Catherinexd d的個人專頁

前幾日朋友生日，見到咩菜式都試過，咁就試吓呢一間忌廉烏冬造型咁特別嘅舖頭咁就叫咗忌廉烏冬同埋吉列牛定食，仲叫咗南瓜薯餅其實個忌廉烏冬造型好特別，完全打卡一流。食落去都好有咬口彈牙，仲要裏面嘅雞肉都好大同多既。價錢都算經濟實惠至於吉列牛定食就認為有少少貴，雖然口感都唔差，但份量就唔係好多，試過一次就算南瓜薯餅，餡料非常紮實食兩塊都超級飽，但都唔使抱太大期望不過個人認為店員態度有待改善，基本上唔點理客人，佢哋又會自己傾偈。真係打卡就算…查看更多

上年其實已經嚟過一次，環境好舒適同埋員工好nice今次朋友生日再嚟多次，順便分享吓個人認為好食嘅嘢首先嗌咗個芝士薯條，佢嘅黑松露有好多好多，食落去都係鮮炸，令人喺傾偈嘅時候不停咁食特別推介佢嘅雞肉Pizza佢嘅芝士放得好重手，所以食落去係好厚身既芝士，但唔會係好硬，反而係好濃郁，重點係真係好平，$100都唔洗！平時自己整都唔止呢個價啦🤣最後呢個就見仁見智，唔係特別鍾意食中東菜，不過嚟到當然要試吓，佢嘅香料實在太特別，可能我唔太鍾意食羊，唔知點解有羊so味，但我已經係叫雞肉😂，不過嚟到我都會建議試吓，起碼知道味道如何都有叫埋嘢飲同shisha但就唔記得影相，但shisha造型幾靚，佢都好用心幫你整口味。shisha先200 ，已經係經常黎幫襯所以今日成日人均先290左右…查看更多

呢排成日同朋友傾起片皮鴨，所以就係咁搵，通常片皮鴨都好貴，點知比我發現K11有一間片皮鴨竟然係逢一至五下晝有半價優惠首先當然要講返我哋嘅主角片皮鴨，切得岩岩好，同埋好脆。但唯一缺點皮有d厚同硬身，同埋唔夠多皮，所以食到最後只可以單食跟住講吓小籠包，可能太專心食片皮鴨，可能只係過咗10分鐘左右，開始食小籠包，都仲係暖嘅，但唔會話係熱辣辣嘅湯汁入口，所以不過不失最後一樣係雞絲粉皮，朋友就唔太鍾意，因為覺得個花生醬太濃，但我反而覺得啱啱好，因為本人都幾重口味所以呢個好值得推介最重要係半價後茶錢+1後先好似人均140，仲要地標係k11 已經值回票價！…查看更多

朋友生日，但因為疫情問題，安全起見所以選擇咗一日一小蛋糕揀Lafamille 係有朋友唔鍾意食太cream既蛋糕 所以每次呢個朋友生日都係揀返呢一間咁今次買左伯爵茶、朱古力、士多啤梨、香草其實之前都試過買一個大嘅士多啤梨但今次試過伯爵茶之後，成為左我最愛伯爵茶嘅味道好香又好濃郁…查看更多

同朋友行咗太耐街，所以就係形點諗住隨便搵一間坐低食嘢點知......周圍都係人 仲要睇個形勢都應該要排好耐隊所以行吓行吓，就見到Pizza express係冇咩人 可以直接記入去同埋見到精選套餐個價錢都還可以接受咁我地就選擇左四人餐叫咗個pizza兄弟 原來係一邊辣肉腸茄汁加一邊係素食既，老實講呢個份量四個人完全唔夠但佢都算係有兩大賣點，第一係打卡影相幾靚 ，第二就係佢夠薄皮 好脆！再叫咗個牛油果醬麵包，勁正！點牛油果好夾麵包食，超快已經食野雞肉凱撒沙律🥗呢個係勁夠份量因為佢係超多，最後我地都係食唔晒，佢嘅菜係超新鮮！至於意粉就不過不失…查看更多

作為黃大仙嘅街坊，相信都成日會去意八食野以最抵嘅時間就係下午茶以我覺得意八最好食既就係珍珠飯所以下午茶就有一個日和芝麻燒雞炒珍珠飯，仲要先$38！仲附送一杯野飲（但就係要熱飲唔使錢）所以都叫咗杯熱奶茶點解我會覺得珍珠米咁好食，主要係佢炒得好有鑊氣，係真係粒粒分明，重點係每一粒都勁有味道差唔多我每次嚟都必點咁第二個就係黑木耳九州叉燒泡珍珠咁呢一個我都係試咗一啖 ，感覺就係湯加飯感覺就普普通通咁我覺得其實人均先$38，算真係好抵食我覺得只要唔過40都唔錯加上環境都舒服…查看更多

個日約左朋友出街，到夜晚朋友同我推介阿木話好好食，就咁去排隊試下，朋友已經同我講咗可能要排半個鐘頭隊既心理準備。當時係6:24拎籌最後等到8:47先食到，其實真係有啲估唔到要等咁耐，有啲餓過龍嘅感覺店員都好好，預先比定餐牌俾你睇咗先再俾你揀咁就可以喺嗰啲時間諗食咩所以我地揀左紅燒牛肉麵、麻辣肉操拌麵、一份家傳鹽酥肉、兩杯冬瓜茶一開始我仲以為點解唔麻辣嘅，原來佢個底有好多麻辣嘅辣醬撈完之後佢嘅麻辣香味已經噴出黎，食落去都係麻辣但又唔係好辣，麻嘅感覺居多，好正好鍾意呢個口感！呢個係朋友點嘅牛肉麵鹽酥肉真係勁脆口，肉又好鮮嫩如果你問我會唔會再去 ，我既答案係會！但係個日一定要比較多時間預去排隊好鍾意佢個麻辣拌麵…查看更多

朋友生日，所以一早預約左平昌，接電話嘅係韓國oppa ，可以簡單溝通到預約。上到去嘅時候係爆場，所以早到都要等，但遲10分鐘就會被取消預約，所以都係建議提早到。上到去佢一嚟就會比小菜 包括泡菜同芽菜咁醬料就會有三種，三種都幾唔錯我地叫左198既任食最鍾意係個串燒 炸蝦 同埋薄切肥牛個串燒嘅肉係好嫩口 呢個炸蝦重複叫咗三次 每碟炸蝦有四條好食嘅點係 佢唔會有過多嘅炸粉 所以咬落去都好鮮味而薄切肥牛加埋左佢嘅醬汁 一個字正！佢仲有個辣嘅豬肉 都好正 呢個係我地枱人都不停叫既朋友叫咗個湯，但表示好多味精:(但不得不提嘅係，佢地員工非常盡責因為佢地會不停巡視睇下所有人嘅爐使用既情況 再幫你換爐 佢地真係好細心 因為就算食牛角都要自己舉手先可以換爐 但呢一度唔使 佢地真係會留意緊你地嘅情況 仲有！係呢度唔使收切餅費 都係一大加分位總括而言 我會返嚟再食其實仲有雪糕但我就太飽 所以冇去望有啲咩雪糕…查看更多

當晚朋友有心事，所以相約喺牧羊少年度等咁入到去係比其他餐廳燈暗，真係非常適合傾偈咁我就點左士多啤梨既，味道不錯大家就隨意點左餐，味道都不錯，但份量略嫌少所以再嗌左一個小食拼盤同蛋糕，加埋份量就好足夠。小食拼盤絕對係新鮮炸出嚟，因為每一個小食都超熱同好香脆總括嚟講，食物唔錯，但最出色嘅都係佢環境，俾人感覺好舒服，可以俾人係個度傾心事暢所欲言。美中不足嘅係:(，當日上餐時間略嫌耐，其餘都唔錯，會吸引我再次同朋友去。…查看更多

因為聽講校長燒肉好出名 咁有時經過都見到係排晒大隊 一直都好想試，咁有一日終於約到朋友去食，老實講我覺得佢差過漢和雖然可以同時燒肉同打邊爐，但老實講食物質素一般，炸物係自取 咁我係食晚市，但個炸物係俾個照燈照住，好似完全冇問題，但一食落口唔知放左幾耐。如果硬係要揀一款食物讚賞，咁應該係豬頸肉，都算爽口。其餘食物都不了令我最覺得憤怒嘅係我估唔到佢只係放張紙喺度，完全唔會換爐，本身食物係有油，放左紙可能比較吸油，但問題就係燒完一次基本張紙都玩完，重點係下面個底已經燒焦晒，我以為佢會換爐，點知只係隨便換張紙，完全唔知有咩意思。總括來講校長燒肉係我食過最失望嘅燒肉，可能睇到咁多好評，完全唔知好係邊。…查看更多

事源同朋友行左勁耐街，諗住隨便搵一間放題食，咁見呢一間都好多好評就諗住試下，點知真係有驚喜到。同其他放題一樣有好多張紙可以揀咁佢仲有壽喜燒、部隊鍋同雞煲可以揀一個，一齊同放題食，我就揀左壽喜燒，肥牛分量十足同埋好大塊呢個係牛柏葉，但佢同一般既牛柏葉有少少唔一樣，帶有麻辣味，岩曬鍾意食辣野嘅人佢個芝士年糕非常有咬口，雞翼仲要係超熱咁送過黎，外脆內嫩，講起又想食雞翼不得不大讚賞上圖嘅壽司，由於太好食叫左三輪刺身方面，食材非常之新鮮，玉子梗係好厚咁送上黎甜品方面都係自取既，但特別點題呢一個三文治雪糕係有驚喜到總括係食得勁飽，同埋係度要大讚員工，因為我攞咗筷子去掂生嘅肥牛，員工馬上重新再比對筷子我，呢件事係我冇要求底下佢自動比，俾我感覺好窩心，覺得係員工真係有留意到我嘅需要。我所以佢嘅食物同埋員工會令我有再去多次嘅意欲…查看更多

成日都同同事食好西，呢一間我已經食過四五次先寫食評，香港雖然有很多韓國食物店鋪，但是最正宗和令人不能忘記的就是Dodam Chicken餐廳很有趣的一點，是在餐廳內設立自助形式的小吃（粉絲，泡菜）和飲品自取。這樣便可以因應自己的喜好去拿取小吃！餐廳的泡菜非常入味，並且很解麻辣。炸雞方面是點了香辣無骨雞，這樣便可以方便不用弄臟自己的手，真的是有點辣。所以可以有泡菜解辣，很過癮！同時又點了卡邦尼年糕，年糕是在卡邦尼海中，很棒，恨不得打包醬汁拌面而薄餅方面就點了黑松露薄餅，它是我見過薄餅中最薄又脆，有濃濃的芝士，加上黑松露簡直是幸福的一天重點嘅係佢既lunch set 真心好平！！！每人都係需要70至80就可以！CP直勁高…查看更多

同朋友行行下apm就餓，所以就同朋友揀左一間都出名既，一入到去就已經見到環境好寬敞。唔使同人迫埋一齊食有超級多唔同類型嘅選擇呢一個係因為叫咗佢個火鍋送嘅肥牛，就咁睇到肉質唔錯然後一路打邊爐一路都有嗌刺身，可以兩邊咁樣食，而刺身方面非常爽口同埋好鮮甜，所以又再不停追加佢嘅炸雞翼，真係非常好食，因為係好脆口但又唔會覺得食咗好多炸粉串燒亦都係我好鍾意嘅，因為以前我哋去買包嘅時候就都會有呢條串燒，但而家已經會買少見少，竟然可以喺呢度食返當時嘅感覺同味道，讚童年嘅感覺即刻出返晒嚟甜品方面最鍾意就係佢嘅提拉米蘇，完全係東海堂嘅提拉米蘇，係可以做到最底層好濕潤而最頂層嘅可可粉放得啱啱好佢呢一部仲有好多唔同嘅雪糕，仲有好多唔同嘅嘢飲，而我通常飲得最多嘅就係佢嘅支裝茶，飲完可以再食…查看更多

兆萬一向多野食，左揀右揀，就想試下新既。所以就同朋友來到呢間試下鋪頭都可以納幾多人，同埋睇得出佈置非常用心，即刻俾人一種係日本嘅感覺去得食放題，一定會叫番壽司。而呢個牛油果壽司係好夾唔會撞曬味 所以有番叫佢仲有炒牛柳粒，火候控制得好好，所以令到好有咬口但又唔會太老豬頸肉亦都係我至愛之一，豬頸肉最緊要爽口，而佢係完全做到我要求。自己可以一碟食曬，不過我係有d誇張 所以其實可以同朋友一齊share 食但係如果你都鐘意食豬頸肉，其實真係可以一個人食曬串燒又係大推好正因爲有燒汁。而蝦都好有水準呢個煲d蟹好多，好抵讚炸鮮奶，一咬落去就有鮮奶漏出，好鐘意咬完有野漏出，好驚喜而牛肉就幾好，不過不失佢仲有我最愛嘅炸雞翼，一流…查看更多

生日飯局己經食左好多，就係未食西餐。但又諗到食邊間，所以就係THE ONE 見到就隨便入左去。入面都格局都好舒服，可以比朋友傾下計，唔會好嘈。餐單上有好唔同種類既野食，仲可以叫酒，可以同朋友小酌一杯。不過因為先好早就冇叫到啦。兩個人叫唔到咁多，就要左兩個，一個PIZZA 同一個意粉Carnivore Pizza 係好基本既PIzza 佢好足料，因為佢仲有餡料辣肉腸、意大利辣腸、火腿、辣椒、同埋配燒烤醬。好岩食肉既朋友，但係個底好軔好勁難切Carbonara意粉，有好濃郁蛋汁同芝士融左意粉到，所以唔乾身。再加上煙肉完全係好配…查看更多