foooodie's Profile

白郎君- 九州傳統拉麵豬骨湯每日熬煮9小時至奶白色，入口醇厚順滑，但完全不油膩，飲完唔會覺得口渴！溏心蛋入味而且色澤靚呈橙黃色，但略嫌慢煮黑豚肉比較淡味同少少韌。期限定君- 極．黑松露慢煮黑豚拉麵豬骨熬製的湯底上鋪滿即刨新鮮法國黑松露🤤 上枱時已經覺得松露味濃郁😈 大滿足！另外仲加配左唐揚炸雞同餃子，推介炸雞！皮薄軟綿嫩滑，啖啖肉又juicy好好食😆 餃子都煎得不錯，表皮脆脆的，入面不乾有肉汁，可以一試！…Read More

星洲龍蝦叻沙摻摻 配鮮油咖央多士（$128）叻沙湯底濃而不膩，椰香唔太重亦都唔太辣；米粉同油麵口感不錯，索滿湯汁；開邊龍蝦肉質唔鞋又冇雪味，抵食！鮮油咖央多士- 牛油擺左一陣都冇溶，大大塊好邪惡😮 咖央味椰香味唔重，味道好似細個食既忌廉棒😂海南雞飯配雞雜冬瓜湯 ($78）海南雞份量唔算太多，無論雞脾定雞胸都好嫩滑，沾上泰式辣醬食好好味；雞油飯加入日本花菇、元貝同多種香料烹調，調味恰到好處，乾身又香口，不錯! 參巴醬通菜 (+$20) 炒得辣辣咸咸，比較濃味。椰青 (+$28)非常冰凍，清甜解喝，特別係食完喇沙飲一流，晚餐加配好抵飲！蛋白杏仁茶(+$25)Dinner set唔飲杯嘢可以加配呢個糖水，超大兜😂 質地唔係好稠，味道比較甜杏仁味唔太出，但蛋白好滑🤤…Read More

鰻魚炒蛋牛窩夫($118)炒蛋滑溜，鰻魚厚肉，蒲燒汁入味得黎唔會過甜😍 croffle外酥脆內唔會濕濕地有浸雪味。墨魚汁意粉配帶子蟹肉($168)帶子鮮嫩，意粉口感不錯，整體調味比較淡。Al forno wings (buffalo) $88/ 6pcs水牛城雞翼沾滿酸辣醬汁，略嫌外皮淋左少少。Tiramisu ($68)手指餅沾滿咖啡酒，但依然保持外脆，咖啡味亦都非常濃烈，面頭嘅mascsrpone chees 幼滑，出色喔！Halloween special drink - no eye see ($88)Ginger ale x strawberry , blueberry & lychee。荔枝冰波波入面再加粒藍莓，真係好似一隻眼😂 加上血色既果汁，驚嚇度 🆙 ，應節打卡飲品，但味道就🤔 earl grey 水果茶優勝。…Read More

店舖嘅手工啤酒放滿幾個雪櫃，有幾十款分別來自本地同唔同嘅國家😱 店員耐心咁逐一介紹，再根據客人既口味薦適合手工啤😍桃味啤酒味道甜甜的，容易入口，店員話介紹過比好多女孩子都好喜歡😂 我都覺得好好飲☺️ 另外仲試咗Berry Cider，味道偏酸，酒精濃度比前者濃一點。除咗手工啤，野食都唔錯。美國安格斯平鐵牛排軟腍冇筋，略嫌grill得燶左少少。法式油封鴨髀皮脆肉嫩，中東包都好有驚喜非常鬆軟，入面有滿滿既拉絲芝士。…Read More

鬧市中的花花世界🌸 Cafe由門口到入面每一個角落度都放滿色彩繽紛嘅花卉，令人少女心大爆發！香草芝士拿破崙蝴蝶粉($109)蕃茄味濃郁味道好鮮，加上鹹香既煙肉，蝴蝶粉亦煮得好有口感，不錯！香草忌廉什菌意大利飯($86)飯粒 粒粒分明但又唔會過硬，忌廉汁濃稠，比較濃味但略嫌味道有點單調。蝶豆花綠茶($45)打卡一流的漸層飲品，清清地綠茶一杯。玫瑰花釀紅茶($45)玫瑰花香味好岀，味道唔會太假，呢杯甜度高d。…Read More

珍奶、炸物、蛋餅、牛肉麵每樣野都好好食沒甚麼可挑剔🥺好呷炸物拼盤($48)花枝丸、甜不辣、四季豆同玉米荀。呢度嘅甜不辣好厚肉，口感煙銀勁好趙，魚味好出。其他炸物都皮薄香脆，面頭撒上左椒鹽粉，香口惹味。超濃芋泥蛋餅($38)餅皮非常薄身，口感軟糯，帶微微煙韌感☺️ 捲住煎蛋、澎湃芋泥同拉絲芝士，亦有少許肉鬆，但三者不會互搶，芋泥的風頭不會被蓋過。芋泥非常綿滑，有芋香不會過甜，恰到好處的味道！超好吃的芋泥蛋餅，芋泥&芝士滿滿但都唔會食到咁濟，我地二人輕鬆KO一碟再食到其他野。秘製麻辣牛三寶麵($78)湯底超麻啊食到個嘴都痺了😂 做到咁麻辣但係個湯底係完全唔油😲 牛腱肉質超厚身超大件 ，肉質超軟腍仲有啫喱狀既膠質，牛筋更加係炆到好似肥膏咁腍，第三寶就係牛肚不過我唔食內臟所以交左比朋友青蛙撞奶($24)原來係鮮奶+ 黑糖珍珠😂 非常香滑，奶味濃郁，珍珠煙韌唔會太甜，不錯！鐵觀音珍珠奶茶($24)鐵觀音茶味好岀，濃度啱啱好唔會苦澀唔會濃到頭赤赤，點了微甜少冰剛剛好！真心比茶飲店做得更加出色！…Read More

經典芝士煎蛋牛肉漢堡包($35)漢堡扒煎得香脆，肉質軟爛，加上半溶芝士同流心蛋，係港式傳統漢堡包嘅味道☺️檳城風櫻花蝦炒蛋奶油多士($30)炒蛋炒得唔乾有蛋汁，加入櫻花蝦非常香口，好有特色😲 多士係用上丹麥多士，外酥脆內鬆軟而且唔油，有驚喜！波士頓龍蝦摻摻($88)龍蝦肉質唔夠爽彈，但喜歡呢個喇沙湯底好惹味，而兩款麵既口感都好特別好好味😆油麵好滑身又冇油溢味，米粉口感似粉絲x蒟蒻麵😲咖喱牛筋腩飯($62)咖喱唔會太辣帶微微甜，牛腩炆得軟腍入味。另外+$9要左燉湯，椰子味清甜，好多湯渣好足料，估唔到茶記都有咁高質嘅燉湯😮 港式茶走紅豆冰($88)紅豆冰飲得多，茶走紅豆冰就比較少見。奶茶香滑不澀，加埋滿滿嘅紅豆又唔會太甜，不錯不錯。…Read More

五月星既午市套餐包小食，之前食過覺得唔錯，原來晚市+$32 就可以任食😍 最喜歡涼伴海帶，好爽口，有少少麻辣，但辣度輕微😌 黃金皮蛋都好推介，外皮晶瑩剔透，內裏係呈橙黃色既溏心蛋黃💁🏼‍♀️ 宜家LIKE AND SHARE 仲有得+$10有一碟台灣腸x花枝丸超抵阿😮招牌紅燒牛肉麵($73)台灣牛肉麵好好食，湯底有少少藥材味帶點甜，味道非常濃郁但係完全唔油膩！刈包($32)呢款都係必食！刈包包體軟熟，入面既五花腩非常肥美，肥膏入口即溶，重點係有香口既花生碎，再連埋酸菜同青瓜，超好味！黑糖珍珠撞奶($28)珍奶有拉花真係第一次OMG😱 黑糖味好出所以會偏甜少少，好有奶香，珍珠又好煙韌，唔錯啵！…Read More

喺觀塘開源道尾既轉角 有一間唔太顯眼嘅小店，原來係主打台日料理既良心食堂😮 平日Lunch hour 成日都爆滿，食物款式多，價錢都幾合理👍🏻麻辣魯肉乾畔麵加貢圓湯($58)辣醬好麻好辣，好多好肥美既魯肉😮 $58 仲有芋圓湯同前菜加甜品，好抵食！蟹黃冷烏龍麵($88)麵條比拌麵更有嚼勁，蟹肉份量頗多，清爽的一款，啱晒夏天食😆另外仲試咗兩款小食😿 鹽酥雞皮少少厚，炸得香脆不油膩，不過真係好似巴辣香雞😂 地瓜條就外脆內綿滑，好清甜，不錯！甜品就試咗仙草芋圓，入口滑身食落口感煙韌，配上紅豆同花奶好好味！…Read More

貝汁鹽味拉麵($128)貝汁湯以60斤大蜆，再混合豬骨同魚清湯每日新鮮熬製！ 味道有別於平時食開嘅日式拉麵，好有新鮮感，但略嫌鹹咗少少😂 另外拉麵仲加入左白松露油同牛肝菌醬，所以松露味非常香😍 薄切叉燒亦都非常肥美，肥膏部份更有入口即溶嘅感覺～自家製豚肉煎餃($68)唔知大家會唔會同我一樣，每次去日本拉麵店都一定會叫餃子💁🏼‍♀️金色不如帰既豚肉煎餃好好食呀😍 皮薄口感煙韌，唔會煎得太乾硬，咬落肉汁咇晒出嚟，推介大家一定要試！一口芝士脆豚($70)炸得非常酥脆，豬肉入邊有流心芝士，香口惹味，但略嫌有少少筋。白桃焙茶($38)白桃味道唔會太人工，焙茶味好出，呢個配搭幾特別又幾好飲喎！…Read More

油麻地呢間外賣三文治店我非常推介️💁🏼‍♀️ 麵包好鬆軟，內餡豐富惹味，連奶茶都唔錯架💁🏼‍♀️香濃沙嗲牛肉滑蛋三文治($30)沙嗲醬真係超香濃，花生味都幾岀，仲食到花生粒粒，加埋滑蛋同洋蔥超惹味！芋泥肉鬆三文治($30)芋泥香滑仲有芋頭粒粒，有芋香但肉鬆太香口被蓋過，整體來講足料好味！士林台式香酥蛋餅($35)餅皮用上手抓餅，即叫即製脆卜卜好好味！入面捲上超強拉絲芝士、肉鬆、雞蛋同火腿，好邪惡好好味！樽仔奶茶奶茶好香滑，茶味又唔澀，好飲啵！…Read More

招牌四寶湯河($60)湯底清甜不油膩，有齊生牛肉、牛腩、牛丸同牛展，既有濃郁牛香又不失嫩滑口感，略嫌牛𦟌筋部比較多；越式河粉通透順滑，影相浸咗好耐都唔覺得淋，不錯！越南豬扒撈檬($56)豬扒肉質鬆軟腍，醃得好入味，撈入秘製魚露酸甜汁清爽惹味！炸魚餅炸魚餅超好食，炸得香脆不油膩，推介！蝦醬雞中翼炸得香脆炸粉唔算太厚，略嫌蝦醬味唔夠岀。總括黎講，以呢個價錢食到 32年老字號 同馬來西亞最好既越南餐廳之一😲 值得一試！…Read More

之前買nuttea嘅時候已經留意到呢間超靚嘅咖啡店💐 可惜想試既bagel 同 peanut butter cheesecake當日都冇，唯有試下其他pastry🤥 Matcha Latte woww 拉花超靚😍 抹茶味濃郁不苦澀，而且順滑冇粉感，不錯！Raisin Scone 超大的一個Scone🤭 質感係外脆內jam口那種🧐Chocolate Muffin 翻熱後外脆內鬆軟，喜歡面頭好似brownie咁既脆皮，驚喜切開後有滿滿的朱古力醬😲Carrot Cake 肉桂味岀，如果鬆軟濕潤d就好喇！總括黎講，Latte比較岀色，下次會試下咖啡😍不過可惜冇座位，企係到食會有d狼狽，建議大家外帶返office 慢慢嘆😃 …Read More

本身諗住嚟試下流心牛角包，點知發現Afternoon Tea好抵食😲 重點係甜點鹹點每款都好好味😱 強烈推介俾大家💁🏼‍♀️3- Layer Afternoon tea set ($258 for 2)ღ鹹點ღ唔似平時食開嘅tea set得啲凍嘅三文治同pastry，竟然有熱辣辣既煎黑松露帶子同黑毛豬腩😍 1️⃣香煎黑松露醬北海道珍寶帶子：帶子超大隻厚肉鮮甜，上面仲有黑魚子醬😱 2️⃣黑毛豬腩：個皮脆卜卜，再加上酸甜莓醬解膩又夾，超驚喜！3️⃣慢煮雞沙律卷: 類似越南既米紙卷，煙韌薄皮包入雞肉再混入適量沙律醬👍🏻4️⃣蟹肉牛油果三文治：唔似平時tea set啲凍嘅三文治，呢個係烘過嫁😍入面夾住一層好creamy既牛油果蓉😌ღ甜點ღ鹹點岀色，甜點同樣都有驚喜😲 5️⃣鮮莓酥餅：千層酥超酥化，上面仲搽滿nutella 同士多啤梨😍6️⃣白松露芝士蛋糕：入口超軟滑，好似食緊cream咁，之後松露味就湧岀黎了😱第一次食松露既甜品，有驚喜😍7️⃣慢煮真空焦糖燉蛋：蛋滑到好似牛油咁😍驚喜食到底仲有莓醬，一大杯都完全係可以👅到乾淨晒🤫8️⃣焦糖咖啡爆谷慕絲- 咖啡味超濃，加上質感比較流質類似泡沫，所以好似飲緊espresso咁😍 配埋甜品食都幾夾阿😁爆漿蟹膏流心牛角包 (tea set +$48)牛角包酥脆，切開超爆漿，但又冇淋濕晒牛角包體😲 難怪咁多人推介😯Sesame Latte (tea set +$25)濃到好似芝麻糊咁，應該係我飲過最濃芝麻味嘅芝麻latte🤫Sparkling peach cheesy (tea set +$25)奶蓋唔算好幼滑，成杯野飲mix埋有d似乳酸梳打都幾得意😎享慢煮意📍中環善慶街9號地舖…Read More

在家係我既觀塘愛店之一，旋風滑蛋飯係世界級的正，刺身丼又鮮甜，佢既健康沙律餐飽肚又好味，我個個星期都至少食一次🥰 在家係大圍既新店進化成居酒屋，多左好多野食🤗 除左必點既旋風滑蛋鰻魚丼，今次仲試左壽司同埋串燒🤗香蔥吞拿魚腩碎海膽卷 ($88)卷物上舖滿海膽同呑拿魚蓉，呑拿魚蓉感覺用上近魚腩既位置，打成蓉亦甘香肥美，而海膽都好鮮甜。底部既蟹柳卷都唔馬虎，包住粗身蟹棒啖啖肉，足料抵食！七味豚肉串($28)調味恰到好處，肉質爽彈好喜歡！自家製月見免治雞肉棒 ($38) 免治雞肉棒混入左雞軟骨碎有咬口，沾上溫泉蛋汁一齊食好滋味！旋風滑蛋鰻魚丼（$98）超掛住呢個滑蛋飯，真心係我喺香港食過最好味既日式滑蛋飯🥰 大大座旋風形蛋塔賣相一流，半熟滑蛋非常滑溜，蛋香濃郁🤤 飯入面藏有多片鰻魚，肥美而且蒲燒得非常入味，連埋沾滿蛋汁既珍珠米一齊食超惹味！…Read More