今日收工喺旺角買完野，諗緊去邊度食嘢，朋友突然話去譽發廣場五樓既「 Eat Me Bar & Restaurant 」，佢話哩間餐廳好評如潮，不如去試試。我哋當晚冇訂位，大約八點到，好彩都有座位俾我哋，唔洗等👍。餐廳座位圍繞住落地玻璃窗，可欣賞到旺角繁華街景，室內裝潢走韓式路線，光線比較暗淡， 同時播着外國音樂 video， 好 relax。店內有賣手工啤酒，跟三五知己來吹吹水真係好合適。由於有限時90分鐘和每位最低消費$120。所以都係快快揭下餐牌睇吓有咩食先! 最後我哋決定點兩客ㄧ人晚餐。晚餐包括有是日餐湯、主食、餐飲。是日餐湯係南瓜忌廉湯，南瓜配上洋蔥和煙肉ㄧ起淆煮， 甜美可口，不過比較稠。另外ㄧ客湯便加$15轉為龍蝦湯，有粒粒龍蝦肉，味道濃郁，不會過咸。飲完餐湯，兩客主食都徐徐上檯了!主食貽貝墨魚墨魚汁燴飯，墨魚和蜆肉煮得剛好沒有過火，配上鮮味墨魚汁燴飯，都幾好食。另一主食是慢煮肉眼扒伴農夫菜，由於是慢煮，肉味濃肉質不會硬，配上碟旁新鮮的車厘茄、甘荀、 露荀、 紫薯和香草薯蓉，真是絕配!!餐飲㸃了Eat Me 精選特調咖啡，咖啡味香醇，容易入口。另ㄧ杯是藍碟蘋果果茶，杯內有ㄧ粒粒甜甜的蘋果肉，配上紫藍色的蝶豆花汁液，又香又甜，又有視覺享受，正😍下次來我ㄧ定會試吓手工啤酒!…Read More
