kwplau's Profile

店內環境不錯，平日都滿座我地叫咗兩個dinner set, 有湯, 沙律，主菜同甜品南瓜湯入口香滑沙律菜新鮮而醬汁非常開胃卡邦尼意粉足料，分量十足汁料美味:)蟹肉蟹棒南瓜汁燴意大利飯味道香濃而不膩，蟹子帶出鮮味飯軟硬度啱啱好，正個套餐包埋餐飲，實在超值。叫咗熱檸水而另一杯係涷咖啡值得一提係餐廳可以加錢點特色飲品。是日甜品係芒果雪芭冰凍好味，夏天啱哂。可以加錢叫其他甜品。佢有心太軟等等... 都非常吸引不過太飽所以無叫其他甜品!!…Read More

銅鑼灣上完堂就去搵食，一見到有小籠包就心心眼!! 小店格局，而當晩無虛席！但等數分鐘就有位子...位置方便，食物價錢合理!!生煎包底脆又熱而湯汁又多建議不要心急，要小心湯親紅油抄手味道濃稠而肉餡嫩滑，推介比喜歡食辣嘅朋友灌湯小龍包必點嘅點心，皮薄餡靚，肉汁澎湃做得好有水準, 大滿足上海粗炒炒得好香同埋麵有韌性而加上冬菇，肉絲同菜令味道更加豐富紅燒肉湯麵清湯麵配上紅燒肉平衡了肉嘅油膩感紅燒肉燉得非常入味而肥瘦均混…Read More

嚟間餐廳位於高層，享有旺角靚景我地book早少少，可以睇到天未黑嘅景。餐廳居高臨下，叫埋杯野飲，感覺幾輕鬆!!!而到夜晚就已經坐滿，可見餐廳受歡迎程度 👏🏻👏🏻👏🏻我地點咗多人推介嘅frozen berry 同 paradise punch 餐廳侍應好好，而佢推薦了好幾道菜Caesar Salad + Garlic Sautéed Shrimp 芝士夠濃，温泉蛋熟得啱啱好，菜新鮮所以脆而蝦煎得金香，整體嚟講幾正tomato soup + Mushroom & Black Truffle Soup 上湯嘅同時，有埋個熱辣辣嘅飽配Tomato soup 番茄味濃而酸酸地非常開胃另外Mushroom & black truffle soup 個黑松露非常香濃而不膩 Miso salmon + mushroom strozzapreti (意大利手卷意粉伴野菌和辣肉腸)兩個主菜都非常滿意個三文魚肉質嫩滑，唔會乾同熟到老，而下面茄子煮得非常入味！個汁好配之餘唔會蓋過食材本身鮮味 另外意大利手卷意粉好有口感，上面芝士味濃，野菌新鮮好味，辣肉腸野味得嚟唔會太辣，整體味道一流，回味無窮Molten chocolate 這個甜品做得唔錯，外面脆入面切開流心朱古力溶出嚟配埋雪糕食幾好!!! …Read More

想唔到購物商場裏面都有間好講究嘅漢堡店!!入到去環境寬敞又無油煙味，坐耐少少都唔怕雖然漢堡睇落樸實，但係食落去就知道佢用料一啲都唔馬虎。食材不但新鮮，每份嘅蕃茄蔬菜洋蔥比例平均，做到好Perfect嘅口感。牛肉漢堡扒柔軟帶韌性而且配合半溶芝士，味道好豐富同每一啖都食到肉香和肉汁，令我嚟個漢堡迷很滿足。鵝肝牛肉漢堡咬落去好juicy, 而鮮蘑菇牛肉漢堡菌味香濃，兩個漢堡都令人回味無窮牛油果醬芝士薯條醬汁新鮮而薯條炸得香脆可口店裏除咗汽水喝品之外，仲有咖啡等 點咗個Iced green tea latte …Read More

佢安排咗房間入面嘅大枱比我地房會比較靜啲，外面可能嘈好多!!我地個個都好鐘意佢個小籠包，未來得及影相就已經清哂，仲叫咗幾籠先夠佢嘅小籠包皮薄肉又多汁都有叫佢其他嘅餸... 例如佢出名嘅茶薫鴨都非常美味!! 仲有鱔糊同排骨都唔錯!! 不過當晚因為太忙，有啲餸點咗無嚟！等得太耐，之後迫於無奈取消咗！唯有下次再嚟食過 …Read More

好耐無食過日本野，因為近排唔想食咁多生冷野所以去居酒屋食串燒!!我地點咗好幾樣野, 因為年三十又臨近年尾收爐, 佢餐牌上好多嘢都沽清!! 叫得慢啲都無得食!!!我幾鐘意佢個燒雞泡魚乾同鰻魚壽司 仲有雞翼同牛舌都燒得唔錯 !! 佢啲食物熱辣辣，一燒好就拎去比人客!! 確保食物質素!!! 唔錯嘅餐廳!!下次一定再去食，要叫啲今次沽清嘅食物!!! …Read More

跟男友提早幾日慶祝情人節入到去氣氛浪漫，好多情侶都食緊燭光晚餐!!帶位個人好貼心，幫我地keep住啲花，唔洗咗住我地用餐!!我地一人點一份扒同啲side dishes,佢side dishes 係分開上雖然無點頭盤，一塊10安士嘅牛扒已經令我飽灑再加埋 hand cut chips 同沙律, 對女士嚟講真係好夠!!講到甜品，女士們係第二個胃叫咗個 opera cake, 濃濃嘅朱古力味令嚟餐先完美 可能情人節食咩都開心, 我男友就話個蛋糕味道一般咋!! …Read More

我地行街見到佢有 tasting set dinner, 就去訂位食!!訂位個時仲特別要求坐窗邊...佢環境幾靚同靜!!每位$400, 但係份量十足!! 食到飽飽!!頭盤點心做得非常精緻, 不過味道普通普通冬蔭功湯足料香濃，蝦夠大隻, 不過辣咗一啲肉質唔夠鮮味但汁料配撘得幾好我最喜歡嚟度菜，撈飯一流，食唔停雖然蟹唔多肉，味道不錯，但佢嘅薄餅唔夠熱有菜去清清肥膩，不過不失甜品賣相幾靚!! 但係已經太飽，只係食咗少少。…Read More

今日心血來潮想食中菜，就約埋幾個朋友食晚飯!餐廳距離中環地鐵站只係數分鐘腳程，放工過去都極為方便。而且環境清靜舒服，同朋友食飯傾計係不錯嘅選擇！ 我地點咗好幾道菜，食到非常飽同大滿足！ 海葡萄沙律菜味道清新開胃嘅前菜，配上海葡萄增加口感。配撘新鮮特別 胡麻貢菜鮮合桃芹菜加合桃口感爽脆，加上芝麻醬很配 川辣小炒王名同顏色睇上去以為淨係等個辣字，但係食落去先知辣味無蓋過食材嘅鮮味!! 依然食得出蓮藕肉片等等嘅味道，師傅功夫了得！炒得好野味 厚切叉燒皇本來以為傳統燒臘鋪先可做出咁好嘅叉燒！肥瘦均混，外面香甜脆口又有肉汁 ！比個 like 姬松茸燉花膠同天山雪蓮燉海星聞落去已經香噴噴，一開個壼見到非常足料，而且熱辣辣，適合冬天飲啲湯水進補!! 用埋個茶杯，真係別有一番風味 鮑魚幹撈水晶粉絕對唔係得1隻鮑魚去取名，好多隻鮑魚!!! 而且唔係咬極都咬唔開個種，味道香濃!! 正 海綿叉燒包同鮮蝦金魚餃間餐廳其中一樣最正嘅嘢就係有埋點心去照顧我嚟啲唔鐘意早起但想食點心嘅朋友佢嘅點心做得精緻好味!! 和風櫻花蝦炒飯雖然已經有啲飽，但係都停唔到口食埋個炒飯!!炒飯配上櫻花蝦變得更加美味!! 濃湯咸燒骨奶白菜再來個菜，個湯清清地...感覺健康好味!!飲咗幾啖湯，清新不油膩!! :) 詐糊最後叫埋甜品先完滿!!賣相一睇就知特別，我地玩咗一輪影咗好多相先食麻雀原來係椰汁糕，銀紙係米紙!!真係估佢唔到!! 聽朋友講嚟個係必叫嘅…Read More

本來想食炸雞，但係炸太油膩所以選擇咗烤雞會比較健康:)星期四放工去，7點半已經差不多滿場...可以見到烤雞受歡迎程度👏🏻👏🏻👏🏻我地得2個人，但係都點咗3樣嘢食點咗個cheese in the city嘅鐵板芝士蜜糖咖哩烤雞，想試試不同菜色又點咗粉絲蛋卷同炒年糕(小辣)烤雞甜甜地，食落又有咖哩味慢慢出來，配埋芝士味，味道豐富!! 芝士味唔會太濃所以唔會太膩!! 蛋卷嘅蛋好滑，包得好好，食個時唔會跌到周邊都係...都幾足料大份炒年糕就特別要求小辣，侍應好貼心，如果佢唔問我地就唔記得... 年糕，腐皮同粉絲炒得好入味年糕囗感唔錯, 又香囗，小辣剛剛好!!我發現嚟間餐廳可以經網上外賣平台外賣，十分方便!!…Read More

聽聞嚟家越南粉個湯底好正，所以去試試！餐廳位置方便，行樓梯都到，唔洗排隊等lift。環境舒服，如果一班朋友可以坐旁邊嘅卡位，傾計會靜啲。我地叫咗特式牛湯粉+牛坑腩片牛筋片拼牛腩邊湯粉+小食拼盤+牛油果奶昔落完單侍應就比咗個香料盤栽我地，餐墊張紙有寫香料嘅類別，真貼心本來以為牛油果奶昔怪怪，完來好香滑美味，又有濃濃嘅牛奶味。小食拼盤有蝦餅，春卷同雞翼。蝦餅爽口彈牙，配埋個甜酸辣醬實在一流!雞翼外脆內嫩，又有肉汁春卷香口又唔油膩之後香噴噴嘅牛湯粉好快到，先來喝一口湯㡳！果真味道十足，想必係用足料同時間去煮 牛腩邊有口感，啲牛牛好好味!!食到非常飽飽，真係眼闊肚窄…Read More

屋企係堅尼地城府近, 就試下嚟間火鍋店...佢係樓上鋪，行樓梯上到去間鋪頭感覺幾舒服...我地上到去就點咗雙併湯底: 清㵎椰子螺頭雞湯+番茄手尾鍋椰子雞個湯底好香同好養生咁，配翠肉鯇一流!!番茄個湯就好濃!! 2個湯㡳嘅料都好足再點咗個牛魔王拼盤, 乜都有最正係個白色個個牛橫格膜, 配番茄湯爽口又入味!!其他牛肉都好新鮮，特別手切牛頭脊好好味仲點咗香草帶子菜苗餃子，雙拼丸，翡翠苗等等樣樣食物都新鮮好味!!份糧好足，我地仲食埋湯㡳嘅雞同牛尾…Read More

經過見到台灣餐廳就走入去試試, 鋪頭細細只有幾張檯同一個開放式廚房。係台灣人主理，感覺係好正宗地道嘅台灣菜！我見餐廳不停有外賣訂單，都幾忙。百頁豆腐花技丸 - 個豆腐好彈牙，有啲似魚腐，囗感特別, 花枝丸就無乜驚喜。有小許菜係下面。滷雞腿肉燥麵/飯 - 肉燥汁味道不錯，濃度啱啱好。滷雞腿都ok, 不過值得一讚係個麵，好滑同柔軟度適中，食落幾Q彈! 下次會試試佢嘅牛肉湯麵。好好彩，我地食完滷雞腿先售罄。有其他人客想點都無！…Read More

嚟間泰國菜位置好方便, 環境好靚同舒服!我本來想食醬爆蝦丸，但佢唔賣啦。記得好多年前食過超好味, 仲念念不忘 我點咗個椰青，幾消暑解渴又清甜可口!! 啱哂出面行完身水身汗之後飲！又點左個泰式炒通菜，辣辣地裡面有面豉，好惹味又炒得好香，食過唔停!! 再嚟大蝦波蘿焗飯, 啲蝦仲要好多膏爆出嚟加埋肉鬆係上面同波蘿酸酸甜甜，味道好夾!!! 最後係青咖哩軟殼蟹鍋, 包埋法包同埋炸左咗嘅軟殼蟹另外上，蟹下面有薯仔。個侍應話可以放軟殼蟹落煱或者係放青咖哩汁上啲蟹度食。兩種食法，我鐘意放汁上面，啲蟹會脆好多！個法包外脆內軟，點汁食一流!!! 食完咖哩再飲噃啖椰青水，真係絕配 …Read More

A nice sushi dinner with my family! We requested to be seated at the bar table, so the rotation sushi is right in front of us. We picked few from the rotation sushi and ordered some from the menu. The hand roll (uni, salmon roe and chopped tuna) is highly recommended!! …Read More