samesame's Profile

希雲街又有好野食，因為Eatigo關係，近排經常用特價去試一些餐廳，之前試過同一條街對面的拉麵，經過Woody看過餐牌，見食物款式及價錢亦合理，所以打算訂位試一試。平日的晚上，人不太多，但陸陸續續坐滿半間餐廳，地方雖不大，但感覺舒適，我點了Woody燒春雞$138, 見openrice說是必點食物，未食過咁滑燒雞，熱棘棘超正(雞胸肉除外), Woody鳗鱼飯$118, 原條鰻魚跟滑蛋十分配搭，蟹籽煙三文鱼意粉$76, 這款意粉好creamy而且煙三文魚咸咸地十分惹味，黑醋木耳小番茄$38, 木耳份量很多，但黑醋酸度不足，很想加醋或沙律醬點食，Dreyers waffle 窩夫$52, 甜品是這餐最扣分的，waffle超迷你而且過甜，希望是今次失手吧，特價後今餐只是$253！另外餐廳每晚有歌手演唱，令現場增添不少氣氛。這處是朋友聚腳和情侶共聚的好地方。…Read More

筲箕灣愈開愈多食店，但開得快又執得快，早餐好似好多選擇，但又好似冇乜好選擇，食物質素，價錢，店員態度等，有時亦令人卻步。某個星期六早上再光顧甜味美，因為星期日及假日不營業，已經有好多年沒有去。那天叫了雞翼紅腸出前一丁加凍奶茶，好像$33左右，雞翼的處理比幾年前好，不是炸(好像是), 一丁麵真爽口(不會預早煮熟再翻熱)，只是麻油少了點，如果可以自己後加更好。…Read More

第一次試左麟右李 ，位於時代廣場後街Holiday Inn酒店上，地方隱蔽，今晚試校長明蝦多士$68，香脆不太油膩，豚肉厚切叉燒併燒鹅$158, 燒鵝皮脆，叉燒超正夠腍惹味，豬手麵$42，麵ok但豬手普通，乾炒牛河$88，乾身不油，朋友喜歡，水餃麵$42, 水餃爽口，田雞滑雞粥$65，粥好綿及多料好鲜味。隔離枱叫了啫啫生菜煲$78, 好香好香。今次用eatigo有折扣優惠，所以今次可以半價試食，值得再來。I11…Read More

因為有折扣優惠，最近試了幾間食店。這間是位於希雲街的拉麵店 ，在via tokyo附近。前後去了兩次，試了黑蒜油半熟蛋拉麵$90，白鹽蝦半熟蛋拉麵$85，北海道牛奶半熟蛋拉麵$85、海苔肉鬆年糕$38,手工餃子$38，黑木耳$10，燒雞軟骨$32, 其實每一款都幾好味。個人比較愛北海牛奶湯底，味道濃郁，半熟蛋味美，但叉燒卻略硬, 雞軟骨$32有4串好抵, 加上我選擇了半價時段，所以以上所有食物也有半價，真的超平！…Read More

放假不外遊，留港揾食，路經鲤景灣去太古城，見有間鬼佬餐廳the salted pig ，有個2人tea set, 包兩杯飲品，有煙三文魚忌廉芝士意大利包，意大利臘腸配餅乾，意式烤豬配蘋果醬，韓式炸雞翼，醬燒豬肋骨，蘇格蘭溏心炸雞蛋，藍苺芝士蛋糕，雪糕泡芙，只是$199加一，而且環境十分舒適，令人有放鬆心情，活在當下的感覺，雖然不見得食物特別美味，但也是一次愉快的經驗。…Read More

筲箕灣東大街愈來愈熱鬧, 不同種類食店愈開愈多, 最近在銅鑼灣登龍街的新翠華亦搬到東大街後街, 地點不太覺眼, 上次試過小菜, 覺得味道好似咸了少少, 今日試出名的煲仔飯, 味道果然不錯, 吃到尾也是熱騰騰的, 吃完整個人都好溫暖! …Read More

食過好幾次炳記, 豬扖的確好味, 但係果個出前一丁, 麵質較腍, 好似是預早整定的, 不是即叫即煮, 湯底頗淡, 自己煮的出前一丁, 一定好味過佢, 咁好味的豬扖配咁差的出前一丁, 真係浪費, 希望炳記可以用心去煮好個麵, 佢地生意一定更好! …Read More

此店前後幫襯了四五次，有兩次係食唔到豬扖，皆因豬扖每日限量供應，最近增加每日供應嘅份量, 少左呢個問題，呢度整啲豬扖帶點酒香，鬆鬆軟軟，味道真係唔錯，而酸辣米線又真係幾辣，頗重手，我下次學精了，要清湯米線，酸辣另上，多辣少辣由自己話事，我最鍾意食係雜錦米線，有豬扖，餃子等5-6款不時轉換的餸菜，喏哂我呢啲貪心嘅人。…Read More

西灣河有好幾間日式食店，上星期又開多一間，門面幾光鮮，今天下午去幫襯，我叫了一個豚肉生薑燒定食($38)，附送湯、飯、蒸蛋、salad和甜品，另外叫了咖喱豬扖定食($42)，午市可優惠價$10兩件三文魚壽司。那個豚肉生薑燒，份量不少，豚肉薄切大塊頭，肉質頗"鞋"，而且味道過咸，以一間正式日本料理來說，真的不合格，但以$38+10%一個lunch set，又不能期望過高。另外一個咖喱豬扖定食，豬扖與咖喱汁分開上，咖喱汁甜甜地不太辣，非常好送飯，吉列豬扖皮是脆脆的，肉質一般，而附送的湯只是微暖，午市套餐也頗多選擇，豐儉由人。…Read More

平時勁多人，星期六下午茶時間可以不用排隊，我叫了一個餃子拉麵餐$83，選了鹽味湯底拉麵，湯底不夠惹味，义燒是很肥的兩小件，不夠吃亦不好吃，最好另外加义燒，湯很熱很熱，吃得我滿頭大汗。餃子皮薄餡靚，OK喎！最討厭是附送那半隻熟蛋，好普通，如果是溫泉蛋就好了，少有的免收加一。但是，不值得排隊去吃它的拉麵。…Read More

兩個人叫左一個豬扖丁，奶油蜜多，蛋牛治烘底、凍奶茶。豬扖麵像媽媽煮的愛心豬扖，幾惹味，賣相亦幾靚，可以感受到廚師的心機，奶油蜜多的麵包是厚厚提子包，甜甜地，十分香脆，蛋牛治烘底是先將一塊厚麵包烘底，再切開中間放入煎好的蛋牛，所以多士可外脆內軟，但不是滑蛋，扣分，但總算是心機美食。…Read More

我第一次光顧，所以唔知係差左定好左，這處最出名是Strawberry & Mango拿破崙，$26一件，個酥皮好鬆脆，芒果好甜，不過夾心好似芒果布丁的質感同味道，吃了半件時覺得好好味，再吃下去便覺得過甜了點和有點漏，下次都是吃半件夠了。…Read More

筲箕灣區勁多茶餐廳，但隨著物價高企，間間茶餐廳都加哂價，甜味美算是仍然保持價廉物美的一間小食店，其中一款西式早餐$17，有火腿通粉+腸仔蛋或火腿蛋+多士一件+熱飲一杯，這個早餐組合在筲箕灣內其他茶餐廳，多是高於$20以上，而且味道也不濟呢。另外早餐轉出前一丁加$2，涷飲加$2，這處下午茶也不錯，店主煮的出前一丁巧巧味呢!…Read More

此店前後光顧了三次，第一次去，睇見餐牌，樣樣都好想食，但只得兩個人，所以都係叫得兩碟小菜，叫左《走地沙薑雞》半隻，好似好耐冇食過咁滑嘅雞哪，又叫左《魚肚雜菌煲》($60) 啲魚肚好入味呀！食完呢餐，又念念不忘，好想試埋佢其他小菜，第二日又去幫襯，本來想叫《蜂巢炸蠔仔餅》$50，但老闆話要等45分鐘! 卒之叫左《話梅豬手煲》$48，小小話梅味，豬手好肥美，《南乳齋煲》$48，都幾大煲，沙薑三寶$48，有珍干、鵝腸和雞腳，鵝腸好爽呀，雞腳珍干可以唔食。而另一款小菜《燒汁白鱔片》$75，都好好味，食到尾聲鱔片仍是很脆，燒汁和白鱔片魚香混在一起，味道剛剛好。…Read More

此店位於時代廣場後街的一幢唐樓1/F，從樓下看上去是沒有任何招牌，只在大門側貼上一張小小的指示牌，此處約可容納十幾二十人，裝修都幾雅緻，當晚只有我們兩位客人，當出每道菜時，老闆都會簡單的解釋一番，朋友頗滿意今次的介紹。朋友最喜歡的是薄荷葉鮮茄和清酒煮大蜆，而我除了喜歡清酒煮大蜆外, 亦愛吃鮑魚雲吞和焗雞卷，而在吃食物之同時，或多或少都可以感受到老闆的誠意。此處不設加一，SHOW "DBS CREDIT CARD"有9折，即$171一位，但只收現金。…Read More