YaniceLam的个人专页

第一次經過呢間舖頭，裝修好簡單但係就有濃濃嘅韓國餐廳嘅味道 簡約而不失禮 地點開係The One隔離非常方便 以往如果想食韓國嘢都必須要去到韓國街 呢個地點係絕對加分 開業嘅第一日已經見到好多人食 相信呢間舖頭之後都一定會有人排隊嚟食 原因有三個 1)店員嘅服務態度幾好雖然忙，但係都會同你講嘢食仲有幾多分鐘之後先至到，可以食住其他嘢先 2)食物嘅質素好高特別係雞湯麵，湯底好夠味，又唔會好鹹唔係味精湯，雞肉好嫩滑，面質地好彈牙就已經好足夠香辣排骨麵，聽聞係新出品，不過我覺得排骨肉質都係好嫩滑，唔係諧霎霎嗰種，雖然講話香辣味，不過我覺得小朋友同大人都食得，唔算係過辣嘅，如果喜歡重口味嘅朋友，可以食香辣排骨，如果喜歡食清淡啲，健康為主可以食雞湯湯麵。雖然佢餐牌上面款式唔係話太多，但係每一樣嘅食物都係高水準，包括餃子都好好食呀。最後一個原因3)就係佢價錢唔貴一般食韓國嘢人均價錢都要$200至$300左右最少但係佢都係100至$200左右 所以超級抵食。相信之後我都會介紹朋友嚟試呢間韓國麵！…查看更多

尖沙咀區假日好去處 其中之一環境100分有露天同埋室內嘅位置氣氛非常好 並且門口算係隱蔽要特登搵先嚟到 絕對係隱世好店講返食物先種類有好多 越南泰式為主有特色嘅DIY 就唔食澱粉嘅生酮一族都啱食 份量都好大碟 性價比都算高味道適中 唔會太濃或者太鹹色香味俱全 少有餐廳都可以好似佢哋咁炒通菜唔會太油，又唔會太辣不過好香，好好食！蟹肉炒飯，好多蟹肉 有檸檬可以炒飯去除多餘油味，更加開胃 ！冬陰功湯 外觀好有特色，有食飯火爐保持住嘅溫度 材料都好多，蝦好新鮮，湯好有鮮味 ，唔會係死鹹同重味精果種 如果有朋友生日，慶祝結婚周年極力推薦大家可以去呢度！…查看更多

已經係第三次幫襯今日星期五晚 大約10:00嚟到 幸運地冇乜人，等咗10分鐘左右就已經可以入座嚟到嘅時候見到店員好忙不過佢哋都好殷勤咁招呼我哋每個人總共食咗八樣嘢食全部都好好食份量都好多 今次依然保持水準冇令我哋失望特別欣賞佢哋嘅椒鹽鮮魷，椒鹽九肚魚陳皮鳳爪，同埋黃金煲仔飯即使要過海嚟食都係覺得值得嘅 舖頭仲要開到凌晨4:00第二朝5:00又要開門仲要日日都咁忙 咁多人咁好生意～個個員工做到冇停手真係辛苦晒！…查看更多

香港人真係好鍾意食日本嘢久唔久就會特別思鄉想去吓日本行街食嘢 但係有冇時間只能夠去居酒屋 望梅止渴今次嚟到呢一間隱世高質人氣居酒屋喺尖沙咀區嘅樓上鋪 放工同同事想飲杯酒relax吓首先 呢間居酒屋嘅風格好獨一無二環境氣氛我會比10分 因為佢哋將日本居酒屋既概念發揮得淋漓盡致令我印象深刻嘅係居酒屋有好多泰國佛係營造左一個好特別嘅氛圍感 另外，居酒屋仲有露天位置可以係咁舒服嘅環境下食嘢享受戶外既空氣真係可以令到我哋返咗六日工嘅上班族充滿壓力非常沉重嘅心情 得到解放喺嘢食方面， 佢哋種類都算多串燒，炸物都好好食仲有好多唔同款式嘅Cocktail所以我哋點樣食嘅時候 都揀咗好耐食物水準係 從外觀 味道 都係保持高水準…查看更多

今次已經係第三次過嚟食啦如果唔係朋友介紹應該好難會無端端行入呢間舖頭因為位置都真係比較難搵但係你食過一次 100%肯定會再幫襯呢間嘢位於二陂坊附近其實有好多大排擋 大排檔嘅缺點就係衛生環境唔好而且好嘈好多人出奇地呢度坐得十分之舒服朋友敘舊傾偈 傾心事飲酒 冬天食個羊腩煲就一定要揀呢度 真係值得推介嘅隱世中菜館一入舖頭佈滿左老闆煮嘅小菜相片坐低已經開始吞緊口水 電視就播緊老闆參加嘅飲食節目原來老闆好有名氣 不過完全冇架子 勁nice仲會同周圍嘅食客傾偈 好似朋友咁 我同老公兩個人就食咗五個餸其實佢啲嘢好大碟 好快就飽咗不過我哋真係停唔到口 食到連湯都飲埋一條菜都冇剩 因為真係太好食啦老公仲話要介紹所有朋友過嚟上一次有食過佢哋嘅避風塘炒辣蟹同埋芥末鮑魚都好好食佢哋嘅Menu上面有好多唔同嘅小菜同埋自己創作嘅菜式 同一般嘅中菜廳真係好唔同每次嚟都要試唔同嘅菜式雖然佢哋都有廚師推介 不過對我嚟講佢哋所有菜式都係招牌菜希望有朝一日可以試晒佢地啦講真 香港有人情味 又好食 性價比又高真係少之又少 願意用心經營 一定要支持！…查看更多

今日收工無意中發現呢間樓上火鍋店地址位於金馬倫道一幢商廈3樓地點非常方便上到去嘅時候比一般火鍋店企理環境好乾淨 空氣唔會好侷促 而且裝修得好靚睇得出老闆好注重細節位上到舖頭一出𨋢 見到流水座冇多餘嘅雜物 第一個印象已經好好講到食物見到佢哋嘅火鍋有好多湯底真係好難揀 傳統嘅創新嘅都有相信每一個人心目中都會有佢想食嘅湯底可以滿足晒所有人 今次揀咗佢哋椰子花甲蟹湯底 初初飲比較清淡都打邊爐，打到尾聲嘅時候 再飲嘅時候，確實好鮮甜 飲完都唔會好頸渴 唔係味精湯嗰隻加上佢嘅湯底裏面已經有晒花甲螃蟹粟米蘿蔔同秀珍菇 所以真係性價比好高 可以嗌少幾樣餸而佢哋嘅食材都好新鮮最令我印象深刻嘅係佢哋有四寶丸 酒心雞肉丸 同流沙墨魚丸 芝士蝦丸 梅菜豬肉丸 四隻都好好食 而且呢個組合 真係好少見 好有噱頭 老闆喺研究新菜式方面 都非常用心 椒鹽粟米同孜然單骨雞翼都好好食 大家一定要嗌嘅 我覺得係 無骨醉豬手 醉雞就食得多 豬手嘅味道同口感一流 重點係冇骨同埋配菜涼拌雲耳都非常好開胃 所以下次一定要點 服務質素都好好 定時會有人行過嚟跟進我哋嘅食物 同關心我哋食後感冇諗過喺呢度都會受到五星級酒店嘅服務而且佢哋嘅員工反應都好快亦都好有耐性解答客人嘅問題員工都培訓得好好 保持一致性總結 呢餐四個人總共食咗$1500左右平均每人食咗$350 呢個價錢絕對值得！享受到優質服務，食物同環境嘅品質～我會再介紹朋友過嚟！…查看更多

朋友生日飯好去處🩷喺尖沙咀又唔想食得太貴環境又要舒服食物質素又要高我會諗起 滾得棧呢間火鍋店之前已經有聽過朋友話好食今晚仲要喺尖沙咀開咗分店今次食咗佢哋嘅海鮮 珊瑚蚌 水魷 鱔片全部都好新鮮 佢哋嘅招牌蝦丸同芝士墨魚丸 都係必叫嘅 勁彈牙 而且佢哋個秘製沙嗲湯底都好出色，好濃郁 以後唔使特登去九龍城食😍可以媲美九龍城嗰個湯底仲要價錢只不過係$79性價比超高而且尖沙咀地區一般嘅火鍋店都會有限時呢度係可以無拘無束咁樣去食而且service超好見到我哋影相，都好樂意幫我哋揸機影到幫我哋滿意為止👏🏻👏🏻絕對係會encore係火鍋店值得推介俾大家‼️‼️…查看更多

正正因為2012年起就屢次獲得米芝蓮指南推介加上佢個地點優勢就成為大家節日必去既中菜廳如果想食嘅朋友就要早少少訂位今次因為朋友生日我哋都要提前一個月訂位每次入到餐廳都會有種莫名緊張氣氛可能因為樓底高 燈光比較暗既原因而令我放鬆嘅果一刻一定係枱面嘅小食 又甜又脆既合桃食既過程 service都非常好服務生會係附近 但唔會有壓迫感已經上菜時間咁多人黎講都算幾快總結一下 國金軒係好值得一試既米芝蓮中菜廳不論烹飪技巧定係無可挑剔既服務如果想請朋友食飯或者慶祝生日節日國金軒地點嘅優勢同埋佢哋食物嘅質素都非常高除左價格方面比較高之外想食餐好既時候 又想食中菜 呢個絕對係一個好選擇…查看更多

全港最高質素的中菜廳食物質素與細心服務位於荔枝角D2既大公館絕對是一間值得一試既中菜廳無論係食物既口味定係服務的態度這裡都展現出令人驚艷既高質我既用餐體驗令我留下左深刻既印象首先係食物的口味佢哋對食物嘅要求非常高為客人呈獻左所有無可挑剔既美食無論係一個經典嘅炒菜定係創新既菜式每一道菜都散發住獨特既風味同精心既製作我特別推薦佢哋嘅招牌菜古法鹽焗雞 提提大家 呢個要早一日預訂如果唔係 即日order係唔會食到除了令人一試難忘嘅食物之外大公館既服務態度都係無可挑剔從我踏入餐廳既果一刻起接待嘅職員已經幫我開門仲會親自帶我入房就展現出極高既專業同細心感覺去咗一間五星級酒店咁而且佢見到我哋有小朋友都會主動提供白飯佢哋殷勤既服務絕對係值得被讚揚無論你係想同屋企人慶祝生日定係朋友聚餐我強烈推薦大家可以試吓大公館絕對會係一次難忘而且愉悅既用餐體驗…查看更多

今日屋企人生日就試咗呢間屯門嘅星滙酒樓「意想不到」咁好食😋一入到去就已經見到好多人全場爆滿估唔到咁好生意😍😍成間酒樓都洋溢着香噴噴嘅味道今晚我哋叫咗乳豬，長腳蟹，雞煲龍躉球炒西蘭花，炒蟶子每樣都係高質水準重點真係一啲都唔貴生日聚會一定會再返嚟食呢間酒樓屯門人一定要試！乳豬係外脆內軟，未食過咁脆卜卜嘅乳豬而且調味啱啱好，唔會太鹹長腳蟹咁大隻，又新鮮，搣開勁多蟹膏同埋蟹肉，啲蟹肉係可以一絲絲搣出嚟，勁鮮甜雞煲係有少少麻辣嗰種口味，好惹味😍龍躉球炒西蘭花🥦炒得啱啱好，有鑊氣，龍躉肉大大嚿豉汁炒蟶子有濃郁香味，個汁仲可以用嚟撈飯,搶唔到聖子嘅鮮甜，又有豉汁嘅香味，呢個下次都一定要嗌總括嚟講， $100都有99分因為佢嘅價錢性價比，食到咁樣嘅食材同埋咁樣嘅味道，真係超加分！…查看更多

第一次嚟呢間餐廳食嘢 入到去舖頭嘅時候大概2:30 同事態度好好 主動俾咗個午餐嘅餐牌 提供左一個更多嘅選擇 最後我地決定叫咗一個下午茶一個午餐 食左都25分鐘 先發現原來杯嘢飲唔係自己想要既果款泡沫咖啡 同同事了解返 原來佢舖頭嘅係綠茶泡沫咖啡 我自己睇錯咗 同事仲好有耐性咁了解原因 再主動問 需唔需要幫我換左佢 之後幫我換左杯朱古力咖啡 好多餐廳都未必會有呢個舉動 因為係客人既錯 但呢間鋪頭會有呢種文化 確實係日本去旅行先會遇到既服務 佢地既員工會令我值得再光顧！野食都非常美味！呢度係令人感受到人情味既地方。大家都要黎試下😊…查看更多