Charlie6minutes's Profile

疫情年代用COUPON買過外賣，當時好抵，好似$100 左右有個SET，當然無咁多配菜，但我哋買到返屋企都覺得味道不錯，今次終於有機會食一次堂食！唔知大家有無去過京都，嗰到真係有間類似嘅餐廳（唔肯定同唔同名），食嘅嘢都差不多，今次就叫咗當時試過嘅鍋物同魚，一上菜就好有FEEL，因為擺盤好似，而且味道其實都接近！魚好似好細碟，但當你食晒所以配菜、茶碗蒸、湯等等係會岩岩好夠飽，唔記得哩隻係咩魚，但少骨，魚滑，肉質偏實，唔係銀雪魚嗰種帶油偏淋鍋物份量都算多，當然下面係啲大根、大䓤豆腐等等，但重點係連啲大根都好好味，入味得嚟帶甜茶碗蒸出色！白飯係日本米，但未到晶瑩剔透嗰種質數，漬物我個人唔鐘意食，比得幾百蚊食個LUNCH，碗湯當然唔係沖水嗰啲質素啦～～～我哋仲另外叫咗個剩烏冬，好似$38， 湯底咸，口感適中，哩個價錢一流！最後原來仲有個甜品，但我覺得比日本甜，不過如果太似日本口味，我哋會食唔慣埋單仲送咗 2張COUPON，唔翻啅都唔得喎！一般男性都夠食，但如果係大胃王就要叫啲小食啦！…Read More

食完大坑「名物」X記，個肚仲好空虛，周圍睇吓有咩好食，見到有螺即刻入去，2位呀唔該無諗過車仔面會有腸粉㨂，即管試吓，其實我哋已經食咗個面，係半飽嘅情況吓都諗住應該唔會特別覺得好食！但又出乎預料喎 一嚟啲餸份量都好足，紅腸都算厚，冬菇有 7-8粒，齋有6-7舊，今時今日食車仔麵算足料啦！ 而且唔係樣樣同一隻味，另外啲腸粉唔會又淋又湖，最重要係麻醬甜醬任落！！！！！其實任落唔會落得幾多，但可以配合到自己口味好重要！我哋意外發現，撈麵加麻醬好好味呀！！！！！！對比起「名物」，我覺得哩間更實際 …Read More

1個字：伏！2個字：好_伏！唔知點解咁嘅質素可以有咁多好評，唯一可取係面包個醬，但應該都係現成㗎啦 燒雞： 份量的確算多，但唔好食，幾大隻都無用，無味㗎喎。。。 呀SORRY有陣雪味意粉： 大量CREAM，除咗CREAM就係CREAM，我有係其他餐廳食過唔同嘅意粉，無一隻係咁㗎喎 叫極都無乜人理，上菜極慢，食晒隻雞碟意粉都未嚟，之後我哋見到佢應該係儲埋啲單一次過煮一次過上，所以預著無乜人叫嘅嘢就有排等   …Read More

南香雞飯其實聽過好耐，但一直無機會試，終於去開附近，可以去食個BRUNCH！ 2點鐘好多個餐都已經賣晒 雞飯： 叫咗白飯，試唔到油飯正唔正中，同店員講要雞胸，嚟到都真係雞胸（唔係間間做到㗎），唔好以為雞胸就一定鞋，佢好滑喎，都夠味！ 蛋椰多士： 走咗牛油，多士微溫硬硬哋，加上啲醬凍凍地又淋淋哋，口感幾得意， 夠多醬，但偏甜豬頸肉摻摻面：有油面同米粉，豬頸肉夠晒多！湯底偏淡 凍檸茶正常，都夠濃！係餐廳張枱有啲油，其他都唔錯，係附近可以再食吓 …Read More

叫得屋台，我覺得穫氣好重要，係日本一路食一路聽住啲炒嘢聲，聞住啲嘢食味，真係色香味俱全！估唔到上水都間高質「屋台」入到去環境舒服，6點左右入座，因為要等朋友，坐咗 15 分鐘先落單都無比人催，嘢食都上得好快玉子燒： 唔會太老，都幾滑，而且賣相不錯明太子櫻花軟殼蟹御好燒： 軟殼蟹略嫌太乾，咬落去已經無晒汁海鮮炒面： 配料都夠足，味道適中，啲面偏硬 有冰水！去過日本都知，日本食拉面一定係配冰水㗎，所以冰水好重要，成件事加咗分 ！…Read More

疫情嘅時候叫過團購外賣，但車隊遲咗到，啲嘢食凍晒，影響咗啲味道同賣相，所以自從嗰次之後，有少少唔好嘅印像入咗腦，今次朋友話宵夜想食糖水又想食小食，選擇真係唔多，當比多次機會糖水雄又比多次機會自己，試多最後一次咁多啦！點知真係平反晒喎！夜晚 11點去到，仲有人龍排緊隊，但嗰啲街好闊，天氣唔太熱，所以都唔算辛苦，傾下計，大約 30 分鐘就有位蜆肉碗仔翅： 同普通碗仔翅味道差不多，蜆肉大約有五隻，但無乜蜆味，整體都算多料，可以自己加醋加麻油同菜莆 XO炒蘿蔔糕： 味道好正！炒得夠，但蘿蔔糕本身好「粉」，個人唔太鐘意哩種XO炒腸粉： 見隔離枱叫咗，有好多配料好吸引又忍唔住叫咗，XO 醬味道夠，腸粉好滑，無炒到爛晒又唔會太淋，好味到連啲配料都食晒！腐竹薏米糖水（凍）：唔記得咗影相，腐竹煲到淋晒，好香腐竹味，好多薏米白果，好淋好好味，唔會太甜 XO 炒米粉： 落咗單就炒牌（凌晨 12點炒牌），又要拎走上車食 ，開盒仲熱辣辣，而家要食好味唔油嘅米粉好難，但哩到就有啦！又係有好多配料，夠香，唔會太咸太油，總之係食完會想再食嘅！唯一唔好嘅係搭枱分左右兩邊坐，但啲調味菜莆係晒左邊，每次拎都要麻煩人，所以都唔好意思再落 ； 不過可以加返分係菜莆任落，夠大方！好彩比多次機會自己，如果唔係就會錯過咗咁好味嘅宵夜 …Read More

見啲朋友專登揸車去食，今次去開大坑，即管去試吓。入到間鋪，好簡單，無多餘嘅裝飾，玻璃櫃入面放滿唔同口味嘅曲奇同冬甩🍩，成件事啱啱好，反而有啲頭痛唔知㨂咩好最後叫咗Portinges Eggtart曲奇 Donut Holes 同埋入面有果醬嗰隻Portinges Eggtart 曲奇：係軟曲奇，唔會甜到反胃，一試驚人！！入面真係有 EGGTART   好好食呀！食咗一啖完全停唔到！！！！下次要試埋其他味先得！一塊其實都可以當LUNCHDONUT HOLES： 一啖一舊，剛剛好士多啤梨果醬：唔記得咗叫咩名，果醬唔算好甜，但好香士多啤梨味，而且有啲微酸，剛好平衡返冬甩本身嘅甜唯一唔好嘅係，當日比咗紙袋 ，啲油有啲透咗出嚟同埋記得唔收CASH㗎！…Read More

係觀塘工廈入面，如果唔熟路，需要少少時間搵吓路，但上到去環境舒適，枱同枱之間唔會太迫鹽酥雞： 好JUICY，唔會炸過頭，味道偏咸，但整體都OK臭豆腐：我唔食臭豆腐，佢一啲都唔臭，少少臭味都無，好鐘意豆腐嘅質感，仲有豆皮索晒啲汁，好好味 柯仔煎：偏細碟，柯仔新鮮，係我係香港食過最貼近台灣嘅口感，汁夠多！加分！而且個汁好好味喎，好似係夜市食緊咁芝士粟米蛋餅：  都係高質之選！蛋餅比較厚，芝士夠多，有拉絲，係個汁有少少唔夾…Read More

前菜好多，沙津新鮮，芝士有 4-5種壽司/ 刺身反而最失色，選擇少，都新鮮但味道麻麻， 壽司舊飯好難食！！海鮮有龍蝦、蝦、長腳蟹、硯、青口，但無蠔，因為我唔食蠔所以對我無影響，龍蝦好多膏，蝦無驚喜熱食，選擇唔係特別多，但款式比較少見！味道適中，唔會太咸，連小朋友都食得，有牛/羊扒㨂，仲有點心！最後係最出色嘅甜品，種類繁多，而且每一種都好好味！！！飽到嘔都想ENCORE職員好友善，對小朋友好NICE，會適當哋撩佢哋傾計但又唔會騷擾到客人 如果遇著好天氣，坐窗邊，望住個海應該更寫意！…Read More

花生醬火腿起司蛋餅： 必試之選！！！！花生醬非常濃郁，蛋餅新鮮煮起熱辣辣，口感適中，貼近台灣STYLE，唔會太厚太淋，意想不到係花生醬原來同火腿蛋都幾夾！不過真係有啲「漏」，同埋要好鐘意花生醬先會鐘意食自選滷味： 汁偏淡，唔太入味，除咗豆腐其他份量偏小，牛展如圖得一塊半，雞腎得 3舊左右 海苔鹽酥雞：味道不錯，而且夠香，但雞炸得太乾，好硬，有啲位完全食唔到，唯一可取係唔會好厚粉 餐廳其實都舒服，而且都算整潔，…Read More

去舊式茶樓都係食情懷，一入去就預先一人派一籠，正所謂水滾茶靚，見到個水煲無論啲茶葉掂唔掂都加咗分，不過要小心小朋友 環境撲實，枱面有啲油，坐低呀叔會比點心咭你，仲會吩附唔好整污糟枱上面多咗嘅杯碟 我哋2點先到，上到四樓無乜人，後來先知原來 4樓係三點收，3樓四點，會多啲嘢食 。終於見到羅白糕車，可惜已經收咗工，食唔到煎腸粉 除咗情懷，其實仲有好多舊式點心，鴨腳仲有粒冬菇，有誠意！我真係無試過飲茶有牛雜食！少少地過吓口癮都唔錯 爽肚份量比較少雞包出色 ！牛肉燒賣就好似有皮包住嘅牛肉球咁，點埋喼汁食完全無分別 燒鵝瀨應該係最好食嘅！但無得㨂部位 2點半左右已經無點心車，啲人都走得7788， 下次都係落返三樓比較好*4樓搭枱，3樓唔搭枱茶錢會貴少少 …Read More

餐廳唔太就腳，長沙灣 / 荔枝角都要行大約十分鐘，附近無泊車位，只可以泊街，好彩都可以泊到門口，但唔知會唔會唔好彩要加$320埋單 前菜出色，酸菜唔會太咸太酸，花生夠脆夠熱氣，正呀！拼盤價錢實惠， 入味，數量平均，唔知一味紅腸多 凍烏頭唔算太肥，啱我口味，但如果鐘意多魚油就未必岩啦！個醬偏咸 炸雙棗味道偏淡，同埋我哋唔係好分到 2 種口味嘅分別 重點推介： 古法青衣柳煲  （唔記得影相） 好新鮮！味道有啲酸，汁都撈埋 總括不錯，係下層枱同枱之間有啲迫 ，上層好啲，地下有啲油，星期六日晚飯好多人，要BOOK定枱 …Read More

朝早 11點幾 12點，得 2個職員，餐廳2枱客，等咗一陣先有人帶位。不過門口帶位職員態度係OK 嘅 ，見我哋張枱搖，主動拎嘢嚟攝返平 叫咗 2個SET LUNCH （好似$7X/餐）再散叫碟炒椰菜苗海南雞我轉咗白飯，雞大約有 5 舊青咖哩都多牛腩，但個咖哩完全無味，好似水咁。。。  椰菜苗好油，得個咸，而且好細碟 ，好似蒜頭多過菜咁  以前食過係OK 嘅，可能因為係晚餐？ 而家感覺就好似食緊前一日嘅剩餸咁 PS.隻碗仲痴住上手啲咖哩  …Read More

5點幾路過見到已經坐滿 6 成，好奇一間路邊大排檔有咩咁吸引就坐低咗。坐低咗之後呀姐極速拎咗碗筷嚟，落單後十五分鐘已經到齊。 期間聽到隔離枱都唔係住附近，有遊客、有學生、有專登揸車嚟食嘅，未夠 6點半已經差不多滿座。 豉椒鵝腸，鵝腸洗得乾淨，份量都夠多，好難得鵝腸多過青椒😂蝦醬通菜豬肚，完全無蝦醬味，豬肚唔臭，但唔係好夾 椒鹽鮮魷夠爽口，炸漿夠薄，而且唔會死咸 姜蔥魚頭煲，有燒肉有炸豆腐 ，魚頭炸到夠透，但份量略少 。一路食，一路聽住廚房炒菜嘅聲，真係好夠獲氣，嘢食唔會太咸，食完唔駛狂飲水，不過坐係路邊對面有個地盤，如果有重形車出入真係飛沙走石，除時加餸，而且要有心理準備，啲路人會好好奇你今日叫咗咩餸 😂😂  …Read More

自從夏蕙bb話移民前一定要食多次，薔紅燒雞都放咗入我個must eat list…下午點幾去到坐無虛席，眼見8成人都一人一份雞，無論係白領抑或藍領，甚至呀邊個個秘書著到靚一靚都咬緊雞喎？食lunch都要叫雞咁識嘆？😂落單後侍應會送膠手套同濕紙巾，隻雞五分鐘後噴住煙咁嚟到，皮薄而脆， 撕開雞比位啲汁仲流緊出嚟🥹 厚肉但又無太多肥糕，隻雞生前應該有操過吓。 味道有啲似以前舊式快餐店，唔會太咸，重口味可以點跟埋嘅鹽同醬，唯一要扣分嘅就係太多汁浸淋晒啲薯條！ 下次要試吓叫意粉先得…Read More