Miraa's Profile

服務態度極差，仕應對菜單唔熟悉又唔問清楚，客人要求要熱水就俾凍水，仲要話個客講錯，上菜果碟一睇就知係豬肉但堅持係鴨（係咪咁無知呀！）一碟豬肉有血水要求再煮熟，廚師就堅持話係慢煮已熟，要再三要求先肯重煮（咩料呀！）家具餐具全部黐立立又油，食豬食鴨都唔俾餐刀，只得一隻叉你真係覺得冇問題咩？所有野都求其是但又難食，擺設扮Vintage但全無美感可言，只覺得自己喺垃圾堆裏食緊垃圾，呢間野幾位年輕人真係唔該做野要上心啲誠懇啲啦好嗎？總知，呢間野我一定唔會再去，祝各位好運！…Read More

完全趕客，咁嘅服務態度不如唔好做夜市啦！搶執碗、狂推銷買套票、啲嘢又唔係好食，上海菜做唔到基本質素，北京菜又唔係咁好食，俾好評嘅食客一係就收咗佢哋錢寫好食，一係從未食過北京菜或上海菜老實，咁貴，又難食，街邊任何舖嘅服務態度都好過呢度，一定永不回頭…Read More

問咗間餐廳話收夜晚11點，同阿媽星期六晚九點入座， 5分鐘內落好order，9:10pm上完湯，9:15pm上主菜，9:20pm舉手想攞啲配羊𣕧嘅薄荷汁同加水，就以為你要埋單攞張單喺你前面，然後我哋話主菜都未食到一半仲有甜品未上我哋唔係買單，跟住每隔2分鐘分別有三個侍應問咗你四次要飲咩餐茶，真係火都嚟埋，主菜都未食完甜品已經主動上咗，當時連10點都未夠再問多一次侍應佢哋收幾多點然後佢答我11點，跟住我哋就話我哋連主菜都係哽到落10點都未夠一路摧我哋，老實講間嘢啲食物已經冇以前咁好食，我俾緊高級餐廳嘅價錢八百幾蚊，但係食嘢要係快過立食嘅速度真係接受唔到，新寧餐廳係以後唔會幫襯，而且將來佢就算執笠啲侍應失業都唔值得可憐，因為係佢哋自己唔想做😡😡😡😡😡😡😡😡😡😡😤😤😤😤😤😤😤😤😤😤😤😤…Read More