YuiTungWong's Profile

以前係日本食過炭爐既牛繁，而家香港都開左，就緊係要去試一試喇。地點係尖沙咀，又方便，同朋友聚下傾下計既好地方。鋪頭環境都好舒服，地方大，唔會坐得好逼，有曬抽風設備，燒完唔會成日韓燒味道，仲有locker可以放衫同袋，諗得好周到。重點就當然係食物喇，叫咗幾款牛同一款豬，每樣都好好味。元氣牛五花呢個係牛繁推薦菜，比其他肉厚切一d，食起會更有口感，啖啖肉汁，絕對推介。特選豬五花雖然幾多肥膏，但唔會覺得好油膩，反而佢個柚子味好出，食落好清新。蔥燒鹽香牛舌牛舌上面既汁，燒完其實唔係好食到咩味，但勝在佢夠爽口，好有口感，已經好有味道，唔洗理個d汁。壺潰牛肋條呢個上碟已經夠特別，成個壺入面仲伴著d三色椒，唔係普通一個碟，而且好入味，成條咁上，超有口感。上級和牛里脊肉不過不失喇，味道唔差，唔算好特別。霧島溫泉蛋飯食肉仲未夠飽，叫多個飯填下肚，個溫泉蛋煮得啱啱好，成個飯超好味。檸檬梳打食韓燒一定要配d有氣飲品先舒服解渴，而且佢酸酸地好開胃。…Read More

銅鑼灣咁多野食，今日同朋友仔行街之後就去試一試呢間餐廳，裝修又靚，同佢個名一樣，好有美國style架，亦都會播住d英文歌，扮下ABC係到食下野都幾有氣氛架。同朋友叫左個黑松露野菇pizza，黑松露好香，超多黑松露，但啲料得菇就寡左啲，不過整體都好好味。另外，再叫左明太子忌廉意粉，d cream好好味，明太子d料都好足，配合pizza覺得2樣野幾match。價錢方面，呢d材料黎講都唔錯既，食西餐黎講都幾抵食，適合朋友仔傾下計，開下party都幾啱。…Read More

呢間係我同屋企人大埔嘅食堂，成日都會去食，因為試黎試去都未試晒佢嘅嘢食。今次又叫咗啲新嘅嘢食香芒軟殼蟹米紙卷 $78成件事唔算太夾，但係旁邊嘅芒果汁令成碟餸加咗分。香芒樂園 $48 大大杯嘢飲一齊share食辣野嘅時候就最啱啦，成個配搭都唔錯，係芒果沙冰加糯米糍加爆谷、芒果肉鮮蝦金邊粉 $88黎左咁多次就叫咗咁多次，因為真係煮得好好味，炒到好乾身。青咖喱牛腩配薄餅 $88青咖喱一定要叫，有啲椒但好香，牛腩亦好淋今次亦是左新嘅嘢就係鹹豬手$148 外皮燒到好脆，肉好嫩，份量好多，我哋三個食唔晒。呢間餐廳真係有好多好特別嘅餸菜可以試，黎左咁多次都未食晒。…Read More

繼續黑糖珍珠鮮奶既熱潮～今次飲呢個叫了不起，係台灣過江龍，原本西環先有分店架，而家油麻地都開左分店喇，係市區就就方便d去飲喇。都係試返最普通既黑糖珍珠鮮奶，咁先有得同唔同鋪頭比較一下，佢既黑糖味道算香，黑糖掛杯加埋奶d味道幾好，奶亦都香，唔會太甜，但係d珍珠睇落唔係黑色，似係普通珍珠，完全無黑糖味道，飲落就一般喇，配搭返黑糖製既珍珠，味道應該會夾一d。提一提大家，買野飲個時show學生證有$5優惠架。…Read More

放工食完dinner想同班friend再傾多彈計，再去左呢間餐廳chills下～平時奶蓋水果茶、抹茶就飮得多，今次竟然有奶蓋apple cider，係平時飲開既Apple cider上面加左層奶蓋，係幾特別，上面層奶蓋都有apple cider味，估唔到個味道都會夾，但係略厭個個奶蓋都打得唔夠thick，比起出面d芝士奶蓋唔算好好。出面自己買支apple cider，大家都知幾錢，加層奶蓋變左要$62，好似有d過份。另外嗌左個配酒菜，德國鹹豬手配薯仔沙津，都幾大舊豬手，餐廳已經起曬d肉，外層個皮炸左，唔會好油，但其實好硬，好難咬，豬手舊肉都算嫩身，但係唔算好入味。…Read More

要食浪漫既晚餐，係旺角鬧市都做得到，有埋燭光添呀，呢間餐廳係旺角一座大廈既高層，雖然唔係對海景，係望住旺角既鬧市，人來人往，都幾有香港特色。食物方面，有烤T骨牛扒（16oz) ，塊扒份量好足，但唔會烤得乾身，叫左5成熟啱啱好，2個人食份量適中。好欣賞佢地嘅配菜，今次叫左芝士菠菜、芝士椰菜花、芝士焗薯，仲有好多唔同選擇嘅配菜，睇得出佢地嘅用心，雖然係配菜，但一d都唔失禮。另外再食左烤香草帶子伴蟹肉甜粟意大利飯，當做完食肉獸，有個creamy既飯平衡下，雖然個飯creamy，但唔會太滯。咁既環境服務同食物質素，價錢係貴d，不過值得既。…Read More

呢排好興呢隻台灣臭臭鍋，一人一個小火鍋，自己揀自己想食d乜。今次同friend share一個鍋，就再加個滷肉飯同鹽酥雞扒，好有台灣風味。日式味噌湯豚肉鍋 $98料好足，會好飽，豚肉亦好嫩，唔會硬，湯底中規中矩喇，整體不過不失，本身諗住有麵，但份量唔多。因為同朋友仔2個人share一個鍋，驚唔飽，叫多左個滷肉飯，感覺麻麻，可能係台灣食得多地道d，所以會覺得差少少，始終台灣地道好味d。鹽酥雞扒 $28唔夠味，都算脆同嫩，鐘意重口味d既話自己點下辣粉會好啲…Read More

大排檔咁樣既茶餐廳，環境係差d，但食物真係好正。茄牛通，必食，呢間啲蕃茄真係一流，好濃好足料嘅蕃茄湯，如果個胃大啲好想飲哂佢啲湯，牛肉quality都好好 好淋身 吾會成口筋 牛肉量都算多，份量都幾多，一個人食啱啱好，menu仲有好多野食，不過番茄底真係好好食。牛油檸檬蜜糖脆脆 ，甜甜地又有啲酸再鹹鹹地，雖然好多種味道 但係夾埋又幾好味喎，叫一份同friend share下好正呀。lunchtime好多人排隊架，要食就要有啲耐性。…Read More

之前去大版食完沾麵之後一直都好掛住，香港都好多地方有得食，今次入到屯門試下新野。首先係沾麵，呢碗係黑油豚骨湯，味道濃，不過鍾意清淡既朋友就唔太適合喇，麵條方面都幾有彈性，掛湯能力唔錯，當然唔少得叉燒、半熟蛋、筍條，互相配合，簡直係正呀，食完仲可以揀加湯飲下。除左沾麵，亦都試左拉麵，呢碗係介魚豚骨拉麵，呢碗湯味道相對清d，流心蛋有驚喜，蛋白滑嘟嘟，一咬落去d蛋汁即刻必晒出黎，正呀。地方就唔近市區，比較遠，不過好值得。…Read More

今次同屋企人黎食，多d人就可以試曬Meun既唔同set😋黑松露吉列牛黑松露味唔太濃，但係都食得出黑松露味嘅 牛方面半肥瘦吾錯，配一個白飯 ，啲飯好有咬頭。，值得一試板燒吉列牛 原本以為佢普通d，無咩期望，雖然唔係好重，但出奇地有少許牛味，相對黑松露反而會覆蓋左牛味，如果唔係貪黑松露特別可以試下呢款。秘·朴葉味噌牛肉 呢款純粹係想試下唔同野而叫，order個時店員都會提你會好咸既，係真係好咸，但原來d味噌係經廚師秘密調較過，用黎送飯岩岩好，幾開胃。呢款都會俾你自己煮下，相對麻煩一d，要不停自己反，而家都煮幾耐下，煮到你想要既熟度就可以叫店員幫你上碟。如果唔貪新鮮，叫返吉列牛會好味d。蒲燒原條饅魚飯 應該無咩人係呢間店叫饅魚食，不過屋企人喜歡饅魚，所以都叫左個試下，不過不失，同其他店感覺差唔多。日式炸薯絲蝦 爽口鬆脆，味道good既，不過除非多人食，都係主打食吉列牛好d。…Read More

之前去新加坡食天天海南雞好正，一直念念不忘，好想再食，依家終於比我搵到間同佢差唔多，甚至我覺得更好味嘅海南雞飯。叫咗個水門雞飯、炸水門雞飯、泰式奶茶 同芒果糯米飯。我鍾意食水門雞飯多啲，因為佢啲雞好滑好嫰，另一碟係炸雞，脆口啲，如果鍾意脆卜卜嘅嘢就可以試吓，各有特色嘅，都幾特別呀。叫咗個泰式奶茶，同平時啲港式奶茶好唔同有啲香料味唔係人人接受到。甜品就叫咗個芒果糯米飯、雖然食完正餐好飽但係甜品又有另一個胃，個芒果好甜有花香味，配上煙煙靱靱嘅糯米飯同上面既脆脆，有幸福嘅感覺。…Read More

一向都好鍾意食牛，所以成日去尋覓好味嘅牛肉，呢間位於大角咀，係無咁方便，但係值得，鋪頭細細地，唔算多位。指定每人要嗌一個餐日本宗像牛（大腿外側）$168牛味更突出，牛片好淋，一啖飯一啖牛，都會食唔晒啲牛。可想而知有幾多牛。紐西蘭產（大腿外側）$98同日本相比，牛味真係冇咁突出，真係一分錢一分貨，廚師教我地要用炸蒜片夾一片牛食，仲有好多配料㗎，但係都係覺得就咁食牛味先唔會比掩蓋。.廚師服務態度唔錯佢哋不斷講日文好似去咗日本咁，但係個侍應服務態度就麻麻。…Read More

呢間位於荃灣，亦都唔係大商場入面，比較偏遠，可能租金平d，食物都平d，而且有返咁上下質素。去食日本野，就一定要食三文魚，所以叫左呢個三文魚親子丼，唔可以期待佢好似係日本食咁肥厚，但係香港黎講，質素都算係過得去，而且都幾大份。多三文魚油，三文魚子都一樣多，幾飽肚。另外，都試下呢到既熟食，睇menu好似好多牛既牛肉丼，真係超多牛肉，好嫩𠺢啲肉，牛肉味就唔算太重，飯亦偏淡。但整體黎講，呢個價錢，呢個質素，都算滿意。…Read More

健康飲品店😋市面上唔係奶蓋就係黑糖🤷🏻‍♀️有時食完飯想飲啲冇咁滯既野飲可以試下呢間😆雜莓優格蓋茶 $34 佢上面係用yogurt製𠺢😍同下面用水果製嘅水果茶好夾👍🏻同時唔會好似芝士奶蓋咁滯🤩好有創意🤩抹茶Oreo時光 $28對抹茶有追求嘅抹茶控，呢到既抹茶會滿足到你🤤濃濃既抹茶亦唔會粉🍵同時亦用明冶牛奶整絶非奶精😋加埋oreo令杯飲品有嘅咬下😋呢間飲品舖設計好文青好relax☺️飲品亦好健康，值得一試👍🏻…Read More

香港懷舊主題bino🍲播住香港懷舊歌曲、設計有舊香港嘅打邊爐餐廳😙杯杯碟碟都唔馬虎𠺢🤩十下二人套餐每位$288湯底有好多特色選擇𠺢：今次叫咗養生豆乳白鍋同埋胡椒豬肚鍋🤤養生豆乳白鍋：足料藥材湯底胡椒豬肚鍋：天氣凍左好暖胃😆仲有超多配料：✅大刀手切本地牛肉：嫩身、亦好重牛味🤤好正😆份量都幾多✅花鵰雞嫩肉：雞肉要煮耐啲，但都好嫩☺️✅十下三寶滑：三大舊蝦、牛、魚滑😋上面仲有啲蟹籽可以mix埋食✅懷舊果皮魚蛋、流心粟米丸、三星蔥醬爆貢丸：三款都好特別出面好少食到既風味🤤值得一試✅寬冬粉：超級推介😍煙靭控會好鐘意👍🏻👍🏻係一間好有心機既火鍋店，每款食物都有驚喜😆…Read More