hidylai2015's Profile

聽朋友介紹呢間由觀塘起家嘅壽司店，主打fusion嘅日或壽司🍣今次食既呢一間係荃灣千色匯，地點比較就腳。呢度嘅食品名稱都好得意，例如呢一個沙律係叫做柚想蝦你😂😂好搞笑，沙律菜都好新鮮爽口，仲有多款唔同嘅蔬菜🥬沙律嘅柚子肉如果再多啲就更好🤩🤩叫咗個好吸引嘅芒果壽司，芒果嘅酸甜再配上天婦羅蝦嘅脆脆，口感豐富，唔錯！平時食日本嘢都一定會食軟殼蟹手卷，叫咗個軟殼蟹壽司🍣有牛油果既，都幾夾🥰火山應該都係呢到幾signature 既，因為我朋友有推薦呢個，上面係元貝混合蟹柳，好鮮甜😋😋牛舌男朋友想食所以叫左，我都試左兩口，燒得幾香，但牛舌不是我的最愛🤣🤣另外提下大家，食Fusion壽司可以問店員拎個匙羹，會比較易分同易食啲😆…Read More

對於喺荔枝角返工嘅我來講，啲餐廳食來食去都係差唔多有啲悶，近排開咗間新嘅日本嘢，當然要第一時間同同事去試吓啦！餐廳環境好唔錯，尤其是一入門口頭上面嘅裝飾好有日本嘅感覺！坐低之後搓搓手，發現餐廳都有提供酒精消毒，細心位加分！講吓我覺得最值得推介嘅鰻魚炒飯，調味比較獨特，有日式嘅甜味，配合青椒嘅香味，令到成個飯好好食😋👍🏻同埋價錢來講，我覺得呢一碟菜式性價比都高食日本嘢當然要叫刺身啦，我哋就食咗10塊三文魚刺身，新鮮度都非常唔錯！亦都幾爽口，感覺係高質嘅！另外叫咗牛油果軟殼蟹卷，上面嘅牛油果排得好靚呀！個飯係特別嘅啡色，因為用咗江戶前赤醋，係江戶前傳統嘅壽司做法，有少少獨特嘅酒香味，比平時一般嘅醋飯酸味更加柔和😋芝麻雞翼就正常啦，個皮可以在炸得均勻一啲，咁就完美啦。另外仲叫咗蟹子沙律同埋鹽燒牛舌，仲有番薯天婦羅🍤，番薯用咗黃心嘅日本番薯，味道香甜！夾埋兩個人食咗咁多嘢，都$500有找，喺荔枝角食日本嘢比其他區抵啲！…Read More

喺荃灣行行吓街想食泰國菜，於是就搵咗呢一間都幾多好評嘅泰國菜試吓。因為食飯時間有啲早，所以未有好多人入座，餐廳環境好闊落，就算係一大班人都坐得好舒服😌裝修亦都好有泰國嘅感覺，比較休閒舒適。因為唔想煩食咩，所以就叫左個餐廳嘅set menu二人餐，先黎左個冬陰功湯，個湯幾夠酸甜醒胃，重點係都足料有超多隻蝦🦐🦐🦐 雖然係基圍蝦但係有咁多隻都算好抵食👍🏻菠蘿海鮮炒飯，有青口、蝦、肉鬆，可能因為係優惠餐，所以就冇個原石菠蘿載着，味道就都唔錯啦～全晚最期待嘅咖喱炒蟹，唔係軟殼蟹，係真係炒蟹！材料都夠足料，蟹係夠大隻，蟹肉都多，肉質偏軟林，咖喱味夠傳統。炒雜菜，食完咁多肉食梗係要食返啲菜清一清，材料新鮮～…Read More

同住大埔朋友不嬲成日過嚟呢度飲酒，今晚又心癢癢咁想食串燒同飲酒，又再幫襯啦，已經唔知係第幾次，哈哈。返工咁大壓力，有時飲下酒真係好減到壓，推介呢個桃酒，有少少酸酸地嘅感覺，幾好飲好易入口，女仔最啱就係呢啲啦。不過本來其實係想試吓香蕉梅酒，點知咁岩冇貨，希望下次有啦。飲酒唔係唔食炸嘢呀嗎？叫咗個炸髀，外觀都幾靚仔，但係內裏有些少未炸得透，如果再炸耐多少少應該會好啲，配泰式辣醬正呀另外仲有炸芝士條，朋友叫嘅，佢話幾好食。跟住就到重頭戲串燒啦！必須要推介嘅係紫菜年糕燒，同埋日本番薯仔，呢兩個雖然唔係貴野，但係我超鍾意食。如果第一次嚟，我覺得必點嘅係宮崎無骨雞腿，呢個係燒到最趣卜卜，仲要雞皮嘅脂肪唔多，咬落去有少少似燒肉咁香口，點埋個汁調一調味，簡直係完美～～～睇返啲相又覺得餓了環境方面，呢一度都幾熱鬧，好有酒吧嗰種感覺，所以唔少大埔人都鍾意呢度，包括我同我個friend真心推介俾區內嘅朋友！…Read More

第一次嚟呢間餐廳度食，最強烈嘅感覺就係好夠平，喺銅鑼灣食雞煲食到新界嘅價錢，真係好少見！成人晚上每位$200有找，食足90分鐘，環境都坐得幾舒服，雞煲兩個人食嘅雞件係夠嘅～咁當然價錢平，食物質素就要犧牲一啲啲，但我個人覺得性價比好高，因為牛肉幾靚。另外，配料選擇亦都算有好多，蔬菜類別應有盡有，我就嗌咗粟米、蓮藕片都唔錯。響鈴、丸類、芝士腸呢啲都係我打邊爐必不可少嘅！呢度亦都有平時打邊爐最愛嘅紅薯粉，吸晒啲雞煲嘅味，正呀！嘢飲方面，都有一小小嘅驚喜就係竟然有Apple Cider！平時食放題嘅地方都好少見會有，呢個好加分！其他飲品就同其他餐廳嘅都差不多，都有樂天嗰隻檸茶，但就冇忌廉溝鮮奶。甜品係雪條～熟食方面，有魚蛋同埋鳳爪，但係因為我哋主要想食雞煲，就冇特別試～醬料佢都有好多選擇，醬類係比較多嘅～仲有特製雞煲醬！可以拎嚟撈麵食，滿足晒雞煲迷嘅心！…Read More

呢間真係我嘅愛店之一，因為好味，餐廳氣氛又好，之前食開旺角多，今日係尖沙咀行街，所以一早就book咗同朋友夜晚食，而家非常之人多，所以最好去之前早一日book，唔係可能要等位。尖沙咀店嘅空間冇旺角咁大，但係食物方面就差唔多，菜單係一樣嘅，可以叫返平時食開好食嗰啲。朋友係第一次食，我就推介左一定要試吓呢一個海鮮炒年糕鍋，最上面係一隻炸咗嘅魷魚，外脆內裏彈牙，下面就係辣醬炒年糕，入面好足料有主角年糕啦，仲有魚片、菜、芽菜等等，成個口感好豐富同埋有層次。個鍋旁邊都有煎芝士、紫菜飯、菠蘿，芝士真係超級邪惡，但係真係好正好正，建議佢燒到有少少焦嘅時候再食，係最正㗎 ！另外我都好推薦原味炸雞，因為會配返四種醬汁，試過叫蜜糖炸雞，但係因為隻醬直接林落炸雞度，會令到炸雞個皮冇咁脆，所以我都係覺得原味炸雞好啲，可以一次過試晒四隻味！抵晒～同埋炸雞亦都有配薯條同薯格，唔知佢讚嘅配方係點呢，但總之係好香濃嘅奶油味，係呢個最令人難以忘懷嘅秘訣。嘢飲方面我就推薦米酒嘅，我咩味都試晒，今次就試咗士多啤梨加芒果味嘅，我覺得夏天飲呢個都幾正，因為芒果就係適合夏天啦！…Read More

星期一雖然係Blue Monday，但係放工都要同朋友Chill下，今晚就同朋友去咗食串燒，呢一間係大埔區裏面都算出名，座無虛席，就知佢有幾受歡迎啦！我同朋友叫咗Cocktail飲，我叫咗Sex on the beach，朋友就叫咗Long Island，一開始就先上咗兩杯酒，我個杯一上已經覺得佢勁靚，個芒果仔好誘人哈哈！兩個女仔叫咗勁多串燒食，不過都飲咗酒傾左一段時間，啲串燒先一次過上，不過啲串燒都仲暖嘅～我最推介嘅係宮崎燒無骨雞腿，呢個真係好正，肉質嫩滑，外皮都燒到勁脆，又多汁，朋友都勁鍾意食，所以我好推介呢一款。朋友話送酒一定要叫雞泡魚，所以我哋都叫咗份，但係份量唔算多～另外，我哋都叫咗好多蔬菜、有燒茄子、大啡菇、仲有我最愛食嘅一口番薯仔！期間有唔少當場朋友生日，餐廳可以配合播生日歌，我覺得同朋友慶生嚟呢到都唔錯！…Read More

呢間台灣野喺疫情期間仍然有人排隊，就知佢有幾勁！行入餐廳嘅時候見到好多人都食滷肉飯，所以我都叫咗一碗！傳統嘅滷肉飯點都唔會死，不過我得呢度嘅賣點係有埋台式飲品，overall都係一間幾好嘅台灣餐廳。…Read More

呢間最出名食瑞士汁雞髀同埋瑞士汁雞翼，當然要試一試啦。我就叫咗瑞士汁雞翼同埋小食拼盤，入邊有蘿蔔、豬紅、魚蛋，可以揀咖喱味或者XO醬味，咁我就揀咗咖喱味，有啲蒜蓉都OK啦，但係唔算話特別出眾。仲有一個餸呢我就揀咗炭燒豬頸肉通心粉，本身覺得加一蚊炭燒銷豬頸肉好似好正，但係我覺得個豬頸肉太過難咬同埋有浸豬肉嘅腥味，所以嗰兩舊豬頸肉我就冇食啦。但係overall我都係覺得好抵食嘅。特別係瑞士汁雞翼真係好好味名不虛傳大家都可以試吓，價錢上覺得性價比高。…Read More

呢間點心店真係超正！平時一向好鍾意食點心嘅我，有時都會去幫襯下添好運，呢一間真係可以同添好運鬥，甚至某啲點心仲好食！鳳爪、金錢肚嘅醬汁都勁好食，牛肉粟米餅略嫌比較油膩，面到太多油，但個餡料係超正嘅，好有牛味同埋粟米配襯都非常夾，仲好脆添！XO醬蘿蔔糕又係勁好食，好香，不過再完美啲就係個蘿蔔糕可以乾身多少少，咁就完美喇！全部點心都俾我哋兩個勁快清晒，下次會再嚟幫襯！又好食加上係黃店一定多多支持！加油哦！…Read More

難得放假今日去咗大學站度玩，去咗科學園嗰頭嘅海濱公園，喺海旁行吓散吓步好寫意，下午時間就走去食個Tea。入咗呢一間餐廳，價錢貴啲餐都幾吸引，於是就決定食呢一間啦。下午茶餐大概$40頭到$60尾，都有唔少選擇，我就叫咗火腿芝士西多士，配凍咖啡，多士都幾軟綿綿咁，唔錯。我個friend就叫咗黑松露雜菌迷你pizza，再加$8叫咗杯果汁。由於我哋兩個都有少少肚餓，於是就叫多咗個蛋糕食，蛋糕有檸檬芝士凍餅同埋朱古力餅，叫完之後有少少後悔冇帶到朱古力添因為朋友好鍾意食朱古力，不過檸檬都OK嘅～呢度都幾多人叫外賣餐，長期見到有好多外賣盒對喺度咁樣，應該都幾受附近嘅居民歡迎，下次嚟呢度都可以試吓呢間度食下午茶啊！…Read More

奶蓋平時就飲得多啦，但係有果仁味嘅奶蓋你又飲過未？我就真係未飲過啦，今次係第一次試呢個Nuttea嘅奶蓋茶～平時好少食果仁嘅我，都覺得個那個非常之香果仁味，而且個奶蓋係厚到好似雪糕咁樣，可以用個剷仔刮起嚟食。之後連埋茶飲，真係好正！不過價錢方面係有少少貴～只可久唔久飲一次～希望有買多送啲優惠啦！…Read More

上水食日本野都無乜選擇，舊墟呢間好似都幾出名，於是就同朋友食個中午飯。叫左照燒雞定食，先上嘅沙律啲菜都好新鮮爽口，麵鼓湯比較清淡，唔會話好咸。仲有燉蛋，味道ok la，照燒雞扒都幾脆，因為特別原因，如果想食日本野我都會嚟呢間。…Read More

好耐無食過一間咁有驚喜嘅餐廳，一定要出返文讚一讚廚師，非常認真同高質素嘅菜式。呢到係新開，唔係朋友住附近都唔會知道有，店內座位唔多，都係bar嘅高腳枱椅，坐得都舒服嘅。重點係食物！第一碟叫咗前菜炸燒烤菇配黑松露醬，估唔到炸菇又幾好食，因為菇類有好多水份，可以做到外脆內軟又juicy嘅感覺，而黑松露醬更加係提升成碟菜嘅元素！送酒呢個菜真係一流，夠香口！之後就係燒烤醬雞翼，呢碟都好好味但同平時出街食的差唔多～Prime極黑牛小排，好正！咁嘅價錢有呢種質素係好驚喜，好似高級西餐廳咁，牛排又軟又好多汁，正呀！配搭嘅薯仔都係好食，唔知大廚用咩方法令佢有啲焦香味。叫埋個意粉飽吐啲，叫左香草蕃茄烤蝦意粉，呢碟雖然係最平常嘅菜式，但大廚煮得異常好食，一來係意粉軟硬適中，偏有咬口一點，二係醬汁完全係炒咗落啲意粉到，平均沾滿咗醬汁，下次來想食下蒜蓉辣椒炒意粉！…Read More

食咗第二次都係覺得相當之正，一坐低，店員已經好貼心咁樣俾咗信封我哋裝口罩，雖然只係一個好細嘅動作，但都令食客感到好窩心。同上次一樣即刻叫咗個漁人樂脆先，因為真係勁鍾意個黑松露醬，加上佢個魚肉脆條真係好好食，點埋嗰張簡直係Perfect ！所以呢個真係必點，而且價錢都唔算貴。跟住呢就叫咗個定食，有一個湯煲仔，可以飲到新鮮嘅花膠魚湯，好濃郁又唔會有腥味，平時唔食魚嘅朋友都大讚！香烤牛西冷都好軟林，好多汁，點埋個烤肉汁就更加吊到個味～上次食咗花膠魚湯，今次呢就想試吓麻辣湯，但對比之下，我個人就鍾意食花膠魚湯多啲，因為比較清淡，同埋配返魚烏冬就比較夾同提到個鮮味，反而麻辣湯就比較濃味，唔係咁適合我個人。避風塘雞翼，主要係炸雞翼嘅感覺，味道都OK嘅嘢飲就叫咗玫瑰泡沫奶茶，跟餐比較平，而且奶茶都幾滑。朋友叫嘅凍烏冬。間鋪真係幾時都咁多人食，可見食物質素係掂嘅！…Read More