amy_zzz's Profile

九龍城經過一間裝修好靚嘅意式餐廳，由意大利人主理，套餐好抵食。♡沙律及南瓜湯♡ 四款小吃拼盤有燒烤醬雞翼，余均益雞翼，水牛芝士，酥炸薯球，每款都好惹味，絕對係開胃前菜。♡燒烤豬肋骨配薯條主食都任揀一款，揀左豬肋骨，好入味又多肉，燒得好香，份量好足夠。♡避風塘海鮮薄餅 Mama Mia pizza 梗係要食pizza, 港式風味配大蝦魷魚，炸蒜片，烤蒜容醬，好特別，餅底厚薄適中又唔會太燶。♡ 教父薄餅經典之選godfather餡料十足，蕃茄醬，莫薩里拉芝士，牛腮肉，乾蒜，白菌，黑橄欖，車厘茄。♡ 意式雪糕估唔到係原杯da dino,有3款口味揀，香芋，雲呢拿，朱古力…Read More

自從食完牛大人放題，呢間係我火鍋top 1，專攻任食台式火鍋，食材湯底都好岩香港人口味，除左有牛肉，配料都勁多選擇，青菜都有7款、仲有各或各樣嘅丸、自家燕餃、滷肉飯都係我每次黎都必點！今次食豪d,叫左日本黑毛和牛A4吃到飽，實現和牛自由。入口即化嘅A4和牛，油花細膩，每一口涮煮都釋放濃郁鮮甜，肉香四溢，另外伊比利亞黑毛豬梅肉，堅果般的獨特風味與豬肉的細嫩口感，完美平衡油潤與清爽，2款都好頂級。海鮮迷別錯過鮮甜鮑魚，推出創意鮑魚三吃：炭燒鹽蔥鮑魚、柚子燒汁鮑魚、古法醉鮑魚都係任食，個人鐘意醉鮑魚，鮮甜彈牙又入味。套餐仲包海鮮拼盤，有帶子、蠔、鮑魚、鯇魚片，全部大隻鮮美。湯底是台式火鍋的靈魂，我們的胡椒豬肚雞湯濃郁暖胃，微辣胡椒開胃解膩，涮肉超級對味；阿嫲養生濃湯則以中藥材慢熬，草本香氣撲鼻，喝一口就感覺滿滿溫暖養身。兩種湯底隨心混搭，任食模式下無限暢飲，邊吃邊補，健康又滿足！呢個套個包特調，酒精濃度低，試左藍調微風以藍柑橘調製，清爽微酸，像夏日海風般輕盈，完美解膩提神；冰檸伴椰融合椰奶與檸檬，冰涼熱帶風，配熱鍋帶來冰火兩重天的極致快感，讓聊天更盡興！…Read More

火鍋都可以食得有儀式感？環境裝修已經感受到用心，沉浸式空間以雅致嘅裝潢，無論是燈光還是桌椅擺設，皆散發濃厚的品味氣息。套餐包2個湯底，用龍紋鍋盛載小鍋湯底更濃郁，推薦康熙花膠雞湯鍋，湯底溫潤而不膩，湯中花膠嘅軟糯與雞件嘅鮮甜完美融合，湯料好足好香濃。另一個揀左順治特色卜卜蜆鍋，蜆肉鮮甜飽滿，小小辣。套餐包貴妃出浴～手切本地牛肉，上枱仙氣飄飄，先將牛肉浸30秒再烚，肉質細嫩，入口即化。餐廳主打自家手工丸，套餐揀左手打黃金流心鮮蝦丸，咬開竟然係奶黃汁。黃金響鈴搭配秘製鹹蛋黃醬，酥脆中帶著濃郁鹹香，完美提升味蕾層次。桂花蚌與珊瑚蚌雙拼，唔係周圍食到，食材新鮮大隻，口感爽彈。黑牛柏葉則以其獨特的嚼勁與香氣，為這場味蕾盛宴增添一抹驚喜。…Read More

炮台山呢頭好多野食，發現左間好韓嘅燒肉鋪，最近做緊優惠，特價可以同時使用，韓國老闆好nice，見我地第一次黎，親自教我地燒肉，每燒完一次肉就幫我地換錫紙，照顧到每一個細節。前菜有5款，最鍾意個辣醬，唔會好辣，咸咸辣辣。♡豬腩肉任食 $108/person好抵食❗️pink pink 豬腩肉肥瘦適中，老闆教我地要燒到2邊blink blink，放上生菜上面吸油，仲幫我地剪開細細條。♡醬醃牛肋條 $108呢個好味推薦😋肉質好嫩滑，好岩送飯♡Beef Loin $99油脂豐富，份量都唔少，食完已經飽左食唔落多轉豬腩肉，好滿足～…Read More

元朗新記好出名，開左好幾間分店，今次去到佐敦分店，每款都大份又好食。晚飯埋單免加一，好抵食。酥炸魷魚鬚 $64推薦！肉厚彈牙，油分控制得宜，唔會食到成口油又香脆好味。紅燒元朗脆皮乳鴿 $78茶記少見有乳鴿，見好多人推又試一個，皮脆肉嫩，果然好味😋海蜇手撕雞 $66平時燒肉拼盤最搶手就係海蜇，呢度有海蜇做主角嘅菜式，仲有青瓜絲同蕎頭，口感層次豐富，調味恰到好處，少少辣，好開胃。香脆炸兩腸粉 $26雖然無試到雞粥，但嗌左送粥嘅炸兩，甜醬係隔離任加，可惜無麻醬。新記XO醬炒飯 $64推薦招牌炒飯，好足料，有鑊氣，有蝦、蛋、菜、火腿。跟餐飲品有折扣，五花茶$7…Read More

去開YWCA, 發現石硤尾有間超有氣氛高質西餐。 餐廳氣氛浪漫又舒適，價錢合理，食物用心。午餐包是日餐湯及飲品，餐湯係蘑菇忌廉湯，好rich,食到蘑菇粒粒，最好味係配左塊蒜蓉包，好香好脆～♡燒鰻魚煎蛋漢堡 $128主角燒鰻魚肥美多汁，配上流心煎蛋，濃郁嘅蛋香同鰻魚嘅鮮甜完美融合，仲有新鮮生菜同特製醬汁，增添清爽同層次感。粗薯條亦炸得剛剛好。♡燒紐西蘭肉眼配燒汁 $158大大塊燒得外焦內嫩，肉質軟腍多汁，入口帶有濃郁牛肉香。主廚嘅燒汁調配得恰到好處，微甜中帶點酒香，完全提升咗牛扒嘅風味。♡Tiramisu $48既然係法國藍帶主廚主理，甜品當然唔少得！Tiramisu係是日甜品推介，絕對係正宗意大利風味。層層疊疊嘅手指餅浸滿濃郁咖啡同酒香，配上輕盈嘅馬斯卡彭芝士忌廉，入口即化，甜度適中，完全唔膩。…Read More

叉燒拉麵食得多，豬軟骨拉麵第一次食，原來係大阪過江拉麵店，俾門口套餐吸引左入去，$348有2款拉麵+2款小食+2款飲品，好抵食。今日新出左沾麵，當然想試下。♡激辛原條豬軟骨拉麵&溏心蛋 $150必食招牌！揀左小辣好夠辣，豬軟骨好足料，湯底夠濃郁，幼麵軟硬度岩岩好，質素同份量絕對值回票價。♡叉燒魚介豚骨沾麵 $128雖然餐廳主打豬軟骨，但叉燒都非常出色，每一塊叉燒都炙燒過，半肥瘦脆邊，好有誠意，沾麵份量非常大，上面加左柚子解膩，湯入面都好多豬肉粒，適合鍾意重口味嘅人。♡唐揚炸雞 $525大粒配沙律醬，肉質鮮嫩多汁，皮脆內軟～…Read More

位於士丹利街，餐廳以全落地玻璃設計，景觀迷人，氣氛輕鬆舒適，適合朋友聚會或商務午餐。🎤 提供包場卡拉OK，私隱度高，非常適合派對！🍶 5月27日仲有清酒配對活動，精選清酒與菜式完美搭配，值得一試！📖 隱藏菜單：提前2-3天預約，廚師可定制全雞、牛、豬或素食菜單，選擇豐富。中環$300多嘅午市omakase真心抵食，性價比高，無論聚會還是商務場合都好適合。～～～～～～～～～～～～～～極上Omakase （dinner) $1380～～～～～～～～～～～～～～🫜特色前菜♡木魚蒜頭漬♡海膽豆腐配黑松露♡小松菜🦪時令生蠔♡岩手縣生蠔 - 海水味濃郁，蠔身大而爽口🐟刺身4款♡池魚 - 加左薑蓉超級match, 好好味 ♡金目鯛 ♡木魚絲 鰹魚♡大拖羅 - 肥美大片，好滿足🍣壽司六貫♡赤蝦♡北寄貝♡帶子♡ 炙燒左口魚邊 -油脂香濃♡ 炙燒燕祭 - 肉質結實♡海膽熱狗 - 一板鮮甜海膽，入口即溶🥘廚師經典一品料理♡清酒煮蜆🍰甜品♡宇治金時雪糕&朱古力蛋糕 -甜而不膩推介單點：🐓煙燻九州刺身雞 $188真空煙燻，刺身雞肉質嫩滑入味，質感一流🍸北海道帆立貝黑魚子海膽杯 $288呢間海膽好靚，忍唔住嗌多杯share ，加入多款刺身，口感豐富…Read More

話說銅鑼灣夜空下，有間超Chill嘅2層酒吧 Falò Bistro簡直係年輕人嘅天堂！5樓空中花園，望住CWB霓虹夜景，仲有露營風BBQ任食，食到你肚滿腸肥～上層係室內酒吧+免費任唱K，仲可以帶毛孩一齊來Chill，Pet-friendly到飛起！上層酒吧有新出四款必試Cocktail：咖啡、芒果、話梅、柚子，咖啡Cocktail濃香撩人非常特別，芒果款配椰汁top，易入口又帶椰香味，話梅同柚子好清新，飲完即刻想encore！一入到下層，霓紅燈打卡牆同露營風佈置即刻令你手機影到爆！BBQ任食係自己燒，牛扒、雞翼、丸任你燒，飲品任飲。餐廳接受包場，生日會、Team Building都無問題！位置夠大，啱晒同三五知己開Party，交通方便餐廳營業至1點～食飯當晚有標賽包場，氣氛很好～…Read More

4月留港消費，去左銅鑼灣廣場食韓國菜，地方好多，可以包房，連服務員都係韓國人，播韓國音樂mv，好似飛左轉韓國一樣。而家醬油蟹套餐做緊優惠，醬油蟹*1、醬油蝦*2、醬油鮑魚 *2配紫菜飯$423。蟹膏蝦膏都好多，醬油蝦成隻手掌咁長，好多肉。最鐘意個鮑魚，入味又彈牙。食完生冷野又想食返熱辣辣熟食，點左碟牛肋骨肉（200g)$188, 醃咗甜甜燒汁味，肉質好靚，厚切無骨，仲有勁多前菜任食。前菜有豆腐、茄子、薯仔、芽菜、泡菜、青菜。最後加左個炒年糕$118，材料豐富，入面嘅魚糕好好味。臨走竟然仲有甜品，雖然係2粒維記糯米糍，但服務唔錯，有驚喜。…Read More

White day去左赤柱拍拖拖～ lunch 揀左classified 醫肚，環境好chill，寵物友好，全部都係外國人帶一家大細食飯～♡ Roasted Beef & Eggs Sandwich $138Burger食得多，呢間個燒牛肉炒蛋芝士三文治好吸引，5層牛肉超級厚，芝士多好滑，要2隻手食～♡ Fried Chicken $143韓國炸雞睇圖好吸引，有甜酸醬同bbq醬二揀一，無骨炸雞肉質唔會乾柴仲幾嫩滑，配菜仲有羽衣甘藍&青瓜片。♡ Steak & Scallop $228情人節點少得切牛扒，3粒帶子&肉眼牛扒，配法邊豆&蕃茄仔，我地仲加左個蘑菇，配汁好夾～♡ Chilli fries $58雖然三文治已經有薯條，但呢間嘅chilli fries 係必嗌，因為真係好好食，配蛋黃醬係靈魂！♡ Crepes with ice cream $78最後點少得甜品，香蕉士多啤梨可麗餅，餅皮厚薄適中，配雲呢拿雪糕。♡ Mellow Yellow $65芒果香蕉菠蘿沙冰超推～ 少酸多甜好開胃～♡ Creamy Green $65牛油果菠菜沙冰好raw, 唔甜好健康～…Read More

♡ 期間限定 春之四色刺身定食 $108有4款迷你海鮮丼、前菜、茶碗蒸&味噌湯，茶碗蒸非常好味！♡ 帆立貝丼：最鍾意帆立貝丼，帆立貝勁大粒，肉質鮮甜滑嫩，口感細膩，襯托一片紫蘇葉，更顯鮮味～♡ 拖羅蓉海鮮丼：滿滿拖羅蓉搭到成座小山咁，細膩順滑加上粒粒飽滿嘅三文魚籽&魩仔魚增添更豐富嘅口感～♡ 醬油漬吞拿魚配魩仔魚丼：一睇以為黑蚊蚊，原來係以醬油漬熟成嘅吞拿魚，醬油漬將鮮味昇華，另一半鋪上細緻軟嫩嘅魩仔魚，入口即化，每一啖都有海鮮鮮味！♡ 醬油漬蛋配木魚絲丼： 濃郁嘅醬油漬蛋黃同帶有魚鮮香味嘅木魚絲相得益彰，濃郁嘅蛋黃汁包裹著木魚絲，融合得恰到好處。
♡ 德島魩仔魚漬蕃茄 $28酸甜嘅漬蕃茄搭配脆炸嘅魩仔魚，呈現色彩繽紛嘅視覺效果。味道酸酸甜甜，而脆炸魩仔魚咬落酥脆，口感超夾～♡ 帶廣名物稀有豚肉丼（並盛）$95嚟到北海道豚丼名店，點少得食埋佢哋嘅自家名物呢！並盛份量都唔少，5片KAMIKOMI豚肉用祖傳醬汁燒到脆邊，好好味～♡ 稀有豚肉天婦羅 $38炸豬扒就食得多，用天婦羅煮真係得呢度先見到，果然係豚肉專門店，脆炸嘅外皮淋上天婦羅汁，唔會好油膩，必食！…Read More

希慎新開左間牛丼專門店，睇圖好吸引，主打熟成牛，日本米，日本蛋，多款自家醬汁& 自家製忌廉，試左個並盛份量都好足夠。♡慢煮熟成牛肉+蒜香醬油炒飯+紅酒照燒汁+日本蘭王生雞蛋黃 $100黎到同張相一樣咁靚，醬汁自己調節加配，熟成牛肉好好食，大片得黎都有6片，包住成個飯，必點！ 蒜香醬油炒飯好香，但太重味掩蓋蘭王嘅蛋味，建議配白飯或者淡麗蛋白炒飯～♡慢煮極上熊本豚+淡麗蛋白炒飯 +芥末籽肉汁+流心香煎日本蛋 $104慢煮豚似拉麵叉燒，配煎太陽蛋好靚，流心蛋比生蛋多左塊蛋白😂 芥末肉汁唔會好辣，叉燒同醬汁好夾～淡麗蛋白炒飯 & 拉絲芝士蕃茄醬意粉都好受歡迎，好快就買完，下次可以再試～♡道地玄米茶 $18♡可口可樂 $18…Read More

銅鑼灣世貿呢間法國菜真係好值得推介大家黎食飯慶祝🍾 除左有靚景，食物質素媲美米芝蓮！情人節tasing menu $1388/head 有8道菜，每道都獨一無二，充滿驚喜～而且live band 音樂都好正，仲會到你前面唱情歌&生日歌～♡ Bread免費refill酸種麵包，配羅勒辣椒牛油&海鹽牛油♡ Royal Daurenki Caviar & Japanese Sea Urchin第一道已經眼前一亮，扇貝竟然可以整到一條麵條，上面配海膽、三文魚子&魚子醬，倒入青醬忌廉，吊起你嘅胃口。♡ Scottish Razor Clams & French White Asparagus第二道竟然用發醇法國白荀扮帶子，上面一片低溫烹調嘅剃刀蛤，配墨西哥辣椒莎莎綠&柚子啫哩點綴，酸甜中帶點辣♡ Black Truffle & Foie Gras咁快就上個甜品？其實唔簡單，酒心朱古力就食過，估唔到將鵝肝放入朱古力可以解膩，配合黑松露片&紫蘇葉脆片，衝擊你嘅味蕾。♡ Seafood Bouillabaisse平時飲龍蝦湯，每次都咸到洗腎，但呢個鮮得黎唔咸，龍蝦湯最高評價，加左大蜆，燒大蝦，粒粒都鮮甜大粒。♡ Fish Maw魚肚扮魚？！用煙燻黑芝麻片扮魚皮蓋住花膠以假亂真，脆脆嘅魷魚墨木瓜伴碟，佩服主廚想像力同用心。♡ Gelato 清味蕾♡ Charcoal Grilled Maine LobsterRisotto 都係海鮮，原隻蟹鉗拆出，加一大條龍蝦尾，已經好飽，但都好味到清碟。♡ Red Wood & Charcoal Grilled As Miyazakigyu Beefmain course 尾聲係宮崎和牛，油脂好香，部位好靚，熟度岩岩好♡ DessertRaspberry & strawberry mousse cake最後甜品都好靚，好似變身器，酸酸甜甜嘅蛋糕幫忙消滯，個2粒朱古力樣竟然都係話梅味啫喱，成餐每一道都好有驚喜！♡ DrinkThe Honey Thief $128Five O'clock Tea $128…Read More

終於去到全港唯一海上酒吧🥳係尖沙咀碼頭上天星小輪，係搖曳嘅小輪上眺望港島維港，仲有駐場歌手現場表演，唱耳熟能詳的廣東歌，好有香港味道！入場券包窩心話梅同薯片無限追加，仲送stay 紀念品一份。當然酒水小食都唔馬虎，試左 stay sexy 好香， 酒精較濃，而 stay home即是港式茶餐廳檸茶味道，較易入口。天星小輪2層都可以自己上落，下層較靜，座位較鬆動，上層船頭係打卡熱點，中間同船尾就帶幾張枱可以坐低慢慢品嚐美酒小食。…Read More