為食到爆's Profile

今日約左班好姊妹去佐敦食飯,目標係陪好姊妹試仍屋企附近新開既日本野餐廳入面位同位都有空間,冇迫既感覺首先叫左客蟹子沙律,只是叫了小的,但已經好多,有元朗壽司店大大份既感覺,味道無咩特別之後叫左個八品刺身盛合,刺身大大件又新鮮,特別推介三文魚刺身,雖然唔係三文魚腩,但已經好肥美又厚身,下次一定encore, 海膽刺身呢個價錢食到呢個鮮美程度都幾驚喜, 必食推介忌廉蟹肉薯餅 - creamy 但食唔到蟹肉味烤章魚餅-必食推介,彈牙又足料,咬落去章魚味勁濃,朋友們個個都讚好味,d汁甜甜地,好味朋友們都鍾意食串燒,所以叫左豬頸肉,雞翼同露筍牛肉卷,3樣都幾好食,但我最鍾意食o既都係燒雞翼,燒得好香口最後黎左個海硯胡椒湯,很喜歡入面加左好多粉絲吸收湯汁,而D蜆都幾大隻都無沙,但略嫌胡椒味不足,滿足唔到重口味既我今次食得超滿足,而家價錢好平, 叫左咁多野加埋咁正既刺身都係5百幾蚊,抵食過D 放題,值得再去…Read More

好耐冇寫食評啦, 呢排又有時間周圍搵野食,要努力再開始寫先放工太攰,未食飯就拉朋友同我食左甜品relax 下先去左最近旺角o既甜品集中地白布街,見到呢間新開o既甜品店裝修唔錯,就走入去試下價錢同普通甜品店差唔多,一共叫左3個甜品.由於未食飯既關係,所以先黎一個窝夫,呢個窝夫份量好大,要share 食先食到另外仲有心太軟同雪糕心太軟一切開d朱古力醬就湧出黎,用黎yum窝夫食好正比甜牙牙既好味呢個梳乎厘味道ok, 唔太甜一向唔鐘意pancake 皮太厚,但呢個pancake 既皮岩岩好,同埋d cream 好滑整體黎講如果唔想排咁耐隊呢間係一間好好既選擇~~…Read More

呢間野真係好旺,見到好多人排隊,仲要有D 係遊客因為有BOOK位,所以等左5MIN就有位,GOOD~~今次得2個人食,冇得叫豬骨煲,有D 遺憾,不過好彩其他野食都好味基本上佢d 煲仔飯係好難唔好食,因為佢係燒到有飯焦先上ge,所以d 餸o既油同香味都有足夠時間比d 飯吸哂所以極之建議大家點一d 有臘味o既煲仔飯,因為真係好正~~不過都係呢個原因,所以要等好耐,最好就係等位時諗定食咩煲仔飯, 一坐低即刻叫,其他小菜坐低先慢慢諗都未遲霸王雞-上時係凍ge,不過d 皮好爽,攪到我唔係好食雞皮都忍唔住食哂,肉又幾滑唔錯炒白菜-冇咩特別臘腸排骨煲仔飯-好味椒鹽鮮魷-唔多粉,足炓,好味~下次一定要食到豬骨煲先~~…Read More

去完西環間坤記食煲仔飯後,決定要食dessert令今日更完滿直接沖左去中環o既sift 食我最鍾意o既chocolate本身已經好飽,plan 好左2個人share一份就算不過坐低之後發現每人最低消費係$60,所以最終都係點左2個其實呢2個都好好味,不過食落真係有d 漏sift chocolate cake-如果鍾意榛子味o既朋友一定鍾意正好陪我去o既朋友係榛子fans,佢一路叫飽一路都不停食而另一個就一次過滿足我呢個chocolate fans 4個願望(Creme Brulee, Sorbet, Chocolate Tart, Napoleon)我最鍾意佢個chocolate tart,其實係一個心太軟,雖然佢唔流心,不過佢d chocolate真係好香今次見到都好多人點Anna Pavlova,下次去時試下先~~…Read More

平時勁鍾意食野,常常POST相上FACEBOOK好多朋友都叫我寫,今次終於"的"起心肝開始寫啦呢排迷上左HIGH TEA,不過都主要去D hotel o既high tea呢間餐廳,其實主要做一d bakery 同cake o既野,所以本身對佢d 咸點都冇期望果然,冇期望係岩ge,因為真係好普通佢d 鬆餅其實都ok,不過我都係覺得四季好味d不過佢high tea set o既dessert,係一半好食一半麻麻勁推介佢個orange eclair同raspberry dacquoise因為試過佢d dessert 好味,所以雖然好飽,都忍唔住另外order多件chocolate frou-frou 試下好鍾意呢d有幾層口感o既chocolate cake下次會再黎,不過唔會再叫high tea, 會只係叫cake,haha~~…Read More