Meii_120's Profile

難得入一次赤柱， 竟然係一片西餐中發現左一間日式串燒店。同傳統居酒屋唔一樣，地方好大好闊落，又有特色的日本海報同霓虹燈做裝飾，成間餐廳感覺好chill。二話不說，即刻拉左朋友入去試下。Starter 先來一份Kome Kushi沙律。二人份量 ，入面有煙三文魚，薄燒牛肉同parma ham。用料充足，沙律汁亦都好開胃。兩款招牌串燒士多啤梨豚肉卷同自家製免治雞肉丸 侍應話如果怕士多啤梨酸，可以沾練奶中和下。個人覺得唔沾都好好食。免治雞肉丸好紮實，咬落唔會散開，再加上月見汁，忍唔住想encore幾串。燒白鱔，沖繩黑糖菠蘿。再點了一個充滿和風味的明太子白飯魚薄餅。皮薄餡靚，再加上粒粒明太子，口感非常好。最後用開心果味雪糕配窩夫做ending.今餐食得非常開心，staff都好友善，態度好好。下次如果再去赤柱都會再光顧。 …Read More

餐廳格局較小，容納的人數有限。我們提前一個月預約，但想不到一個月後，價格都提高了。就放題而言，選擇不算太多。兩種價錢，加多$150，就可以任食吞拿魚腩、海膽、明太子。除了壽司，還有熱食，味道都非常好。兩款放題都會有一個welcome set。鰻魚非常好食，可惜只在welcome set出現。左上角吞拿魚腩油脂好充足好肥美。之後再叫了兩次吞拿魚腩，一次如上圖，油脂相較少，但仍然好鮮甜；對已經8成飽的我們來說，反而剛剛好。其他壽司都好鮮甜，水準高。加一服務費後，每人承惠$65x，是否值得就見人見智了。…Read More

比想像中出色的泰式素菜。短短一個月內，已經去幫襯第二次。上次試左私房菜menu，今次特登要求試其他菜式，結果依然無令人失望👍🏻柚子沙律。有柚子同青蘋果，加上酸酸甜甜的汁，十分清爽開胃。非常惹味的素串燒。生菜包少少酸少少辣，包埋生菜食就岩岩好。炒金邊粉。用豆干取代肉，味道口感同平時泰國餐廳食既都差唔多。偏偏素冬蔭功略嫌遜色，較重口味。份量非常充足，價錢以私房菜黎講亦都好親民，絕對可以再encore。…Read More

《清風徐來》工業風的裝飾下，這幅題字特別顯眼，亦都預告了Superhooman會帶給食客的驚喜。酒吧區 Signature cocktails 有機會可以一試今次晚餐紅酒燴牛肋骨配薯蓉 牛肉易入口唔韌 醬汁濃厚，同蕃薯蓉互相配合明太子忌廉汁意粉配溫泉蛋 and 大蝦南瓜意大利飯 兩道菜都好Creamy清酒忌廉青口配Sourdough 當晚都有幾枱點了這個，確實唔錯👍🏻Baby Pancakes賣相非常漂亮最愛係紫薯心太軟飲品Dusty Drink 2.0 原來枝枝飲管都唔一樣🤣有狗仔menu, 愛狗之人可以帶埋狗狗一齊…Read More

前菜: Tuna Ceviche主菜: 阿根廷牛排 medium 配Green Salad牛排雖然大大份又厚切，但火候控制略微差左少少。食落都有少少un。反而前菜同配菜都比較好食。…Read More

等位入去時，剛過了兩點，有下午茶餐供應，所以點了兩份午餐同兩份下午茶餐。厚切豬扒芝士焗飯。豬扒如同餐牌所講，非常厚身，茄醬芝士再加菠蘿，絕對係港式風味。原條魚柳蛋包飯配意式醋汁。再加一份西多士同奶油脆豬。西多士亦都好厚身，典形茶餐質素。反而脆豬有少少令人失望，因為佢係用漢堡包去做，而唔係用豬仔包。…Read More

午市menu 十分之抵食點了帆立貝黑松露意大利飯（$72）和西班牙豚粒牛肝菌意大利飯 （$76）跟餐加$10配是日餐湯南瓜湯及餐包 再連$3換凍飲最後埋單每人$100都唔洗，真係非常優惠。兩款不同風味的意大利飯都好好食。喜歡creamy口感的，可以試松露意大利飯。豚粒牛肝菌意大利飯口味無咁creamy，但牛肝菌同豚粒味道都幾突出，食感都比較豐富。難得星期日午飯時間可以不用等位就有得食，下次有機會都會再來。…Read More

點了眷村紅燒牛肉麵，$88。餐牌試有辣椒仔圖案，以為會有少少辣味，但一點辣味都沒有。賣相唔算吸引，湯多醃料少，三、四片牛肉。牛肉雖然腍，但唔入味。以呢個價位的台灣菜來說，應該會有更多更好的其他選擇。…Read More

超足料美式三明治約了同事食午餐，12:00左右到達餐，慶幸馬上有位，不用等。坐下點菜不久之後，已經開始有人排隊等位。點了Classic Pastrami。Lunch Set 跟沙律、餐湯或者薯條。而我點了薯條，份量超多。Classes Pastrami，超多片牛肉，非常嫩滑同juicy。配上酸酸的mustard ，十分開胃。醃青瓜就非常酸，所以食了一啖就放棄左。另外再叫了一杯咖啡。埋單$160。價錢上偏貴，試過一次就算了。…Read More

Sensu。Premium Tea Set。$438 for 2 with 2 Selected Drinks食物種類非常豐富，鹹點同甜點各有6～7款。主要鹹點，亦都是整個套餐最喜歡的，是迷你和牛漢堡同和牛春卷。其他的鹹點有蝦多士，三文魚籽酥同牛油果蝦撻，味道都很不錯。甜點同鹹點比較，就有少少普通，但也是好吃的。其中必推的是抹茶流心撻同黑松露朱克力蛋卷。抹茶味香濃回甘，抹茶控一定會喜歡。大大塊黑松露，配上朱古力蛋卷，正！整體來說，環境、食物質素都非常出色，值得再來。…Read More

即興同朋友去吃tea,就決定去呢間位於般咸道的Cafe寧靜簡潔都好適合形容呢家小店叫了兩杯咖啡 一杯 Green tea latte , 一杯Oat milk latte味道正正常常，綠茶飲落有少少粉粉地，但咖啡拉花好靚咸點同甜點分別叫了一碟crab meat pasta 同tiramisu 意粉足料 Creamy又唔膩每一啖都有蟹肉，落左菇菇去增加返個口感Tiramisu 非常幼滑，酒味突出但唔會嗆 濕度亦都剛剛好，非常推薦 下次再來都叫再點…Read More

享慢煮泰 西環新開的fusion 泰國餐廳首先，地理位置非常方便，地鐵站C出口行5分鐘就到。Soft opening menu 性價比高 因為趕時間，所以點不了Four Course，無法前菜到甜品都試勻。兩款Signature流心牛角包，牛角包沾滿濃濃的龍蝦湯，口感香酥軟滑，果然是必食👍🏻冬蔭龍蝦湯牛角包都好食，但為什麼要加椰絲呢？主菜點了瑪莎曼咖哩牛尾和鍋炒帕能咖哩雞兩款雖然都好吃，但相比之下牛尾更出色，咖哩雞反而像廣東小炒希望下次有機會試甜品…Read More

呢間餐廳環境確實幾好 平時都不過不失但今次的Salmon and Avocado Egg Benedict 就好令人失望咸！整體係超級咸係菠菜到食到成啖鹽...應該唔會再有下次…Read More

Hungry Monkey-登龍街的人氣日式鐵板燒平日午市都full house，還好有提前預約，到了餐廳也要等上十分鐘左右。午市餐牌有套餐選擇，價錢非常親民。香蔥牛肉薄燒由內到外都包到滿滿的香蔥，蔥油非常香口。厚燒牛舌，好juicy。隨餐附送沙律、冷盤、湯、炒飯。雖然說炒飯不是主角，亦都加了炸蒜，但味道依然太淡。原來午市時間有Happy Hour，啤酒買一送一，所以我們都不客氣點了一杯。咁豐富的午餐，埋單每人連150數都不需要，所以非常抵👍🏻…Read More

偶爾會想在平日午市時間，去一間高質餐廳，犒賞自己，所以今日就去了298Nikuya。樓底很高，空間很寬闊，裝潢簡約但又不簡陋。本身想點壽喜燒套餐，但需要得25分鐘，為免要其他人等，最後還是點了和三寶套餐。非常豐富。除了主菜之外，湯、前菜、泡菜、小菜樣樣俱備，就連泡菜都有三款提供。同行友人都是點了這個。和三寶是哪三寶，我沒有問。三款不同的肉質，油脂分佈均勻，啖啖肉香。店內抽風系統非常好，吃完回到公司都不用擔心一身烤肉味。👍🏻…Read More