ShirleyWong8177's Profile

想食泰式火鍋好耐，今次食我生日飯，終於有人陪到我食，充滿期待值！我地食晚市，呢間分店唔算好full，黎果時無人排隊。我地叫左冬陰功同椰子雞湯，兩個湯都好好味，要讚嘅係呢間加湯不加水。不過要提嘅係叫加水難過叫酒樓啲靚姐。其中有個男侍應幾次望到都無反應，然後背住你做其他野，或㩒機埋單。就算叫到，都唔多耐煩咁話要等等。我地望住就黎煲燶嘅湯好無奈唔知要等幾耐，唯有熄左個火佢先，留意返仲要係限時100分鐘。埋單果時侍應終於自動過黎，但莫名其妙問我地對左單未，我地未收到張單唔明點解咁問。我地答未，侍應好似有d唔耐煩咁㩒比我地睇。見到咁嘅服務，本身想試下佢哋嘅甜品我哋都冇叫，過隔離滿記食好過。黎同走都無乜招呼，全程無見過一個笑容，整個服務感覺有啲唔禮貌，呢個生日飯食到無乜癮。明白可能就嚟收工時間（係侍應收工），人手緊張，又要埋數，可能好多嘢做唔切，但服務業冇嘢係禮貌同笑容解決唔到嘅。呢個價錢，呢個服務，幾好食都唔會再嚟，所以唔特別評食物啦！…Read More