店名一樣，味道不一樣！今晚去油麻地想起好耐無去幫襯過嘅橫綱拉麵，－去到無人排隊啊！正！入到去，無太多客人，我哋兩個人可坐四人枱，對面又係咁，二人坐四人枱，裝修無變，價錢無變，而家唔使加一服務費，已經唔記得之前有冇了，但記得以前有人不斷斟茶飲的，所以有加一也合理，而家免加一自然免茶！無所謂啦！我嚟食麵唔係嚟飲茶的！🍜無咩色相的豚角色好似唔似以前有啲醬油色，定我記錯？！飲啖湯先，𠲖味道變咗＂冇撞＂拉麵嘅？？食啖麵，唔似記憶的味道！望向㕑房，拉麵師傅男人變成女人！師傅唔係之前橫綱老師傅的男徒弟了，咬口豚角，有味！油溢味！#油溢味！油溢味，生意差了，之前做好的䐁肉賣唔去放太耐變咗油溢味，怕浪費只有惡性循環！謎底終於解開， 啲嘢難食咗，熟客食熟悉的味道，味道變得陌生，自然成為陌路人！應該無下次！…Read More
