加得氏's Profile

那天與 J 相約在尖沙咀食飯，因為 J 有拍賣要交收，所以我們選擇在i Square，諗嚟諗去大家最終決定食 spaghetti，於是我們簡咗 Cafe Key West，因為上次同仔仔去飲野嘅時候已經聞到好香，又見到隔離枱碟義粉好似好好味咁！色、香、味，佢已經中咗兩樣，所以值得一試！由於仔仔去咗 4/F 嘅 G- Tox 道打機（試玩 X-Box），所以我同 J先去攞位，因為怕晚飯時間會有好多人。一坐底我哋就講起間 Monster Sushi， J 話間壽司店係吳彥祖有份開嘅，佢試過，味道麻麻又唔抵喎！因為我好肚餓，便 order 了一個海鮮焗飯同芝士煙肉磨菇義粉，完來order 餐牌上的飯或義粉，可以加 $10 多個 drink∕$15 加個湯同餐飽∕加個甜品（好似係雪糕之類，忘了！約 $10 ）。不過，飲品只限凍熱奶茶∕檸茶∕咖啡之類，其他的飲品則要另外 order，就無尼個優惠啦！由於，我想飲 Latte，所以就另外 order 了！席間我就同 J 討論，為何我們飲食習慣相若，但我卻不喜歡海鮮焗飯呢？的而且確，我每次唔係食炸豬扒就係雞扒，甚少會點海鮮的！ J 說乜唔係大多數人都會簡焗海鮮嘅咩？！係呀！不過或許，我很怕腥，又唔鐘意食青口掛！所以好怕 D 飯有青口陣味掛！又或許，查實我是個很怕冒險的人，所以鐘意明碼實價；清清楚列明所包含嘅食物種類，以免混雜了些我討厭嘅食物吧！而相較之下，炸豬扒同雞扒，這些都屬於穩穩陣陣的食物，差極都有個譜掛！今次尼個海鮮焗飯，有帶子、蜆肉及魷魚…等，味道 Ok，茄汁及芝士嘅比例都 OK，唔會太甜或過酸，雖然魷魚有口感；但海鮮味唔重，不竟雪藏海鮮嘛！自己好怕太甜嘅茄汁焗飯，因為食飯就係食飯啦！又唔係食甜品，整乜攪到成個飯無啦啦甜晒呢！而家鎮，大多數 D 廚師都唔知點攪，好似例牌都要放 D 糖咁，你係好明顯食到 D 蕃茄唔係原汁原味囉！不過，相較之下個芝士煙肉磨菇義粉就好味好多，芝士及煙肉都好香，我仲嫌個義粉略為少咗 D 添！阿仔儍到食完又 encore 多碟， J都話雖然好食啫；但個芝士汁太 rich，食得多怕會‘郎’胃，叫仔仔 order 其他的，仔仔又話 OK 喎！結果咪真係食到仔仔頂住個胃囉！所以話呢『少吃多滋味，多吃壞肚皮』！今次嘅 Hazelnut Latte較為淡咗 D，無上次個 Mocha 飛雪咁好味！埋單 $300 多 D，平均 1人約 $100，都合理。（3 個義粉，一個焗飯、2個飲品、一杯咖啡）…Read More

A Rainy Day！對於要出街嘅我，响落雨嘅日子；絕對係非常非常之麻煩嘅！Why？因為我係一個無傘人！絕對唔係型，而係我跟本開唔倒、收唔倒傘；even，係一把自動傘！我都唔夠力開同收！So，我唯有用雨褸嗱，但往往又因要又著又除，我都只放在袋中，非不得以都唔會攞出嚟用！就係咁啱，行到車站先至落大雨！咁無理由仲要儍到响個無蓋嘅車站等車嫁！剛剛想坐低飲杯咖啡嘅時候，就見到厘間榕樹頭咖啡館 Banyan cafe佢嘅外觀絕不奢華，望吓個餐牌，個chesse cake tea set 都係$32，Ok ㄚ！當 take 個 break！一間小小地嘅 cafe，但入到去卻五臟俱全；八掛雜誌、報紙及影雜呀…等等，飲品方面除咗有咖啡之外；仲有 juice、蜜糖茶、黑芝麻豆漿同港式奶茶！至於食物方面，由於我一心諗住食 cake，所以我眼中只係見到有 cake、同飛碟三文治啫，其他有咩食？！我就唔知嗱，好似有 muffin掛！因為我無睇到個 menu；但估計應該係有意粉食嘅，因為佢每枱都有樽芝士粉嘅！我 order咗個chesse cake tea set，轉做熱嘅cappuccino只須+$4蚊啫！Service 我嘅妹妹仔話今日芝士蛋糕有兩款口味：–焦糖咖啡同檸檬味，而我就叫咗件焦糖咖啡味！當我品嚐咗幾啖嘅時候，好 nice嘅老太太問我會唔會好甜？我話唔會，味道剛剛好！佢好開心話 D cake 係佢個女自己做嘅，日日新鮮嫁，而後生女 waitress就話佢哋每天都有兩款口味嘅芝士蛋糕以供選擇，有時仲有三款添！如果鐘意，可以 order番個添，只要隔一天前 order 就 Ok嫁嗱！價錢：– 6'由$120～180，8'由$220～280個。從老太太嘅眼神，我可以感應到佢應該係老闆娘！不過放心佢哋絕無 hard sell 嫁！ 你睇下，雖然係一件蛋糕，但係佢哋一 D都唔‘嗎乎’嫁！講番件焦糖咖啡芝士蛋糕嘅味道，佢的確唔會太甜；但亦唔多覺有咖啡味，不過佢芝士味濃郁；餅身唔屬於硬，鬆鬆地，但適中嘅！作為芝士蛋糕佢真係好夠味嘅！的確好有 home made feel，味道幾好；但美中不足係嫌佢細件咗 D，不過相信佢尼個 size 一定會好受愛吃甜嘅 OL歡迎！至於 cappuccino，自己就略嫌味道淡咗 D！泡泡都打得 OK，不過面頭嘅朱古力粉就少咗 D！但整體感覺尼間 cafe 都唔錯！佢唔會太靜、亦唔算嘈，我坐近門口都覺得幾好；店中又滲著人情味，老闆娘 nice得嚟又常常同路過嘅街坊打朝呼！坐坐吓，見到件檸檬芝士蛋糕好似幾好味咁！咪買咗件比仔仔食！單買 1 件$26蚊！嘩！返到屋企，打開個盒仔仔就聞到好香嘅芝士蛋糕味！嘩！真係好香呀！忍唔住叫仔仔比啖我食，唔……真係好正呀！Yummy！檸檬味同芝士味都好夠！咁好味早知就買多件啦！A！想去？！雖然佢叫榕樹頭咋，但佢絕對唔係係榕樹頭嫁！佢係係响灣仔！…Read More

本來 plan好與友人到酒吧食店一聚，但因友人S沒有假期， 唯有推遲至尼個禮拜啦！又由於估唔倒原來這裏是那麼大的……約有 4、5張枱，所以要 booking 先有枱！朋友先上到去，鬼妹話可以比我哋坐2、3個鐘，7:30p.m.要交枱，因為 8:30p.m.有appointment。OK！我哋都係坐坐啫！睇吓過 menu，E！食物選擇唔多，飲品方面又唔啱仔仔們添！點算呢？尼道竟然無 fruit punch？！Soft drink 係 juice、coffee or tea？由於仔仔他們覺得自己已經大個仔，又唔想飲 juice（明白嘅！不竟成長進行中。）最後個waitress 攞咗兩支似 Apple Cider 含量微量酒精（4.5% alcohol）嘅生果酒比仔仔他們，仲要係 last two添！（查實佢哋都試過飲 Jelly Sandy嫁啦！我同朋友都覺得男孩子間唔中嚐試一下微量酒精都可以接受嘅！）同時間阿waitress 小姐又好盡責地一住落 order一住提我哋要7:30p.m.交枱！Ok Ok！知道啦！家鎮都係 5:50p.m.啫！妳唔洗落 order又提、送飲品又提架呀！Ok！無 book枱係我唔啱，但放心我哋都經已 agree 咗會早走囉…！就係咁，大家有點無癮又唔想食到唔湯唔水，加上個 menu真係無乜選擇，Burger 又無，只有sandwish、snack同扒，咁我哋唯有 order幾個snack：–炸磨菇、大嘅雜腸并盆同煙肉蛋包，頂住先，鎮間再去第二間道食過啦。 個炸磨菇，size 大咗小小唔可以一啖咬落去，切開又無晒 D juicy，味道 OK啦！老實講我同 U 就覺得九龍城間小店好過佢（無論 size同味道，人哋咬落勁 juicy嫁！）最好味都係個煙肉蛋包！至於雜腸并盆，我哋都覺得幾好味，唔太鹹！但以$219一個大 size嘅雜腸并盆嚟講，尖沙咀中間道果間King Ledwig Beer-hill 抵過佢，U就覺得果間嘅德國腸仲正宗 D添。唉…早知係咁，不如去果道食咸豬手好過啦！ 埋單盛為$650！6個人，Ok 嗱！D野食唔算太貴，一人一個 drink都成$300幾蚊嗱！臨走時阿鬼妹 waitress 同仔仔們講，話下次會準備定 D 啱佢哋飲嘅 soft drink，但我諗未必會有下次，因為尼道唔係好啱我哋！ P.S.:-落單同 Menu 都係得英文嫁咋！（呀！個 menu 仲有唔知係德文定係咩文 ？）…Read More

星期三同阿 J 約好响 觀塘apm 食 Lunch∕Tea，但 J 話 apm經已無乜好食，不如試吓去新開嘅鱷魚恤中心，果度同apm 打通咗；又有兩間睇落幾好食嘅舖！OK！行到去先知一間係食日式咖喱嘅叫 CoCo 壱番屋，而另一間係我愛食嘅越南菜米桶，因為J 個胃唔舒服，所以我哋決定去米桶。阿 J 話 Lunchhour 果鎮，間咖喱店成日排晒長龍，下次佢好番我哋再去！由於係 2:00點幾，所以入到去米桶都無乜人，得幾枱客。睇吓個 Menu，其實平均 $43–$56個 set，一 D 都唔平；但係佢哋會附送一個小食，再加多 $4 就有個 drink，即係平均每個人 minimum pay $50。在我記憶中，以觀塘嚟講略貴了點，但可能隨住 D 大型商廈落成，所以尼個價就算平掛？！坐底之後，就大數果日去 Ocean Terminal 果間金牛苑幾唔抵！佢話簡直係略水，又貴又唔好食；淨係得個 view，我話無偈，家鎮 D 食店係咁上下，佢仲要係响尖沙咀嘅Ocean Terminal 喎！佢話真係想影抵果碟成 $80蚊嘅小小豆腐比我睇吓幾唔抵！不過，果個成嚿水嘅（$100）宮崎牛肉河 D牛肉真係 OK 嘅，姑勿論係咪真係嚟自日本嘅宮崎縣（但日本牛肉唔係有部份禁止出口嗎？），但 J 話 D 牛肉真係有 D溶係口嘅感覺！果餐兩個人食咗成$500 蚊，仲要唔好食！ 講講吓！我哋 order 咗嘅百花蟹肉湯河及炸札肉小食就嚟咗，上菜速道快，唔知係咪過咗繁忙時間呢？！ D 食物熱辣辣，正！抵讚！一啖食落去，有少少蟹味、唔太鹹；個做法有 D 似炸蝦餅，有口感得嚟唔會太淋，味道唔錯！至於，湯河嘅湯底夠味、唔太鹹，個河粉係幼身，無乜特別，但唔會瀉晒身我就 OK（即淋到胡了）！個炸札肉做法好特別，札肉我食得多；但未試過咁食法，好香口，正！之後，豬頸肉撈檬、春卷和薄餅都到咗。個豬頸肉果然係入味、夠香，正！至於撈檬都 OKㄚ！春卷炸得好脆，不過食果鎮要小心熨口，因為入面 D芋蓉都索油，所以好易淥親！由於有芋蓉，所以很香口、味道唔錯。但我同 J 有個疑問，乜越式春卷無菜包住嚟食嫁咩？還是我哋成日將星馬泰菜攪亂呢？！整餐飯，除咗個得 1∕4嘅青檸嘅熱檸水同薄餅之外，都好好！老實講，我同 J 都認為，無論如何香港都好難再搵到個薄餅；及得上當年蕉葉嘅油酥餅嘅味道，我哋真係好懷念又平又好食嘅蕉葉呀！ J 話喎，想食蕉葉就要去上海，因為佢淨係係果道見過咋！Oh！Too Bad！所以尼餐飯算係好唔錯嫁啦，又無乜味精；埋單都只係 $100 蚊倒，我哋非常滿意，連嘴尖嘅 J 都話早知响道食，好過去尖沙咀金牛苑！…Read More

正嗎？流口水？！哈哈……唔知大家仲記唔記得甜品廚師 Tong Wong係邊個呢？（最令我印像深刻嘅，相信係佢果句高幾度音嘅–「牛油→柚」！）我星期二，掃嘅 cake shop 就係佢開嘅店 Patisserie（法式蛋糕店）！店舖綠色嘅門面帶有點法國氣式，開响平靜得嚟又既有著舊有文化嘅福佬村道街尾，就顯得有點 Grand；門口嘅裝煌，不禁令人一眼睇落就覺得佢 D 野買得好貴！而事實上，佢嘅蛋糕的確係買得好貴，至於 cake 就買到成$35 件，價錢同旺區商場有得輝，不過佢嘅 cake 係有點水準！ 以前响有線就見佢成日整甜品，而實質上嘅味道又是如何呢？一櫃一櫃陳列著我的至愛–cake！單單响感觀上就已經得到好大滿足啦！哇！Amazing！雖然真係好想親吻佢哋每一件，而我亦有咁嘅能力（肚量），但理性叫我冷靜 D！因為我鎮間仲要岀街呀，OK？！而且，最重要係我仲未試咗 D cake 好唔好味；於是，我唯有簡兩件我至愛中嘅至愛啦！攞住戰利品好唔捨得咁離開！去到 Hair Saloon 果鎮，髮型師阿 T 已經話間 cake shop 好味過 cookie 店，於是我就勁開心咁去品嚐我件士多啤梨拿破崙 (Napoleon) $35/件 ；唔…一啖咬落去，覺得有點失望，因為唔夠鬆脆！想像中，尼 D 唔係大 lot 生產嘅 cake ，應該係最 fresh 嘅，但係佢竟然有少少淋（Hey！我已經一買完即刻食嫁啦！只係一街之隔至噃！）爭 D就係爭 D，點解呢？以佢哋嘅功力，無理由會咁！我認為最正嘅拿破崙係應該要咬落去鬆脆得嚟好似餅乾咁，你會聽到佢脆卜卜嘅聲音；而且裏面嘅層次好豐富，尼 D亦係師父拉粉嘅技巧高低之別！不過，佢其實都做到好多層，吉士 cream 嘅甜度亦適中，所以整體嚟講都已經好 Ok 有 90分！ 忽然有 D 懷念九龍城小店嘅士多啤梨拿破崙；同土瓜灣譚公道果個又平又正嘅芒菓拿破崙添！唔知家鎮仲係咪嘅好味呢？ 再試尼件聞到就已經令人流口水嘅 Hazelnut chocolate crunchy，唔…一啖咬落去，嘩！立刻聽到卜卜脆嘅聲音，好正！個口充滿住美味嘅Hazelnut cream；又有夾雜住濃濃嘅朱古力味…個感覺好 fresh呀……超正呀！面頭嘅朱古力片又濃又脆，雖然有少少甜，但因為佢長條型嘅size剛剛好， 所以唔覺得漏，相反仲想 encore 多件添！Ok，佢立刻成為 my 飛忽！我強烈推介為此店必食嘅cake，100分！$35/件，抵！ 老實講佢比到我一種與 Zoe 重縫嘅感覺！因為佢食落去個口感同味道真係好似當年嘅Zoe，果時 D cake 仲未興加卜卜脆响道嫁！那時她剛剛回流返香港開嘅第一間舖就係跑馬地，當我一啖咬落去果鎮，所帶比我嘅驚喜簡直無可媲美！那香軟幼滑的 cream，蛋糕又軟熟＋上佢討好又可愛的外型（圓圓的形狀，面頭還用朱古力畫上一個 smiling face！）我簡直瘋狂愛死佢！ 好可惜由來好嘅野係唔長久嘅！隨住國金分店開幕，佢嘅成名作之一嘅1459 味道已經有少少差咗啦！直至兩年前，我再去開平道間新舖時，我簡直徹底失望呀！那味道真的是嗎？其他 cake 除咗勁貴之外，一 D都唔抵，唉！除咗 mango tart之外，其他 cake 都係水準之下！至於Zoe嘅味道？！唔知呢？因為果次買晒！May be，下次經過嘅時候會試吓嘅！唉…好想掛住以前嘅 Zoe cake呀！ 另外，仔仔試咗粒超大粒嘅朱古力士多啤梨，佢就話好正，but $22 ∕粒呀！You known！ 而個樣好似勁漏嘅 chocolate Truffle，由一個半圓嘅濃味朱古力包住軟熟嘅蛋糕，的確好甜好漏，但係都幾香好好味！ 相信我下次會再次幫襯，因為我仲有好多 cake 想試，由其係件花花 cake，連仔仔都讚佢好靚！A！聽我髮型師講，福佬村道街頭新開果間貴價麵飽店嘅瑞士卷好好味，睇怕尼個暑假我會大把機會去探訪九龍城了！ …Read More

近期九龍城飲食界變天，連番新舖林立，我都蠢蠢欲動去試試這些新店舖，只可惜一直沒時間！尋日，終於夾啱 timing，開開心心咁連繼試咗兩間 my favorite嘅 cake 同 cookie店，Oh！一次過滿足了我為食的嘴巴！其實之前都一直同謝寧的曲奇店緣慳一面，因為唔知响邊，只一味聽到朋友們說貴，但尋日就忽然給我遇上了，所以 timing嘅野…吓！（查實，我係後來才知那是謝寧的曲奇店！OK！）因為要去剪頭髮，所以諗住匆匆在福佬村道裹腹，結果卻發現無乜想食，咁！為有是但買 D 小食，於是這間裝修特別嘅舖頭就吸引咗我入去！Why？因為佢個店面只有一張枱及 2 罐 cookie，吓！我仲以為係 Bakery shop！（朋友話，初初唔知佢買乜，佢有無錢賺呢？）入到店內，就有兩個親切嘅店員 service你，問你想試咩口味；原來一罐罐裝著的 cookie 是給你試味的，真是想得周到。口味方面有：–蝴蝶酥、開心菓、夏威夷果仁、朱古力薄脆、藍苺、川椒榛子曲奇、玫瑰花及咖啡……等等口味；當然店員會首先介紹蝴蝶酥，不竟佢都屬于鎮店之寶，想起 cookie店便會想起牠。不過，雖然蝴蝶酥入口鬆脆、味道都唔錯，但是我同仔仔都認為牠較傳統的蝴蝶酥硬身，而且唔夠香口，或許佢哋嘅 selling point 係買健康嘅 cookie，所以用料方面加入了健康嘅原素，因此少了傳統嘅蝴蝶酥嘅誘惑；又或且我層經食過更出色嘅蝴蝶酥吧！至於那是在那裏食的，真的忘了，不竟已事隔多年！只記得那是好朋友 R.T.愛吃的店！另外，我同仔仔最喜歡的是夏威夷果仁，夠香、夠鬆脆又有果仁，味道同澳門鉅記有得比美，因為佢始終是新鮮製作！朱古力薄脆曲奇，雖然朱古力味夠濃、又唔甜，但是我們唔喜歡薄和硬身的曲奇，so…口味唔夾。而開心菓曲奇都 Ok，但如果同比夏威夷果仁，我會簡夏威夷果仁，因為佢香口 D。至於另類嘅曲奇口味有：–玫瑰花及川椒曲奇。玫瑰花曲奇，入口有著濃濃嘅玫瑰花味，並唔係人人都鐘意；好似 J 就唔鐘意，話好似擺咗粒香精入口咁……哈哈哈！不過，我自己就鐘意玫瑰花嘅香氣充拆口中，所以 Okㄚ！川椒曲奇固明思意係辣嘅，都幾特別，入口有少少辣、亦有辣椒嘅香味；可惜偏好辣的我嘅卻略嫌唔夠辣，若可以再辣 D 或且都更好！至於，會唔會越食越辣呢？下次買咗，話過你聽！自己推介的是：–咖啡曲奇，佢真係好香咖啡味，不過由於家中只得我好，又唔想買太多包，不竟 hand make cookie 擺得唔耐；而且一包都唔平，買成 $62 包，所以買兩包試試 Ok 嘅！ 如果話佢太貴，佢就真係略略貴咗 D；但佢不竟唔係大量生產，仲要係新鮮 hand make 嘅，所以價錢都可以接受嘅。如果用罐裝曲奇嚟送禮都 OK嫁（約 $140）。不過，我就唔會成日買囉！…Read More

今日終於都可以一嚐 798 Unit & Co 的 Lunch & Tea Buffet，點解會係Lunch & Tea？因為佢真係一個可以比你坐响度食足幾粒鐘嘅磨爛蓆buffet！只要比 $98+10%，你就可以從中午 12:00p.m.食到 5:30p.m.（If you can！或且有人可以，but not me！）相信尼個真係可以算係全港最平、時間最長嘅buffet了！話說老公大人竟然唔介意同我哋走出尖沙咀食餐飯，預祝佢嘅 birthday！（老公Happy Birthday！）於是我又可以去上次上網 serach倒嘅798 試一試佢係咪真係咁食！因為就算你有幾平、時間有幾長，D 食物唔好食嘅話，都係嘥鬼氣嘅啫！不過講到明先，佢哋嘅 buffet只係比張紙你 tick order嫁咋；而且選擇唔多，主菜得 20款（其中一個仲係餐湯），而甜點方面亦係 20款（其中一個係雪糕）。雪糕有兩款，味道應該係視乎廚師而定嘅！今日就係：香茅同薑，但後來 last order時，佢比錯咗薑味仔仔；而香茅又無晒，所以咪比咗個海鹽我哋。嘩！痴鬼線嘅！個 waiter仲話味道唔錯？！簡直好似放咗 D鹽落口咁！咸到ㄚ！（阿廚師先生點解會有 D咁爛嘅 idea呢？）除咗海鹽D咁獨特嘅口味我同仔仔都接受唔倒之外，香茅就好好味，佢有點檸檬嘅酸味好正！A！佢真係雪糕嚟嫁，唔係雪葩！其實個薑味都 OK ㄚ，又唔會太辣，不過仔仔唔鐘意鎮薑味啫！Hey child……至於主菜方面，每一個人都可以點一個迷你和牛漢堡，老公話連埋蕃茄食就好 D，仔仔就話味道 OK！而我哋一至都讚嘅有：茴香小羊扒、燒豬扒配薯蓉、焗芝士通粉、香辣蕃茄意大利火腿長通粉、鄉村煎腸及風乾火腿蜜瓜卷。雖然羊架有點騷，但很嫩滑，好味。燒豬片入味之餘又夠嫩滑，正！兩個通粉以芝士最香，但亦較漏，而通粉則非常彈牙！另外，煎腸仔是白色的豬肉腸，好食歸好食，但係味道較咸。反而風乾火腿是人所共知很咸的，他們卻醒目地切到非常非常薄及少塊；再包住薄片哈蜜瓜，雖然無蜜瓜咁甜同淋身，但是因為有哈蜜瓜的微甜和爽，所以食落去個口感都唔錯嫁！另外，我同老公都鐘意少少辣的墨西哥燴雞薄餅，佢野味得嚟又夠薄身，食多件都唔會漏。酸酸的靑檸小八爪魚，爽口又醒胃，最啱係食完 D較漏嘅野之後，用嚟清清個口。查實個賓尼廸水煮蛋英國鬆餅，本來都唔錯嘅！個蛋滑得嚟又有蛋汁漏出嚟，啱晒我！不過佢衰在個蛋無味，如果放 D鹽，就prefect嗱！香辣炸雞粒雖然係好香口，但點解會凍嘅？？唔通我哋太遲嚟到？！（成 3:45p.m.先去到）佢哋又或且太早炸定晒？！A！我要大讚嘅係野菌酥角，佢香口得嚟又夠酥脆，好正嫁！你一定要點嚟試試！甜品方面，因為我哋太遲先至去，所以我和仔仔至愛的木糠布甸、芒果布甸、tiramisu同焗軟心朱古力蛋糕都無晒囉！可惜可惜，唯有下次啦，反正佢哋 D野又幾好味！算啦！我哋無 book位都仲有得食，已經算好好彩！唔知係咪仔仔之前食得勁多小忌廉泡芙，所以佢鐘意嘅合桃朱古力蛋糕（brownie），都只係食咗1粒啫！我就覺得細細粒嘅 brownie好 prefect，因為佢 fit 晒D想食，但又怕漏嘅人（我）！一口一粒，very good！而最古唔到平時唔鐘意食椰絲嘅仔仔，怕漏嘅我同老公，一家都鐘意食香檸椰絲棒，又甜又酸好好味呀！建議怕漏朋友兩個人share一條。我自己要讚嘅係香蕉拖肥批，又滑又香，好 O嫁！ 今餐三個人又食到撐住個肚，又好味又抵，我同老公仲飽咗成晚，攪到晚飯都無食添！埋單都只係 $323.4乍！:) 呀！每人仲包個 drink添！有 juice飲嫁！我個咖啡都 OK，但老公就話個凍檸茶太甜喎！嘿 D 網上嘅comments成日話尼道 D service 差，我就覺得佢哋雖然無乜笑容，又唔係成日加水，但大至上都 OK呀！我會再去囉！By the way，佢哋雖然係樓上舖，但佢哋有個小小嘅戶外露天位置提供比煙民方便方便嫁，咁一眾煙民唔洗走上走落囉！…Read More

1月嘅時候，去開荃灣荃豐商場度行，咁啱行過尼間報紙、雜誌都介紹過嘅熱狗之家Hot Dog family，咪諗住試吓佢哋嘅熱狗有冇旺角果間Ireland'S 愛爾蘭瘋薯咁正囉！ 我 order 咗：粟米蛋沙律熱狗、住家狗、愛爾蘭戀之狗(蘑菇∕生菜∕黑椒∕忌廉汁∕芝士醬∕煙肉碎)、東洋火之狗(紫菜∕木魚絲∕梅子芝蔴∕七味粉∕照燒汁∕沙律醬)、芥香玉子沙拉熱狗(青芥辣香味蛋沙律∕海苔碎∕黑白芝蔴)、千島風情熱狗(千島汁∕粟米∕菠蘿∕煙肉碎) 共 6 隻。買咁多？晚餐ㄚ嘛！ 原來這裏若是女顧客來買的話，佢哋會响每隻狗都送一個小吊飾的（有多款唔同顏色嫁！）因為她們每隻狗都會用紙袋包好的，所以吊飾會貼响個袋道，咁妳食果時就好似拆禮物咁嗱！好 sweet！真係相當有誠意嘅熱狗店！我買咗3個餐，所以有 3 個 drink，而店員就好小心幫我放好，還貼心的提我D 熱狗要襯熱食先至最好味！（因為果道有兩、三張枱及有櫈提供，約莫可容納 6-8個人）。不過要注意佢哋係星期日休息，一∕二∕三∕六 12pm - 8p.m.；四∕五 12pm - 7p.m. 返到屋企，準備品嚐 D熱狗時，發覺麭身有D 硬；不知是否因為麭是用微波爐整熱嘅關係，所以唔係即刻食嘅話，麭身會好快變得好硬！此終微波都唔係正常加熱方法，佢只係方便懶人嘅啫！相比起用焗爐或蒸烹嘅加熱方法，能令到麭身鬆軟且有香味，相差甚遠！簡直係兩回事！ 所以响麪麭方面，佢比Ireland'S 愛爾蘭瘋薯輸了一個回合，因為Ireland'S 愛爾蘭瘋薯 D麭無論過咗幾個鐘頭之後先食都係咁軟熟嘅！另外，佢哋 D熱狗腸全部都是用傳統嘅法蘭克福腸造，相比起愛爾蘭瘋薯的芝士腸和豬肉腸，又爭了點，因為法蘭克福腸較乾身；而芝士腸和豬肉腸除咗咬落腸身會爆汁之外，D芝士仲鬼咁香濃添，佢都係買 $20幾蚊乍！這裏雖然都有得加錢轉腸(約 +$10–$12倒)，但卻沒有芝士腸，只有豬肉腸、牛肉腸和豬、牛肉腸…等幾個地方的口味，而價錢只差幾蚊。 不過，可能係因為她們都覺得只是用法蘭克福腸比較 dry，所以响配料和醬汁方面比較落足心機，食落個味道都 OK，而沙律汁都令到個飽咬落去 juciy D！ 雖然與Ireland'S 愛爾蘭瘋薯相比這裏較為舜色，但相信即場食個味道會好 D嘅！飲品方便蜂蜜綠茶同芒果紅茶嘅味道都幾好！ 這裏還有飛碟、三文治、BBQ 腸同中東包底…等選擇。 …Read More

每次出親嚟旺角朗豪坊尼除咗會去 H & M shop吓之外，食野都會响朗豪坊，因為佢哋多選擇，有池記、Euro go go、Mos Burger 同食甜品嘅滿記，而飲野我梗會去 Main St Cafe，嘆番杯 Mocha又或且 Cappuccino，因為覺得佢哋嘅咖啡無論係凍同熱都好香，唔會太甜；比$20 幾蚊都係想嘆番杯咖啡啫，唔係飲糖水囉！所以都要比得值架係咪？！今次見到佢哋嘅朱古力酥，我當然要買番個試試啦！雖然食飽咗，但係返到屋企我又OK嫁啦！果然，返到屋企食，D酥皮都仍然係咁脆，朱古力味道夠香、唔太甜，好好味ㄚ！早知買多個啦！（唯有下次嗱！）…Read More

今日在水車屋食咗餐非常滿足的生日飯！Haha真係未出發先興奮！因為我同朋友 T多年前層到此食飯，都覺得佢哋D食物幾好。原先諗到頭都爆，好彩今次有 Y同 T不約而同地諗起水車屋有個 Lunch buffet啫！喂！一 check之下原來相當抵食噃！大人$168∕位；小童$128∕位（12歲或以下）！時間由 12:00p.m～3:00p.m.（2:30p.m.截 order）！縫星期六、日及公衆假期都提供，晚上大人則是$208∕位 。電話落 book就 OK，唔洗用信用咭做 deposit，人未齊又比你入，真係好！仲有佢哋個 buffet係 tick紙仔嫁，食幾多order幾多，都幾好ㄚ！ 個 buffet有咩食？刺身類款式不多，有：–吞拿魚、三文魚、赤背及海老等幾款；壽司就較多D款：–吞拿魚、三文魚、赤背、腐皮及加洲卷等；而手卷款式也差不多，不過每人可以得到一個貴價嘅海膽（段人頭計，每人只得一件），可惜本人認為美道麻麻地，或且唔夠新鮮掛！（都係我家附近的板長好味D！ 而回本之食物有：–鐵板燒、爐端燒及天婦羅。我們都確得鐵板燒的帆立貝最好味，攪到仔仔都愛上；其他豬頸肉、燒鰻魚、雞扒都幾好味！最受大小朋友喜愛的是蒸水蛋和蟹柳天婦羅（因為 D蛋真係好滑）。當然蝦天婦羅、帆立貝同南瓜天婦羅都好味啦！雖然大家都喜歡燒雞翼，但由于入面都有點紅，所以只係 order咗幾隻，就無再叫啦！雞肉串嘅爐端燒同拉麵嘅味道都 OK，仲有牛肉同雞肉兩種。而個雜菜炒油麵嘅味道都唔錯嫁，最好梗係襯熱食啦！而朋友似乎都幾鐘情於鐵板燒三文魚，個樣又係燒得幾好嘅，所以佢叫咗兩、三轉！另外，本人認為炸餃子同甜品抹茶忌廉伴紅豆都幾好ㄚ！（雖則佢無乜抹茶味，但佢好似雪糕上面有粒粒紅豆咁、又唔會太甜！）而 Y同 T就覺得個豆腐雜菜湯同粥嘅味道唔錯！最值得讚係佢哋嘅三文魚好新鮮，攪到阿仔食到唔停；仲問我『佢食咗咁多會唔會生蟲？！』哈哈哈哈…食完先嚟後悔？Too late！『我話你食咗咁多Omega 3應該會係補腦多 D！全場最特別竟然有炸香蕉做甜品，而最攪鬼係果個薄餅！因為佢真係好薄嫁‥就係好似疏打餅咁‵。′"？吓！你無眼花–因為佢真係一塊餅乾！總之，尼一餐真係勁抵食，以百幾蚊個人食到飽飽！下次，我有機會一定再去！…Read More

由於 shop 唔倒 H&M x Sonia Rykiel 個 collection，便同阿 J、仔仔ㄧ行三人去搵食，因為想食越南野，咁咪去咗 EXP 樓上間餐廳，但發覺原來間舖已經轉咗做 Rice paper， J 仲話經已轉咗好耐添！而ㄧ向 D 人都話Rice paper D 野唔好味，但由於我哋上到去、又想食越南野，見佢間舖又好似幾好坐咪試試囉！ 入到去，查實都算好坐嘅，但唔知係咪 tea time 呢？成間舖好似得三個waiter 咁，佢仲忙到好似唔得閒落單咁。其實佢哋的確算細心，冬天有杯暖水比你飲。不過，唔明解點解個 menu 係兩張紙嚟嫁呢？需則佢哋叫米紙啫（越南菜之特色之一），但係個 menu 都唔洗咁殘；可以張張紙過一過膠嫁！（J 話） 終於都落咗 order，由於入嚟果鎮比佢哋D蛋糕吸引住，我們又唔係太肚餓，便求其叫咗碗雞絲湯粉 $68（因為佢都算大碗）、一個牛油雞翼、一杯椰汁珍多冰及一杯芒菓、菠蘿、荔枝沙冰，諗住留返個肚鎮間食 cake。因為 J 怕甜，咪叫佢哋少甜囉！ 結果兩杯飲品先到，個買相都幾好，但可惜ㄧ飲落去，發覺佢哋並唔係少甜；而係走甜，一杯完全係得椰子香但係又無椰汁味嘅珍多冰，原來係咁難飲嘅！仲有 D 珍多原來係咁真貴嘅，幼過條頭髮不突止，仲難以响個杯內找尋得到；經 J 幾番角力後，飲咗落肚都唔覺，哈！真神奇嗱！至於，阿仔果杯仲正，完全係無芒菓同荔枝味，就好似飲緊罐頭菠蘿汁咁，但係又唔酸又唔甜喎！尼D真係正宗嘅特飲嗱！（特別難飲）！ 主角雞絲湯粉終於上場，個碗的確好大，可以分到 3 小碗；不過，佢除咗得個大字之外，就ㄧ D都唔好味！你只可以食到少少苦嘅配菜同雪雞嘅雪味，個牛油雞翼都算味道最正常，無雪味、味道都 Ok！但經過前面的 Bad feeling 之後，我哋決定唔會再 order 任何食物，亦都唔會再嚟！埋單HKD226，都唔知食咗 D 乜？！ 所以無論你間舖裝修得幾美輪美煥都好，D食物難食嘅話，仲點會有人嚟幫襯你呢？唉…:(…Read More

朋友一家大細從英國回來，相約食飯但又想同仔仔囡囡唱 K，突然想起上年暑假時，層與她們在 Mega Box 的 CEO聚會，果次都 Ok ㄚ！所以今次介紹，咁當然而家會貴 D 約$210位（Burffet ＋2個 drink 連 K 鐘 7pm- 12am）玩足成晚都算抵ㄚ，果晚仲話可以比我哋玩到朝早 5 點幾添！咁如果你當2 百幾係 Burffet錢，食尼 D 野咪唔抵囉！ 其實，响 Karaoke 嘅Burffet嚟講佢 D 食物嘅味道都算幾好嫁嗱！佢哋比咗個房係好近 Burffet 嘅，又有兩邊電視、又有電腦，真係 very good ㄚ，連朋友都覺得個氣氛唔錯！ 至於食物方面，不知是否今次收正價（上次只係 +$10啫），所以D 食物嘅味道好過上次。要值得一讚係佢哋 refill 食物嘅速道很快，除咗有個牌仔例明D 限量嘅食物推出嘅時間之外；仲會响 KTV上面 show 出個時間 remind 你，不過你千祈唔好太大安指意，遲遲先行出去，因為 D hot item嘅食物，如：–原盅人參雞湯、焗龍蝦、朱古力心太軟…等，話咗係得咁多份就出咁多份，遲咗排隊輪到你都無嫁嗱！ 有咩食？！好，介紹多次：– 日式冷盤：–三文魚、吞拿魚、北寄貝…等刺身，還有壽司、冷麵。西式冷盤：–沙律、cool cut、龍蝦仔、螺熱盤：–中式小炒、蔬菜、素菜、雞、芝麻斑、牛雜、腸仔、點心（燒買、牛 肉）、燒牛肉、青口、麵包、Pizza、薯蓉、牛仔骨、中西式湯、原 盅人參雞湯、焗龍蝦、酥皮牛柳、一人火鍋（肥牛、丸、烏冬、芋 絲、炸魚皮、豆卜）……日式熱盤：–鐵板炒麵、串燒（雞、豬、羊、鴨腎、刀秋魚）甜品：–芒果chesse cake、黑森林、chocolate mousse、木糠布甸、啫 喱、ㄧ口蛋糕、朱古力心太軟…… 總括嚟講抵玩抵食，埋單HKD2,080（平均一人$260，我哋仲叫多咗 半打啤酒，$218買 6 支送 2支。）大至上食物嘅味道及質數我都比 70 分！☆★我的好味推介有：–原盅人參雞湯、螺、三文魚、Pizza、一人火鍋、 鐵板炒麵、雞串燒、朱古力心太軟、chocolate …Read More

非常忙錄的一天，從深圳到尖沙咀走兩場！Busy？Of cousre，新年嗎！祝大家萬事如意！朋友提意不如今次 G 的生日食有鮑魚、魚翅、燕窩的雀局飯，但是因為有些朋友不打麻雀兼且又要返工、又有小朋友，除非去club house，否則新年時候實在很難安排到兩全其美，所以最後決定只有飯局。 原本無頭緒去那處食飯，但剛剛看到了飲食男女介紹的阿ㄧ天下有個抵食套餐，只須 $168 便有鮑魚、魚翅、燕窩食，他們的 selling point 係用阿ㄧ的罐頭鮑魚，而且還有些小菜；又有西式的扒、焗飯；又有鮑魚粥同鮑魚麵；仲有$50-$60 的燕窩甜品添！好似好多選擇咁，於是便去試試！ 當晚晚飯時間但並唔係有太多人，以為是比較早，（點知成晚都係得幾枱客，攪到好似包場咁！）我們有大有細ㄧ行18人，但由於無圓枱；朋友們又唔想張枱太長，於是便分開兩 group坐，ㄧ邊坐兩枱；傾偈非常唔方便，好似分開兩班朋友聚會咁，未能盡慶！ 我們那邊叫了 6 個套餐，兩個是$128的套餐有魚翅及1個小菜，但是沒有杏汁燕窩，只有 1杯飲品，而另外4個是$168餐；其中兩個我們選擇了鮑魚雞扒焗飯及鮑魚豬頸肉飯；朋友那邊則叫了 2個套餐、炒飯、炒麵等等。 先上的魚翅，是阿ㄧ天下首創的黃燜翅，用料是南瓜、鵝掌及魚翅，我就覺得甜得嚟似南瓜湯多過似魚翅，始終都係用傳統做法好 D，但老公覺得個味道幾特別，口味清新。到我們的紅燒魚翅上場時，除咗首先影底張相之外；仲要睇睇佢 D料足唔足。雖然是$168套餐，但發覺他們的排翅都算足料，但是個味道卻似蠔油湯，而且略鹹。 到上主菜焗飯時，覺得個買相同味道都幾好，隻鮑魚夠彈牙又夠味，但可惜亦是較鹹，反而係果個原隻鮑魚就唔夠味；而朋友的梅菜扣肉味道是Ok的，但個汁卻勁鹹！朋友說「唔知係味要就番隻鮑魚，所以好似樣樣 D 汁都ㄧ樣！」亦可能係咁，我哋越食越覺得個口好鹹！ 而另外那邊的朋友，因為主要是叫炒飯、炒麵及小菜，所以她們覺得並不太鹹，味道 Ok！後來，我們再 order 咗2個小食，炸茄子及炸豆腐，哇！我們真的錯了！個炸茄子ㄧ眼望落去就知個脆漿太厚、勁多油，果然咬ㄧ啖成口都是油，香口是香口；但卻像是食緊油炸鬼般，ㄧD都唔似食蔬菜。其實尼道菜真係好巧個廚師嘅功夫，又要脆漿夠薄、又要令到客人唔會咬到成口油；所以自己ㄧ向都好欣賞日本人的炸物（揚物）–天婦羅（Tempura），因為他們除咗個脆漿夠薄之外，這樣的做法會令到蔬菜更香口，又有口感，由其係ㄧD較為淋身嘅蔬菜，如：南瓜、茄子及芋頭。 炸豆腐，望落去就 Ok，ㄧ口ㄧ粒咁，但係ㄧ見到佢哋面頭加咗咁多七味粉，就心知不妙！因為大分部的七味粉是有很多味精的！果然大家都比 D味精攪到個口無乜味覺，飲咗好多茶！最弊係 D 茶，仔仔同朋友 O 都覺得 D 茶味怪怪地，好似有水喉水嘅味咁；唔知係咪我哋比 D鹹嘅味覺影饗晒，所以以經飲唔出 D 乜野味，只係覺得杯茶味極淡。 到尾聲上甜品嘅時候，由於本人不喜歡杏仁，所以他們便張杏汁與燕窩分開上；果然我的決定是明智的，因為個杏汁實在太難食，連朋友 T 都話差，咁無偈啦，我為有齋食ㄧ個淡而無味嘅燕窩啦！Anyway, 個燕窩都算多嫁嗱，但佢哋明唔明呢？！味道如果好，料少 D 都無問題；但料多味道唔好嘅話，盞嘥氣！所以如果甜品唔係個廚師撚手小菜嘅時候，咪ㄧ切都應該歸於簡單！用番原汁原味嘅冰糖燕窩，簡簡單單咪 Ok 囉！ 埋單 HKD2,383，唔算太貴。總括嚟講尼道無乜特別！但如果响尖沙咀返工嘅朋友，又想食吓鮑魚；都可以試吓個焗飯嘅！P.S.: –我覺得佢哋嘅女厠門隙太大了，如厠時非常尷尬！…Read More

原先上網 check 咗幾間餐廳都好似唔錯咁咪想去睇吓，不竟好耐都無去西貢食飯啦！那天下午 6:00p.m.與友人ㄧ行 4人到西貢，因為第ㄧ站就去到Anthony's Ranch 的門口，鬼妹 waitress 好好禮貌地介紹，我們本想再去看看其他的餐廳先決定的，不竟諗住好好 enjoy our dinner，正想行人的時候…阿後生仔 waiter 又熱情地介紹個 menu之外， 仲出埋殺手簡 — 話樓上有 wii 玩！O！我們那兩位公子梗係立刻眼前ㄧ亮啦！咁！我哋就選擇了這裏的樓上食！ 上到去，很欣賞餐廳主人的佈置，充滿了西部牛仔的感覺：–馬鞍、蛇頭、牛骨、繩索、紅番木雕及實木枱櫈！（張木櫈仲有碌嘅添！）這ㄧ切都很有 feel，其實覺得有時食店除咗 sell 食物嘅味道之外，餐廳嘅環境亦是要配合的，倆者缺ㄧ都不 Perfect！ 樓上除了我們之外，剛好有枱西人們食緊飯，雖然他們也有幾個年紀小小的 cuite 仔女，但因部 Plasma 電視响正幅牆中間，而且又大部，所以我們兩位公子也很識大睇的不再要求打 wii（真的長大了），好好的食飯了！ 我們先 Oder 了ㄧ個 burger（$80–$90蚊個）、水牛城雞翼、Baby Ribs、焗薯皮（$45）及兒童餐的：肉丸意粉、炸雞薯條。（因為有小朋友？所以可以 order 抵食 D 嘅兒童餐！幾十蚊啫！吓！其實佢哋都算係大仔播！不過Ok ㄚ！） 因為這裏有各種生啤供應的，所以他們會先上ㄧ大個熱辣辣的木筒花生給你。因我骨痛不能食花生，但係都試咗ㄧ粒，味道都幾 Ok喎！朋友又因揸車不能飲啤酒，可惜可惜！但他們三個都話 D 花生正，所以消化了整整ㄧ大筒！ 到主菜來了，我們急不及待試了各種食物，覺得 D 味道 OK ㄚ！我同朋友最欣賞係個辣辣地的水牛城雞翼，由於頭ㄧ啖咬落有點嗆喉；所以仔仔們不喜歡！其實佢嘅味道有 D似某種墨西哥辣醬；或 Tobasco 嘅味，越食越辣又好味，係略咸咗 D 啫！而仔仔們最愛係 Burger 及肉丸意粉，由於我介了食牛肉多年所以唔會試，但阿仔話 D 鮮牛肉味濃，所以好好味，想再 encore！ 反而朋友就略嫌唔夠 Juicy！其實個 Burger 嘅 size 比ㄧ般美國 Burger 細咗 D，但係都大過老麥嘅(Mcdonald)，如果ㄧ個人食都夠嫁！佢哋仲送個薯仔沙律/生菜沙律/薯條；但係個沙律真係好好味！薯條都係唔錯嫁，不過芝士就要另加！ 而肉丸意粉又因為有茄醬所以我又係唔食嘅！但他們三個都話D meal ball 同意粉好正，仲 encore 多咗個添，咁你話正唔正呢？（可惜因為係兒童餐所以份量較少。）反而我就嫌炸雞條略乾及味淡，但阿仔話 Ok喎！至於個焗薯皮 D 味道就無咩驚喜、芝士味唔夠濃，或許我其望過高掛！ 其實佢哋嘅 Rib 味道都唔錯嫁，係個 look 稍為乾咗 D啫！不過，當隔離枱嘅西人們上果兩份 Full rib 果鎮；個 look 又唔太乾喎，但係實在太大塊嗱！個 size 成兩個人塊面咁大！（約14、15吋咁大）Full size $600幾蚊份，half size 都$300幾份，但足夠成家人食，都算幾抵食ㄚ！ 最估唔到係個芒果沙冰，照片個size 係大嘅（$40），好有芒果味；去開記住 order返個試試，因為汽水都要$20蚊，但係就任你飲（免費 refill）！ 值得讚係個甜品 Hot Brownie 同 chesse cake，冷熱新感受，凍嘅雪糕 on top，下面就有個熱嘅朱古力蛋糕，雖然個朱古力蛋糕唔夠“企身”，軟咗 D ，但係幾好味嫁！最好倆個人食，如果ㄧ個人就會覺得有 D漏。都係個 chesse cake 好味，夠鬆軟，唔會太實；芝士味都 Ok，但如果你要極濃芝士味就會嫌佢略淡！（照片欠奉！點解？因為食咗先記得囉…） 埋單加ㄧ總共 $615，都 Okㄚ！若果你想要食得抵 D 可以叫個 half $300份肉（裏面有豬、雞、牛、羊嘅肉），再唔係兩個人嘆番杯啤酒、整番個 Burger 都抵ㄚ！ A！佢哋除咗 兒童餐果款 Meal ball 肉丸意粉之外，就無其他意粉簡，個 menu 係好美式嘅；肉嘅種類多同埋仲有三文治∕Burger ！這點請注意！…Read More

真係無諗過會ㄧ個月去成兩次九龍城嘅小店食飯，可以無憂濾大飽口福！仲要係連續兩星期添！無其實佢 D 食物質數同水準都算 keep 得唔錯，由其响甜品方面！我覺得佢哋 D 甜品做得好過前幾個街口，標榜有酒店五星級大廚果間！雖然我唔係成日嚟尼度食，但每次都覺得食得好開心，不過美中不足係 D waitress 成日收碟就收得好似好急咁！仲有就係你千祈唔好 expect 個 Menu 有好多款式，雖然佢哋 D 選擇真係比較少，不過勝在次次嘅食物水準都 keep 得到，如果間食店款式多但又 handle 得唔好嘅話，咁粗製濫做就不如算了，所以想去試試嘅朋友就要諗吓啦–What do you want？ 第ㄧ個禮拜去係星期六，當然較為旺場啦！（較嘈）但係作為ㄧ個只係入去食野嘅人咪 Ok 囉！我同朋友帶埋自己隻魔怪ㄧ行四人（兩大兩小），都竟然只係食咗 $700 幾蚊啫相當抵！吓！咁貴？如果用ㄧ般人嘅常理梗係貴啦！但若果你知道我哋食咗幾多野，你就會 O 咗，然後會話『哇！你哋餓咗好耐ㄚ！』咁嗱！Ha ha ha！無乜野啫：–、2個小食拼盆、2隻生蠔、2碟乾蒜巴馬火腿意粉（走乾茄）、2個焗田螺、2個湯連2片自家製之香草飽、1個蕪花果沙律、另外 1個忘了是甚麼前菜、4 個甜品（2個朱古力軟心蛋糕、1個 酒布甸及 1個 Tiramisu）。覺得點呢？！如果係你你會唔會食得落呢？哈哈哈…响我哋隔離枱果 pair 情侶都只係點咗 1個牛扒餐同個朱古力軟心蛋糕炸。（不過差不多成 $200 嘅扒都算幾大塊嫁，而且睇落都幾 OK 呀！都有幾多人叫扒食嫁）！還顧四週都無張枱好似我哋咁大食囉！ 美味？！當然啦！我個人喜歡 D 巴馬火腿係無咁多肥膏嘅！但我們另外ㄧ隻魔怪就較為喜歡我上次帶佢去大埔果間意大利餐廳嘅巴馬火腿；因為果間 D 肥膏多 D 喎！我就 No 嗱……怕咗 D蘇味！咁梗係無我當年响尖沙咀 果間 Peninsula Hotel （半島酒店）度食嘅巴馬火腿咁香嗱！ 值得再三稱讚嘅係–佢哋個小食拼盆裏面嘅炸磨菇仍然都咁好味！外層嘅炸槳又薄，咬落去個磨菇好 juicy，不過小心燙口；因為有汁响入面所以好熱！ 到咗第二個禮拜，我們 6個朋友加埋佢可愛嘅囡囡，又去食飯，果晚係week day，所以食得好 relax 同傾得好開心，我哋先後 order 咗3碟意粉、1個焗田螺、1個小食拼盆同 3 個甜品，埋單都只係$400幾蚊炸幾扺唔抵食呢？…Read More