petitelephant's Profile

好耐冇約朋友食飯，近排放寬咗，終於都可以見面食餐飯！今次去呢個商場嘅一間西餐廳食飯，係因為朋友見佢有埋其他菜式，可以一次過食下其他嘢。餐廳裝修都幾特色，座位闊落，坐得幾舒服。我哋叫咗一份beer battered fish and chips 同一份 butter chicken curry -Fish and chips穩陣之選，魚柳炸得香脆，內裏都算濕潤，炸漿厚薄適中，唔會食到成口炸粉，配他他醬，冇咁熱氣。粗薯條夠口感，點埋茄汁，正呀！-Butter chicken curry咖哩非常惹味，雞肉嫩滑咖哩可以配飯或naan，但Naan加埋咖哩真係絕配，一定要咁叫。-餐廳當然有酒類提供，佢哋嘅happy hour都幾抵，如果想飲翻杯都係好選擇。可惜，聽日要返工，唯有下次先happy喇🥲…Read More

行完文青聖地，見到間裝修幾有特色嘅餐廳，決定喺政府再禁堂食前，好好享受埋最後晚餐！餐廳係半開放式廚房，部分座位對位維多利亞港，我哋就係坐正嗰邊，望住個海食飯，成個feel都高級咗😎 餐廳安排每枱都有一枝有舊備長炭嘅水，飲落感覺幾清新~一望個menu，就俾佢嘅飲品吸引咗。我哋叫咗一杯black latte，既然係咁，不妨叫埋white latte，一黑一白，睇下有咩咁特別先~-Black latte呢杯係冇咖啡成份嘅，夜晚飲都唔驚瞓唔着。黑色嘅來源係炭，飲落口感好似有啲沙沙地咁，口感特別。奶味同蜂蜜配搭得宜，甜度適中。加上拉花，為black latte點綴一下，perfect!-White latte同black latte一樣，同樣冇咖啡成份。奶泡綿滑，分咗兩層layers。椰奶加燕麥奶，係時下健康飲食嘅新寵兒，配上蜂蜜，味道唔錯，有驚喜嘅！-食物方面，我哋就叫咗一個crab and burrata cheese pizza 同 Boston lobster pasta。-Crab and burrata cheese pizza分量足夠兩個人share上面鋪滿蟹肉、芝士、三文魚子等嘅配料。拉絲效果都ok，因為burrata成份包括可以拉絲嘅mozzarella。底層嘅茄醬，酸味唔會太濃，令整體層次更豐富。-Boston lobster pasta主角一定係隻龍蝦啦！龍蝦肉質實淨彈牙，而且爆膏，望到都流哂口水！餐廳貼心地準備咗個鉗俾我哋食龍蝦用意粉分量相對細份，但加埋pizza嘅話，兩個人食就啱啱好。唯一要彈嘅就係意粉個醬太酸，如果可以温和翻少少就好喇。…Read More

平日經過呢間餐廳幾次，見到呢度嘅晚餐價格相宜，賣相幾吸引，今日終於有機會試吓啦。餐牌都幾多選擇，我哋兩個人點咗美國黑毛和牛丼加青森溫泉玉子跟餐，同埋熟成厚切牛舌丼。-好快跟餐嘅日式洋蔥湯同男爵薯仔沙律就同兩個丼飯一齊上枱喇。日式洋蔥湯味道有啲似某知味炸雞店嘅蘑菇飯嗰個汁，熱辣辣咁飲，幾開胃。薯仔沙律味道都幾好，不過份量就略少。-美國黑毛和牛丼和牛油脂豐富，肉味香濃，而且生熟度掌握得恰到好處。加埋溫泉蛋，好match，配埋跟餐嘅薯仔沙律同埋日式洋蔥湯，份量就啱啱好，感覺都幾豐富。-熟成厚切牛舌丼牛舌味道濃厚，同剛才講嘅牛肉肉味截然不同，頗有驚喜。不過稍嫌角切嘅牛舌每件size比較厚，需要時間咀嚼。配上醒胃嘅醬汁，整體上都幾好食。…Read More

深水埗長沙灣一帶一向臥虎藏龍，有好多睇得又食得嘅餐廳，咩嘢菜式嘅都有。今日就去試下一間經常有人排隊嘅餐廳。-一入門口就見到靚靚嘅裝修，有好多打卡位呀😍餐廳嘅餐具，枱櫈以及啲裝飾品都好fancy，打卡一流。-我哋叫咗慢煮牛板腱，香煎比目魚柳，飲品方面就叫咗dirty同boholic lava。最後點少得甜品作結吖，我哋叫咗芝士奶蓋半熟梳乎厘厚班戟。-好快飲品就到咗，dirty幾好飲，不過冇乜特別。Boholic lava就聽店員嘅介紹，跟住佢教嘅步驟去處理。橙汁加咖啡，飲落味道清新，有得玩有得飲，又有得打卡😍-牛板腱:上碟好靚，相機食先！牛扒肉味濃郁，肉質適中。配上伴碟嘅蔬菜同醬汁同食，味道恰到好處。美中不足嘅係部分筋位比較硬，要嚼多幾下。-比目魚柳:擺盤同樣精美，色香味俱全！魚柳火喉控制相當好，表面煎得香脆，內裏嫩滑。由於比目魚油脂較豐富，餐廳用上炒香咗嘅甜椒，微酸嘅味道中和翻油膩感。-Soufflé:甜品壓軸出場！好彩我哋係叫一份share食，如果唔係一定食唔哂！梳乎厘pancake質地滑溜，配上藍莓醬同芝士奶蓋，酸甜混和，好夾！食完啱啱好，滿足埋食甜品嗰個胃😍…Read More

作為一個熱愛泰菜既港女，我已經bookmark咗呢間餐廳好耐，但係一直都好多人排隊，冇乜機會食到。今日咁啱早放工，就同男朋友一齊嚟試下先。一入到去餐廳，放眼全部係粉色同木系既休閑設計，仲有藤籃座位既打卡位添，好舒服又精緻。本MENU都好靚！-首先我哋嗌咗飲品，有蝶豆花奶茶同泰式奶茶。蝶豆花奶茶好靚😍夢幻嘅藍白色再加上粉紅色既玫瑰花瓣做點綴，好cute😆白色foam 好creamy，口感好夾。泰式奶茶真係好泰式，茶味香濃，但係又唔會過甜👍🏻-鮮茄冬蔭忌廉湯:一入口好特別既冬蔭味，加埋忌廉湯好smooth，仲有粒粒面包糠好有口感，不過鮮茄微微酸咗啲。-青咖喱青口煲:青口新鮮，加上青咖喱汁，好match，不過啲汁如果濃d就更加好啦。另外仲可以用蒜蓉包點哂啲汁，好惹味-燒雞 (half)Surprisingly amazing! 燒雞雞肉嫩滑飽滿，加上微辣泰式醬汁，好好食呀👍🏻-泰式奶茶意大利芝士餅:又靚又好食，仲可以慢慢倒啲奶落去打卡😂tiramisu加埋好綿滑既奶，唔會過甜，口感豐富…Read More

去尖沙咀行街，又令我諗起一間尖沙咀都有分店嘅漢堡包店！同朋友行街行到熱熱地，又攰攰地，就去嗰間餐廳食下嘢，休息下先。餐廳空間好大，仲設有吧枱，飲返杯嘢都好夠氣氛喎，不過今日唔係太想飲酒😂坐低之後，店員就攞咗menu俾我哋。我哋揀咗牛油果醬芝士薯條，牛肉漢堡同令我念念不忘嘅軟殼蟹漢堡，另外再order咗coke zero。-牛油果醬芝士薯條好好食呀！熱辣辣嘅薯條配上半溶芝士，再加埋墨西哥式嘅牛油果醬加蕃茄粒，正呀！-牛肉漢堡最基本嘅款式，不過唔好諗住基本就冇好嘢喎，都好有水準㗎。兩塊包烘到少少脆，牛肉漢堡好厚身，又juicy，配上蕃茄，生菜同醬汁，增添味道同口感！-軟殼蟹漢堡呢個係餐廳嘅得意之作，全隻軟殼蟹夾喺漢堡包入面。軟殼蟹充滿蟹膏，炸得香脆，好正呀！咁特色嘅漢堡包真係抵佢俾我記住😂餐廳貼心咁將漢堡包開半，方便食用。最後加上冰凍汽水，感覺滿足😋…Read More

今晚行過翻新咗嘅麗閣商場，成個裝修唔同哂，又見到開咗好多餐廳。近排天氣開始熱，食東南亞嘢好似幾啱feel，見到有泰式餐廳就行咗入去喇。一坐低，店員就攞咗一兜蝦片俾我哋。蝦片微辣，雖然係一般嘅泰式蝦片，但作為前菜都幾適合。我哋睇完餐牌，見到星期一至五有個二人套餐，有兩道餸、兩碗飯、兩杯飲品，比散叫抵好多呀！而且選擇都啱口味，所以就決定叫套餐啦。-牛肉串燒二人套餐加$38就可以加配原價$58嘅串燒。我哋揀咗牛肉。牛肉串燒燒得香噴噴，配上沙嗲醬，淡淡花生香味，等人未食都流哂口水！-泰式炒通菜泰國菜有樣好出名嘅飛天通菜。我哋碟通菜唔知有冇飛過天啦，但都好合乎泰式口味，係辣嘅😂蒜蓉，辣椒等嘅配搭好夾，好惹味。-黃咖哩牛腩煲咖哩望落好似麻麻地，不過食落就有驚喜！咖哩好重椰香，濃稠度適中，送飯一流。牛腩煮得入味，又唔會過火，咬落唔會過淋或者乾柴，唔錯。-飯後甜品 (送)-飲品:套餐可以加$8轉特飲或者加$11轉沙冰。我哋揀咗三色冰同泰式芒椰西米。兩杯飲品都由椰汁調配，充滿東南亞風味，飲落透心涼，令人回味去泰國旅行嘅回憶👍🏻…Read More

疫情關係有一段時間都冇出街食飯，原來長沙灣呢頭開咗好多新嘅餐廳！呢間餐廳門面同裝修都幾簡單又清新，仲有戶外嘅座位添，可以俾人有多啲選擇，唔錯~不過最特別嘅地方就係個名好難讀😂所以餐廳都好細心，喺每一張點餐紙上面介紹咗讀音🤣餐廳主打炸豬扒(由餐廳名都略知一二)，餐牌上選擇唔算多，有幾款都係同炸豬扒有關。如果唔想食熱氣嘢，餐廳都有話梅豬手等等嘅其他選擇。-既然餐廳主打炸豬扒，我哋決定揀佢推介嘅葱油炸豬扒飯，再揀一個比較特別嘅大阪燒豬扒撈麵。餐牌上有得另加食物，我哋就揀埋十分邪惡嘅厚切午餐肉，同埋加配咗罐裝飲品😋好快食物就上枱！份量好多，個碗只係啱啱好裝得哂！厚切午餐肉真係好厚，咬落口感十足。葱油炸豬扒飯:豬扒外皮香脆，厚薄適中。豬扒有肉汁，夠juicy，肉味香濃。餐廳推介嘅葱油，足料又惹味，非常送飯！大阪燒炸豬扒撈面:有驚喜！午餐肉唔洗多講，大阪燒醬汁估唔到同炸豬扒咁夾！食落同真係食緊大阪燒冇分別，木魚碎撈埋醬汁，係大阪燒嘅味道。不過配上豬扒嘅口感，真係估佢唔到咁好味！撈麵喺個咁多食物嘅碗入面好難撈😂所以下次可以叫店員俾多隻碟，或者都係叫返飯送咁好味嘅豬扒😂…Read More

近排天氣開始涼返，就想食啲暖粒粒嘅嘢醫下肚仔😍今日行開旺角，見到呢間細細間嘅任食串串，價錢又唔算貴，就同朋友一齊試吓先。餐牌有唔同嘅肉類、蔬菜類、小食，仲可以任食湯麵，加多$30可以任嗌飲品。-至於串串方面，我哋班食肉獸就order左一大堆肉類，辣度就點咗BB辣(辣度仲有好多級)。一大盤嘅串串浸左喺辣汁入邊，雖然只係BB辣，但係對於我哋來講都真係幾辣下，但係辣得來又整得幾好食喎！我同朋友最鍾意食鴨舌、牛筋丸、魷魚、肥腸！咁多樣食物，泡椒肥牛最特別，泡椒用肥牛肉包住，望個樣都知咩味啦！食得辣嘅朋友一定會中意，因為真係唔講得笑🤣-因為我哋覺得太辣嘅緣故，我哋第二盤就嗌咗唔辣，但係本身因為啲串串都有少少調味，所以對於我哋來講就剛剛好~-小食方面，我同朋友點咗香辣無骨鳳爪、蒜泥青瓜、棒棒雞。鳳爪沾滿辣油，好惹味！青瓜同棒棒雞相對就清新啲，中和下個辣度。-甜品就係成都老冰粉口感似涼粉，配搭瓜子、提子乾、酒糟，同黃糖，口感豐富。最緊要係食落透心涼，舒緩到辣味嘅刺激！-好彩我哋有加$30任飲飲品先至可以解下辣咋！飲品方面，同平時火鍋或者放題嘅飲品有啲唔同，平時比較少見，但都幾好飲，最緊要係解辣一流！…Read More

今日同男朋友去開旺角行街，見到旺中有間新嘅手搖飲品店，仲要係黃店嚟嘅添，咁就更加想飲🤤🤤雖然成日都話要減肥，但係要戒手搖飲品真係好難呀，所以唯有揀啲健康少少嘅手搖飲品，滿足下口癮算😆見到Menu上面有咁多選擇，真係好難揀呀🤦🏻‍♀️但係呢間嘅店員超級細心😍，好仔細咁樣介紹同埋推薦我地飲佢地既特色飲品！店家比較出名嘅有堅果奶蓋茶同埋堅果奶嘅飲品，入邊嘅奶蓋全部都係用堅果整出嚟，所以比較健康，亦都冇咁肥膩。另外，舖頭仲有賣家庭裝嘅堅果奶，俾人可以自己拎返屋企沖飲品，都十分之特別！-鍾意飲甜野嘅我就揀咗伯爵朱古力堅果奶蓋茶，男朋友就揀咗冬季限定嘅南瓜堅果奶。-伯爵朱古力堅果奶蓋茶:每日只係限定100杯，好彩我今日嚟到嘅時候仲有！今日因為天氣比較涼，所以我就嗌左杯熱奶蓋茶。我喺飲之前，首先就梗係要試吓面頭嗰浸厚奶蓋，奶蓋充滿着朱古力同榛子嘅味道，濃郁得來又唔會太甜，超好食！伯爵茶味道甘香，但係就少咗啲朱古力味，所以要攪勻一齊飲，口感就會更加豐富。-南瓜堅果奶:呢度有唔同水果同食物整嘅堅果奶，今次嘅南瓜堅果奶飲落去有粒粒南瓜肉同埋堅果味，好特別。估唔到原來南瓜做飲品都幾好飲，配合埋堅果奶，味道好夾。南瓜堅果奶係冇得加佢哋咁好味嘅奶蓋，可惜呀！…Read More

今日喺佐敦呢頭放工，就同朋友去咗呢間日本風嘅串燒店嗰度食晚飯，雖然入面地方唔大，但裝修得幾有格調同幾有氣氛！小店Menu入邊除咗串燒之外，仲有蔬菜、海鮮同埋小食，今次就試少少啦😋串燒牛舌:牛舌不嬲都係我哋嘅favourite，肉味濃郁，食落又唔會un，剛剛好👍🏻如果厚啲就更好。-汁燒牛仔骨：牛仔骨肉味香濃，燒汁入味，加上少少芝麻，口感豐富。-原條蒜蓉燒茄子:平時都好鍾意食茄子，尤其係加上蒜蓉嘅話就會更惹味，不過稍嫌個邊邊位燒得唔夠熟，仲有少許黐皮，如果再燒得熟啲，皮肉分離就更加好啦😍😍-椒鹽墨魚咀:墨魚咀有咬口，加上落咗椒鹽，香口好食。-椒鹽雞軟骨:雞軟骨份量唔少，炸到脆卜卜，再點埋蛋黃醬就更加惹味。-紐倫堡腸:腸仔好有肉味，熱辣辣，再加上香草味，一-咬落去就爆汁，正~-左上至右下：燒菠蘿、串燒豬頸肉、魷魚串、煙肉荔枝卷咁多樣嘢入邊，最令我驚喜嘅就係煙肉荔枝卷，從來未試過咁特別嘅串燒，又甜又多汁嘅荔枝再加上香脆嘅煙肉，有創意得來又幾好食喎！荔枝嘅甜味同煙肉嘅咸味好夾。另外，魷魚再加上少少醬汁，燒得都好好食，又厚身有嚼勁，至於豬頸肉同燒菠蘿就比較普通啦。-木魚湯讚岐烏冬:由於今日好肚餓嘅關係，就要左碗烏冬兩個人share，湯底有鏗魚同淡淡的昆布味，加上彈牙嘅烏冬，Match得來有幾有驚喜！…Read More

近排疫情穩定咗，終於可以周圍去食好嘢，天氣仲係好熱，咁就食下開胃嘅泰國菜啦！泰式奶茶 一坐底，就叫咗杯凍冰冰嘅泰式奶茶飲下先。奶茶夠哂冰涼，飲落同泰國飲過嘅冇分別，唔太甜，茶香豐富，好好飲呀！-泰式炸蝦片 食主菜前，食咗炸蝦片。蝦片新鮮炸起，熱辣辣，睇熱呀！食落脆卜卜，初頭辣味唔太突出，但後勁凌勵，越食越辣，開哂胃。之後可以食主菜喇。-泰式肉碎生菜包 食泰菜，除咗冬陰公湯之外，最中意食嘅就係泰式生菜包。天氣仲係好熱，所以就冇揀冬陰公湯，揀咗生菜包。肉碎都係新鮮炒起，非常辣手！肉碎混合紅葱頭，香料等等，辣辣地，泰式風味十足。值得一提嘅係，肉碎雖然都係一般絞肉，但肥瘦比例適中，唔會食到成口肥豬肉，唔錯。生菜好新鮮，鮮甜夾口，配合泰式肉碎，口感清新，食多兩件都唔會膩！-招牌焗黃咖哩麵包軟殼蟹壓軸出場嘅係麵包軟殼蟹！一上枱，視覺效果一流。方包磚中間挑空，裝滿黃咖哩軟殼蟹同三色椒洋蔥等嘅配菜。咖喱汁充滿椰香，唔算辣，唔食得辣嘅人都食到。配菜夾口，同咖哩汁同食，可以帶出清新嘅蔬菜味道，中和濃味嘅咖哩汁。麵包係呢道菜嘅重點，沾滿咖哩汁，非常惹味！炸軟殼蟹混合咖哩汁，多一分美味，少一分熱氣，配搭得宜。唯一不足嘅係，軟殼蟹件數較少，如果份量可以相應增加，就非常好喇👍🏻…Read More

今日同朋友喺附近行完街，經過呢間餃子店就入去醫下肚。餐廳嘅裝修幾特別，有懷舊嘅風味。原來入面除咗餃子之外，亦都有西餐供應，十分多元化。今日我同朋友就試吓啲餃子先，落單紙簡潔易明，都幾方便。豆漿:今日我同朋友行街行到好鬼熱，一嚟到就即刻飲返兩支豆漿先，豆漿都係用返大和嘅樽裝豆漿，凍冰冰好解渴，又唔算貴。-白菜豬肉煎餃:白菜豬肉餡料充足，亦都煎得好香，唔錯。食得辣嘅人一定要試吓佢個辣椒醬汁，將餃子點落醬汁再食，味道更加有層次。-雙拼水餃我哋見到雙拼都冇額外收費，就點左香菇元西豬肉同埋白菜豬肉餡料。香菇元西湯汁好好味，而且入邊嘅元西味道好出，鍾意食元西嘅人不妨一試，由於我哋煎餃同水餃都嗌咗白菜豬肉，我同朋友就比較鍾意食煎餃子多啲，可能因為大家都比較住鍾意食煎炸野掛🙈🙈-醉鴨舌一食落去就有香濃既酒味，再加上鴨舌本身大大條，食落啖啖肉，幾好食，仲有少量杞子半碟配搭，賣相加分。…Read More

平時放假都會嚟葵涌廣場度掃街，今日竟然比我見到原來開咗珍煮丹！已經想試左好耐啦，但每次都夾唔啱時間，今日終於可以飲，真係好開心😍Menu上面嘅選擇唔算好多，但全部都十分吸引，花多眼亂嘅情況底下，我同男朋友就決定嗌店舖嘅推薦飲品算喇😂-黑糖珍珠厚鮮奶其他店嘅黑糖飲品通常係固定甜度，但珍煮丹嘅黑糖飲品原來係可以自選甜度架！男朋友嗌左少甜、少冰，加埋黑糖飲落唔會過甜，再加埋厚鮮奶，口感香滑又有質感，好creamy! 珍珠細細粒、軟硬度適中、咬落煙韌，配搭好好！-奧利珍頭先講到黑糖飲品可以自選甜度，反而呢杯奧利珍就係固定甜度嘅。賣相同menu唔同，不過唔緊要啦，最緊要味道好姐😂入面有Oreo碎粒、黑糖奶蓋同埋黑糖珍珠，最特別係有成塊Oreo，店員提醒我哋要先攪勻曲奇碎再一次過飲，口感豐富，好好飲！好似飲緊一杯cookies and cream落肚咁！…Read More

去開旺角行街，晚餐想食日本野但又唔想食得太貴，所以今日就嚟咗呢間日式餐廳食飯。近排天氣實在太熱啦，就唔係好想食咁多熱辣辣嘅拉麵，好彩餐廳都有其他飯類選擇。入邊地方唔算大，但啲座位都幾寛敞，我哋一行兩人叫咗個純情豚肉生薑燒丼、築地大盛牛丼同埋個蒜味牛柳粒。-純情豚肉生薑燒丼唔知道個豚肉有幾純情啦😂原來係用咗岩手縣嘅純情豬，食落味道又真係唔錯喎，豚肉肥瘦適中，生薑味道幾入味，好食。-築地大盛牛丼牛肉片係和風嘅味道，配埋洋蔥一齊食，好襯。飯上嘅半熟蛋有流心嘅感覺，而且醬油味好入味。雖然都係大路嘢，但整體都不錯。-蒜味牛柳粒牛柳粒肉質軟稔，加上脆炸蒜粒同埋芝麻，層次豐富。-飲品方面，我哋點左蘆薈提子梳打冰同埋和歌山紀洲梅子梳打冰。提子梳打嘅漸變色好吸引，仲有粒粒果肉喺入邊，口感豐富。梅子梳打冰飲落好有梅味，上面仲有一粒梅子作點綴，賣相吸引。…Read More