aprrwpp2hz5z's Profile

之前都有喺另外一間分店食今次見OpenRice有折扣就訂咗到門口等咗幾分鐘冇人，最後我哋自己入咗去我哋叫咗個女侍應問佢套餐有冇OpenRice折扣，佢問非所答都無所謂，但係好唔耐煩咁同我哋重複咗一次完全冇答到我哋問題最後叫咗另外個男侍應嚟答我哋食物一向食開都係好好食嘅但係中途想叫人都係舉手舉到手軟🙋🏻‍♀️都見到人手係唔夠，佢哋比較忙但係講緊折咗之後都四百幾蚊蚊人均消費平時冇折係五六百蚊嘅人均消費比咁嘅服務就真係差啲好明白點解咁多人北上食嘢仲要最後喺OpenRice見到我No show咗個Booking❗️❗️ 即係其實開頭嗰位唔耐煩小姐係冇幫我哋撳到已入座❗️❗️但係我哋係有去到最後要我喺依度遞交返張收據審批咗先至改返已出席❗️❗️…Read More

壽司幾新鮮，炸蝦仔都炸得啱啱好，因為太肚餓冇影晒所有菜式嘅相😂。食物同飲品種類都好多，不過因為好好賣，好多嘢夜咗去會賣晒，建議大家可以早少少去或者一坐低就嗌咗先。上菜都幾快，唔使點等。老闆好用心推薦，服務都好好。食過幾次氣氛好好，嘢食都好好食，價錢比起其他居酒屋都算平。嚟親幾乎都係滿座，可以見到好多都係熟客。最緊要係而家好多舖頭都早收😔，但係依間開得比較夜去到兩點適合收工一班人去坐吓。👍🏻👍🏻👍🏻…Read More

女侍應由打電話confirm 到去到現場食飯到走都冇”服務”。講嘢冇禮貌，冇笑容，黑口黑面問佢有冇drink list, 拎左本wine list比我，問佢有冇soft drink佢反我白眼🙄 話: 我地得wine list。應多句都廢時，我再問落去先答我，有橙汁汽水個d囉~其實當晚入座嗰時都係得返四五枱，明明有好多梳化位同側邊位，偏偏俾咗一張最近一入門口路口位，坐邊又冇乜所謂，亦都冇要求轉位，但係見到呢個服務，真心覺得係咪就睇唔起香港人？但係對住另外一枱外藉客就鞠躬笑晒口。對答亦都有尾音有高低好主動講嘢傾偈。咁我係咪淨係可以帶我個d外藉朋友去食先會有好嘅服務？五六千蚊一餐飯俾錢買難受勸大家唔好黎，去過唔少酒店同埋米芝蓮餐廳食飯，人哋國金軒，龍景軒服務真係一流食物方面水準都可以，如果唔計呢個女侍應其他服務都唔錯，起碼識講Bye Bye，依個女侍應係簽完單，一是連一句多謝曬Byebye都冇講😒😒…Read More

以前一路叫開外賣，見好耐冇食又有會員優惠，諗住試吓，杯珍珠奶茶甜到”那”喉嚨🤮，我飲咗兩啖係咁咳同起痰，諗住問吓店員有冇水，因為真係太甜。一個似係兼職冇乜經驗，但係態度好好嘅妹妹仔同經理講咗之後話要$10買支水，我話冇問題，俾咗$10買咗支水。俾返杯8成滿嘅珍珠奶茶佢哋話真係好甜，我飲唔到。佢哋完全冇應我，仲黑晒口面😌 肉醬意粉好似浸咗成日似發脹咗嘅麵咁🤮7仔叮叮就意粉比較好食唔怪得成間嘢得一兩枱…Read More

沙律唔知擺左幾耐，蘋果爛到臭，睇相可以見到係啡色加霉霉爛爛，油脾睇到都知冇味，食落都真係冇味，大快活$30幾一個餐好過姨到。明白幾十蚊個下午茶唔可以要求d咩，但至好似正常茶餐廳咁唔太好食都唔好比變壞左嘅野人地食，姨間係咁大個人食過最難食嘅茶記。個老細應該對夥計唔錯，有十幾個樓面返工，真正做嘅得五，六個人，門口幾個吹水多過做野嘅呀姐。裝修係新嘅，所以都企理。個個做嘢都有戴手套。好多把風扇，但冷氣唔係好夠，聽到啲阿姐吹水講話好多人都提過唔夠涼。…Read More