yummyyummytummy's Profile

唔係為Chip n Dale唔會留意到呢間餐飯亦唔會特登嚟排隊，仲要最嬲係waitress完全唔識do，需知道喺咁多人排隊嘅狀態之下，客人對於排先定排後一定會好執著；其實係我一開始未齊人咁我坐埋咗一邊等住先，咁係無問題；但當漸漸啲侍應係完全唔理你，又唔會話問一句：「你朋友係嚟緊？」嘅時候，其他排隊嘅客人亦都唔會知我係一早到咗只係未入，反而到佢哋望住我眼啤啤，好似我打咗尖咁，嘩大佬，真係唔得，嬲咗。個餐牌有啲亂少少複雜，杯墊同筷子套嘅質地都較薄，根本唔reusable，唔知點解要特別寫墊出嚟邊個餐送，會令人誤會以為好似好特別咁。呢個就係筷子套。食物同飲品賣相還好，但味道真係較一般，價錢亦都唔平⋯大家可以考慮一下。茉香芝芝奶蓋咖喱蛋包飯連和牛漢堡吉列豬扒配他他醬定食兩個人食，埋單$405。…Read More

已經收藏咗間餐廳一段時間，終於搵到個名目去慶祝！門口做咗玄關位，所以唔會話出面一望就望到餐廳入面，私隱度高！入到去感覺同出面截然不同，餐廳運用咗柔和嘅音樂同較暗嘅燈光，令人耳目上都有享受，成日環境都有空間感，有情調，適合傾密偈～Menu係一個Tablet嚟嘅，咁就唔洗驚太黑睇唔清楚啲字啦，好貼心喎！我哋前菜就叫咗南亞風味日本刺身級帶子沙律 $178 4.5/5係好新鮮，少少調味，不乏鮮味，我自己就好鍾意嘅，只係身邊果個不斷喺度計一塊要幾多錢($178*1.1/6=$32.6)就比較大煞風景🤷🏻‍♀️😂之後main就叫咗香煎比見魚配蕃茄沙沙 $288 3.5/5佢啲調味係幾好嘅，啲汁呀都好夠；個魚未至於非常之外脆內軟(可能因為我哋影咗好耐相先食😅)，但都唔差嘅。另外仲叫咗個澱粉質巴馬火腿黑松露意大利飯 $225 4/5俾4分唔知因為佢好正宗，但佢係好味嘅，一嚟夠熱，二嚟又係調味，好香濃creamy，我一啖接一啖！不過係好肥，減肥人士要留意😂掙扎良久，都係叫咗個甜品🙈🙈巴斯克芝士蛋糕配日本香滑牛奶雪條 $138 4/5我個人嚟講幾鍾意咁樣嘅芝士蛋糕嘅，因為佢比普通cheesecake更香同埋有一種好似炭燒過嘅感覺，感覺無咁膩。雪糕都有日本北海道牛乳feel嘅，不過呢個價錢⋯我係喺度食先捨得🙈叫埋兩杯嘢飲，仲要其中一杯係酒，先人均$538，食埋環境我覺得好值得嘅，當然大家可以考慮下唔叫咁多嘢食咁就易啲afford得起～…Read More

星期六下午四點左右去，居然剛剛有人走，快快脆脆坐低再請友人出去落order。舖頭同星X克、PXX果啲一樣，都係先喺counter落單然後再搵位嘅，加上店內嘅座位不多，個人認為最好都係有朋友先嚟坐低飲，否則都係take away獨自享受好了。Ice mochaccino 4.5/5好好飲啊🤩🤩🤩🤩 本身係好鍾意朱古力嘅，再加上大熱天時行去K11musea身水身汗，飲返杯凍冰冰嘅飲品，真心爽！佢仲要唔係好甜，咁但係佢咖啡味就唔多(其實叫得mochaccino都唔係想要咖啡味？😂)，要留意返～Flat white 4/5友人居然出乎我意料之外地叫咗熱飲😗😗(個人嚟講都係覺得呢間店叫凍飲好啲，因為佢好多冰但其實唔會太凍)不過佢表示杯嘢好飲，我聞落都幾香。好好飲好開心🤣Avocado toast 2.5/5好酸⋯⋯⋯桔穿埋隻蛋再撈埋食，都係酸⋯⋯個包酸都正常，但牛油果都好酸⋯⋯⋯我無嘢補充⋯⋯⋯ 嚟呢度都係飲嘢好了🙈價錢方面，係唔可以日日飲⋯因為成$65一杯。。。。得閒飲吓都幾開心嘅！同埋坐唔得耐，環境都算靚，但櫈無椅背，坐得唔耐。…Read More

諗住同friend見吓面吹吓水，點知最後一肚氣！網上面search到間食crepe嘅諗住試吓，點知我朋友一開始已經話熱到傻(佢先到)。我去到發現佢係喺K11嘅外面，仲要中門大開，咁啲冷氣梗係走晒啦，仲要入面嘅格局勁似快啲店，一啲都唔welcome大家stay得耐少少咁。講起都嬲嬲地，介紹返嘢食先⋯去到係要去counter買嘢食先嘅，咁個人就想建議吓menu可以加少少圖啦，因為我同朋友都揀咗好耐(sorry選擇困難😂) 最後揀咗一鹹一甜跟餐share。呢張紙就是menu，我真的很想問 咩料？😂Staff其實係好有耐性同禮貌嘅，亦有一開始講明有入座計時嘅，不過我真係好唔明點解完全無人都唔可以坐耐啲？(平日下午啊) 同埋最大問題係我問menu上面嘅一杯嘢飲，係咪收銀處隔離poster果款，全場都無人答到我⋯⋯乜真係咁難答咩🥹 (但我果刻不斷以waitress應該係新嚟安慰自己…😮‍💨)最後得到嘅畫面，係開心嘅！喺度幫佢哋講返句，其實嘢食同嘢飲係真心okay，好食好飲嘅。(唔好問我呢兩杯係咩，order果陣勁混亂🥹)不過係個湯爭少少，唔太creamy，大家嚟可以考慮吓跟唔跟餐好。食到最後waitress係咁望住，好似想我哋離座咁…橫顧四周係多咗幾枱人，但完全唔可以叫做full囉…我明白員工都係跟指示做嘢，但希望餐廳話得事嘅可以考慮下改下呢個規定🫶🏻…Read More

以近觀塘地鐵站嚟講，又唔想成日幫襯大商場嘅話，東廣場係一個好選擇！由於都會坐一段時間所以揀咗間cafe諗住試下！我6點零7點鐘到，可以自己一個坐呢個Area，都真係幾舒服！由於比較早又唔想食得太heavy，我叫咗個沙律(其實明明平時唔食沙律囉扮健康)🙈🙈。我諗主要係佢掃QR code網上落單果度有好多食物嘅相，令我深信呢個牛油果沙律唔食平時食開果啲一塊塊菜菜菜沙律～賣相完全係可以打卡嘅level啦，喺東廣場嚟講都真係得2-3間可以咁，其他好多都以食快餐為主。牛油果芒果蟹肉沙律 4.5/5 一次過將牛油果、芒果、蟹肉放入口，既有少少蟹肉嘅咬口，又有牛油果嗰種少少creamy嘅感覺，最後芒果酸酸甜甜中和返牛油果嗰陣草腥味，啖啖都係滋味呀！唔好睇佢細細個，其實份量都幾足，食到7成左右已經feel到飽肚感啦！至於伴碟嘅火箭菜我都點咗汁同埋撈埋啲蟹肉食咗啲，即刻覺得自己健康咗少少😂最後走先俾我發現呢部有得揀Still定sparkle（有氣)嘅自助斟水機，咁貼心得唔得架？下次嚟要試吓先得！🤩 總結：成間餐廳嘅vibe同埋食物賣相、味道都無得頂，只係加埋一就貴咗少少咁啦，但如果坐返耐啲，同朋友傾下偈，完全係好選擇啊～…Read More

大家都終於忙完，想聚下傾吓偈食下好嘢，由於朋友們住將軍澳，我即刻諗起呢間，Fleur~星期日晚19:30去到，唔會太多人，感覺有少少唔似香港🙈舒舒服服坐低咗。餐廳主色比較沉，而枱就用上雲石，俾人一種高貴嘅感覺；但餐廳入面好多植物，中和返唔會太灰～ 反而帶有神秘感！兩男兩女、一開始叫咗個炸軟殼蟹伴泰式青芒沙律、燒烤豬腩肉伴扒菠蘿、黑松露薏米飯伴巴馬火腿。炸軟殼蟹伴泰式青芒沙律 $108 4/5 ⭐️⭐️⭐️⭐️普通一人份量，菜不多，但軟殼蟹size都有手掌大！汁調得不錯；除咗隻蟹難分咗啲整體嚟講唔錯，幾好食！黑松露薏米飯伴巴馬火腿 2.5/5 ⭐️⭐️⭐️薏米飯⋯⋯真係太似薏米了，但卻是飯，總覺得口感怪怪的⋯⋯ 火腿單食是可以的，但伴上有少少Q彈的薏米飯同汁，有點不太配⋯⋯而且整件事沒有想像中creamy(不飽肚呢…)大概是我不懂得欣賞這道菜了。燒烤豬腩肉伴扒菠蘿 3.5/5 ⭐️⭐️⭐️✨唔un，香口嘅，但無咩驚喜，比較一般反而菠蘿幾好食香煎挪威三文魚扒伴南瓜 3.5/5味道正常，較為普通，同埋價錢偏貴又唔飽肚，所以唔太建議⋯(除非真係好鍾意三文魚)澳洲安格斯西冷伴燒什蔬菜 3.5/5舊肉本身靚，但比想像中生，可能叫返七成會較合適。*終於嚟到主菜—甜品*Fleür Lover 5/5⭐️⭐️⭐️⭐️⭐️Sorry 其實真係一直都覺得嚟呢間餐廳要食甜品 因為佢係會有齊色、香、味！好，我無咩嘢要補充了！…Read More

行上樓梯、轉入小巷就望到一間裝修以木色為主的小店。星期日來說，等得不算太久了，我想⋯大概15-20分鐘？我是個正宗抹茶控，入到去望menu，嘩，正！有種眼花撩亂、難以選擇的感覺😛😋最後搞到連唔係抹茶控嘅男朋友都揀埋抹茶🙈佢話一場嚟到 點可以唔叫抹茶嘅飲品喎～本身想叫杯有雪糕嘅飲品，可惜無晒雪糕⋯我哋最後叫咗Yuzu Matcha Cheesecake $60Iced Matcha Latte $55Mango Matcha Latte $60以一杯呢個容量嘅嘢飲嚟講，價錢係少少貴嘅不過真係幾好飲嘅！仲有一個少少嘅戶外地方(兩張枱)，雖然天氣熱，但當日都有客人！總結：雖然價錢偏貴，但質素不錯；我會選擇再來一個人靜靜喝一杯休息一下！…Read More

買咗飛睇戲又未夠鐘，與其喺度乾等(本身都唔太餓)，不如入餐廳坐吓食吓嘢。餐廳以白色、簡約裝修，入到去俾人一種好peace好舒服嘅感覺。空間感都夠，枱同枱之間有一定距離。雖然唔餓，但如果想食魚嘅，都建議叫返呢個二人餐，$499包埋條魚，仲有好多嘢食，抵！水晶肴肉 ⭐️⭐️⭐️⭐️4/5賣相靚，彈牙！招牌酸菜鮮鱸魚 ⭐️⭐️⭐️⭐️4/5我就係要呢啲味呀😭 前一日食完屋企樓下嘅version，比較之下尼個酸菜魚無論係個溫度定個味道都係剛剛好！享受！欣賞佢有用蠟燭heat住個魚，好有心、尊重食材！乾煸四季豆 ⭐️⭐️⭐️ 3/5唔會辣，但又香口！味道剛好👍🏻👍🏻酒釀桂花丸子 ⭐️⭐️⭐️ 3/5份量好充足，酒味香濃！總結：食酸菜魚嘅餐廳當中，這間餐廳算是走比較高檔次嘅路線，坐得舒服，味道亦算中上，跟長輩慶祝十分合適！😌…Read More

之前聽朋友講貴兼麻麻地，但我個人就好鍾意俾機會人嘅，所以今日就同朋友去試佢一試！叫咗一個雞肉沙律，味道不錯，但雞肉略為唔夠熟，仲有少少紅同埋咬唔開⋯烤蕃薯菠蘿蜜糖芥末烤雞胸沙律 $82 ⭐️⭐️⭐️ 3/5不過甜品方面係正嘅，盛惠$128，少少貴，不過唔會太甜！Waitress拎過嚟嘅時候發現梳乎厘塌咗落嚟都會特登入返廚房處理一下，可見侍應細心、明白食物賣相嘅重要性😆😆法式焦糖卡士達梳乎厘pancake 4/5⭐️⭐️⭐️⭐️飲品都一樣邪惡，賣相極吸引，飲落香甜夠晒滑！Strawberry avocado smoothie $52 ⭐️⭐️⭐️⭐️4/5 總結：食物價格雖然偏貴，但味道都唔錯嘅！尤其是甜品，特別推薦啊～…Read More

一向都好鍾意食烤魚，咁啱朋友話喺IG見到呢間店，咁一於試吓佢！我平時就會食烤魚就會食少少辣嘅，不過朋友怕辣，所以揀咗唔辣⋯⋯⋯⋯但惡夢就喺度開始⋯⋯⋯蒜香烤魚(海鱸魚) ⭐️ 1/5好咸⋯⋯⋯真係好咸⋯⋯⋯已經不停請侍應幫忙加水(侍應都好好，不停加水)⋯⋯但都係搞唔掂，食得有少少辛苦⋯其實魚質都幾特別，我覺得比平時食嘅鱸魚嘅質地更實一點，同埋真係無乜骨，啖啖肉⋯不過由於只係食到咸味⋯成件事已經享受唔到😣😢四川寬粉 3/5 ⭐️⭐️⭐️口感跟想像中有點出入，較靭，其實掛湯能力係有，但因為湯本身麻麻，所以都變得麻麻😢風琴豆腐串 4/5 ⭐️⭐️⭐️⭐️其實幾好食嘅，我覺得佢通窿令到吸嘅湯更多，同埋比一般豆卜嘅咬口更好，不過⋯個湯底⋯⋯⋯蒜泥白肉 3/5 ⭐️⭐️⭐️其實佢OK架，但本身食魚個湯底已經勁大陣蒜味，加埋蒜泥白肉⋯⋯真係有點too much⋯(我同朋友一人叫咗兩杯嘢飲都覺得咸…)不過食食吓中途其實有個小插曲嘅，就係我手殘倒瀉咗杯超熱嘅茶⋯⋯⋯我當下忍唔住「呀」一聲叫咗出嚟⋯⋯⋯🙈 侍應們反應都好快，即刻過嚟問有無事，問咗好幾次，抹枱之餘仲俾咗一大袋冰我敷腳😭😭好滾動！到我走都仲關心緊我有無事⋯🥲 我覺得其實都可以再去嘅，但唔好再同食唔到辣嘅朋友去就好了🥲🙈…Read More

呢排同同事做嘢做得好辛苦⋯⋯⋯ 所以話去cafe食吓好嘢開心吓！想試呢間90’s lazy好耐～去果個時間已經係兩點幾三點，但佢Lunch menu係由12:00-17:00所以我哋去到有兩個menu可選，多唔少選擇！🤩Lunch set A 懶人包Signature Lazy Breakfast Set $72係好食嘅，份量都唔少(最後唔太食得晒)，薯餅好食，蛋都滑，一般全日早餐，略欠驚喜🙈Lunch Set C 溫泉蛋肉醬闊條麵Bolognese fettuccine w/ soft boiled egg $75呢個比較失望嘅，因為個蕃茄味太勁(或者可以落咗好多茄膏？)我覺得都幾酸，我個人嚟講唔太受到咁酸⋯⋯⋯⋯ 所以食嘅時候都少少辛苦…（撈咗溫泉蛋都救唔返🥲)Lunch Set H 安格斯牛肉漢堡Angus Beef Cheese Burger $82都係正常操作，但薯條調味調得唔錯，所以三樣食物入面最喜歡係呢樣！👍🏻最估唔到係 原來嘢飲先係驚喜位！OMG 淨係個賣樣已經開心咗好耐，影咗勁耐相🤣 飲落都係好飲，所以我奉獻了我卡路里quota🐷總結：奉勸大家食嘢嘅話就唔好抱太大期望⋯不過環境係坐得舒服嘅，同埋採光幾好，下次我都會再嚟嘅，但可能mainly飲嘢…同食甜品？ …Read More

嚟咗呢度好幾次喇，之前阿媽生日嚟，佢驚貴就住就住嗌🙈🫠 今次同friend再嚟食！爽！串燒係好食嘅，但有部分少少貴，我最推介係尼個泡菜豬肉串！泡菜香口，少酸唔會太酸，剛好中和返五芯腩果種油膩嘅感覺！好食，有新鮮感！味道不錯，但暫未有驚喜，$48嚟講不太值好多人推薦嘅炸墨魚咀，兩個人食，都幾多！皮整得好薄，加埋少少五香粉，食過唔停口🫢Encore嘅三文魚腩刺身其實平時好少喺居酒屋叫刺身，怕唔夠喺壽司店新鮮；但在家呢個三文魚腩刺身，食兩次都keep到水準，厚切啖啖肉，仲要網形切易咬，肉質新鮮，下次會再食！有提供食炸物同串燒必飲嘅啤酒～驚唔夠飽嘅朋友可以叫個飯，價錢非常合理！總結：環境裝修以沉色為主，有日式嘅感覺，都坐得舒服，雖然門口大開，但冷氣都好夠！👍🏻👍🏻服務態度好，可能因為都係做開街坊客，傾談間都覺得好有「在家」嘅感覺。😆下次會再來！…Read More

本身父親節當日安排咗啲活動俾爸爸，所以晚飯想晏少少，8點左右先食，俾佢有少少時間抖下先。但打電話去book位果陣，店員表示因為餐廳9點就閂門啦，所以堅持想我哋7:30就去到，我表示盡量早，而店員則堅持無論如何7:30都會reserve張枱俾我哋，總之我哋盡早到。好啦，咁我哋幾個最後就預7:45到餐廳；長話短說，就係大家都好俾心機想早到，點知早到咗，佢又話唔入得住⋯⋯⋯ 熱到我男朋友流晒汗⋯最激氣係大家都好俾心機早去，同埋果日係父親節⋯⋯最後等到8點終於入到去，俾安排坐喺樓上位置。餐廳裝修以白色為主，俾人一種簡單清潔嘅感覺；上層只有兩張枱，隔離枱亦好快就走咗，好似有自己一個私人空間咁，都叫做坐得幾舒服。睇Menu果陣大家發現有好多款牛唔知點揀好，waiter都好細心哋介紹返，例如佢會話封門柳就會比較少肉汁，所以我哋最後都無揀到😂🙈 揀咗rib-eye(肉眼)，sirloin(西冷)同埋Tenderlon(招牌牛柳)。沙律比預期大份，5個人叫咗兩份，差啲食唔晒，好飽😂 平時我都少食沙律，但佢個菜都幾新鮮，搞到我係咁食🙉我覺得我揀呢個rib-eye係order咁多肉入面最好食！呢塊肉眼扒佢個油脂真係好夠，變咗佢整出嚟真係好香，但又唔會漏；同埋佢整得個生熟度啱啱好！塊西冷雖然明顯無咁多油脂，但佢都一樣好香，同埋因為烹調時間啱啱好，所以個肉身一啲都唔好會韌，反而好有咬口！最後有個位值得一讚！雖然話就話父親節都唔會下下講價錢，但係我覺得waiter會喺我哋落咗order之後拎一拎為我哋準備果份扒俾我哋睇一睇先，又會好均真咁講埋係幾重，尼一點係唔錯嘅，所以今餐，滿意啦！最後人均都係$300幾，滿意！…Read More

母親節同咗媽媽食Omakase父親節同返阿爸食都好應該。之前男友生日同母親節都食咗同一座17樓果間鮨幸，又咁啱上次喺鮨川聽師傅講6樓呢期多人去，咁就試吓啦。一去到就覺得裝修都幾唔同，係比較傳統嘅日式裝修，始終6樓唔算高，風景比起17樓一定無咁開揚，佢加咗啲日式圍板，提高私隱度之餘又可以令成件事更「日系」，都幾舒服。師傅nice，會主動同我哋傾計嘅，見我爸問關於隔離食客食緊嘅沢蟹，都好主動問我爸有無興趣試，氹得我爸爸好開心🥰阿爸開心最緊要👍🏻前菜同鮨川一樣都係蘆薈沙律、蒸蛋 (4/5）沙灘個汁比起鮨川略酸、個人嚟講比較鍾意鮨川果個；但蒸蛋個茨就厚身啲，同埋蟹肉絲多啲，打和！媽媽比較細食所以幫佢點咗9件，我自己同爸爸就食12件，都幾飽。價錢如下：9同12件就係差海膽、半肥瘦中拖同埋大拖，所以我食完都忍唔住講咗幾次，早知照叫12件俾阿媽，因為最好食就係佢無呢三件⋯⋯⋯紫海膽 (4.5/5)甜半肥瘦拖羅(4.3/5)好香，唔會得個肥字，仲食到吞拿魚本身嘅質感大拖 (4.7/5)入口即溶⋯講起都想食唔逐件介紹了，整體感覺都非常良好，以佢嘅質素收呢個價錢絕對係好高嘅性價比！壽司比起鮨川，鮨幸比較著重調味同賣相！有金光閃閃嘅金萡手卷，加埋比較舒服嘅座位，如果要揀一間帶長輩去威，我一定會揀尼間！…Read More

之前食過銅鑼灣果間牛大人，食物質素唔錯，所以今次父親節帶埋男友爸爸食，但就有啲失望咁囉。首先啲食物水平好飄忽，例如牛明顯無之前咁高質，唔可以話係差，但講唔出好⋯仲要一round比一round差⋯ 海鮮(花甲)又唔太新鮮，蝦都一般⋯鱸魚片都係得第一round叫okay，之後encore又明顯差咗，搞到uncle都耍手擰頭⋯😣😥不過都講返句公道說話，始終以任食嚟講，佢種類都真係算幾多嘅，嘢飲都有好多款冷泡茶(無糖)揀，而價錢又唔算好貴，地方企企理理，服務都okay，收碟都快嘅⋯如果同朋友食都可以encore嘅，但可能要去返銅鑼灣分店好啲囉⋯ 最後成餐最好食係個豆腐同Mövenpick雪糕🙈…Read More