放工突然好想食燒味飯，正當諗緊邊到有得食就見到呢間新開嘅茶餐廳，一於就入去試下....入到去裝修光猛，地方亦都好乾淨，好彩唔洗等位仲安排有卡位比我見到MENU好多選擇，炒粉麵飯都好多款式...但見到MENU上寫住自設燒味工場，二話不說就叫左個燒味雙拼飯(叉燒、玫瑰油雞)試下一上枱見到燒味同伴菜排列都好整齊，色澤亦好好，唔會話燒到好燶，視覺效果有滿分!首先試叉燒，唔係平時食到連鎖店果種擦膠感覺，肉質柔軟，果然無揀錯! 然後再試油雞，又係好嫩滑，唔會過老，而且佢醃個汁好夠味，連平時唔鐘意食雞皮嘅我都一塊不留食清光!雖然門外係一間平平凡凡嘅茶餐廳，但呢到可以搵到不平凡嘅燒味，下次一定要試埋佢地其他款式先得!…Read More
