阿財的個人專頁

同二家姐與姐夫..去完長沙灣步入深水埗差不多兩點，便決定去合興旺食個下午茶。餐後我們大致感覺如下：白菜湯：白菜很淋，湯亦很入味，很好。忌廉磨菇湯：湯帶點磨菇味，但味道不及中湯好，普通。干炒牛河：牛肉味一般，但很夠鑊氣。銀芽肉絲炒麵：麵身冇炸脆，餸多個麵，不過味道ok的。星州炒米：料很多，炒米配上大量咖哩粉，辣辣地幾好味。熱奶茶：夠奶味，茶味就一般。總括而言，20蚊一碟野..有湯又有茶...真係仲可以邊到搵。…查看更多

今日與二家姐同姐夫到長沙灣/深水埗一帶行吓...路經順興隆店前便入內食d野。熱豆腐花：豆腐花微暖，豆味唔係好突出..但算幾滑。煎釀豆腐：豆腐味唔錯..魚肉味一般。凍豆漿：味道ok。…查看更多

今日下午同家姐來左這裡食野..叫了豉椒排骨炒麵、奶油多和熱奶茶。豉椒排骨炒麵：排骨有點肉味，炒麵半煎..食落幾香脆。加上帶了微微豆豉味既獻汁，整體味道不錯。奶油多：充滿煉奶同牛油味..味道幾好。熱奶茶：茶同奶味都算ok。…查看更多

今日諗住在佐敦既維多利食完野，再去尖咀行街睇野..在店內向伙記叫了黑椒牛柳絲炒意配熱奶茶。黑椒牛柳絲炒意：意粉配上微辣既黑椒粒和洋蔥..食落很惹味，而牛柳絲味道亦唔錯。熱奶茶：茶味同奶味都好平均，滿意。…查看更多

今日去旺角行吓，行到去金魚街，竟然碰上二家姐同姐夫..真是巧合！了解過後..原來他們是來睇魚的。商議後我們3人結伴一起行魚街..可惜最後，他們都是空手而回找不到心水靚魚。離開金魚街冇幾遠..我們便決定入"富豪"內食番個下午茶...我叫了蛋治，家姐同姐夫就要了菠蘿油和沙爹牛肉飽，另再加3杯熱奶茶。食完味道感覺如下：蛋治：麵包夠軟熟，但沒有蛋汁..所以蛋味不濃，麻麻。菠蘿油：酥皮唔同外面其他店般容易散，幾好..而且味道亦ok，只是個飽唔夠熱。沙爹牛肉飽：牛肉份量多，但牛肉同汁完全冇味，整體味道唔掂，不合格。奶茶：有茶味，奶味亦夠，俾想像中出色..滿意。最後結論，除左個沙爹牛肉飽外，其他食物還說可以..勉強俾個OK啦。…查看更多

華貴村因為小食肆關係，通常D人會迫晒去大家樂...但有時想坐得舒服d靜d同人傾吓偈..我就會選擇來這裡食野...而且這裡的食物水準都唔錯呢！今次我叫了蛋治和凍奶茶。蛋治：麵包幾軟熟...蛋亦很多...如果蛋汁多d就更好..凍奶茶：有茶味..奶味亦十足..幾好。 …查看更多

今天幸運地在馬仔方面贏左小小，便決定同媽打、二家姐和姐夫在去開既大快樂餐廳食晚飯....我地簡簡單單叫了三餸一湯，味道感覺如下：蝦仁炒蛋： 蛋夠滑..不錯，蝦亦有蝦味..幾好。例牌雞：雞肉嫩滑，保持水準。菜心炒牛肉：菜心稍為老左小小，牛肉味道唔錯。白菜豆腐魚雲湯：豆腐食落帶點酸味..扣點分，但湯味道是幾好的。…查看更多

今日陪家姐去CWB攞d野...攞之前先去東湖飲番個下午茶。幸運地我地兩人去到時已經可以入座無需等位...最後，我倆叫了以下點心：豉油王抄麵：麵上的豉油色澤深厚，食落味道不錯，只可惜整得稍淋..如能夠爽些味道將會更好。生根湯鴨掌：鴨掌味道幾好..生根吸上湯汁食落非常可口。蘿蔔糕：失敗之作！完全冇蘿蔔味...粉多...一夾就散。叉燒包：叉燒餡料味道唔錯...ok!沙翁：灑上白糖的沙翁...咬落尚算軟熟，而且味道亦都不錯。…查看更多

在西環行左一段時間，最後決定在士美菲路街市內既源成興食d野...我叫了西多士配熱奶茶。西多士：炸得金黃既西多士，加上糖漿同牛油..食落非常之好味，唔錯。奶茶：有茶味，但奶味不足...差些。…查看更多

今日悶悶地決定去西環附近行吓..而且順便去英記試吓佢地既麵食。去到店內已發覺幾乎爆滿，幸好今次只是一條冷..還可以搵到一個座位坐下，最後我向店員點了碗牛腩河。牛腩河：送到臺面時已發覺份量不小，而在牛腩同菜心面上灑上蔥花，賣相吸引...湯底看來是清湯底，飲落還算清甜，牛腩牛味唔錯，肉質唔會太un...ok。菜心爽口..河粉味道亦都幾好...整體黎講是一碗不錯的牛腩河，感覺滿意。…查看更多

買完東西，路經中國冰室入去食d野透一透...我叫左個小食餐(雞脾薯條配凍奶茶)。雞脾薯條：雞脾表皮炸得很香脆..肉質食落都唔錯，只稍嚴咸了些。薯條上檯時熱辣辣，食 後感覺ok。凍奶茶：奶味幾濃，茶味ok，幾好。 …查看更多

今晚大家姐同姐夫請我地一家人到MegaBox既小南國食飯，我地叫左個招牌宴(半席)，食完感覺如下....四喜烤夫：味道唔錯ok...山珍雲耳：有芥末味...算爽口。金瓜絲海蜇：味道可以。花膠紅燒肉：花膠有咬口..唔錯。肉就煮得實左d..如果整得再淋些就比較好。河蝦仁：蝦味一般。龍蝦炒年糕：唔得！全部人食左小小冇食，龍蝦煮得過un...年糕味道亦麻麻。八寶鴨：鴨肉味道唔錯，糯米飯煮得過濕，令d飯痴到一pat pat...唔夠粒粒狀。松子大海班：酸酸地...幾醒胃。咸肉百頁小棠菜：腐竹un了些..小棠菜ok...砂鍋雲吞雞：雲吞大粒，味唔錯。小籠包：包內有上湯，都幾好食。棗泥千層糕：味似南棗，但食落感覺一般。雪梨水：每人一杯，味道淡淡的..沒什麼特別。…查看更多

今午一個人去左深水埗電腦商場行吓睇吓野‧‧睇完便途步去金魚街方向睇吓魚仔，行到冇耐見到36餐廳，諗起有次同家姐姐夫路經店外，見到門外的餐牌價錢好似幾吸引‧‧便留下了一點印象，今次咁啱經過而又未食野，便決定入去試吓‧‧ 我叫了個下午茶餐：軟豬骨河粉(細)+凍奶茶‧‧軟豬骨河粉 ： 碗內大約有5至6舊軟豬骨，咬落唔會un‧‧都有點肉味，雖然唔係好好食果 隻，但都不過不失，而河粉煮得啱啱好，唔會太淋 ，反而個湯底就淡左小小 。凍奶茶 ：用上不锈鋼杯，令奶茶冰涼感覺不會流失得太快，而奶茶茶味亦調配得不錯，飲落尚算滿意。…查看更多

　　今天大家姐和姐夫帶阿媽同我去流浮山球記食海鮮....去到佢地點左東星斑、皇帝蚌、瀨尿蝦、抄聖子、菜心同啤酒汽水。　　東星斑肉質幾嫩..蒸得恰到好處..唔錯。皇帝蚌下了蔥花同粉絲食落很鮮味..瀨尿蝦啖啖肉..加上椒鹽很野味。抄聖子有青椒紅椒苦瓜拌碟，咬落味道很鮮甜。菜心普普通通冇咩特別。…查看更多

因為之前家中的舊式電視機壞了..今日二家姐和姐夫陪我去灣仔格價睇吓有咩型號LCD TV適合,睇電視途中已經知道天文台轉了３號強風訊號...當我們睇完轉去銅鑼灣方向途經豪華便入內食番個下午茶...我地３人叫左沙嗲牛肉麵、油占多、蛋牛治和凍奶茶。沙嗲牛肉麵 - 先講麵..麵用福麵,姐夫不是太喜歡。而牛肉方面食落太淋,相信用了太多鬆肉粉的原故..另外,見周圍有３..４個人都是食豬扒麵,應該較沙嗲牛麵好食吧..油占多 - 家姐覺得包質鬆軟,而且還暖暖的..至於果沾味道冇咩特別,整體味道ok....蛋牛治 - 用免治牛肉加蛋製成既蛋牛洽,牛肉份量唔多..所以帶唔出什麼牛肉味,而蛋味亦唔太濃,一般...聽家姐講叫剩蛋治相信會好d...凍奶茶 - 飲落ok..我們３人都覺得調製得唔錯...最後,我們３人結完帳,冒著大雨..繼續我地既格價之旅...…查看更多