ข้อมูลส่วนตัวร้าน 細粒仔

今日老公買左呢個香芋卷蛋比我試，一見到我就好開心，因為賣相吸引而且口味特別，好美的紫色!急不及待要試下!一食就有點失望，因為只是好普通的蛋糕味道，紫色令我以為會有香濃的香芋味道，但事實上完全吃不出香芋味。一盒共有六件，每件頗大，每盒都已預先切好，但就切得唔係好平均，如果可以提供未切的更好。卷蛋質感鬆軟，但cream的分配唔平均，有待改善。另外，對於我來說，中間的cream太多了，而且又不是特別的滑，是普通的牛油cream，提議因應不同的卷蛋口味用上不同的cream，例如呢個用香芋cream一定會更加好。其實cream太多太少都唔好，如果可改良為適量效果會好好多。$16一條不過不失啦，但不會再買這個口味了! 下次會試下咖啡味，如果連咖啡味都係無咩味道的話，就不會再買了。雖然味道真係好普通，不過係老公買的唔多唔少都會加分!…ดูเพิ่มเติม

因為新開所以我同老公特登試下，其實都無咩期望，估唔到食物都有水準。下午1點幾，都幾多人。我地要左一個lunch，粟米肉片意粉:味道ok，意粉唔會好油。蕃茄火腿米粉配餐包餐肉煎雙蛋:估唔到個湯底好好味! 好多蕃茄好足料! Request熟蛋真係有照做。好滿意!整體ok，會再來! 希望餐廳可以keep住呢個水準!:)…ดูเพิ่มเติม

相當愉快的一餐! 食物的賣相絕對影響用餐者的心情!先來一客頭盤:煙三文魚牛油果他他。 :)一看到美麗的圖案我們都不約而同發至內心笑出來! 好心情加上甜甜酸酸的味道，令我們食慾大增! 原來頭盤的影響力禁大! 主菜:1) 自選意粉: 大蝦雞肉蕃茄汁天使麵。相當大碟! 用料足，蕃茄汁味道好好! 推介!2) 肉眼排配薯菜賣相吸引! 真的有依照我們要求的熟度煎! 好味!非常滿意的一餐! menu內仲有好多菜色我們都想試，下次要再來! :)…ดูเพิ่มเติม

星期六中午1:30到達，好多人已在門外等位。足足等左半個鐘有多，終於有位!因為得一位服務生，安排座位、落單、上菜、收錢通通都係佢一個人做，所以自然比較慢! 但明白佢一人做晒的情況，加上佢依然維持不錯的服務態度，所以等下都ok 啦。等呀等，終於有得食!一上菜就好吸引!我要左個大吃鳥東轉芝麻湯底-烏東彈牙好味! 湯底好香，其實芝麻味唔係真好濃，好似係豬骨湯底加入左芝麻甘，不過都好味，幾特別!老公要左流心豬排配龍蝦湯底:豬排雖然有點乾，但味道ok; 龍蝦湯底味道好好! 推介!滿意的一餐! 不過地點對於我們來說有點唔就腳，下次再來呢區都會再次光顧! …ดูเพิ่มเติม

lunch set相當抵食，每位$70左右已經食到個好味豐富既full set!我地要左兩個餐:包括餐湯+餐包:餐湯味濃加上暖暖的餐包，讚!白汁魚柳意粉:大大塊魚柳配粟米白汁，魚同意粉比例適中，好味!瑞士汁雞翼飯:大大隻雞翼配西蘭花賣相吸引! 味道保持水準，相當好味!熱奶茶檸水:飲埋飲品，大滿足午餐! …ดูเพิ่มเติม

餐廳睇落環境ok，又見有6個好評，心想一試無妨，點知一試就後悔!首先，近乎完全沒有服務! 我地坐室外，當時中午兩點幾，唔係繁忙時段，但卻完全無人理我地，終於要我地入去叫人出來落單。個女侍應生態度ok，但個後生仔侍應生就不太友善，完全無禮貌、無笑容! 相當趕客!食物都令人失望! 我地要左兩個lunch set:白汁芝士焗魚柳長通粉-真係同個名一樣，真係得白汁、芝士、焗魚柳、長通粉呢幾樣野! 重要係總共得3條幾cm長0既幼魚柳 (每條魚柳大約係一條長通粉禁大)，其餘係齋長通粉! 一粒雜菜、粟米都無! 魚又真係好少! 變左無餸齋食長通粉! $39 雖然唔係貴，但甘既質素真係相當唔掂! 白汁味道亦淡，賣相係成個清一色白色，真係未試過食到禁差既魚柳粉。一般餐廳都唔會落禁少魚要客人齋食粉! :(瑞士汁雞翼煎蛋飯-都係正如個名，只有瑞士汁、雞翼、煎蛋、飯呢4樣野，一粒配菜都唔會有! 一見到隻蛋煎到甘，賣相差已心知不妙! 食落好甜，個汁超稀! 味道好似啡色的糖水! 唔係期望有太平館禁好食，但至少唔好難食得禁緊要! 真係未試過用好似水禁稀既汁送飯，味道超差! 講真，$8x埋單唔係貴，係一般茶餐廳價錢，但因為食物太差就變得相當唔抵食!…ดูเพิ่มเติม

我一直好想食到地道的土耳其軟糖...知道呢間餐廳有供應，馬上便打去預約。順便一試土耳其餐。店主相當友善，餐廳設計是家庭式感覺，我喜歡!點了菜後，店主馬上給我們試食一些土耳其軟糖，同時拿出有關店子的資料向我們介紹。終於一嚐正宗的土耳其軟糖，味道偏甜，但比想像中更好! :)接著就是土耳其沙拉，我們覺得這個不太突出。很快就上主菜- 牛肉烤餅配乳酪賣相吸引! 由於十分足料，感覺豐富! 味道不錯!再來一個土耳其素菜炒蛋雖然是素菜，但味道好好、口感亦豐富! 我好like呢個!甜品有土耳其米飯布丁一開始以為面層的是朱古力粉，食落原來係肉桂。因為我唔like肉桂味道，所以不是我的口味。而且當時已經很飽，對加了米飯的甜品興趣也就沒有了。不過老公就覺得味道不錯。由於我實在很喜歡土耳其軟糖，所以亦向店主進一步查詢。店主亦耐心的向我們介紹不同口味。我們一邊試食、一邊飲土耳其咖啡，感覺真是超讚!非常喜歡，於是我們也買了一包水果口味~包裝精美，令我愛不釋手!所謂好又一餐，唔好又一餐，其實用餐最緊要係食得開心! 今餐我們都感覺開心、滿足，所以呢間餐廳在我們心中是滿分了!…ดูเพิ่มเติม

睇openrice，以為呢間係有誠意的小店，加上我對西班牙文化好有興趣，於是特地來一試。呢間店在openrice是寫食西班牙菜，又改個西班牙文名，以為真係會有一點西班牙特色，可惜完全無。餐廳環境都幾舒服，不過就大大聲播住 tvb，唔知係唔係想做出有「casa」感覺，不過我地就覺得破壞晒成個氣氛; 食物方面，好似西班牙的特色食物例如 Paella, gazpacho 都沒有供應; 服務方面，對客人係有禮貌的，不過唔叫都無人理，個個都專心睇電視，這樣不太好。我地order 左:餐湯、餐包-個湯味道好淡...太稀了!主菜有雞配煙肉磨姑飯及龍利魚配蕃茄意粉-兩個都好味! 魚整得又滑又好味! 意粉質地同味道都相關唔錯! 雞都好味，不過個汁就唔多覺有煙肉磨姑。甜品有blueberry cheese cake + coffee-Cheese cake 幾好味! 咖啡就太淡了!我地認為呢間餐廳的食物是不錯的，不過未至於會令人想再次幫襯的地步，加上位置、服務、價錢，而且附近餐廳選擇又多，呢間餐廳就真係變得唔吸引了。…ดูเพิ่มเติม

今日我地同朋友都放假睇波~睇波前一於食餐好的!朋友選了呢間餐廳，第一次試，喜出望外!今日有4個不同的lunch set，我地每樣要左一個~今日0既餐湯係南瓜湯，整得好好味呀! 一向唔太鐘意飲西湯0既我都飲晒!主菜包括三文魚、牛排、意粉、意式雲吞等，每一款都各有特色，全部都係用心製作! 讚!仲有甜品，好豐富!美中不足的是咖啡太苦了! 落左好多糖漿仍然唔太ok~餐廳地方雖然唔大，不過環境好舒服，而且裝修靚!服務態度是非常好的!而家仲有discount，抵食! 值得一試! …ดูเพิ่มเติม

今日朋友下午放假，我地一於一起歎番個美味0既set lunch，然後再參加油畫班~ 朋友提議到 Pink Salmon，太好了! 呢間餐廳我一直想試的，只係因為location 不太方便，所以一直都係未試到~我地13:30到達，雖然都係未有卡位，不過都唔洗等位~一睇menu，我同朋友都即刻選了一個有三文魚的lunch set。Order 後，食物好快就上~先來了湯和沙拉~然後再上麵包~暖暖的麵包配上三文魚醬真係好好味呀!再來主菜!大大碟的，賣相不錯! 個汁整得好好味! 意粉硬度適中，三文魚整得好滑，而且大大舊，好滿足!餐飲的熱咖啡也很不錯。因為我地坐到14:30，餐廳已經係咩人，環境好舒服!服務也ok!豐富的lunch set 每人都係$60，抵食! 下次會再來!…ดูเพิ่มเติม

不只一次聽說大尾篤有間意大利餐廳很有水準，再加上之前無線介紹，令我同老公今日決定一試。我預先book 定位，準時到達，唔洗等。我地被安排在 outdoor 的座位。先講下環境:真的有點異國風味! 看得出是有花心思的，每張桌上都有燭光，另外也有足夠的風扇，所以唔會好熱。不過就真係有蚊，好在我地自備了蚊怕水，所以沒有被蚊子影響到用餐的心情。至於食物方面，我地都相當滿意!呢度係無 set dinner 的，必須散叫。我地叫左:蟹肉蝦肉檸檬幼麵 (普通 size $120)呢個麵我地非常喜歡! 首先，由5隻大蝦鋪在麵上的賣相相當吸引! 一食落口，檸檬味道好清新! 淡淡的檸檬香味又不至於會蓋過海鮮的味道! 令人胃口大增! 再加上份量足的蟹肉，味道實在是超讚! 我地第一次食檸檬味的麵，感覺既特別又好味! 唔知道呢款麵是否呢間餐廳自家製作呢? 招牌Pizza (普通 size $110)可能係即叫即做0既關係，我地等呢個pizza 等左好耐。不過呢個pizza 一上，立即聞到好香! 材料方面包括腸仔、菠蘿、芝士等，雖然材料簡單，不過熱辣辣0既pizza 真係好好味! 串燒 (6串 $65)當中有3串雞肉3串豬肉。汁方面係沙嗲汁，呢個汁雖然偏甜唔辣，不過相當好味！至於串燒，雞肉整得太鹹了！而且有些燒到黑黑的，令人失望！豬肉味道就剛剛好，加埋沙嗲汁同食，味道唔錯！順便一提，一order 後侍應便會送上熱騰騰的香草麵包，配上醋及橄欖油。賣相是頗吸引的，令我地急不及待馬上試一下。不過一食落口就有點失望，因為麵包味道好鹹，而且比較油。我覺得普通的餐包比呢款好味得多。飲品方面，我地要左可樂同果汁兩款都是普通飲品，不過不失。講完食物，就講下服務。由book 位、入座、落單、上菜到結帳，侍應生都相當有禮貌！滿意！整體來說，我地對今餐都好滿意！而且這家餐廳是可以帶狗狗的，我地下次會帶埋我家小狗再來！:)…ดูเพิ่มเติม

近日見到味千0既廣告，話新推的大蝦拉麵，大蝦有9吋長，睇落好吸引! 一於今晚同老公試下。我要左粟米差燒烏東 $50呢個係我一向食開的，真係無咩特別，無咩好講~老公要左大蝦拉麵，呢個麵無得散叫，一定要叫餐，個餐$68 有一碟蟹子沙拉、一碗麵、一罐百事可樂一上菜，講真，賣相真係唔多吸引! 同廣告差好遠。大蝦應該無9吋~食落去，味道都ok，鐘意佢個湯底都有蝦味! 其實呢個配搭相當唔錯!不過我地覺得一定要成個餐叫就唔係幾抵~可樂呢，此終百事係無禁好飲的。今餐我地都覺得 ok，呢個拉麵一試無妨，不過我地下次就唔會再叫呢個了。…ดูเพิ่มเติม

今日我同朋友都放假，一於約出來tea 一tea。之前都在呢間餐廳食過tea，記得都幾好0既，不過今日再來就差左。我地睇完menu，有個侍應過來，唔知點解，覺得佢好似發緊夢0甘...我以前都食過，記得跟餐飲品加珍珠要加$3蚊~ 不過穩陣起見，我order 時都再問一下，點知果個侍應話要加$5蚊~我覺得係個侍應發緊夢亂講...所以我話再睇下先~之後等另外一個staff 行過(睇落似係經理，態度正常好多的)，我就order...呢個應該係經理0既staff 話加珍珠加3蚊~好明顯係頭先個staff亂講...不過算啦...我要左個粒粒西多士配蜂蜜綠茶加珍珠~飲品先上，一飲落去，明明就係青蘋果綠茶~ 於是我同take order 果個經理講，佢即刻話係呀，妳叫左蜂蜜綠茶的，唔好意思，沖錯左~ 跟住即刻幫我換番...原來係頭先好似發緊夢果個侍應沖的。因為我地坐個位剛在廚房旁，而廚房又無關門，我望入去，見到果個侍應拎住沖錯左果杯青蘋果綠茶0係度傻笑球呆，仲一邊笑一邊攪拌杯子，好奇怪! 佢突然轉頭，當佢見到我望住佢，即刻倒左杯野，然後再沖個過一杯。0甘樣0既工作態度真係太差了!不過，再來的一杯總算無錯。朋友要左老水蛋豆干配奶茶。老實講，呢度飲品味道係ok的~食物呢，呢兩樣都好味!不過今天0既粒粒西多士就比上次差，感覺蛋漿好似有點未熟。因為呢間餐廳無咩客人，食tea 環境係唔錯的。只係希望要注意一下員工的工作態度。整體來說，都ok 的。…ดูเพิ่มเติม

之前見到呢間McDonald's 0既食評唔多好，都唔太明白，一向覺得McDonald's 係好standard 的。今日我地其實係為左試新出果個香芋麥旋風先來的~ 一場來到，就食埋lunch 好了~我地要左兩個餐加一杯香芋麥旋風~落order 果個staff 係ok 的~ 不過執食物果個staff態度超散漫! 我地等左15分鐘都仲未整好! 已經有6張單排緊，排我地後面的人都開始唔耐煩!! 終於，好多人等緊0既情況下，經理終於出來幫手~我地總算可以拎食物了~ 但係就唔見左個麥旋風~ 唯有再追~即刻整...點知，整得好差!一食落口...點解唔覺有香芋味的??於是打開睇下! oh!! 白色的ice cream，香芋粉落得太少了吧! 底部係有少少紫色的，不過真係好少!! 而且成杯野無整匀，朱古力粉全部在最面~ 真係太差了! 根本完全食唔到有香芋味!呢間McDonald's 係我食過最差的， services 唔好、食物唔好! …ดูเพิ่มเติม

今日同朋友要了個二人餐，味道好、份量足而且價錢合理!二人餐包括:1) 二人份量的台灣麵 湯底好味又足料！　2) 雞腎　都幾大碟，整得好淋而且味道好好！3) 皮蛋豆腐　唔知係加左咩汁料，呢個真係好好味呀！跟餐仲有兩杯珍珠奶茶。加一後都係$135，都算抵食。…ดูเพิ่มเติม