飯團媽媽的個人專頁

外賣之選要係商業區晚餐時間食個常餐都唔係易事，四季常餐既常餐都有返咁上下水準架！之前試過堂食飯餐，都係覺得佢個常餐好味啲有2個選擇，我今次擇左忌廉雞湯配火腿通果個通粉同湯自動分開上，火腿唔係一般茶餐廳火腿黎，厚多士滿滿牛油好味，就算外賣返公司食都唔會淋晒，個蛋炒得夠滑加埋嘢飲都係$48，飽飽…查看更多

呢間餐廳係新都會都開左好耐，之前成日都排晒長龍，見好耐冇食而且有bb凳，就去食啦不過呢款bb凳設計有啲危險，安全帶位置有啲鬆，唔太適合太細個bb用講返嘢食先呢個係芽莊炒飯，太油，搞到啲飯好濕咁生牛肉粉，呢個唔錯，湯底唔會太咸，配料好足，可以自由選擇加定唔加再加多個小食，蒸粉卷，原先個賣相唔錯，不過我唔記得影，相講既係個粉卷蒸到過左火，一夾起就爛，基本上係皮同饀分開黎食，仲要個皮好濕，散晒佢個味其實唔錯架好足料，有花生，肉等等總結：希望可以保持返剛開業時水準，依家比之前差左…查看更多

想速食又唔想食也快餐店，沾麵或拉麵係一個唔錯既選擇，呢間餐廳沾麵出名，就叫啦呢個係豚骨沾麵，個湯汁係用微火煲住上枱，確保一路食都仲係熱辣辣👍🏻麵質夠爽，可惜叉燒有啲啲「鞋」，湯汁唔會過咸，好味既餃子咸左啲呢個雞軟骨棒配wasabi沙律醬，好味，wasabi唔會嗆喉但又突出P.S. 不過鋪內冷氣唔夠加上開放式廚房，未食完碗麵已經全身汗…查看更多

炎炎夏日，午餐真係唔想離開公司，咁懶就唯有叫同事幫手叫外賣，呢間餐廳係公司附近，試試佢先我叫左個薑蔥豬肉餃配鰹魚昆布湯米湯返到黎分好晒湯，唔錯餃子饀夠入味，唯獨覺得細隻左啲，唔夠飽滿米線尚可，冇乜太大特別，湯底味唔會太咸，感覺都健康另外會有醋跟埋，咬開餃子，薑味特出，啲薑又唔會過辣，得會再試其他饀…查看更多

之前會係午餐時間黎呢間餐廳食，今次見佢晚市唔多人排就試下啦一坐底就梗係整頓好飯團先，呢張bb凳對於1歲以下bb就有啲危險，扣得唔夠實講返嘢食先，呢間日本嘢真係夠新鮮，午餐果啲都絕對唔會hea比你叫左個角切魚生飯，賣相夠吸引啲飯已經調好味，連埋隻蛋撈埋一齊食，啲魚生唔會比啲有根咬唔開果啲你，夠新鮮另外叫左個三文魚小卷，唔知點解我去親邊間食日本嘢都鍾意叫呢個，雖則佢唔起眼，但新鮮整係好味架呢間個紫菜唔會係一早整定淋晒最後試左個燒雞胸軟骨，唔多地方有得食，燒得啱啱熟，就算夾住雞胸都唔會「鞋」口總括黎講，想試就可以午市去試下，抵食，不過款式上同晚市有價啲出入…查看更多

又要係公司叫外賣！今次就用app叫，試下呢間先叫左個咖哩豬扒飯，可惜個車手送到黎時啲汁整到周圍都係，搞到個賣相差左啲佢個豬扒係好味既，夠厚身，又唔係果啲醃到啲肉鬆散晒果啲，肉夠實唔韌個汁就咸左啲，同埋個飯太硬，食完有啲消化唔到咁:(要扣分我另外再叫左個麻辣炸魚旦，魚旦彈牙，可惜個麻辣醬痴晒係一個部份到，搞到好咸，如個個醬稀返啲就好外賣黎講都算不過不失，有機會試下堂食係咪會好啲先…查看更多

之前睇過啲網上報導已經覺得好吸引，加上小店經營，又好少地方有得食，仲要親製即整，梗係要黎試下啦～基本上全鋪淨係賣地瓜球同飲品，冇其他食物選擇，如果遲下有多啲地瓜食物選擇就好啦等左6-7分鐘左右，新鮮整起既地瓜球有啦～果真係外脆內軟，仲好煙韌，地瓜味唔算濃，不過一次過食就會有啲滯住感仲有唔同既味粉比大家自由落，有紫菜、椒鹽、芥末、梅粉、番茄、BBQ、香辣...今次我揀左香辣，唔算辣，落左就香啲同咸啲總括黎講，喜歡地瓜既值得一試，下次要試埋其他味先～P.S. 間鋪係轉彎位黎…查看更多

有人推介就梗係去試試好唔好味啦門口大大招牌唔難搵請容許我差唔多遮晒張相，防止食客出樣唯有打晒格仔，平日去幾多人，坐滿晒，最入面係廚房，新鮮包即煮外賣分湯，返到屋企都冇話焗到啲皮爛晒，呢個係雲耳椰菜肉餃，饀料夠味，夠爽身，同埋好大隻不過呢款啲料有啲鬆散同唔夠飽滿另一款白菜肉餃，明顯呢款啲饀爆啲，飽滿啲，兩款㨂我偏愛白菜，雖然少左雲耳既爽口，但食落夠實正，味道唔會過咸要推介食得辣既朋友要加埋呢個辣菜甫，加埋一齊真係好好味下次會堂食試埋個煎餃得唔得先…查看更多

呢一間經常係我屋企斬料加餸既一隻雞分量$148，中等價錢，雞肉夠滑，連雞胸都唔「鞋」，啱晒喜歡食雞胸既我不過如果可以冇咁油就好啲，同埋環境有啲迫，帶埋飯團就真係唔可以堂食另外推介煎肉餅飯都係我心水選擇，平時同飯團爸爸食會每人一個套餐，夠晒飽…查看更多

係商業地區工作就會知道食晏就係一件幾咁爭分奪秒既事，當差唔多全個地區都一齊放lunch，周圍都要等位，又熱又多人又迫，重點係得一個鐘，好趕時間，所以呢間速食壽司卷物，可以一試選擇都多，價錢中上，見佢啲材料都新鮮今次我揀左6號卷物，有蟹絲，青瓜絲，炸蝦天婦羅等等......爆料，夠味，飯唔會立口唔會太酸，可惜卷得有啲鬆，食落去好「le hea」夾起就散，咬左啖就搞成咁，最後係要分開個卷黎食，有啲失去左食卷物既意義另外同事叫左呢個牛油果三文魚芝士細卷，細卷比較好，可以一啖（要個口好大），個醬汁好夾，唔洗再點嘢，但我本身唔太鍾意芝士，呢粒芝士有啲痴喉，搶左其他味總括黎講係好味會再食既，夏天快食午餐好選擇…查看更多

每次經過呢條巷仔都好想食，但每次唔係太飽太熱太多人排落雨，總有啲原因食唔到終於食到啦我冇係果到立食，因為個人唔太接到立食枱既位置係後巷，所以外賣拎走選擇都算多，有唔同饀料配唔同既腸，我就㨂左火炙芝士辣肉醬熱狗足料好味，如果個包可以再烘多少少就更加好，饀料分量啱啱好，唔會話一咬就多到一手都係，腸唔會太咸另加$12可以要多2樣小食，我㨂左燒菠蘿同細薯條燒菠蘿唔夠濃，正確黎講只係熱左既菠蘿薯條新鮮炸起，夠脆入面有薯肉好味，可惜個茄汁太酸，完全搶左芝士啲味，下次要分開醬會好啲食晒一隻會勁飽依家唔係太多地方食到肉醬熱狗，我會再試其他款…查看更多

已經唔係第一次食呢間餐廳，通常諗唔到食咩就會黎，貪佢選擇夠多又好味每次必叫川北涼粉去邊間餐廳都好，一見到呢個必叫黎試，呢間啲粉好爽口，辣味夠，唔會好咸咁搶晒啲味大排檔既咕嚕肉都係我至愛，見到有就梗係試試啦！肉夠味，個汁有啲太酸，其他都普通，冇特別必食呢個螞蟻上樹，粉絲太漿口，唔夠爽身，唔啱我口味小籠包夠湯汁，皮唔厚，拎起又唔會穿，好味，記得一上枱就要食啦唔知點解炸銀絲卷係每次見到都好想食既嘢呢間炸得唔會太油，外脆內軟，即炸想提一提呢間餐廳服務好好，之前我都係帶埋飯團黎食，佢地都會安排張冇咁多人行既枱比我，同埋呢間係有BB凳既！本身我地叫左個豆沙窩餅，之前食過好好味，炸得啱啱好，外脆內煙韌，可惜今次炸到過左龍，又乾又濃，同佢地講返都即刻扣返單希望下次食得返好味果個啦！…查看更多

話說要帶飯團去趴行比賽，所以就係附近搵間有BB凳既餐廳食個午餐先（帶住BB就知道BB凳既重要性），呢到環境唔錯，有街景比飯團望下咁我就有得專心食下嘢雞肉唔鞋，意粉夠爽，個汁唔咸加埋呢杯檸檬薑，啱晒夏天飯團婆婆點左呢個牛肉麵，湯有藥材味，麵都夠爽，不過係啲牛肉有啲韌梳打梳打唔會太甜，有檸檬，酸酸咁呢個邪惡之選地瓜條唔係周圍有得食，新鮮炸，上到台仲熱辣辣架面頭有啲咸左啲，但整體好味以午餐黎講唔算平，但絕對係放假休閒之選…查看更多

放假總係想帶住飯團見見朋友去下街，但又唔可以成日同啲朋友去親子餐廳，想傾下計都難，呢間cafe都係一個唔錯選擇Cafe設有BB凳不過就唔太啱太細個BB坐，因為呢款係冇安全帶扣住BB，只可盡量拍埋枱，好似飯團呢排鍾意向側邊逃走就比較危險⚠️呢個青口得啊！一上枱好香白酒味，但食落冇酒味，味道好cream喜歡食甜既應該會鍾意食呢款雞翼，好濃士多啤梨味，可惜我偏向咸食雞翼新鮮即炸薯角，夠香口，外脆內軟，點埋士多啤梨醬，出奇地夾重點都係個士多啤梨醬其他都唔算特別呢個意粉好味，唔會立口，又唔會太濃味梳打係我至愛，加埋雜苺夠清新，記得要一路飲一路攪，唔係去到最底就會好甜天氣咁熱，飲一杯唔夠，黎多杯芒果加菠蘿加熱情果，同樣果味濃，消暑飲品…查看更多

每次晚飯時段經過都大排長龍, 今次經過見得返幾個排, 梗係即刻一家大細去試下啦當日我同飯團爸爸同埋飯團婆婆推車仔帶住飯團去食飯, 店員真係好好, 見有車仔即刻話我地有位可以先叫嘢食, 佢會安排飯團婆婆同飯團由側門入去, 咁架車仔就可以唔洗收埋啦~我同飯團爸爸點好食物入到去, 發現店員將飯團婆婆同飯團安排得好好, 呢樣真係帶住BB先感受到既窩心可惜既係呢間餐廳並冇提供BB椅三文魚扒面鹽比較多, 咸左少少, 肉質好滑, 剛熟, 好淋, 雞味飯香, 但味唔濃, 好少漢堡包店有飯食賣相跟餐牌既相唔太大出入牛7成熟, 有咬口, 確實好味, 側邊火箭菜偏苦, 如果可以改第二款菜就好啦包身好淋, 入面啲包肉連飯團都食到, 漢堡扒唔鞋, 上面果隻係酸椒, 夾埋一齊個味道又好夾呢間係outback集團既, 品質的確有保證, 值得回頭, 下次又試下其他先…查看更多