雄健's Profile

我和朋友行街街，口痕見到雪糕店，買來試下，$10單球，$15兩球好抵食，但怕自己論盡，買2杯單球和個friend share食，叫了薄荷碎朱古力和朱古力甜筒 ，雖然10蚊禁平，但好大杯，薄荷碎朱古力甜度適中，食落涼涼地，碎朱古力有口感，朱古力雪糕香濃唔苦，店舖雪糕選擇不小，下次試下其他味！…Read More

今天放假，想食好西，睇open rice搵到spark bar 呢間餐廳，評價幾高，很多人推介海膽意大利飯，一試無妨， 上到餐廳環境真的很好，可能因為過了午膳時間所以較清靜， 侍應安排我們坐窗口位，十分合我心意，經過她們的介紹，最後點了肉眼扒餐和帶子餐，加了一份海膽意大利飯，頭盤都有驚喜溫泉蛋沙律很精緻，牛尾什菜湯，好飲，夠熱，聽著悠悠的歌聲，望著窗外的景色，十分寫意，當我期待主菜的時候，我聽到待應同女廚師講我們是專程來食海膽意大利飯的，但女廚師竟然話專程來關我X事咩，是講粗口， 後來待應走出來同我們道歉話海膽來唔到貨，升級藍蟹肉取代好嗎?味道都很夾的，並說很抱歉這麼遲才通知我們，其實我知道她都是剛剛才收到通知，所以她都無奈，亦見她十分有誠意，一直招呼都很親切，所以接受了，到主菜來，意大利飯沒有令我失望，很濃味，好食，可惜肉眼扒我點了5成熟，似7成熟， 毫無血水，另一位成熟的待應馬上幫我們更換，但我又聽到女廚師講，要生d就唔好話要5成熟啦，我相信她忽略了餐廳是開放式廚房，她的對答我是聽到的，心裡不是味兒，難度當我未食過牛扒嗎，成熟待應好識做，送甜品俾我地，但已一肚氣，所以拒絕了，平心而論，餐廳環境好好，2位待應服務周到 ，食物味道不錯，開放式廚房本是賣點，但不時聽到廚師粗言穢語 ，一個優美環境，實在大煞風景！…Read More

最近見到西九龍中心有檔新開的冷麵檔 ，就同朋友去試吓。一睇張點餐紙，發現$28蚊可以買到1個麵加8款配料，個份量都幾多，我一個女仔食完已經飽咁滯，好抵食啊！配料我揀咗黃金魷魚、虎蝦刺身、芥辣八爪魚、滷水鵪鶉蛋等等，個人最推介黃金魷魚同芥辣八爪魚，都幾好味，仲有麵可以揀冷麵、烏冬或者菠菜麵，揀咗菠菜麵同日式芝麻醬。如果想平平地一餐，呢個都係一個好選擇！…Read More