mozcyc's Profile

哩間細細個就食開 但自從搬屋後已經十年無幫襯過 諗住番去懷舊一下印象中以前店員熱情友善 但今次真係食到一肚氣 我叫左要一碗粉仔之後 中年女店員無任何回應 淨係對男店員做出🤷🏻‍♀️動作 佢地交換左幾次眼神之後男店員問我坐邊 咁我就指一指張台話"我坐嗰度"男店員竟然話"所以呢?" 然後佢地露出不屑嘅笑容'切'左一聲！女店員再同男店員講"未俾錢" （點解唔直接同我講 而要同男店員講呢？我企係你面前咋大佬）其實我一早已經揸住啲錢諗住一叫完就俾錢 係女店員乜反應都無俾我 完全無視左我 再透過男店員同我溝通先至會令到落個單都咁困難未試過用客嘅身份被如此無禮對待！哩世都唔會再幫襯！完全唔明點解女店員可以無視客人 食物水準正常 但員工態度極差 完全無專重客人 對客差過對狗 其他食客去前請三思！ 如果真係要去 請搵店中相貌慈祥嘅婆婆落單 佢對客態度比較正常…Read More