Lingling^^'s Profile

今日入咗愉景灣玩，六點幾開始搵嘢食。喺DB plaza 樓下望上去見到好似有間幾靚嘅餐廳，就走上2樓睇吓，原來喺間酒樓，格局都幾高級，一入門口係個lounge。座位之間嘅距離都幾闊，仲有超高嘅樓底，3邊圍邊係落地大玻璃，setting有酒店中菜廳嘅feel。叫咗砂鍋雲吞雞、蒜片安格斯牛柳粒、蒸龍躉腩同埋炒芥蘭。砂鍋雲吞雞同埋牛柳粒最好味！龍躉腩就普通。侍應生服務態度好好👍🏻有禮貌最後叫多個糖不甩。兩個大人兩個細路，埋單$ 837，價錢中上合理好想下次再嚟飲茶，因為環境真係好舒服！…Read More

夜晚book咗6:30，我哋遲咗少少結果6:55先到，門口帶位話8:00要交枱，因為進餐時間係90分鐘。冇辦法啦，因為自己遲到，所以都照食。不過帶位嗰位小姐嘅語氣冇乜禮貌。「唔食就算，你唔食大把人想食」咁嘅態度。 坐低嗱嗱聲叫嘢食，叫完嘢食之後，7.25分就話last order. 所以我哋叫咗四個餸。分別係貝類盛合、松葉蟹海膽釜飯、壽司盛合同埋雜錦天婦羅。浜燒係吸引我嚟呢度食嘅原因，侍應喺你張枱度會幫你燒埋。味道不過不失，不過性價比性價比唔高。食完一樣嘢，好快就會有人嚟收咗個碟，我以為自己食緊澳牛。不過其實澳牛嘅侍應有禮貌好多，呢度啲侍應未至於會比氣你受，不過就木口木面，叫都唔太想應你咁。呢度啲侍應行得好快，要叫住佢地都唔容易。我都明自己係遲咗，不過見到啲侍應生嘅服務，令成個用餐體驗係快快快，氣氛好趕，而且不太有禮貌。所以比呢個價錢，其實有其他更好嘅選擇。…Read More

好幾個月之前，之前同兩個仔去淺水灣玩，因為亞仔食中餐食得最好所以同佢去呢間食。坐低有一壺茶，見天氣熱熱地仲叫咗2杯凍檸茶。店員服務非常之好，又快又好殷勤同有禮貌，仲請我個仔飲利賓納。多謝晒🙏🏻叫咗燒賣，乾燒伊麵同埋雲吞麵，全部食物嘅味道都幾好！價錢唔算貴，比起旁邊嗰幾間餐廳經濟。而且成個淺水灣應該得佢一間中餐？當日天氣幾好，開住摺門半戶外都幾舒服。下次嚟淺水灣想食中餐會再幫襯😃😃😃😃😃…Read More

平時食嘢好少搵到嚟深水埗，不過朋友早幾日話食完一間西餐幾好食，過幾日叫埋我同另外一個朋友一齊去。果然冇介紹錯！一行三人，叫咗個二人set dinner , 有龍蝦湯，Pepperoncini辣椒蒜香蜆肉意粉牛扒另加一個carbonara我會推介Pepperoncini，因為意粉質感 Al dente而且好惹味。Medium rare 嘅牛扒，啱啱好！店員見我哋三個人，仲比多左個龍蝦湯我哋添😊朋友叫咗杯Cocktail飲賣相都唔錯。環境舒適，性價比高，抵食之選。而家周圍都係連鎖店，食到好悶，食下小店有啲新鮮感。下次帶埋阿爸阿媽嚟食😄…Read More

我間中都會去食lunch，因為晏晝食有得免費追加白飯/牛角飯。多數我同老公都會忍唔住要多一份牛肉，食個超飽嘅午餐幾乎次次都點牛肩肉，貪佢夠林，辣味牛肩肉就更加惹味！牛角飯比白飯多咗三四塊紫菜、芝麻、同埋甜甜地嘅醬汁，都幾好味架！我好多時都會帶埋BB去，呢間餐廳係母乳友善餐廳，而且店員見到你帶埋BB去， 佢哋都會好照顧你，感覺好warm!呢間牛角細細間，有啲小店feel，員工又親切，very good! …Read More

星期一嘅下晝一點幾揸車經過文化博物館，突然諗起呢度嘅牧羊少年，見呢度都幾方便泊車就嚟咗食lunch。Menu嘅意粉同Pizza種類唔係好多，大約係每樣四款，無lunch set要散叫。我叫咗一個肉醬意粉同埋墨西哥肉醬Pizza。另外＋2杯嘢飲。🍸☕️肉醬意粉一睇就知道好味，因為煮得一啲都唔淋，好有口感，如果再多少少肉醬就好咧。另外個墨西哥肉醬Pizza🍕都好有驚喜，好多肉醬辣辣地好惹味。面層嘅芝士好多，食落去嘅口感同味道都非常好。對上一次來係吉卜力展覽，非常多人所以感覺冇咁悠閑。今次比較無咁多人，好舒服！帶埋BB來都OK！👶🏻👶🏻如果Menu有多幾種意粉同Pizza嘅選擇會更加好😋😋😋😋…Read More

見天氣涼涼地咪食下街邊大排檔, 見到佢地都有魚旦粉就一於試下啦.坐O係斜路D坐位度叫左碗雙丸米加腩汁,老闆娘串串地咁話, "我地唔包加汁架喎"等左10分鐘左右都未黎就問下有無落單, 老闆隔左10幾秒,黑口黑面咁話雙丸米至少要等3,4個字架. 真心講, 我覺得D牛丸同魚蛋真係好麻麻, 似係凍肉店買黎BBQ嘅質素.完全無大排檔風味嘅自制手打魚蛋牛丸風味. 最後走果陣有2個女士經過問老闆有無綠豆沙, 個老闆娘又係過左10幾20秒之後先答指住檔口個牌, 話"營-業-中", 再反問2位女士, "咁你話有無得食呢?"女士問住邊度, 老闆娘答 "無話坐邊度架, 坐低就食,食完就走啦""我呢度無開6,7年呀? 坐邊食你地都唔知"食大排檔, 我無期待有周到嘅服務, 但係又串又黑面要客人受氣嘅態度真係令人好反感!…Read More

待應服務很勤快，不如早前的食評所述，大概是改進了。第一次光顧午餐，2時多也不斷有客。 點了一客午餐，是蒜香墨魚圈意大利粉。意粉不会太稔，軟硬適中味道不錯。熱度，賣相也不錯。会再光顧試試意大利飯的！…Read More