嘅時候都冇試過，一來就試依個阿華田麻薯包。一咬落口，啲麻薯都幾癡口，可以在煙銀啲，但係都算唔錯。阿華田嘅份量就唔算好多，所以都唔會太甜。反而麻薯嘅份量就比較多啲，所以食完都幾飽。不過我都係覺得食飽都係食鹹嘅會好啲，之後都係食返啲香菇雞包算啦。…Read More

早幾日得閒，醒起想試吓KFC新出嘅炸番薯波，同埋都好耐冇食，所以見到就入去試吓啦！叫咗個炸雞扒黑椒蘑菇大桶飯，同埋炸番薯波加炸雞粒食個飯就都幾飽，多飯，但汁唔算好多。食到尾啲飯有啲一舊舊。炸雞粒就咸咗少少反而蕃薯波又幾好食！出邊係脆脆地嘅，食落有啲煙銀，紫色好食過黃色！經過可以去試下，又唔太貴…Read More

放lunch打算去食吓好嘢，就嚟咗銅鑼灣嘅千兩，一入到去入邊唔係好大，都冇咩地方可以坐，坐咗喺吧枱。感覺唔算特別乾淨，有少少油嘅感覺。由於都幾多人下，坐得都有啲迫，唔知點解我個位冇定食嘅餐牌，所以我就唔知有得揀，叫咗主餐牌嘅嘢食:(定食好似抵啲又平啲！咁我就叫咗一個10件嘅壽司拼盤，$198。講真，啲壽司真係幾好食，係啲魚生上邊仲加咗啲配料同醬汁，錦上添花。相反如果嗌定食嗰啲壽司就只會係單純一件壽司。同埋坐吧枱會見到前面嘅師傅喺度逐件逐件整其實10件壽司都已經夠飽，我再叫咗個燒番薯，$18。蕃薯比我想像中軟身，正常，不過只係基本。最後仲叫咗個燒秋葵，第一啖食落口覺得鹽味太多，不過食食下都幾好食，但係其實本身秋葵就好食，所以唔關佢煮得好唔好事不過佢燒完之後唔太乾身，外皮都唔會好脆。順帶一提，啲侍應其實都OK有禮貌，但係我都係咩住個背囊去，然後冇位俾我擺，被逼要將背囊放喺地下。點知到我臨走嗰陣，我竟然聽到個侍應主動Offer比隔離個女仔一個盒俾佢放手袋令我感覺有啲差。。。。…Read More

知道佢喺香港開咗分店，之前喺日本食過，所以嚟到香港都要試吓。兩個月前用電話app Book咗位，今日上到去發現都好多人喺度等位，好彩一早book咗，簽到完之後等一陣就入得入邊嘅環境同日本食嗰陣都幾似兩個人食咗16碟野，詳細唔多講！講一講三文魚壽司，價錢只係$12 一碟，食落口感不錯，有三文魚味吞拿魚壽司，我見啲吞拿魚個樣好似好靚，但係上到嚟嘅時候，我嗰碟就麻麻哋，食落口之後有啲難食，仲有根。。。唔食好過食茶碗蒸，好食又唔貴，只係$19，入邊有一粒帆立貝同埋一隻蝦。之後都試咗個叉燒壽司，覺得幾特別就叫咗，叉燒其實係拉麵嗰種叉燒，但係肉質比較乾身。食落口感都唔錯既甜蝦，好食！兩個人食埋單300唔洗，啲店員都好好禮貌，會介紹一次點樣落單…Read More

有次經過大埔熟食中心，就上咗去食嘢，見到間泰國菜有泰國人打理，價錢實惠，就去咗試吓啦。啲侍應都好有禮貌，一坐低就招呼我哋咁我哋就帶咗馬拉盞炒通菜，菠蘿炒飯，辣椒膏炒青口，蒜蓉包，半打串燒首先講吓個炒通菜先啦，通菜入味，炒得夠火喉，好味！菠蘿炒飯呢就十分足料，上邊有少少海鮮，再加果仁，下邊就係炒飯。成隻菠蘿送上嚟，感到驚喜，但係食落去呢就味道一般，想過吓口癮都可以食下嘅之後就到辣椒膏炒青口，記憶中價錢只不過係$80左右，但係啲青口都幾大隻，又夠味可惜蒜蓉包就有啲失色，雖然幾脆但係冇咩蒜蓉嘅香味，但係份量依然都幾多下最後講埋半打串燒，牛羊雞每樣兩串，雞就幾好食嘅，肉質夠幼，唔會燒到好老。但係牛呢，就好多牛筋，唔係好適合用嚟作串燒。而豬呢就燒得太耐，太乾身同埋有啲鞋最後埋單都只不過係290幾蚊，3個人食到好飽！我覺得以咁嘅價錢來講泰國菜，已經算係十分不錯㗎啦～…Read More

放咗工周圍去，見到呢間野門口咁多人排隊，出於好奇心就去試吓啦。之前已經聽過呢間野，都係去到先知原來佢出名食豬扒喺門口排隊大約排左半個鐘左右，先入到去。入邊嘅裝修都幾特別，不過人頭湧湧，座位都比較迫。食物選擇唔係好多，但係都足夠。咁我哋就叫咗椒鹽魷魚，秘製肉燥豬扒飯，同埋沖繩豬軟骨飯，仲有一杯茶豬軟骨飯一上到嚟，好多飯啊！建議細食嘅朋友可以叫少飯，仲可以減一蚊。豬軟骨份量亦都非常之多，好欣賞佢有條菜。之後就到我肉燥飯啦！勁大嚿新鮮熱辣辣嘅豬扒喺面，肉燥就係啲豬扒嘅下面。啲豬扒揸得啱啱好，外脆內軟，就算擺咗一陣間先食，都係熱辣辣嘅啲飯都唔係普通嘅白飯，有啲似珍珠米，食落充滿口感！啲肉燥半肥瘦既，食落爽口。之後就到小食，我覺得依間餐廳嘅炸嘢實在幾出色，分量亦都較為多，比我感覺係幾抵食乙最後講埋杯茶啦，普通用車仔香片沖出嚟嘅，不錯總括而言，啲嘢食又抵食又新鮮，有機會都會再去食多次！…Read More

喺牛頭角附近返工，平時放lunch經過已經見到《名昇館》好多人，今日終於決定去試下。12點45分午飯時間去到，同平時一樣人頭湧湧，雖然比較多人，座位都比較迫，但總算企企理理。同一般茶餐廳相比，比較新式乾淨。張相係食完之後影嘅，啲人已經走得七七八八午餐都好多選擇，而且日日唔同款，唔怕食到厭。早餐食得太飽，唔係好餓，就叫左個全日早餐加熱檸水。全日早餐非常豐富，有大塊豬扒、煙肉、炒滑蛋、薯條、沙律、蕃茄同厚多士。豬扒份量十足，唯不夠入味。炒滑蛋炒得剛剛好，厚多士亦十分鬆脆，兩樣夾埋一齊食就最好啦！蕃茄如果可以煎一煎就更好。旁邊的沙律略嫌太多醬汁，下次可以試下叫走醬汁！薯條都幾好食，夠熱同新鮮。下次試吓佢午市套餐先…Read More

估唔到牛頭角有間唔錯既cafe夜晚7點幾上到去，店內座位唔係好多，不過唔算好多人，坐得都好舒服，有自己既空間。一個套餐包一碗湯，一個主菜，一杯飲品。個晚既湯係蕃茄薯仔湯，好有屋企既味道。主菜我地叫咗松露大啡菇椰菜花飯，同芥末蜜糖雞肉扁意粉。講下個飯先，個飯唔係用米煮！係椰菜花粒嚟，食落新奇有趣，食到底有粒大啡菇，幾好食。本身以為會唔夠飽，但食完其實都ok！個意粉既汁同平時我地食開既蜜糖芥末都幾唔同，唔會一patpat好heavy，食落口幾清新。我都幾中意飲品就係茶包沖既，飲完之後，店員仲好好人幫我地添水！整體嚟講: 滿意…Read More

平時喺西貢玩完水都會過嚟食碗海南雞飯， $45有一碟飯同一碗湯飲，咁嘅價錢相當唔錯！海南雞個油飯仲可以轉做白飯，十分之適合想健康啲嘅我鋪頭入邊嘅人全部都唔係香港人，所以格外有依個泰國風味！講下個海南雞飯先啦，雞肉唔會話好鞋身，肉嘅份量亦都足夠。最大嘅賣點係個醬汁！我都唔知點形容佢個醬汁，有啲辣、又有少少酸甜，加埋啲海南雞食，真係好夾！每次食都會到晒成個醬汁落啲飯同雞到！另外講埋碗湯，雖然唔係乜嘢老火湯，有少少似味精湯，但係飲落去之後會繼續想飲，又唔會越飲越口渴會繼續幫襯！…Read More

之前就同朋友嚟到粉嶺法院參觀，咁啱發現咗呢度有間咖啡館。咁行完當然要入去食下啦。我哋行完都已經成下晝兩三點，下午茶時段，見到佢門口有寫下午茶嘅菜單，有三款，價錢都大概40至50蚊。但原來佢下午茶就只係得門口嗰三樣熱食，其他餐牌上嘅嘢都係沒有供應嘅！飲品同埋甜品就應該係全日供應。入邊嘅環境都好優美嘅，坐得好舒服，好有文青氣息。咁因為我哋都想食飽肚嘅嘢啦，就叫咗兩款嘅下午茶。分別係炸蝦，同埋炸飯波但係上到黎之後就有少少失望嘅，因為冇諗過依個價錢只係得三隻炸蝦同埋幾舊波味道上呢就正正常常囉冇咩特別。我諗嚟呢度食嘢都係食個環境多個食啲嘢食㗎啦我見啲甜品賣相都不錯嘅，不過價錢偏貴，份量都不是太多。食完個炸蝦同埋炸飯波之後，我地都決定去第二到再食…Read More

滑蛋豬扒盒飯: 豬扒份量有點兒少，只有3/4舊。雖然係炸豬扒，但係外邊一啲都唔脆:(味道普普通通，不過不失，但係舊豬扒就差左少少。燒魷魚: 味道幾好，上菜時仲係熱嘅，仲好有咬口。雖然係燒魷魚，但係唔會太乾身，亦都有少少汁係底佢本身有啲沙律醬，但係我比較鍾意就咁食，不加調味料。如果佢個醬汁可以分開擺就更加好，而唔係直接放左係魷魚身上。牛肉鍋: 依樣野好難中伏味道同出邊差唔多啦。不過帶到叫咗二人份量，都係覺得唔算好大。最鍾意一定係食隻蛋。軟殼蟹卷: 本身就帶有期望去食嘅，因為都好鍾意食軟殼蟹。點知其實食落去都冇乜味，啲醬汁加埋軟殼蟹嘅配搭有啲奇怪，可以唔使食。…Read More