ilu9-1's Profile

越式咖哩牛肋條配斑蘭柳漿飯咖哩好香帶少辣，程度譚仔三小辣左右🤣（小女覺得咋），配椰漿飯一流😆😆😆不過椰漿味會比咖哩蓋過左，而單食都食唔出斑蘭味。牛肋條都炆得軟身🤤仲有牛筋添！正👍🏻不過同行小夥伴就覺得佢略為咸咗少少。［嫲嫲南越湯］招牌金邊粉呢個湯有辣有唔辣，小女就揀左唔辣嘅。油條浸住湯度再咬一啖😆脆薄薄又有湯汁，好邪惡。其他牛丸牛肉片就正常發揮，冇乜特別。富國島之椰子奶凍一上嚟就仙氣飄飄🤣🤣🤣真係打卡一流。入面椰子奶凍滑捋捋得嚟椰子味都重😆而且下面仲有啲脆脆珠同生果粒，食起嚟口感好豐富😆😆😆雖然甜品幾好食🤣不過感覺同一班朋友喊多啲小食share會開心啲😝…Read More

前幾日去左紅磡搵食🤤點知突然落大雨😢諗住是但搵一間避雨同食飯，竟然搵到間唔錯小店❤️落單姐姐好nice雞絲粉皮（$50）份量好多😆完全唔係係小食，覺得細食嘅女仔應該都會食得飽。雞絲同醬份量都唔少，強烈建議撈好先食，唔係就會覺得醬多嘅地方有啲鹹🤣紅油抄手（$40）推薦叫呢個😆佢可以揀辣度，本身唔太食得辣嘅我就揀左bb辣🤣個人覺得可以再辣啲，個汁嘅味道會再出啲。小女冇研究抄手要用雲吞定其他餃子先係正宗啦～但係雲吞料多有汁😋上枱果時係熱辣辣，覺得好好食。小籠包（$35@3/$45@4）本身冇諗住叫佢嘅🤣但係落單姐姐強烈推薦又話可以叫一人一粒，所以就叫左兩粒試吓。姐姐話呢啲小籠包係自己整嘅。個小籠包皮薄又多汁😆😆係我鐘意嘅口感，姐姐冇介紹錯👍🏻糖醋排骨擔擔麵（$63）佢哋有個招牌排骨擔擔麵，兩者相差$3啫。姐姐好老實話兩者其實差唔多，係糖醋果款會多左糖醋汁係排骨上面，我哋問可唔可以另上🤣姐姐好nice話可以😆擔擔麵都可以揀辣度架，小女呢碗唔辣嘅，同行朋友覺得有啲辣會再野味啲🤫排骨方面，炸得鬆脆有汁唔乾身👍🏻但係個汁覺得水左少少，同埋酸味重左啲。 小女再揀可能齋叫招牌就ok👍🏻今餐食咁多仲叫左豆漿都係$183😆覺得晚餐想平平哋食呢度係唔錯選擇哦！…Read More