Tammyyim's Profile

食完一次心思思有日經過又食！店主好有心機，每件壽司看似簡單（食材加飯），但調味做得好好。清新得黎有驚喜，壽司個飯酸酸的做得好！好有家的感覺！每日是日料理都唔同，要問下先知有乜食，個人喜歡b2 set, 6件壽司、甜品、前菜加湯！個日飲左個湯好香先知加左香茅～壽司上面有蕃茄、秋葵、准山、菇等，出奇地夾。價錢由$50至$100不等，睇你叫乜野餐。位置唔多，好似去左日本小店咁，得幾個位。比較岩一至二人去食。…Read More

睇完戲上open rice search, 講到隱世咁就專登去食下。餐廳座落於屋苑商埸中，駕車人士要記得往八樓時租車埸才可有泊車優惠。食物方面，大失所望。叫了一個$128餐，有咸豬手意粉、餐飲及湯。餐湯麵粉略重，一口漿杰。咸豬手只是僅僅合格。再叫了一個$39 盧薈黑松露天使麵，賣相散亂，一入口調味料與麵未融合，整整一撮是整熟了的麵餅口感，麵粉味。埋單，店員有禮，提示需要惠顧二百元才能得泊車單。其實呢，現時港九小至茶記，只要消費都會出單助你泊車。互惠雙贏，還要不是大商埸，小店可以考慮改變思維。總括來說，落街食個飯無房，甚麼隱世西餐，就太過了。水準連花園餐廳也不及呢，價錢平，食物質素只好說：係咁架啦…Read More

500蚊團購4人套餐，講到又吞拿魚又壽司咁，帶住一個無期望嘅心情黎到呢間野。坐左無耐，野食都未黎，嘩，對面個女人個面黑過隻獲。二人套餐，前面d野食少到吹得起。4人套餐，所謂個十幾舊嘅壽司。每一舊好似擦膠咁，即係細細個買個d壽司型擦膠。再睇下件壽司上嘅吞拿魚，忍唔住要講一句：「好刀法！」薄到薄過面油紙，size短過我隻尾指。好後悔無用防敏感牙膏，刺身凍到牙痺，未解凍都拎得出黎俾人食。幾款刺身應該有分係唔同部位，但完全食唔出。成個過程就好似食緊雪凍左嘅膠片。食完好似完咩野落肚。但被騙兼絕望嘅心情已經唔想再逗留係呢間店，走夾唔唞，唔駛旨意會回首。走左之後，成晚嘅感覺，呢到寫唔到出黎，因為唔會獲刊登～大家明啦～…Read More